D zãms Ket-y n gũusdẽ! seb-bilã
Dũniyã gill zugu, d na n zãmsa Ket-y n gũusdẽ! seb-bilã tigimsã sebr zãmsg sulẽ, yʋʋmd 2005 sig-noy kiuugã rasem 23 semennã tɛk n tãag sigr kiuug rasem 20 semennã. Tik-y sogsg nins sẽn pʋgdã zut n deng n segl tigisgã. Sebrã zãmsg taoor lʋɩt na n kell n tika sogs-kãens zut tigisgã wakat me. Zãmsgã wakate, b na n karma seb-nens nins b sẽn wilg zãmsgã yĩngã, la sẽk sã n beẽ bɩ y karem verse nins b sẽn sõdg n naagã.
Sig-noy r. 23 semennã
◼ Seb-neng a 3-4: Yɛl nins b sẽn sõdg ka wã sʋka, bʋg n paam yãmba? Bõe n wilgd tɩ pa yɛl sẽn wa yaar n pa tar võore?
◼ Seb-neng a 5: Bõe n wilgd tɩ nebã yell sɩd paka Wẽnnaam? Wãn to la d tõe n wilg tɩ Wẽnnaam daabã pidsg sɩd paka tõndo?
◼ Seb-neng a 6-8: Matɩe 24:1-8, 14 wilgdame tɩ yɛl nins sẽn maand dũniyã zug rũndã-rũndã wã võor yaa bõe? Bũmb nins sẽn be 2 Tɩmote 3:1-5 wã wilgdame tɩ tõnd vɩɩ wakat bʋgo? Bõe yaoolem day la bõn-kãens wilgda? Bõe n kɩt tɩ yãmb kɩs sɩd tɩ Biiblã sɩd yaa Wẽnnaam Gomde? Rĩung ning b sẽn moondã yaa bõe?
◼ Seb-neng a 9-10: Bõe yĩng tɩ d segd n tags neer sard nins d sẽn dɩkdã, la yɛl nins d sẽn lʋɩɩsd taoor d vɩɩmã pʋgẽ wã zutu? (Rom 2:6; Gal. 6:7) Y sẽn ges sogsg nins sẽn be seb-neng 10 pʋgẽ wã, y tẽra verse bʋs sẽn segd n sõng yãmb y vɩɩmã nens fãa pʋgẽ?
Sig-noy r. 30 semennã:
◼ Seb-neng 11: Bõe yĩng tɩ tõnd ned kam fãa segd n leok sogsg nins b sẽn sok zĩ-kãensa wã? (1 Kor. 10:12; Ef. 6:10-18) Tõnd sẽn leokd sok-kãens to-to wã na n wilga bõe a Zezi saglgã sẽn be Matɩe 24:44 pʋgẽ wã wɛɛngẽ?
◼ Seb-neng 12-14: ‘Bʋʋdã kaoob wakat’ yell b sẽn gomd Wilgri 14:6, 7 pʋgẽ wã yaa bõe? ‘Zoe Wẽnnaam la f waoog-a’ wã rat n yeelame tɩ bõe? Babilon kãsengã yaa bõe, la bõe n na n paam-a? Bõe la d segd n maan Babilon kãsengã wɛɛngẽ masã tɛka? Bõe me la b reng n togs tɩ na n zĩnda bʋʋdã kaoob wakate? Tõnd sẽn pa mi Wẽnnaam bʋ-kaoorã sẽn watã ‘daar la a wakatã,’ tõe n kɩtame tɩ d maan bõe? (Mat. 25:13)
◼ Seb-neng 15: No-koeemd ning sẽn wẽed naam sẽn ka to wã poorẽ la bʋgo, la a segd n kɩtame tɩ ned kam fãa maan bõe?
◼ Seb-neng 16-19: “Yĩngr paalgã” la “tẽn-paalgã” yaa bõe? (2 Pɩɛ. 3:13) Ãnda n kãab-ba? Yĩngr paalgã la tẽn-paalgã na n waa ne toeen-bʋse? Rẽ yĩnga bõn-kãens na n nafa tõnd ned kam fãa bɩ?
Sigr r. a 6 semennã
◼ Seb-neng 20-1: A Zezi kõ a karen-biisã keoog-bʋgo, b sẽn da segd n wa zoe n yi b tẽnga wɛɛngẽ? (Luk 21:20, 21) Wakat bʋg la b tõog n zoe n yi tẽngã? Bõe yĩng tɩ b ra segd n zoe n yi tẽngã tao-tao? (Mat. 24:16-18, 21) Bõe n kɩt tɩ neb wʋsg pa sak keoogrã? Wãn to la neb tusa naf Sin la Filipin b sẽn sak keoogr yĩnga? Bõe n kɩt tɩ d segd n sak Biiblã sẽn keoogd tõnd dũni kãngã saabã wɛɛngẽ wã meng n yɩɩda? Sẽn mik tɩ masã yaa yãgb wakatã, zɩɩb bʋg la tõnd tara? (Yel. 24:11, 12)
◼ Seb-neng 22-3: Bõe n kɩt tɩ b sẽn da keoog nebã tɩ sabab n wat Ostrali yʋʋmd 1974, la Kolõmbi yʋʋmd 1985 wã, neb wʋsg pa kelge, la baasa wãna? Rẽ yĩnga sã n da yaa yãmba, y na n saka keoogrã bɩ? Bõe yĩnga? Bõe n tõe n kɩt tɩ d bãng tõnd sã n da na n saka keoogrã bɩ d ra pa na n sak-a, d sã n da zĩndẽ-la a Nowe wakatẽ wã? Bõe yĩng tɩ neba ra rat n zĩnd Sodom pʋgẽ wall zĩig sẽn pẽ beenẽ? D sã n tags bũmb ning sẽn maan Sodom pʋgẽ wã zug neere, wãn to la d tõe n dɩ a yõodo?
Sigr r. 13 semennã
◼ Seb-neng 24-7: Tik-y “Zãmsgã sogsg” nins sẽn be seb-neng 27 wã zugu.
Sigr r. 20 semennã
◼ Seb-neng 28-31: Tik-y “Zãmsgã sogsg” nins sẽn be seb-neng 31 wã zugu.
D sã n zãms seb-bilã, na n sõng-d lame tɩ d ‘ket n gũusdẽ’ la d segendẽ. Bɩ d kɩt tɩ d koe-moonegã wilg wakat fãa tɩ bũmb ning malɛkã sẽn moonã yaa yãgb bũmbu. A yeelame: “Bɩ y zoe Wẽnnaam la y waoog bãmba; tɩ bõe, bãmb bʋʋd kaoob wakat taame.”—Mat. 24:42, 44; Wil. 14:7.