D segl d mens n yɩɩl n pẽg a Zeova d tigissã sasa

¹ Tigissã seglg baoodame me tɩ d segl d mens n wa yɩɩl n pẽg a Zeova. D ges d sẽn tõe n segl rẽ to-to.

² D bao n wʋm yɩɩlã gom-biis võore: Vɛrse rãmbã sẽn be yɩɩll fãa sɩngrẽ la a baasgã sõngda tõnd tɩ d bãng yɩɩllã gom-biisã sẽn yit zĩig ninga.

³ D zãms yɩɩlã: Zakã zaabr Biibl zãmsgã sasa, zakã neb tõe n yãka wakat bilf n zãmsd yɩɩn-paalã. Y tõe n tũuda mizikã n yɩɩnd yɩɩl nins b sẽn na n yɩɩl tigisgã sasa wã. Y sã n kelgd yɩɩn-paalã sẽn be CD wã zugã, na n sõng-y lame tɩ y tõog n wʋm gom-biisã võore, la y sẽn tog n yɩɩl-b to-to.

⁴ Bɩ d fãa modg n segl d mens n wa tõog n yɩɩl yɩɩn-paalã tigissã sasa. Y sã n maag y yĩng n wʋm yɩɩlã võor la y zãms-b yɩɩlgo, y na n tõog n yɩɩl-b-la sõma.