Bark bee nimbãan-zoɛtbã zutu

1. Nimbãan-zoɛtbã la Wẽnd nonga,

rẽ n kɩt tɩ bãmb tar sũ-noogo.

Nin-kãens yeta sũ-tɩrs rãmbã tɩ

nimbãan-zoɛt la Wẽnd nonga.

A zoee tõnd fãa nimbãanega,

n tʋm Krist t’a ki tõnd yĩnga.

A sẽn mi tɩ d yaa tẽng tomã,

a kõta d yel-wẽnã sugri.

2. Bark bee nimbãan-zoɛtbã zutu.

B paama b yel-wẽnã sugri.

Kristã sak n kii bãmb yĩnga,

tɩ b tõe n wa paam Wẽnnaam sugri.

Neb nins sẽn paam Wẽnnaam sugrã

ratame tɩ b taab me paame.

B yeta bãmb tɩ b tall raoodo,

tɩ Wẽnnaam Rĩungã kolgame.

3. Bʋ-kaoorã daarã sã n wa ta,

nimbãan-zoɛt na n yãa Wẽnd nonglem.

A sẽn zoe neb nimbãanegã,

Wẽnnaam me na n dol-a lame.

Bɩ d kell n yɩ nimbãan-zoɛtba,

n kõt taab sugr wakat fãa.

Bɩ d maan woto daar ne a to fãa,

wa Wẽnnaam ne Krist sẽn maandã.