Wẽnnaam Gomdã tara yõod wʋsgo

1. Ad Wẽnnaam sebrã kareng bee yamleoogo,

A kõta nebã laafɩ la bãane.

A goamã yaa sõma, la tar pãng wʋsgo.

A pukda ned nin la kõt nebã yam.

Seb-kãng yaa Biiblã, Wẽnnaam sẽn kõ tõndã.

Yaa neb toor-toor la Wẽnd yãk tɩ b gʋls-a.

Yaa neb sẽn da nong Wẽnnaam la sẽn sak-a.

A kõ-b-la a vʋʋsem sõngã tɩ b gʋlse.

2. B wilga bũmb nins Wẽnnaam sẽn naanã fãa,

n yeel t’a naana bũmb fãa ne a pãngã,

tɩ sɩngrẽ wã ninsaal ra zemsa zãnga,

la b wilig sẽn kɩt t’a kong arzãnã.

B goma Wẽnnaam malɛk a ye yelle,

sẽn yeel tɩ ka zems tɩ Wẽnd yɩ naab ye.

Yaa a kɩɩsgã n wa ne yel-wẽnã la kũumã.

La keta bilfu, tɩ Wẽnnaam sãam-a.

3. Tõnd tara sũ-noog wakat kãngã menga.

Kristã naamã rɩɩb zoe n sɩnga saasẽ.

Masã yaa tõnd Wẽnnaamã fãagrã daare,

neb nins fãa sẽn sɩd tũud-a wã yĩnga.

Yaa Biiblã pʋgẽ la d yãt koe-no-kãensã,

t’a kareng tar yõod wʋseg ne tõndo.

A sõnga neb tɩ b paam sũur pʋgẽ bãane.

Ad yaa sebre, tõnd sẽn tog n karme.