A Zeezi maoongã maasem yĩnga, kũum na n vʋʋgame

A Zeezi kũumã tẽegr sõngda tõnd tɩ d bʋgs bark nins d sẽn na n paam beoog-daarã zugu. Wala makre, kũum vʋʋgrã. A Zeova ra pa naan ninsaal n dat t’a ki ye. Rẽ n so tɩ ned sã n maan kaalem bɩ sãamd sũur wʋsgo. (1 Kor. 15:26) A Zeezi sẽn yã t’a karen-biisã yãbd a Lazaar kũumã, yẽ me sũur sãamame. (Zã 11:33-35) A Zeezi sẽn wõnd a Ba kɛpɩ wã, d tõe n kɩsa sɩd t’a Zeova me sã n yã tõnd sũy sẽn sãam d ned kaalem yĩnga, pa noom-a ye. (Zã 14:7) A Zeova yãgdame n na n vʋʋg wẽnd-sakdb nins fãa sẽn ki wã. Tõnd me segd n gũu wakat kãng ne d sũur fãa.—Zoob 14:14, 15.

A Zeova sẽn pa zũnd-zãnd Wẽnnaamã, yaa vẽeneg tɩ kũum vʋʋgrã pa na n yɩ yaar ye. (1 Kor. 14:33, 40) Vʋʋgrã sasa, kʋy pa na n le zĩnd ye. Tõe tɩ d na n tigimda taab n deegd sẽn vʋʋg-bã. Yãmb ned sã n ki, y mi n tagsa kũum vʋʋgrã yell bɩ? (2 Kor. 4:17, 18) Y pʋʋsda a Zeova bark a sẽn sak t’a Zeezi ki tɩ yɩ maoongã bɩ? Y wilgdame tɩ y sũur nooma a sẽn sõng-d tɩ d bãng tɩ kũum na n vʋʋgame wã bɩ?—Kol. 3:15.

• Y zoa bɩ y roagd a bõe la y rat n yã ne y sũur fãa vʋʋgrã sasa?

• Ãnd yell la b gom Biiblã pʋgẽ, tɩ y gũud ne y sũur fãa n na n yã-a, la y sõs ne-a?