Yɩɩll 33
Ra zoe-y bɛɛbã ye!
1. Kẽng-y-yã mam nebã,
moon-y Rĩungã koɛɛgã ne raoodo!
Da rig-y bɛɛbã taoor ye.
Togs-y sẽn nong-b sɩdã,
tɩ mam Bi-nongr a Zezi Krist
riga Sʋɩtãanã saasẽ,
la a na n pag-a-la bok pʋgẽ,
tɩ nebã paam b mense.
(REESGO)
Mam zo-rãmba, ra zoe-y bãmb ye.
Baa bãmb sã n zabda ne-yã.
Ned sã n sɩɩs mam kaset soaba,
yaa wa a sẽn tuk mam nifu.
2. Baa yãmb bɛɛbã sõor sã n waoogẽ,
baa bãmb sã n yɛɛsed yãmba,
bɩ b sã n gomd gom-nood ne-yã,
n bẽt sẽn pa gũusd-bã,
mam tãb-biisi, ra zoe-y bãmba,
baa zabrã sã n wɩng wʋsgo,
mam na n sõnga yãmb sẽn yaa m nebã
la m menes bɛɛbã fãa.
(REESGO)
Mam zo-rãmba, ra zoe-y bãmb ye.
Baa bãmb sã n zabda ne-yã.
Ned sã n sɩɩs mam kaset soaba,
yaa wa a sẽn tuk mam nifu.
3. Ra tags-y tɩ m basa yãmb ye.
Mam yaa yãmb pãng la y gãongo.
Baa bɛɛbã sã n kʋ yãmba,
mam tõeeme tɩ yãmb vʋʋge.
Ra zoe-y neb nins sẽn kʋʋd yĩngã,
la b ka tõe n kʋ sɩɩgã ye.
Teeg-y maam hal yãmb yõor tɛka,
tɩ y na paam vɩɩm sẽn kõn sa!
(REESGO)
Mam zo-rãmba, ra zoe-y bãmb ye.
Baa bãmb sã n zabda ne-yã.
Ned sã n sɩɩs mam kaset soaba,
yaa wa a sẽn tuk mam nifu.
(Ges-y Tõo. 32:10; Neh. 4:8; Yɩɩl 59:2; 83:3, 4.)