Zeova, tõnd pʋʋsda foo barka

1. Zeova, bark wʋsgo! Tõnd sũyã yaa noogo,

fo sẽn kɩt tɩ d wʋmd fo Gomdã võorã.

Barka, fo sẽn sak tɩ tõnd tõe n gom ne foo,

la d tõe n bas d yell buud fãa ne foo wã.

2. Zeova, bark wʋsgo, fo sẽn tʋm fo Biigã,

t’a wa maan fo raab n tõog dũni wã.

Bark ne f sẽn sõng tõnd tɩ d tũud fo so-sõngã,

n tõe n maan wa tõnd sẽn pʋlem foo wã.

3. Zeova, bark wʋsgo, fo sẽn sak tɩ d moondẽ,

n na n sõng nebã tɩ b bãng fo raabã.

Barka, fo Rĩungã sẽn na n wa ne yolsgo,

tɩ d fãa paam barka, wakat sẽn kõn sa.