YƖƖLL 31
Tũ Wẽnnaam
B sẽn ẽnprimi
(Miise 6:8)
1. Tũ Wẽnnaam ne sik-m-menga.
Nong Wẽnnaam la f maan sɩd ne-a.
Kell n teeg a Zeova bũmb fãa pʋgẽ,
la f bas tɩ yẽ meng sõng foo.
Bɩ f tũ yẽ goamã sẽn yaa sɩdã,
rẽ la f pa na n bʋdge.
Ket n saked Wẽnnaam noyã,
n bas t’a wilg-f sore.
2. Bɩ f tũ Wẽnnaam ne pʋ-peelem,
la f tags bõn-sõma yelle:
Sẽn tog ne pẽgre, la sẽn yaa sɩda,
la sẽn tar kaset sõngo.
Fo sã n kell n tags bõn-kãens yelle,
Wẽnd na n zĩnda ne foo.
Sẽn wa n yaa yell ning fãa taoore,
a Zeova na n sõnga foo.
3. Bɩ f tũ Wẽnnaam ne sũ-noogo.
Da yĩm t’a yaa fo zoa ye.
Pʋʋs-a bark a sẽn kõ-dã fãa yĩnga.
A barkã ka tar tɛk ye.
Bɩ f tũ Wẽnnaam la f maan sũ-noogo.
Yɩɩl n pẽg-a daar fãa.
Rẽ nebã fãa na n bãngame,
t’a Zeova la fo Wẽnnaam.
(Ges-y Sɩng. 5:24; 6:9; Fili. 4:8; 1 Tɩm. 6:6-8.)