Kom-bɩɩse, pelgd-y y pʋs n sõsd ne y roagdbã

Bõe yĩng tɩ y tog n pelg y pʋs n togs y roagdbã y tagsgo? (Yel. 23:26) Bala yaa a Zeova n kõ b noor tɩ b ges yãmb yelle, la b wilg-y sore. (Yɩɩn. 127:3, 4) La na n yɩɩ toog tɩ b tõog n sõng-yã, y sã n solgd-b y zu-loeesã, la bũmb nins sẽn kɩt y maand yɩɩrã. Sẽn paase, y pa na n tõog n dɩ yam ning b sẽn paam b vɩɩmã pʋgẽ wã yõod ye. Rẽ yĩnga, y sã n solg y tagsg bũmb kẽer wɛɛngẽ n pa togse, yaa wẽng bɩ? Pa wakat fãa la yaa wẽng ye. La y segd n gũusame n da wa belg y roagdbã, n wa kɩt tɩ b tẽed bũmb sẽn pa sɩd ye.—Yel. 3:32.

La y maanda wãn n sõs ne m roagdbã sõma? Modg-y n bao-y wakat sẽn yaa sõma ne yãmb la ne bãmb me. Sã n mik tɩ yaa toogo, y tõe n gʋlsa b nin-yend lɛtre, n togs y tagsgo. La b sã n wa rat n sõs ne yãmb bũmb y sẽn pa rat n sõs zugu? Tẽeg-y tɩ b sɩd rat n sõng-y lame. Ges-y y roagdbã wa neb sẽn be n na n teel yãmba, b pa y bɛɛb ye. Modgr ning y sẽn na n maane, n pelgd y pʋs n sõsd ne y roagdbã na n nafa yãmb y vɩɩmã tõre, la wakat sẽn kõn sa yĩnga.—Yel. 4:10-12.

ES-Y VIDEO WÃ: BI-BƖƖLMÃ ZU-LOEESE: M MAANDA WÃN N SÕS NE M ROAGDBÃ SÕMA. RẼ POOR BƖ Y LEOK SOGSGÃ:

• 

  Bõe la a Ɛstɛɛr ne a Partik wa n bãng bãmb mensã zugu?

• 

  Yam-bʋg la d tõe n dɩk a Zeezi mak-sõngã pʋgẽ?

• 

  Bõe la y roagdbã maanda, tɩ wilgd tɩ yãmb yell pak-b lame?

• 

  Biiblã sagl-bʋs n tõe n sõng yãmb tɩ y tõog n sõs ne y roagdbã sõma?