Y sẽn tõe n maan to-to n dɩ Biiblã zãmsgã yõodo
Bao-y ned t’a sõng-yã: Kos-y ned ning sẽn kõ yãmb seb-kãnga wã t’a zãms-y Biiblã, wall y kẽ tõnd sɩtã pʋgẽ n gʋls n kose. jw.org.
SAKÃ PIPI BABGÃ
Karm-y sull fãa ne sogsgã sẽn yaa tagd-tagdã (A), la vɛrse-rãmbã (B) sẽn wilgd zãmsgã zĩis nins sẽn tar pãngã. Karm-y vɛrse nins b sẽn yet tɩ b karmã.
SAKÃ BABG A YIIB-N-SOABÃ
Bũmb ning b sẽn yeel (D) D bao n bãng n paasã tẽngrã wilgda bũmb nins y sẽn na n yã wã. Gom- zu-bi wã (E) wilgda bũmb nins yell y sẽn na n gomã.Karm-y vɛrse-rãmbã, leok-y sogsgã la y ges video-rãmbã (F).
Ges-y fot-rãmbã la y karem b goamã (G), la y tags y sẽn na n leok sokrã b sẽn sok Neb kẽer sẽn yetã zĩigẽ wã to-to (H).
SAKÃ YAOOLEM BABGÃ
Sakã baasda ne Kʋmsgo, la Lebg-n-gese (I). Gʋls-y daar ning zãmsgã sẽn sa wã. Zĩig ning b sẽn gʋls tɩ M sẽn tõe n maanã (K) tẽngre, b wilgd-y-la bũmb y sẽn tõe n maan n bãng n paase, wall y sẽn tõe n tũ bũmb ning y sẽn bãngã to-to. Bũmb a taaba (L) zĩigẽ, b wilgda bũmb toor-toor y sẽn tõe n karem wall y gese.
Y sẽn tõe n gẽes Biiblã vɛrse-rãmb to-to
B sã n wilg vɛrse, b wilgda Biiblã sebre (A), sakã (B), la vɛrse wã wall vɛrse-rãmbã (D). Wala makre, Zã 17:3, yaa Zã sebrã, sak 17, vɛrse a 3.