Y sẽn tõe n maan to-to tɩ seb-kãngã zãmsgã naf-y sõma
Reng-y n karm-y b sẽn wilg sak fãa sẽn tɩʋʋs to-to wã. Rẽ poor bɩ y ges VIDEO wã.
PIPI BABGÃ
Sẽn na yɩl n segl zãmsg fãa, karm-y sakã pipi babgã. Sogsg (A) la vɛrse-rãmb (B) nins sẽn yaa tagd-tagdã wilgda zãmsgã zĩis nins sẽn tar pãngã. Vɛrse kẽer la b yet tɩ b karme.
BABG A YIIB-N-SOABÃ
B sẽn yeel bũmb ning (D) D bao n bãng n paasã tẽngrã wilgda b sẽn na n gom bũmb ning yellã. Gom-zu-bi wã (E) wilgda zãmsgã zĩis nins sẽn tar pãngã.
VIDEO-RÃMBÃ sõngdame tɩ d wʋm zãmsgã võor sõma. B sẽn wilgd video kẽer pʋsẽ wã yaa kibay sɩda-sɩda. La video-rãmb a taab yaa mak-n-wilgi.
Naag-y y karen-saambã tɩ y karem vɛrse-rãmbã, n leok sogsgã la y ges video-rãmbã. Ges-y fot-rãmbã neere (F), la y tags sõma n ges y sẽn tõe n leok Neb kẽer sẽn yetã to-to (G).
YAOOLEM BABGÃ
Sakã baasda ne Kʋmsgo, la Lebg-n-gese (H). Gʋls-y zãmsgã saab daare. Zĩig ning b sẽn gʋls tɩ M sẽn tõe n maanã (I) tẽngre, b wilgda bũmb y sẽn tõe n maane. Bũmb a taaba (K) zĩigẽ, b wilgda bũmb toor-toor y sẽn tõe n karem bɩ n gese.
Y sẽn tõe n bao Biiblã vɛrse-rãmb to-to
Sɛb 66 n be Biiblã pʋgẽ. B welg-a-la babs a yiibu: Babg ning b sẽn da gʋls ne Ebre la Arameyẽ wã (b sẽn boond me tɩ “Kãab-kʋdgã”), la babg ning b sẽn da gʋls ne Gɛrkã (b sẽn boond me tɩ “Kãab-paalgã”).
Sebrã pʋgẽ b sã n ning vɛrse, b wilgda sẽn yaa Biiblã sebr ninga (A), sẽn yaa sak ninga (B), la vɛrse wã bɩ vɛrse-rãmbã (D).
Wala makre, Zã 17:3 yaa Zã sebrã, sak 17, vɛrse a 3.