YƖƖLL 139
Tags dũni-paalgã yelle
1. Mams f yamẽ, tɩ maam ne foo,
tõnd fãa zoe n bee dũni-paalgã pʋgẽ.
Ad sɩd na n yɩɩ sũ-noog sasa!
Ned kam fãa na n zĩnda ne bãane.
Wẽng buudã fãa na n men’mame.
A Zeova meng n na n maan woto.
Bũmb fãa na n lebga paales wa b sẽn gʋlsã,
tɩ tõnd fãa lagem taab n yɩɩl n pẽg Wẽnnaam.
(REESGO)
Zeova tõnd Wẽnnaam, yaa foo n so pẽgre!
Ne f Biigã maasem, bũmb fãa yaa paalse.
Tõnd sũyã noomame, tɩ rat n pʋʋs barka.
Fo toga ne pẽgre, ne ziir, la ne waoogre.
2. Ges fo mengã, la f ges ma-me.
Tags dũni-paalgã sẽn watã yelle.
Bũmb nins tõnd sẽn na n wʋm la d yã,
kõn yɛɛs tõndo, bɩ kõ tõnd yɩɩr ye.
Bũmb fãa lebga paales yɛsa.
A Zeova meng bee ne ninsaalbã.
A na n vʋʋga neb nins sẽn ki wã menga,
tɩ b wa naag tõnd n yɩɩl n pẽg yẽnda daar fãa.
(REESGO)
Zeova tõnd Wẽnnaam, yaa foo n so pẽgre!
Ne f Biigã maasem, bũmb fãa yaa paalse.
Tõnd sũyã noomame, tɩ rat n pʋʋs barka.
Fo toga ne pẽgre, ne ziir, la ne waoogre.
(Ges-y Yɩɩn. 37:10, 11; Eza. 65:17; Zã 5:28; 2 Pɩy. 3:13.)