SOKR A 2
D maanda wãn n bãng Wẽnnaam sõma?
“Ra bas n pa gom Tõogã seb-kãngã goamã yell ye. Fo tog n sikda f koɛɛg n karemd-a wĩntoog ne yʋngo, n tõog n tũ bũmb nins fãa sẽn gʋls a pʋgẽ wã neere. Yaa rẽ la fo sẽn maand fãa na n yãk nenga, tɩ f tõog n tʋm ne yam me.”
“B kell n zẽka b koees n karem sebrã, rat n yeel tɩ Wẽnnaam Tõogã pʋgẽ, n da bilgd a võorã sõma la b kɩtdẽ tɩ b sẽn karemdã võor lebgd vẽenega. Woto, b sõnga nin-buiidã tɩ b wʋm bũmb ning b sẽn karmã võore.”
“Sũ-noog soab la ned ning sẽn pa tũud nin-wẽns saglga. . . . La a nonga a Zeova tõogã wʋsgo. A sikda a koɛɛg n karemd a tõogã wĩndg la yʋngo. . . . Bũmb ning fãa yẽ sẽn maand na n yãka nenga.”
“A Filip wudgame n kolge, n wʋm a sẽn zẽk a koɛɛg n karemd no-rɛɛs a Ezayi sebrã, t’a sok-a: ‘Rẽ yĩnga, fo wʋmda bũmb ning f sẽn karemdã võor sɩda?’ T’a leok yaa: ‘Mam na n yɩɩ wãn n wʋm a võore, tɩ ned pa zãms-ma?’”
“Baa ned sẽn pa tõe n yã Wẽnnaamã, hal dũniyã naaneg tɛka, ninsaal tõe n bãngame tɩ Wẽnnaam yaa pãng sẽn ka sɛt soaba, la t’a sɩd yaa Wẽnnaam, rẽ sẽn yaa vẽeneg bõn-naandsã sʋkã yĩnga. Rẽ n so tɩ nin-kãensã pa tõe n padem n yi ye.”
“Tags bõn-kãensã yell neere. Maan-b ne f sũur fãa, tɩ nebã fãa yã vẽeneg tɩ fo bɩtame.”
“Bɩ d tẽegd taab yelle, sẽn na yɩl n sõng taab tɩ d bɩɩs nonglem la d tʋm tʋʋm-sõma. Bɩ d ra bas taab tiging . . . ye.”
“Woto wã, ned sã n be yãmb sʋkã tɩ yam paoog-a bɩ a kell n kos Wẽnnaam t’a na n kõ-a lame. Bala a kõta nebã fãa ne yamleoog n pa ningd taal ye.”