SOKR A 7
Biiblã reng n wilgame tɩ bõe n na n zĩnd rũndã-rũndã?
“Buud na n yika zabr ne buud a to, tɩ rĩung yik zabr ne rĩung a to. . . . Bõn-kãensã yaa toodã sɩngr bala.”
“Zirẽ-be-no-rɛɛsdb wʋsg na n yikame, n tudg neb wʋsgo. Noyã kɩɩsg sẽn na n tar paasgã yĩng me, neb wʋsg nonglem pãng na n boogame.”
“Yãmb sã n wa wʋmd zab rãamd me, la y wʋmd tɩ b gomd zab yelle, bɩ y ra yɛɛs ye. Yaa tɩlɛ tɩ bõn-kãensã zĩndi. La pa saabã nand ye.”
“Tẽn-digimd-kãsems na n zĩndame, tɩ kom la bã-longds me zĩnd zĩig-zĩiga. Nebã na n yãa bũmb toor-toor sẽn kẽesd rabeem, la b yã bãn-kãsems sẽn yit saasẽ.”
“Yaoolem wakatã, yɛlã na n yɩɩ kãn-kãe hal tɩ vɩɩmã lebg toogo. Bala nebã na n yɩɩ beed dãmba, neb sẽn nong ligdi, wuk-m-mens rãmba, waoog-m-mens rãmba, neb sẽn nong tʋya, ba-rãmb la ma-rãmb kɩɩsdba, sõm-zɩtba, neb sẽn pa maand sɩda, neb sẽn pa tar nonglem, neb sẽn pa baood laafɩ, tẽn-kãn-neba, neb sẽn pa tar yõk-m-menga, nen-kɛglem dãmba, neb sẽn kis sẽn sõmbe, zãmb dãmba, tʋb-pa-wʋmdba, neb sẽn pid ne wuk-m-menga, neb sẽn nong yõ-noogr n pa nong Wẽnnaam ye. B wõnda wẽn-sakdba, la b pa vɩ wa wẽn-sakdb ye.”