Sogsg Biiblã kibay sebrã zãmsg yĩnga

Pipi kibare

Bũmb fãa naanego

1. Bũmba fãa yɩta yɛ? Sõdg-y kẽere.

2. Bõe la Wẽnnaam naan pipi?

3. Bõe yĩng tɩ pipi malɛkã yɩɩd malɛgs a taabã?

4. Sɩngrẽ wã tẽngã ra yaa wãn-wãna? (Ges-y foto wã.)

5. Bõe la Wẽnnaam maan sẽn na yɩl tɩ ninsaalb la rũms tõog n vɩɩmd tẽngã zugu?

Sogsg a taaba:

1. Karm-y Zeremi 10:12.

   Wẽnnaam sẽn naan bũmb ninsã wilgda tõnd bõe yẽ mengã zugu? (Ezai 40:26; Rom 11:33)

2. Karm-y Kolos rãmb 1:15-17.

   Tʋʋm-bʋg la a Zezi tall naanegã pʋgẽ? La rẽ segd n kɩtame tɩ tõnd tall tags-bʋg a zugu? (Kol. 1:15-17)

3. Karm-y Sɩngr 1:1-10.

   1. Yaa ãnd n naan tẽngã? (Sɩng. 1:1)

   2. Bõe la Wẽnnaam naan pipi daarã? (Sɩng. 1:3-5)

   3. Bilg-y bũmb ning Wẽnnaam sẽn maan rasem a yiib-n-soabã. (Sɩng. 1:7, 8)

Kibar a 2

Zĩ-neere

1. Wãn to la Wẽnnaam maneg tẽngã tõnd yĩnga?

2. Sõdg-y rũms buud toor-toor Wẽnnaam sẽn naane. (Ges-y foto wã.)

3. Bõe n kɩt tɩ zĩig ning b sẽn boond tɩ Edɛnnã ra yaa neere?

4. Wẽnnaam da ratame tɩ tẽngã fãa lebg wãn-wãna?

Sogsg a taaba:

1. Karm-y Sɩngr 1:11-25.

   1. Bõe la Wẽnnaam naan rasem a tãab-n-soabã? (Sɩng. 1:12)

   2. Rasem a naas-n-soabã, bõe la a maan-yã? (Sɩng. 1:16)

   3. Bõe la Wẽnnaam naan rasem a nu la a yoob soabã? (Sɩng. 1:20, 21, 25)

2. Karm-y Sɩngr 2:8, 9.

   Tɩɩs a yiib bʋs la Wẽnnaam da ning Edɛn tɩ yaa toor ne b taabã? Bõe la b ra makda?

Kibar a 3

A Ãdem ne a Hawa

1. Bõe n kɩt tɩ foto ning sẽn be kibar a yiib-n-soabã pʋgẽ wã pa wõnd sẽn be tãab-n-soabẽ wã?

2. Ãnd n naan pipi raoã, la raoã yʋʋr yaa bõe?

3. Tʋʋm-bʋg la Wẽnnaam kõ a Ãdmã?

4. Bõe yĩng tɩ Wẽnnaam kɩt t’a Ãdem gũs sõmã?

5. A Ãdem ne a Hawa ra tõe n vɩɩmda wakat a wãna, la tʋʋm-bʋg la Wẽnnaam a Zeova kõ-ba?

Sogsg a taaba:

1. Karm-y Yɩɩl Sõamyã 83:18, NW.

   Wẽnnaam yʋʋr la a bõe, la dũniyã gill zugu, ãnd n be n zem-a? (Zer. 16:21; Dan. 4:1417 in NW)

2. Karm-y Sɩngr 1:26-31.

   1. Bõe la Wẽnnaam naan rasem a yoob-n-soabã, la bõe yĩng t’a ra yaa toor ne rũmsã? (Sɩng. 1:26)

   2. Bõe la a Zeova kõ ninsaal la rũmsã fãa? (Sɩng. 1:30)

3. Karm-y Sɩngr 2:7-25.

   1. A Ãdem maana wãn n tõog n pʋd rũmsã yʋya? (Sɩng. 2:19)

   2. Wãn-wãn la Sɩngr 2:24 sõngd tõnd tɩ d bãng a Zeova sẽn tagsd bũmb ning kãadmã zugu, welg-taabã zugu, la kãadmã kaoob zugu? (Mat. 19:4-6, 9)

Kibar a 4

Wẽnnaam rig-b lame

1. Y sã n ges foto wã zugu, yaa bõe n paam a Ãdem ne a Hawa?

2. Bõe yĩng t’a Zeova sɩbg-ba?

3. Waafã yeela a Hawa tɩ bõe?

4. Ãnd n kɩt tɩ waafã gom ne a Hawa?

5. Bõe yĩng tɩ b rig a Ãdem ne a Hawa n yiis arzãnẽ wã?

Sogsg a taaba:

1. Karm-y Sɩngr 2:16, 17 la 3:1-13, 24.

   1. Waafã sẽn gom ne a Hawa wã, bõe n wilgd t’a rõda a Zeova? (Sɩng. 3:1-5; 1 Zã 5:3)

   2. Bũmb ning sẽn paam a Hawa wã zãmsda tõnd bõe? (Fil. 4:8; Zak 1:14, 15; 1 Zã 2:16)

   3. Bõe n wilgd t’a Ãdem ne a Hawa pa sak tɩ b kongame? (Sɩng. 3:12, 13)

   4. Bõe yĩng t’a Zeova ning seribẽ dãmb Edɛn yaanga? (Sɩng. 3:24)

2. Karm-y Wilgr 12:9.

   Bõe n wilgd t’a Sʋɩtãan tõog n kɩtame tɩ nebã kɩɩs Wẽnnaam naamã? (1 Zã 5:19)

Kibar a 5

B vɩɩmã lebga toogo

1. Wẽnnaam sẽn dig a Ãdem ne a Hawa wã poore, b vɩɩmã lebga wãn-wãna?

2. Bõe n wa n paam a Ãdem ne a Hawa, la bõe yĩnga?

3. Bõe yĩng tɩ lebg tɩlae t’a Ãdem ne a Hawa kambã la b yagensã kʋʋl la b ki?

4. A Ãdem ne a Hawa sã n da sak a Zeova noorã, bãmb ne b kambã la b yagensã vɩɩm ra na n yɩɩ wãn to?

5. A Hawa sẽn kɩɩs Wẽnnaamã, to-bʋg la a paam-yã?

6. A Ãdem ne a Hawa pipi kamb a yiibã yʋy la bõe?

7. Kamb a taabã sẽn be foto wã zugã yaa ãnd kamba?

Sogsg a taaba:

1. Karm-y Sɩngr 3:16-23 la 4:1, 2.

   1. Wẽnnaam sẽn kãab tẽngã wẽngã, a Ãdem vɩɩmã lebga wãn-wãna? (Sɩng. 3:17-19; Rom 8:20, 22)

   2. Ne hebre, a Hawa yʋʋrã võor yaa “nin-vɩɩga.” Bõe yĩng tɩ rẽ zemse? (Sɩng. 3:20)

   3. Wãn to la a Zeova ges a Ãdem ne a Hawa yell baa b yel-wẽndã poore? (Sɩng. 3:7, 21)

2. Karm-y Wilgr 21:3, 4.

   Yel-bʋs la yãmb rat tɩ Wẽnnaam kɩt tɩ sa?

Kibar a 6

Bi-sõng ne bi-yoogo

1. A Kayẽ ne a Abɛll nug-tʋʋmd ra yaa bõe?

2. Bõe la a Kayẽ ne a Abɛll kõ a Zeova?

3. Bõe yĩng t’a Abɛll kũunã ta a Zeova yam, t’a Kayẽ rẽndã yaool n pa ta a yam?

4. A Kayẽ yaa nin-bʋg buudu, la sagl-bʋg la a Zeova kõ-a?

5. A Kayẽ sẽn wa n be ne a Abɛll weoogẽ wã, bõe la a maan-yã?

6. A Kayẽ sẽn kʋ a Abɛllã poore bõe n paam-a?

Sogsg a taaba:

1. Karm-y Sɩngr 4:2-26.

   1. Bõe la a Zeova yeel a Kayẽ sẽn na yɩl t’a bãng t’a sẽn da rat n maan bũmb ninga yaa wẽnga? (Sɩng. 4:7)

   2. Wãn to la a Kayẽ wilg bũmb ning sẽn da be a sũurẽ wã? (Sɩng. 4:9)

   3. Bõe la a Zeova na n maan neb nins sẽn kʋʋd b taabã? (Sɩng. 4:10; Ezai 26:21)

2. Karm-y 1 Zã 3:11, 12.

   1. Bõe yĩng t’a Kayẽ sũurã puugi, la rẽ zãmsda tõnd bõe? (Sɩng. 4:4, 5; Yel. 14:30; 27:4)

   2. Wãn to la Biiblã wilgd tɩ baa tõnd zakã rãmb sã n pa rat tɩ d tũ a Zeova, tõnd tõe n kell n tũ-a lame? (Yɩɩl 27:10; Mat. 10:21, 22)

3. Karm-y Zã 11:25.

   Bõe la a Zeova pʋlem neb nins fãa sẽn kiid tɩrlem yĩngã? (Zã 5:24)

Kibar a 7

Rao sẽn pa rabɛɛma

1. Bõe yĩng t’a Enok ra yaa toor ne neb a taabã?

2. Bõe yĩng t’a Enok wakatẽ nebã ra maand tʋʋm-wẽns wʋsgo?

3. Tʋʋm-wẽns bʋs la nebã ra maanda? (Ges-y foto wã.)

4. Bõe yĩng t’a Enok ra segd n tall raoodo?

5. Pĩnd nebã ra tõe n vɩɩmd n taa yʋʋm a wãna, la a Enok vɩɩmda yʋʋm a wãna?

6. A Enok kũumã poore, nebã manesem da lebga wãn-wãna?

Sogsg a taaba:

1. Karm-y Sɩngr 5:21-24, 27.

   1. B sẽn yeel t’a Enok ra kẽnda ne a Zeova wã rat n yeelame tɩ bõe? (Sɩng. 5:24)

   2. Biiblã pʋgẽ, yaa ãnd n vɩɩmd n kaoos n yɩɩg nebã fãa, la a paama yʋʋm a wãn n yaool n ki? (Sɩng. 5:27)

2. Karm-y Sɩngr 6:5.

   A Enok kũumã poore, nebã wẽnem ra lebga wãn-wãna, la yaa wãn to rũndã-rũndã? (2 Tɩm. 3:13)

3. Karm-y Luk 3:23, 37.

   A Enok sẽn ‘tũ Wẽnnaamã,’ bark bʋg la a paam-yã? (Sɩng. 5:22)

4. Karm-y Ziid 14, 15.

   Wãn to la kiris-nebã tõe n tall raood wa a Enoke, n togs nebã tɩ Armagedõ zabrã kolgdame? (2 Tɩm. 4:2; Heb. 13:6)

Kibar a 8

Nin-wobd n be tẽngã zugu

1. Malɛgs kẽer sẽn kelg a Sʋɩtãanã, bõe la b maan-yã?

2. Bõe yĩng tɩ malɛgs kẽer bas b tʋʋmdã saasẽ n wa tẽngã zugu?

3. Bõe yĩng tɩ malɛgsã sẽn wa tẽngã zug n lebg wa ninsaalbã ra yaa wẽnga?

4. Bõe n kɩt tɩ malɛgsã kamb ra pa wa ninsaalbã kamba?

5. Wala y sẽn ne foto wã zugã, malɛgsã kamb sẽn wa n bɩ n lebg nin-wobdã bõe la b ra maanda?

6. A Enok kũumã poore, nin-sõng bʋg n zĩndi, la bõe yĩng tɩ Wẽnnaam da nong-a?

Sogsg a taaba:

1. Karm-y Sɩngr 6:1-8.

   Sɩngr 6:6 wilgdame tɩ bũmb nins d sẽn maanda tõe n maana a Zeova bõe? (Yɩɩl 78:40, 41; Yel. 27:11)

2. Karm-y Ziid 6.

   Bũmb ning sẽn paam malɛgs nins sẽn “bas b zĩigã” saasẽ a Nowe wakatẽ wã zãmsda tõnd bõe? (1 Kor. 3:5-9; 2 Pɩɛ. 2:4, 9, 10)

Kibar a 9

A Nowe kaa koom koglgo

1. A Nowe zakã rãmb da yaa neb a wãna, la a kom-dibli a tãabã yʋy la bʋse?

2. Bõe la Wẽnnaam yeel a Nowe t’a maane, la bõe yĩnga?

3. A Nowe sẽn togs nebã bũmb ning sẽn kɩt t’a kaad koom koglgã, bõe la b maan-yã?

4. Bõe la Wẽnnaam yeel a Nowe t’a maan ne rũmsã?

5. Wẽnnaam sẽn pag koom koglgã poore, bõe la a Nowe ne a zakã rãmb ra segd n maane?

Sogsg a taaba:

1. Karm-y Sɩngr 6:9-22.

   1. Bõe n kɩt t’a Nowe ra yaa wẽn-tũud hakɩka? (Sɩng. 6:9, 22)

   2. Bõe la a Zeova tagsd maan taab wẽngã zugu, la rẽ segd n kɩtame tɩ d maan bõe reemã wɛɛngẽ? (Sɩng. 6:11, 12; Yɩɩl 11:5)

   3. A Zeova siglgã sã n wa kõ tõnd noyã, wãn to la d tõe n maan wa a Nowe? (Sɩng. 6:22; 1 Zã 5:3)

2. Karm-y Sɩngr 7:1-9.

   Baa ne a Nowe sẽn da pa zems zãngã, a Zeova yeelame t’a yaa nin-tɩrga. Wãn to la rẽ kengd tõnd raoodo? (Sɩng. 7:1; Yel. 10:16; Ezai 26:7)

Kibar 10

Sa-kãsengã

1. Saagã sẽn wa n sɩng niibã, bõe yĩng tɩ ned baa a ye ra pa le tõe n kẽ koglgã pʋgẽ?

2. A Zeova kɩtame tɩ saagã ni rasem a wãna, la saagã koom zẽk n taa zĩ-bʋgo?

3. Koomã sẽn wa n limd tẽngã, koglgã maana wãna?

4. Nin-wobdã põsame bɩ, la b ba rãmbã lebga bõe?

5. Kiis a nu poore, koglgã maana wãna?

6. Bõe yĩng t’a Nowe bas gãabgã t’a yi?

7. A Nowe maana wãn n bãng tɩ koomã sigame?

8. A Nowe ne a zaka rãmb sẽn zĩnd koglgã pʋgẽ sẽn yɩɩd yʋʋmd poore, bõe la a Zeova yeel a Nowe?

Sogsg a taaba:

1. Karm-y Sɩngr 7:10-24.

   1. Bõe n menem tẽngã zugu? (Sɩng. 7:23)

   2. Saagã koomã lima tẽngã n maan rasem a wãna? (Sɩng. 7:24)

2. Karm-y Sɩngr 8:1-17.

   Wãn to la Sɩngr 8:17 wilgd t’a Zeova sẽn da rat tɩ tẽngã yɩ to-to wã pa toeeme? (Sɩng. 1:22)

3. Karm-y 2 Pɩɛɛr 2:4, 5.

   1. Malɛg-wẽnsã sẽn leb saasẽ wã, bõe n paam-ba? (Ziid 6)

   2. Wãn to la a Nowe ne a zakã rãmb kibarã sõngd tõnd tɩ d kɩs sɩd n paas t’a Zeova yaa fãagda? (2 Pɩɛ. 2:9)

Kibar 11

Pipi saag gomtɩʋʋgo

1. A Nowe sẽn yi kolgã pʋgẽ wã, bõe la a maan pipi?

2. Sa-kãsengã poore, no-bʋg la Wẽnnaam kõ a Nowe ne a zakã rãmba?

3. Bõe la Wẽnnaam pʋlem-yã?

4. Tõnd sã n yã saag gomtɩʋʋgo, segd n tẽega tõnd bõe?

Sogsg a taaba:

1. Karm-y Sɩngr 8:18-22.

   1. Rũndã-rũndã, wãn to la tõnd tõe n kɩt t’a Zeova wʋm “yũug sẽn yaa noogo”? (Sɩng. 8:21; Heb. 13:15, 16)

   2. Bõe la a Zeova yeel ninsaal sũurã wɛɛngẽ, la d segd n gũusa ne bõe? (Sɩng. 8:21; Mat. 15:18, 19; Yel. 4:23)

2. Karm-y Sɩngr 9:9-17.

   1. Bõe la Wẽnnaam kãab tẽngã bõn-vɩɩsã fãa? (Sɩng. 9:10, 11)

   2. Wẽnnaam sẽn kãab bõn-vɩɩsã bũmb ningã ra na n kaoosa wakat a wãna? (Sɩng. 9:16)

Kibar 12

Nebã meta gasgo

1. A Nimrood ra yaa ãnda, la Wẽnnaam da nong-a lame bɩ?

2. Bõe yĩng tɩ nebã wẽed tãn-koɛɛma?

3. Bõe yĩng tɩ gasgã meebã ra pa ta a Zeova yam?

4. Wẽnnaam maana wãn n kɩt tɩ b bas gasgã meebo?

5. Tẽngã yʋʋr da boondame tɩ bõe, la a yʋʋrã rat n yeelame tɩ bõe?

6. Wẽnnaam sẽn kɩt tɩ nebã goam lebg toor-toor tɩ b pa wʋmd taabã poore, bõe n maane?

Sogsg a taaba:

1. Karm-y Yelbuna 3:31.

   A Nimrood ra yaa nin-bʋg buudu, la rẽ zãmsda tõnd bõe? (Yɩɩl 11:5)

2. Karm-y Sɩngr 11:1-9.

   Bõe yĩng tɩ nebã ra met gasgo, la bõe yĩng tɩ tʋʋmdã ra pa tõe n pa yalse? (Sɩng. 11:4; Yel. 16:18; Zã 5:44)

Kibar 13

A Abrahaam

1. Nin-bʋs buud n da be Uur tẽngã?

2. Yaa ãnd la sẽn be foto wã zugã, a roga wakat bʋgo, la a ra vɩɩ yɛ?

3. Bõe la Wẽnnaam yeel a Abrahaam t’a maane?

4. Bõe yĩng tɩ Wẽnnaam bool a Abrahaam t’a zoa?

5. A Abrahaam sẽn wa n yit Uurã, ãnd dãmb n tũ-a?

6. A Abrahaam sẽn ta Kanaã wã, Wẽnnaam yeel-a lame tɩ bõe?

7. A Abrahaam sẽn wa n tar yʋʋm 99 wã, Wẽnnaam kãab-a-la bõe?

Sogsg a taaba:

1. Karm-y Sɩngr 11:27-32.

   1. A Lot ra yaa a Abrahaam bõe? (Sɩng. 11:27)

   2. Yaa bõe n kɩt t’a Abrahaam ne a zakã rãmb yik n kẽng Kanaã? (Sɩng. 11:31; Tʋʋ. 7:2-4)

2. Karm-y Sɩngr 12:1-7.

   A Abrahaam sẽn wa n ta Kanaã wã, bõe la a Zeova kãab-a n paase? (Sɩng. 12:7)

3. Karm-y Sɩngr 17:1-8, 15-17.

   1. A Abram sẽn wa n ta yʋʋm 99 wã, bõe yĩng tɩ Wẽnnaam toeem a yʋʋrã tɩ lebg Abrahaam? (Sɩng. 17:5)

   2. A Zeova kãaba a Saara t’a na n paama bark bʋse? (Sɩng. 17:15, 16)

4. Karm-y Sɩngr 18:9-19.

   1. Sã n yaa ne Sɩngr 18:19, bõe la ba rãmbã segd n maane? (Tõo. 6:6, 7; Ef. 6:4)

   2. A Saara kibarã pʋgẽ, bõe n wilgd tɩ d pa tõe n solg a Zeova bũmbu? (Sɩng. 18:12, 15; Yɩɩl 44:2221, NW)

Kibar 14

A Abrahaam tẽe Wẽnde

1. Bõe la Wẽnnaam kãab a Abrahaam, la wãn to la a pids a kãabgã?

2. Wa b sẽn wilg foto wã zugã, wãn to la Wẽnnaam mak a Abrahaam tẽebã n gese?

3. Baa ne a Abrahaam sẽn da pa wʋmd Wẽnnaam sẽn yeel-a t’a maan bũmb ningã voorã, bõe la a maan-yã?

4. A Abrahaam sẽn wa n dɩk sʋʋgã n na n kodg a biigã, bõe n maane?

5. A Abrahaam tẽebã ra yaa wãn-wãna?

6. Bõe la Wẽnnaam kõ a Abrahaam t’a maan maoongã, la yɩɩ wãn to?

Sogsg a taaba:

1. Karm-y Sɩngr 21:1-7.

   Bõe yĩng t’a Abrahaam kẽes a biigã baoong a sẽn wa n tar rasem a nii? (Sɩng. 17:10-12; 21:4)

2. Karm-y Sɩngr 22:1-18.

   Wãn to la a Izaak wilg t’a ra sakda a ba a Abrahaam, la rẽ ra makda bõe? (Sɩng. 22:7-9; 1 Kor. 5:7; Fil. 2:8, 9)

Kibar 15

A Lot pagã gesa poorẽ

1. Bõe yĩng t’a Abrahaam ne a Lot welg taaba?

2. Bõe yĩng t’a Lot yãk n na n tɩ zĩnd Sodom?

3. Sodom nebã ra yaa nin-bʋs buudu?

4. Bõe la malɛgs a yiib wa n yeel a Lote?

5. Bõe yĩng t’a Lot pagã mengã fãa lebg yamsem?

6. Bũmb ning sẽn paam a Lot pagã zãmsda tõnd bõe?

Sogsg a taaba:

1. Karm-y Sɩngr 13:5-13.

   Sã n yaa ne mo-yõsã welgre, a Abrahaam kõo tõnd mak-sõng bʋgo? (Sɩng. 13:8, 9; Rom 12:10; Fil. 2:3, 4)

2. Karm-y Sɩngr 18:20-33.

   Bõe yĩng t’a Zeova sẽn tall manesem ning ne a Abrahaamã kõt tõnd bas-m-yam t’a Zeova ne a Zezi na n kaoa nebã bʋʋd tɩrga? (Sɩng. 18:25, 26; Mat. 25:31-33)

3. Karm-y Sɩngr 19:1-29.

   1. Biiblã zĩ-kãngã wilgdame tɩ Wẽnnaam tagsda bõe rap ne rap sẽn gãe taabã zugu? (Sɩng. 19:5, 13; Maan. 20:13)

   2. Welg-bʋg n be a Abrahaam sẽn sak Wẽnnaam to-to wã ne a Lot sẽn sak-a to-to wã sʋka, la rẽ zãmsda tõnd bõe? (Sɩng. 19:15, 16, 19, 20; 22:3)

4. Karm-y Luk 17:28-32.

   Tags-bʋg la a Lot pagã ra tar laogã wɛɛngẽ, la rẽ zãmsda tõnd bõe? (Luk 12:15; 17:31, 32; Mat. 6:19-21, 25)

5. Karm-y 2 Pɩɛɛr 2:6-8.

   Wala a Lote, manesem bʋg la d segd n tall dũni kãngã pʋgẽ? (Eze. 9:4; 1 Zã 2:15-17)

Kibar 16

A Izaak paama pʋg-sõngo

1. Raoã ne pagã sẽn be foto wã zugã yaa ãnd dãmba?

2. Bõe la a Abrahaam maan n paam pag n kõ a biig a Izaake, la bõe yĩng t’a maan woto?

3. Wãn to la Wẽnnaam deeg a Abrahaam sõgna pʋʋsgo?

4. B sẽn wa n sok a Rebeka n ges a sã n dat n tɩ yɩɩ a Izaak pagã, a leokame tɩ bõe?

5. Bõe n kɩt t’a Izaak sũurã le lebg noogo?

Sogsg a taaba:

1. Karm-y Sɩngr 24:1-67.

   1. Manesem sõng bʋg la a Rebeka tall-yã, a sẽn seg a Abrahaam sõgna bulga noorã? (Sɩng. 24:17-20; Yel. 31:17, 31)

   2. A Abrahaam sẽn maan to-to n paam pag n kõ a Izaakã zãmsda kiris-nebã bõe rũndã-rũndã? (Sɩng. 24:37, 38; 1 Kor. 7:39; 2 Kor. 6:14)

   3. Bõe yĩng tɩ d segd n dɩk sẽk n bʋgs Wẽnnaam daabã zug wa a Izaak sẽn da maand a sẽn wa n kokd pemsmã wakatã? (Yɩɩl 77:1312 in NW; Fil. 4:8)

Kibar 17

A Ezayu ne a Zakoobe

1. Kamb a yiibã sẽn be foto wã zugã yaa ãnd dãmba, la bõe n kɩt tɩ b yet tɩ b yaa toor-toore?

2. A Ezayu la a Zakoob ra tara yʋʋm a wãna, b yaab-raoog a Abrahaam sẽn wa n kiidẽ wã?

3. Bõe la a Ezayu maan t’a ba wã ne a ma wã sũy sãam wʋsgo?

4. Bõe yĩng t’a Ezayu sũur yik wʋsg ne a Zakoobe?

5. Sagl-bʋs la a Izaak kõ a biribl a Zakoobe?

Sogsg a taaba:

1. Karm-y Sɩngr 25:5-11, 20-34.

   1. Bõe la a Zeova pĩnd n togs a Rebeka kamb a yiibã wɛɛngẽ? (Sɩng. 25:23)

   2. Welg-bʋg n be manesem ning a Zakoob sẽn tall ne rogem-pʋɩɩrã, la a Ezayu manesmã sʋka? (Sɩng. 25:31-34)

2. Karm-y Sɩngr 26:34, 35; 27:1-46; la 28:1-5.

   1. Bõe n wilgd vẽeneg t’a Ezayu ra pa nand Wẽnnaam goamã? (Sɩng. 26:34, 35; 27:46)

   2. Sẽn na yɩl t’a Zakoob paam Wẽnnaam barkã, bõe la a Izaak yeel-a t’a maane? (Sɩng. 28:1-4)

3. Karm-y Hebre dãmb 12:16, 17.

   Bũmb ning sẽn paam a Ezayu wã wilgdame tɩ bõe n na n paam neb nins sẽn pa nand Wẽnnaam goamã?

Kibar 18

A Zakoob rebda Harã

1. Bi-pugl ning sẽn be foto wã zugã yaa ãnda, la a Zakoob maana bõe n sõng-a?

2. A Zakoob sakame n na n maan bõe, sẽn na n yɩl n kẽ kãadem ne a Rasɛlle?

3. Wakat sẽn wa n ta t’a Zakoob segd n kẽ kãadem ne a Rasɛllã, bõe la a Labã maan-yã?

4. Bõe la a Zakoob sak n na n maan n paase, sẽn na yɩl t’a Rasɛll lebg a paga?

Sogsg a taaba:

1. Karm-y Sɩngr 29:1-30.

   1. Baa a Labã sẽn belg a Zakoobã, wãn to la a Zakoob wilg t’a yaa kɩs-sɩd soaba, la woto zãmsda tõnd bõe? (Sɩng. 29:26-28; Mat. 5:37)

   2. Wãn to la a Zakoob makrã wilgd nonglem hakɩk sẽn sɩd yaa a soaba? (Sɩng. 29:18, 20, 30; Sal. Yɩɩl. 8:6)

   3. A Zakoob pagb a naasã sẽn dog kamb n kõ-a wã yʋy la bʋse? (Sɩng. 29:23, 24, 28, 29)

Kibar 19

A Zakoob zakã neb lebga wʋsgo

1. A Zakoob kamb a yoob nins a sẽn paam ne a pipi pag a Lea wã yaa ãnd dãmba?

2. A Lea yemb-poak a Zilpa sẽn dog kamb a yiib nins n kõ a Zakoobã yaa ãnd dãmba?

3. A Rasɛll yemb-poak a Bila sẽn dog kamb a yiib nins n kõ a Zakoobã yaa ãnd dãmba?

4. A Rasɛll kamb a yiibã yaa ãnd dãmba, la yiib-n-soaba rogem sasa bõe n paam-a?

5. Y sã n ges foto wã zugu, a Zakoob paama kom-dibli a wãna, la b boonda bãmb yagensã tɩ bõe?

Sogsg a taaba:

1. Karm-y Sɩngr 29:32-35; 30:1-26; la 35:16-19.

   Wa sẽn yɩ to-to ne a Zakoob kom-dibli 12 wã, b ra maanda wãn n pʋt hebre kom-dibli wã yʋy pĩnd wẽndẽ wã?

2. Karm-y Sɩngr 37:35.

   Baa ne sẽn yaa a Dina bal yʋʋr la Biiblã wilgdã, bõe n wilgd t’a Zakoob paama sẽn yɩɩd bi-pugl a yembre? (Sɩng. 37:34, 35)

Kibar 20

Yell n paam a Dina

1. Bõe yĩng t’a Abrahaam ne a Izaak ra pa rat tɩ b kambã kẽ kãadem ne Kanaã nebã?

2. A Dina sẽn yõg zood ne Kanaã kom-pugli wã ra nooma a Zakoob bɩ?

3. Rao ning sẽn get a Dina wã yaa ãnda, la yel-wẽn-bʋg la a maan-yã?

4. A Dina ma-biis a Levi ne a Simeõ sẽn wʋm bũmb ning sẽn paam-a wã, bõe la b maan-yã?

5. A Simeõ ne a Levi sẽn maan bũmb ninga taa a Zakoob yam bɩ?

6. A Zakoob zakã rãmb zu-loees fãa sɩnga wãn to?

Sogsg a taaba:

1. Karm-y Sɩngr 34:1-31.

   1. Was Dinah’s association with the daughters of the land of Canaan an isolated incident? Explain. (Gen. 34:1)

   2. Bõe yĩng t’a Dina me tar taal ne yell ning sẽn paam-a wã? (Gal. 6:7)

   3. Rũndã-rũndã, bõe la kom-bɩɩsã tõe n maan n wilg tɩ b rɩka yam ne yell ning sẽn paam a Dina wã? (Yel. 13:20; 1 Kor. 15:33; 1 Zã 5:19)

Kibar 21

B koosa a Zozɛfe

1. Bõe yĩng t’a Zozɛf kẽem dãmbã ra maand sũ-kiir ne-a, la b maan-a-la bõe?

2. Bõe la a Zozɛf kẽem dãmbã da rat n maan-a, la a Rubɛn yeelame tɩ bõe?

3. A Ismaɛll buuda neb sẽn wa n pɩʋʋgdẽ wã, bõe n maane?

4. Bõe la a Zozɛf kẽem dãmbã maan sẽn na yɩl tɩ b ba wã tẽ t’a Zozɛf sɩd kiime?

Sogsg a taaba:

1. Karm-y Sɩngr 37:1-35.

   1. Kiris-ned sã n bãng tɩ tigingã ned n maan yel-wẽnde, wãn to la a tõe n dɩk a Zozɛf togs-n-taare? (Sɩng. 37:2; Maan. 5:1; 1 Kor. 1:11)

   2. Bõe n kɩt t’a Zozɛf kẽem dãmbã da rat n kʋ-a? (Sɩng. 37:11, 18; Yel. 27:4; Zak 3:14-16)

   3. A Zakoob sũ-sãangã pʋgẽ, bõe la a maan tɩ yaa bũmb sẽn segde? (Sɩng. 37:35)

Kibar 22

A Zozɛf bee bãens roogẽ

1. B sẽn wa n tall a Zozɛf n kẽng Eziptã t’a tara yʋʋm a wãna, la a sẽn wa n ta be wã, bõe n paam-a?

2. Bõe yĩng tɩ b pag a Zozɛf bãensã roogẽ?

3. Tʋʋm-bʋg la b kõ a Zozɛf bãensã roogẽ?

4. A Zozɛf sẽn wa n be bãensã roogẽ wã, bõe la a wilg a Faraõ rã-kɩtã la ned ning sẽn get a rɩɩbã yellã?

5. Rã-kɩtã sẽn yi bãensã roogẽ wã, bõe n maane?

Sogsg a taaba:

1. Karm-y Sɩngr 39:1-23.

   A Zozɛf wakatẽ wã tɩ Wẽnnaam da nan pa yiis noor vẽeneg n gɩdg yoobã ye. La bõe n kɩt t’a Zozɛf zoe n yi n bas a Potifaar pagã? (Sɩng. 2:24; 20:3; 39:9)

2. Karm-y Sɩngr 40:1-23.

   1. Koɛɛg-koɛɛga, bilg-y a Faraõ rã-kɩtã sẽn zãms n yã bũmb ningã, la zãmsdã võor a Zeova sẽn wilg a Zozɛfã. (Sɩng. 40:9-13)

   2. Ned ning sẽn get rɩɩbã yellã zãms n yãa bõe, la a võorã yɩɩ bõe? (Sɩng. 40:16-19)

   3. Wãn to la tʋm-tʋmd sẽn tũud sɩd la sẽn tar yamã maand wa a Zozɛf rũndã-rũndã? (Sɩng. 40:8; Yɩɩl 36:109 in NW; Zã 17:17; Tʋʋ. 17:2, 3)

   4. Vẽneg-bʋg la Sɩngr 40:20, 22 kõt kiris-nebã, rogem daar kibs rãmbã wɛɛngẽ? (Koɛ. 7:1; Mark 6:21-28)

Kibar 23

A Faraõ zãmsdo

1. A Faraõ sẽn wa n gõe yʋng a yembre, bõe n maane?

2. Bõe n wa n kɩt tɩ rã-kɩtã tẽeg a Zozɛf yelle?

3. Wala foto wã sẽn wilgdã, zãmsd a yi bʋs la a Faraõ zãms-yã?

4. A Zozɛf yeelame tɩ zãmsd a yiibã võor yaa bõe?

5. Maana wãn tɩ wa lebg a Zozɛf n pʋgd a Faraõ ne naam?

6. Bõe yĩng t’a Zozɛf kẽem dãmbã wa Ezipti, la bõe yĩng tɩ b pa bãng a Zozɛfe?

7. Zãmsd bʋg yell la a Zozɛf tẽeg-yã, la rẽ sõng-a lame t’a bãng bõe?

Sogsg a taaba:

1. Karm-y Sɩngr 41:1-57.

   1. Wãn to la a Zozɛf waoog a Zeova, la wãn to la kiris-nebã tõe n tũ a mak-sõngã rũndã-rũndã? (Sɩng. 41:16, 25, 28; Mat. 5:16; 1 Pɩɛ. 2:12)

   2. Wãn to la yʋʋm a yopoe tɩgrã sẽn pʋgl ne yʋʋm a yopoe komã wilgd welgr ning sẽn be a Zeova nin-buiidã la kiris-neb ne yʋʋrã sʋkã? (Sɩng. 41:29, 30; Amos 8:11, 12)

2. Karm-y Sɩngr 42:1-8 la 50:20.

   Tẽng rog-m-mik sã n baoodẽ tɩ nebã wõgemd n waoog ned a naam yĩnga, yaa wẽng tɩ ned sẽn tũud a Zeova maan rẽ bɩ? (Sɩng. 42:6)

Kibar 24

A Zozɛf ne a ba-biisã

1. Bõe yĩng t’a Zozɛf yeel t’a kẽem dãmbã wa n na n soos n gesa tẽngã?

2. Bõe yĩng t’a Zakoob bas a nugẽ biig a Bẽnzame t’a kẽng Ezipti?

3. Sɩnga wãn t’a Zozɛf wanzuri wũmblã wa be a Bẽnzame yolgã pʋgẽ?

4. Bõe la a Zida sak n na n maan n fãag a Bẽnzame?

5. Bõe n wilgd t’a Zozɛf kẽem dãmbã toeema zʋgo?

Sogsg a taaba:

1. Karm-y Sɩngr 42:9-38.

   A Zozɛf sẽn yeel bũmb ning Sɩngr 42:18 wã tẽegda neb nins sẽn tar zɩɩb a Zeova siglgã pʋgẽ rũndã-rũndã wã bõe? (Neh. 5:15; 2 Kor. 7:1, 2)

2. Karm-y Sɩngr 43:1-34.

   1. Baa sẽn yaa a Rubɛn la kãsmã, bõe n wilgd tɩ yaa a Zida n gom a taabã yʋʋr yĩnga? (Sɩng. 43:3, 8, 9; 44:14, 18; 1 Kib. 5:2)

   2. Wãn to la a Zozɛf mak a kẽem dãmbã n gese, la bõe yĩnga? (Sɩng. 43:33, 34)

3. Karm-y Sɩngr 44:1-34.

   1. Sẽn na yɩl t’a kẽem dãmbã ra bãng a sẽn yaa a soaba, bõe la a Zozɛf maan-yã? (Sɩng. 44:5, 15; Maan. 19:26)

   2. Wãn to la a Zozɛf kẽem dãmbã wilg tɩ b pa le maand sũ-kiir ne-a? (Sɩng. 44:13, 33, 34)

Kibar 25

A Zakoob kẽnga Ezipti

1. A Zozɛf sẽn togs a kẽem dãmbã a sẽn yaa ned ningã, bõe n maane?

2. A Zozɛf le yeela a kẽem dãmbã tɩ bõe?

3. A Faraõ sẽn wʋm a Zozɛf kẽem dãmbã kibarã, bõe la a yeel-yã?

4. A Zakoob zakã rãmb sẽn wa n debd Eziptã tɩ b yaa bãmb b wãna?

5. B wa n boonda a Zakoob zaka neb ne yʋ-bʋgo, la bõe yĩnga?

Sogsg a taaba:

1. Karm-y Sɩngr 45:1-28.

   A Zozɛf kibarã pʋgẽ, bõe n wilgd t’a Zeova tõe n kɩtame tɩ yell sẽn da na n nams a sõgen dãmbã wẽneg n naf-ba? (Sɩng. 45:5-8; Ezai 8:10; Fil. 1:12-14)

2. Karm-y Sɩngr 46:1-27.

   A Zakoob sẽn da wa n debd Eziptã, a Zeova yeel-a lame tɩ bõe, tɩ kõ-a bas-m-yam? (Sɩng. 46:1-4)

Kibar 26

Wẽn-sakd a Zoobe

1. A Zoob yɩɩ ãnda?

2. Bõe la a Sʋɩtãan mak n na n maane, la a tõogame bɩ?

3. A Zeova kõo a Sʋɩtãan sor t’a maan bõe, la bõe yĩnga?

4. Bõe yĩng t’a Zoob pagã yeel-a t’a tʋʋs Wẽnnaam la a ki tɩ sa? (Ges-y fotã.)

5. Wala y sẽn ne nug-rɩtg fotã zugã, wãn to la a Zeova ning a Zoob barka, la bõe yĩnga?

6. Wala a Zoobe, tõnd sã n sakd a Zeova, bark bʋs la d na n paame?

Sogsg a taaba:

1. Karm-y Zoob 1:1-22.

   Wãn to la kiris-nebã tõe n maan wa a Zoob rũndã-rũndã? (Zoob 1:1; Fil. 2:15; 2 Pɩɛ. 3:14)

2. Karm-y Zoob 2:1-13.

   Wãn to la a Zoob ne a pagã manesem pa yɩ a yembr namsgã wakate? (Zoob 2:9, 10; Yel. 19:3; Mii. 7:7; Mal. 3:14)

3. Karm-y Zoob 42:10-17.

   1. A Zoob ne a Zezi yɩɩ wẽn-sakdba. Wõneg bʋg n be bark nins b sẽn paam b wẽn-sakrã yĩngã sʋka? (Zoob 42:12; Fil. 2:9-11)

   2. Bõe yĩng tɩ bark nins a Zoob sẽn paam a wẽn-sakrã yĩngã kengd tõnd raoodo? (Zoob 42:10, 12; Heb. 6:10; Zak 1:2-4, 12; 5:11)

Kibar 27

Ezipt paama na-toaaga

1. Foto wã zugu, rao ning sẽn zãad kalwaasã yaa ãnda, la a sẽn pãbd-a soabã yaa ãnda?

2. A Zozɛf kũumã poore, bõe n paam Israɛll nebã?

3. Bõe n wa n kɩt tɩ Ezipt nebã zoet Israɛll nebã?

4. Bõe la a Faraõ yeel pagb nins sẽn da rogsd Israɛll pagbã?

Sogsg a taaba:

1. Karm-y Yikr 1:6-22.

   1. Wãn to la a Zeova pids kãabg ning a sẽn da kãab a Abrahaamã? (Yik. 1:7; Sɩng. 12:2; Tʋʋ. 7:17)

   2. Wãn to la hebre pʋg-roagsdbã wilg tɩ b miime tɩ Wẽnnaam pa rat tɩ b yãk ned yõore? (Yik. 1:17; Sɩng. 9:6)

   3. Bark bʋs la pʋg-roagsdbã paam-yã, b sẽn sak a Zeova wã? (Yik. 1:20, 21; Yel. 19:17)

   4. Wãn to la a Sʋɩtãan mak n na n gɩdg t’a Zeova sẽn kãab a Abrahaam yageng ningã ra wa? (Yik. 1:22; Mat. 2:16)

Kibar 28

A Moiiz sẽn põs to-to

1. Bi-pɛɛlg ning sẽn be foto wã zugã yaa ãnda, la ãnd nug-bil la a sẽn gãdã?

2. Bõe la a Moiiz ma wã maan sẽn na yɩl tɩ b ra kʋ a bi-pɛɛlgã?

3. Bi-pugl kɩdgã sẽn be fotã zugã yaa ãnda, la bõe la a maan-yã?

4. A Faraõ bi-puglã sẽn yã bi-pɛɛlgã, bõe la a Miriam yeel-yã?

5. Bõe la a Faraõ bi-puglã yeel a Moiiz ma wã?

Sokr a to:

1. Karm-y Yikr 2:1-10.

   Maana a wãn t’a Moiiz ma wã paam n na n wub a biigã la a zãms-a a Zeova noyã, la woto zãmsda roagdbã fãa bõe? (Yik. 2:9, 10; Tõo. 6:6-9; Yel. 22:6; Ef. 6:4; 2 Tɩm. 3:15)

Kibar 29

Bõe yĩng t’a Moiiz zoetẽ?

1. Yɛ la a Moiiz bɩ-yã, la bõe la a bãng a roagdbã zugu?

2. A Moiiz sẽn wa n ta yʋʋm 40, bõe la a maan-yã?

3. A Moiiz yeela Israɛll ned ning sẽn da zabd ne a to wã tɩ bõe, la raoã leok-a lame tɩ bõe?

4. Bõe yĩng t’a Moiiz zoe n yi Ezipti?

5. A Moiiz zoe n kẽnga yɛ, la and dãmb la a seg be?

6. A Moiiz sẽn zoe n kẽng Madiã wã, bõe la a maan yʋʋm 40 pʋgẽ?

Sogsg a taaba:

1. Karm-y Yikr 2:11-25.

   Baa ne a Moiiz sẽn paam Ezipt yam dãmb bãngrã, wãn to la a wilg t’a kɩsa sɩd ne a Zeova la ne a nin-buiidã? (Yik. 2:11, 12; Heb. 11:24)

2. Karm-y Tʋʋm 7:22-29.

   A Moiiz sẽn mak n na n yiis Israɛll nebã Ezipt yembdã pʋgẽ a toorã, zãmsda tõnd bõe? (Tʋʋ. 7:23-25; 1 Pɩɛ. 5:6, 10)

Kibar 30

Tuug sẽn wit bugum

1. Tãng ning y sẽn ne foto wã zugã yʋʋr yaa bõe?

2. Bilg-y bũmb ning a Moiiz sẽn yã, a sẽn wa n be tãngã sɛɛg ne a piisã.

3. Bõe la koɛɛg ning sẽn yi tuugã pʋgẽ wã yeel-yã, la ra yaa ãnd koɛɛga?

4. Wẽnnaam sẽn yeel a Moiiz t’a tɩ yiis a nin-buiidã Eziptã, a leokame tɩ bõe?

5. Wẽnnaam yeela a Moiiz tɩ nebã sã n sok-a tɩ ãnd n tʋm-a bɩ a leok tɩ bõe?

6. A Moiiz ra na n maana bõe n wilg tɩ Wẽnnaam n tʋm-a?

Sogsg a taaba:

1. Karm-y Yikr 3:1-22.

   A Zeova sã n bobl-d tʋʋmd tɩ d tagsdẽ tɩ d pa tõe, wãn to la a Moiiz kibarã wilgd tõnd t’a na n sõng-d-lame? (Yik. 3:11, 13; 2 Kor. 3:5, 6)

2. Karm-y Yikr 4:1-20.

   1. Toeen-bʋg la a Moiiz maan a sẽn zĩnd Madiã yʋʋm pis-naasã, la bõe la rẽ tõe n zãms neb nins sẽn baood tɩ b bobl-b tʋʋmd tigingã pʋgẽ wã? (Yik. 2:11, 12; 4:10, 13; Mii. 6:8; 1 Tɩm. 3:1, 6, 10)

   2. Baa a Zeova sã n tũnug ne a siglgã n kibl tõndo, bas-m-yam bʋg la a Moiiz makrã tõe n kõ tõndo? (Yik. 4:12-14; Yɩɩl 103:14; Heb. 12:4-11)

Kibar 31

B tɩ yãa a Faraõ

1. B sẽn yã a Moiiz ne a Aarõ sẽn maan yel-soalmã, Israɛll nebã maana bõe?

2. A Moiiz ne a Aarõ yeela a Faraõ tɩ bõe, la a Faraõ leokame tɩ bõe?

3. Wa sẽn be foto wã zugã, a Aarõ sẽn lob a rasaarã tẽngã, bõe n maane?

4. Wãn to la a Zeova wilg a Faraõ yam, la bõe la a Faraõ maan-yã?

5. Bõe n maan yel-beed piig soabã poore?

Sogsg a taaba:

1. Karm-y Yikr 4:27-31 la 5:1-23.

   A Faraõ sẽn yeel t’a ka mi a Zeova wã, a ra rat n yeelame tɩ bõe? (Yik. 5:2; 1 Sãm. 2:12, 13a; Rom 1:21)

2. Karm-y Yikr 6:1-13, 26-30.

   1. Biiblã sẽn yet t’a Zeova pa wilg a Abrahaam, a Izaak la a Zakoob yẽ sẽn yaa a soabã, rat n yeelame tɩ bõe? (Yik. 3:13, 14; 6:3; Sɩng. 12:8)

   2. Baa ne a Moiiz sẽn da tagsd t’a pa tõe tʋʋmdã t’a Zeova baas n tʋm-a wã, wilgda tõnd bõe? (Yik. 6:12, 30; Luk 21:13-15)

3. Karm-y Yikr 7:1-13.

   1. A Moiiz ne a Aarõ sẽn pa zoe rabeem la b togs a Faraõ t’a Zeova na n sɩbg-a lame wã, zãmsda Wẽnnaam sõgen dãmbã bõe rũndã-rũndã? (Yik. 7:2, 3, 6; Tʋʋ. 4:29-31)

   2. Bõe la a Zeova maan n wilg t’a pãngã yɩɩda Ezipt wẽnnaam dãmbã rẽnda? (Yik. 7:12; 1 Kib. 29:12)

Kibar 32

Yel-beed piigã

1. Ges-y foto wã zug n bilg pipi yel-beedã, yiib-n-soabã la tãab-n-soab ning a Zeova sẽn kɩt tɩ wa Ezipt nebã zugã.

2. Zĩ-bʋg wɛɛngẽ la pipi yel-beedã, yiib-n-soabã la tãab-n-soabã yaa toor ne yel-beed a taabã?

3. Yel-beed a naas-n-soabã, a nu la a yoob-n-soabã yɩɩ bõe?

4. Yel-beed a yopoe soabã, a nii la a wɛ soabã yɩɩ bõe?

5. Nand tɩ yel-beed piig soabã wa, bõe la a Zeova yeel Israɛll nebã tɩ b maane?

6. Yel-beed piig soabã yɩɩ bõe, la rẽ poore bõe n maane?

Sogsg a taaba:

1. Karm-y Yikr 7:19-8:1923, NW.

   1. Baa ne Ezipt tɩɩm dãmbã me sẽn tõog n kɩt tɩ koomã lebg zɩɩm la b wa ne lomsã, yel-beed a tãab-n-soabã poore bõe la b sak n deege? (Yik. 8:14, 1518, 19, NW; Mat. 12:24-28)

   2. Wãn to la yel-beed a naas-n-soabã wilg t’a Zeova tõe n kogla a nin-buiidã, la tõnd sẽn mi rẽ wã, segd n kɩtame tɩ d tags bõe ne “to-kãseng” ning sẽn watã? (Yik. 8:18, 1922, 23, NW; Wil. 7:13, 14; 2 Kib. 16:9)

2. Karm-y Yikr 8:2024, NW; 9:3, 6, 10, 11, 14, 16, 23-25; la 10:13-15, 21-23.

   1. Sul a yi bʋs la a Faraõ la a tɩɩm dãmbã ra makda, la rũndã-rũndã me, bõe la sul-kãensã pa tõe n maane? (Yikri 8:610, NW, 1418, NW, 1519, NW; 9:14)

   2. Wãn to la Yikr 9:16 sõngd tõnd tɩ d bãng bũmb ning sẽn kɩt t’a Zeova bas a Sʋɩtãan t’a ket n beẽ wã? (Rom 9:21, 22)

3. Karm-y Yikr 12:21-32.

   Wãn to la Pakã kɩt tɩ neb wʋsg paam n põs kũum, la Pakã ra makda bõe? (Yik. 12:21-23; Zã 1:29; Rom 5:18, 19, 21; 1 Kor. 5:7)

Kibar 33

Mog-miuugã rʋʋgre

1. Israɛll neb a wãn n yi Ezipti, la ãnd dãmb n tũ-ba?

2. A Faraõ sẽn bas Israɛll nebã tɩ b loogã poore, bõe la a maan-yã?

3. A Zeova maana bõe n gɩdg Ezipt nebã tɩ b ka paam a nin-buiidã n yõke?

4. A Moiiz sẽn dɩk a rasaarã n tees Mog-miuugã, bõe n maane, la Israɛll nebã maana bõe?

5. Ezipt nebã sẽn pʋgl Israɛll nebã n kẽ mogrã pʋgẽ wã, bõe n maane?

6. Israɛll nebã maana bõe n pʋʋs a Zeova barka, a sẽn fãag-bã yĩnga?

Sogsg a taaba:

1. Karm-y Yikr 12:33-36.

   Wãn to la a Zeova kɩt tɩ Ezipt nebã yao a nin-buiidã b sẽn tʋm yʋʋm nins fãa yembdã pʋgẽ wã yĩnga? (Yik. 3:21, 22; 12:35, 36)

2. Karm-y Yikr 14:1-31.

   Wãn to la a Moiiz goam nins sẽn be Yikr 14:13, 14 sõngd a Zeova sõgen dãmbã rũndã-rũndã tɩ b gũ Armagedõ ne bas-m-yam? (2 Kib. 20:17; Yɩɩl 91:8)

3. Karm-y Yikr 15:1-8, 20, 21.

   1. Bõe yĩng t’a Zeova sõgen dãmbã segd n yɩɩl n pẽg-a? (Yik. 15:1, 2; Yɩɩl 105:2, 3; Wil. 15:3, 4)

   2. A Miryam la pagb a taabã kõta rũndã-rũndã kiris-nin-pogsã mak-sõng bʋgo? (Yik. 15:20, 21)

Kibar 34

Rɩɩb b sẽn zɩ n yã

1. Yaa bõe la nebã sẽn wʋkdã, la a wõnda bõe?

2. No-bʋg la a Moiiz kõ nebã mannã wʋkr wɛɛngẽ?

3. A Zeova yeela nebã tɩ b maan bõe rasem a yoob-n-soabã, la bõe yĩnga?

4. Israɛll nebã sã n da bĩng mannã rasem a yopoe daarã yĩnga, yel-solem-bʋg la a Zeova maanda?

5. Yʋʋm a wãn la a Zeova rɩlg Israɛll nebã ne mannã?

Sogsg a taaba:

1. Karm-y Yikr 16:1-36 la Sõdb 11:7-9.

   1. Wãn to la Yikr 16:8 wilgd tɩ d segd n saka neb nins Wẽnnaam sẽn yãk tɩ b yaa kãsem dãmb tigingã pʋgẽ wã? (Heb. 13:17)

   2. Rasempʋɩɩgẽ wã, bõe n da maand tɩ tẽegd Israɛll nebã daar fãa tɩ yaa a Zeova n zãad b yõorã? (Yik. 16:14-16, 35; Tõo. 8:2, 3)

   3. A Zezi maka mannã ne bõe, la wãn to la ‘bur sẽn yit saasẽ’ wã nafd tõndo? (Zã 6:31-35, 40)

2. Karm-y Zozue 5:10-12.

   Israɛll nebã rɩɩ mannã yʋʋm a wãna, wãn to la rẽ yɩ makr n kõ-ba, la bõe la rẽ zãmsd tõndo? (Yik. 16:35; Sõd. 11:4-6; 1 Kor. 10:10, 11)

Kibar 35

A Zeova kõo a noyã

1. Israɛll nebã sẽn yi Ezipt tɩ kiuug a yiib poore, b tɩ zĩnda yɛ?

2. A Zeova yeela Israɛll nebã tɩ b maan bõe, la b leokame tɩ bõe?

3. Bõe yĩng t’a Zeova kõ a Moiiz kug-wals a yiibu?

4. Rẽ yĩnga yaa noy piigã bal la a Zeova kõ Israɛll nebã bɩ?

5. A Zezi yeelame tɩ no-bʋs la kãsems n yɩɩda?

Sogsg a taaba:

1. Karm-y Yikr 19:1-25; 20:1-21; 24:12-18; la 31:18.

   Wãn to la Yikr 19:8 sõngd tõnd tɩ d bãng kiris-ned rɩk a meng n kõ Wẽnnaamã sẽn dat n yɛɛlga? (Mat. 16:24; 1 Pɩɛ. 4:1-3)

2. Karm-y Tõod 6:4-6; Maankʋʋr 19:18; la Matɩe 22:36-40.

   Wãn to la kiris-ned wilgd t’a nonga Wẽnnaam la neb a taabã? (Mark 6:34; Tʋʋ. 4:20; Rom 15:2)

Kibar 36

Sãnem nag-bilã

1. Foto wã zugu, bõe la nebã maanda, la bõe yĩnga?

2. Bõe yĩng t’a Zeova sũurã puugi, la a Moiiz sẽn yã nebã sẽn maand bũmb ningã bõe la a maan-yã?

3. A Moiiz yeela rap kẽer tɩ b maan bõe?

4. Kiba-kãngã segd n zãmsa tõnd bõe?

Sogsg a taaba:

1. Karm-y Yikr 32:1-35.

   1. Sã n yaa ne kiba-kãngã, a Zeova tagsg yaa bõe ne rɩk ziri tũudmã yɛl n naag sɩd tũudmã pʋgẽ? (Yik. 32:4-6, 10; 1 Kor. 10:7, 11)

   2. Bõe la kiris-nebã segd n maan reemã yãkr wɛɛngẽ, wala makre yɩɩlã la saoogã? (Yik. 32:18, 19; Ef. 5:15, 16; 1 Zã 2:15-17)

   3. Mak-sõng bʋg la Levi buudã neb kõ sã n yaa ne maan sẽn yaa tɩrgã wɛɛngẽ? (Yik. 32:25-28; Yɩɩl 18:2625, NW)

Kibar 37

B maana fu-roogo

1. Roog ning sẽn be foto wã zugã boondame tɩ bõe, la bõe la b ra maand a pʋgẽ?

2. Bõe yĩng t’a Zeova yeel a Moiiz t’a maan fu-roogã tɩ b tõe n siig-a la b lebs n ti-a nana-nana?

3. Koglg ning sẽn be ro-bilã pʋgẽ wã yaa bõe, la bõe n be a pʋgẽ?

4. A Zeova yãka ãnd t’a yɩ maan-kʋʋdbã kãsma, la maan-kʋʋdb kãsem tʋʋmd yaa bõe?

5. Sõdg-y teed a tãab nins sẽn be ro-kãsengã pʋgẽ wã.

6. Sɛk-roogã samandẽ wã, bõe ne bõe n be be, la b tar-b lame n maand bõe?

Sogsg a taaba:

1. Karm-y Yikr 25:8-40; 26:1-37; 27:1-8; la 28:1.

   Seribẽ rãmbã sẽn be “kasetã koglg” zugã makda bõe? (Yik. 25:20, 22; Sõd. 7:89; 2 Rĩm 19:15)

2. Karm-y Yikr 30:1-10, 17-21; 34:1, 2; la Hebre dãmb 9:1-5.

   1. Bõe yĩng t’a Zeova wilg tɩ maan-kʋʋdb nins sẽn tʋmd fu-roogã pʋgẽ wã segd n yɩɩ yɩlma, la bõe la woto zãmsd tõndo? (Yik. 30:18-21; 40:30, 31; Heb. 10:22)

   2. Bõe la a Poll yeel tɩ wilgdẽ tɩ sɛk-roogã la a Moiiz Toogã ra pa le tar yõod wakat ning a sẽn wa n gʋlsd hebre kiris-nebã? (Heb. 9:1, 9; 10:1)

Kibar 38

Rap 12 n tɩ ges Kanaã

1. Foto wã zugu, tɩɩs biis nins rapã sẽn zãadã yaa bõe ne bõe, la yita yɛ?

2. Bõe yĩng t’a Moiiz tʋm neb piig la a yiib tɩ b tɩ ges Kanaã tẽngã?

3. Neb piigã sẽn lebg n wa wã, bõe la b yeel a Moiizi?

4. Wãn to la neb a yiibã wilg tɩ b teega a Zeova, la nin-kãens yaa ãnd dãmba?

5. Bõe yĩng t’a Zeova sũur yiki, la a yeela a Moiiz tɩ bõe?

Sogsg a taaba:

1. Karm-y Sõdb 13:1-33.

   1. Ãnd dãmb la b yãk tɩ b tɩ ges tẽnga, la zu-no-kãseng bʋg la b ra tara? (Sõd. 13:2, 3, 18-20)

   2. Bõe yĩng t’a Zozue la a Kalɛɛb tagsgã ra pa wõnd neb a taabã, la woto zãmsda tõnd bõe? (Sõd. 13:28-30; Mat. 17:20; 2 Kor. 5:7)

2. Karm-y Sõdb 14:1-38.

   1. Bõe la b yeel tɩ wilgdẽ tɩ d pa segd n yẽgem ne neb nins a Zeova sẽn yãkã? (Sõd. 14:2, 3, 27; Mat. 25:40, 45; 1 Kor. 10:10)

   2. Bõe la b yeel Sõdb 14:24 pʋgẽ tɩ wilgdẽ t’a Zeova sõgen fãa yell pak-a lame? (1 Rĩm 19:18; Yel. 15:3)

Kibar 39

Rasaar sẽn ning puudu

1. Ãnd dãmb n kɩɩs a Moiiz ne a Aarõ noorã, la b yeela a Moiiz tɩ bõe?

2. A Moiiz yeela a Koore ne a poorẽ dãmb kobs-yi la pis-nu wã tɩ b maan bõe?

3. Bõe la a Moiiz yeel nin-buiidã, la a sẽn gom n sa bala, bõe n maane?

4. Bõe n paam a Koore ne a poorẽ dãmb 250 wã?

5. Bõe la a Aarõ biig a Eleazaar maan ne neb nins sẽn ki wã wisd laase, la bõe yĩnga?

6. Bõe yĩng t’a Zeova kɩt t’a Aarõ rasaarã ning puudu? (Ges-y foto wã.)

Sogsg a taaba:

1. Karm-y Sõdb 16:1-17:14.

   1. A Koore ne a poorẽ dãmbã maana bõe, la bõe yĩng tɩ d tõe n yeel tɩ b kɩɩsa a Zeova? (Sõd. 16:9, 10, 18; Maan. 10:1, 2; Yel. 11:2)

   2. Tags-kegr bʋg la a Koore ne nanambs 250 wã tall-yã? (Sõd. 16:1-3; Yel. 15:33; Ezai 49:7)

2. Karm-y Sõdb 17:16-261-11, NW la 26:10, 11a.

   1. A Aarõ rasaarã sẽn ning puudã wilgda bõe, la bõe yĩng t’a Zeova yeel tɩ b bĩng-a koglgã pʋgẽ? (Sõd. 17:20, 23, 255, 8, 10, NW; Heb. 9:4)

   2. A Aarõ rasaarã sẽn ning puud tɩ wilg tɩ Wẽnnaam n yãk-a wã zãmsda tõnd bõe? (Sõd. 17:2510, NW; Tʋʋ. 20:28; Fil. 2:14; Heb. 13:17)

Kibar 40

A Moiiz wẽe pĩigã

1. Israɛll nebã sẽn da be rasempʋɩɩgẽ wã, a Zeova gesa b yell wãn-wãna?

2. Israɛll nebã sẽn da wa n be Kadɛsã, b yẽgma bõe poore?

3. Wãn to la a Zeova kɩt tɩ nebã la b rũmsã paam koom?

4. Foto wã zugu, sẽn tik-a a yãoogã soab yaa ãnda, la bõe yĩng t’a maan woto?

5. Bõe yĩng t’a Zeova sũurã puug ne a Moiiz la a Aarõ, la wãn to la a sɩbg-ba?

6. Bõe n maan Hoor tãngã zugu, la ãnd n lebg Israɛll nebã maan-kʋʋdb kãsma?

Sogsg a taaba:

1. Karm-y Sõdb 20:1-13, 22-29 la Tõod 29:45 NW.

   1. A Zeova sẽn ges Israɛll nebã yell to-to rasempʋɩɩgẽ wã zãmsda tõnd bõe? (Tõo. 29:45 NW; Mat. 6:31; Heb. 13:5; Zak 1:17)

   2. A Moiiz ne a Aarõ sẽn pa waoog a Zeova Israɛll nebã taoorã, a Zeova maana wãna? (Sõd. 20:12; 1 Kor. 10:12; Wil. 4:11)

   3. A Zeova sẽn sɩbg a Moiiz t’a tall manesem ningã zãmsda tõnd bõe? (Sõd. 12:3; 20:12, 27, 28; Tõo. 32:4; Heb. 12:7-11)

Kibar 41

Waaf sẽn maan ne zũudu

1. Foto wã zugu, bũmb ning sẽn vil raoogã yaa bõe, la bõe yĩng t’a Zeova yeel a Moiiz t’a ning-a be?

2. Wãn to la Israɛll nebã wilg tɩ b ra pa tar mi-beoog ne Wẽnnaam, a sẽn da maan bũmb nins fãa n kõ-bã yĩnga?

3. A Zeova sẽn tʋm wag-toosã n na n sɩbg nebã, b kosa a Moiiz t’a maan bõe?

4. Bõe yĩng t’a Zeova yeel a Moiiz t’a maan waaf ne zũudu?

5. Kiba-kãngã zãmsda tõnd bõe?

Sogsg a taaba:

1. Karm-y Sõdb 21:4-9.

   1. Israɛll nebã sẽn yẽgem rɩɩbã ne koomã a Zeova sẽn kõ-bã poorẽ tɩ bũmb ning paam-bã zãmsda tõnd bõe? (Sõd. 21:5, 6; Rom 2:4)

   2. Kaoosg poore, Israɛll nebã wa n dɩka waafã sẽn maan ne zũudã n tar n maand bõe, la rẽ kɩtame tɩ rĩm a Ezekias maan bõe? (Sõd. 21:9; 2 Rĩm 18:1-4)

2. Karm-y Zã 3:14, 15.

   Bõe yĩng tɩ d tõe n yeel tɩ waafã sẽn maan ne zũudã b sẽn vil raoogã makda b sẽn ka a Zezi ra-luk zugã bal kɛpɩ? (Gal. 3:13; 1 Pɩɛ. 2:24)

Kibar 42

Bõang sẽn gome

1. A Balak yaa ãnda, la bõe yĩng t’a tʋm tɩ b tɩ bool a Balaam?

2. Bõe yĩng t’a Balaam bõangã gãe sorã zugu?

3. A Balaam bõangã yeel-a lame tɩ bõe?

4. Malɛkã yeela a Balaam tɩ bõe?

5. A Balaam sẽn mak t’a na n kãab Israɛll nebã wẽngã, bõe n maane?

Sogsg a taaba:

1. Karm-y Sõdb 21:21-35.

   Bõe yĩng tɩ Israɛll nebã zab n tõog Amoor dãmbã naab a Sihõ la Basãn naab a Ooge? (Sõd. 21:21, 23, 33, 34)

2. Karm-y Sõdb 22:1-40.

   Bõe yĩng t’a Balaam da rat n kãab Israɛll nebã wẽnga, la rẽ zãmsda tõnd bõe? (Sõd. 22:16, 17; Yel. 6:16, 18; 2 Pɩɛ. 2:15; Ziid 11)

3. Karm-y Sõdb 23:1-30.

   Baa ne a Balaam sẽn gom wa ned sẽn tũud a Zeova wã, wãn to la a manesmã wilg t’a ra pa tũud a Zeova? (Sõd. 23:3, 11-14; 1 Sãm. 15:22)

4. Karm-y Sõdb 24:1-25.

   Wãn to la Biiblã kiba-kãngã kɩtd tɩ tõnd sɩd kɩs sɩd t’a Zeova raabã na n pidsame? (Sõd. 24:10; Ezai 54:17)

Kibar 43

A Zozue lebga taoor soaba

1. Neb a yiibã sẽn yas ne a Moiizã yaa ãnd dãmba?

2. A Zeova yeela a Zozue tɩ bõe?

3. Bõe yĩng t’a Moiiz rʋ Nebo tãngã zugu, la bõe la a Zeova yeel-a?

4. A Moiiz sẽn wa n kiidẽ wã t’a tara yʋʋm a wãna?

5. Bõe yĩng tɩ nebã sũur da sãame, la bõe n da kɩt tɩ b sũyã yaa noog me?

Sogsg a taaba:

1. Karm-y Sõdb 27:12-23.

   Tʋʋm-kãseng bʋg la a Zeova bobl a Zozue, la bõe n wilgd t’a Zeova geta a nin-buiidã yell rũndã-rũndã? (Sõd. 27:15-19; Tʋʋ. 20:28; Heb. 13:7)

2. Karm-y Tõod 3:23-29.

   Bõe yĩng t’a Zeova pa bas t’a Moiiz ne a Aarõ kẽ kãabg tẽngã pʋgẽ, la woto zãmsda tõnd bõe? (Tõo. 3:25-27; Sõd. 20:12, 13)

3. Karm-y Tõod 31:1-8, 14-23.

   Wãn to la a Moiiz sẽn yeel Israɛll nebã bũmb ning n yaool n na n ki wã wilgd t’a saka a Zeova sɩbgrã? (Tõo. 31:6-8, 23)

4. Karm-y Tõod 32:45-52.

   Biiblã yõod yaa bõe ne tõndo? (Tõo. 32:47; Maan. 18:5; Heb. 4:12)

5. Karm-y Tõod 34:1-12.

   Baa ne a Moiiz sẽn zɩ n yã a Zeova mengã, wãn to la Tõod 34:10 wilgd zood ning sẽn be yẽ ne a Zeova sʋkã? (Yik. 33:11, 20; Sõd. 12:8)

Kibar 44

A Rahaab solga rapa

1. A Rahaab ra bee yɛ?

2. Rap a yiib nins sẽn be foto wã zugã yaa ãnd rãmbã, la bõe yĩng tɩ b be Zeriko?

3. Zeriko rĩmã yeela a Rahaab t’a maan bõe, la a leokame tɩ bõe?

4. Wãn to la a Rahaab sõng rap a yiibã, la bõe la a kos-ba?

5. Rap a yiibã kãaba a Rahaab bõe?

Sogsg a taaba:

1. Karm-y Zozue 2:1-24.

   Israɛll nebã sẽn wa n na n zab ne Zeriko nebã, wãn to la a Zeova kãabg ning sẽn be Yikr 23:27 wã pids-yã? (Zoz. 2:9-11)

2. Karm-y Hebre dãmb 11:31.

   Wãn to la a Rahaab manesmã wilgd tɩ d segd n talla tẽebo? (Rom 1:17; Heb. 10:39; Zak 2:25)

Kibar 45

Zʋrdẽ kʋɩlgã rʋʋgre

1. Yel-solem-bʋg la a Zeova maan sẽn na yɩl tɩ Israɛll nebã tõog n dʋʋg Zʋrdẽ kʋɩlgã?

2. Bõe la Israɛll nebã ra segd n maan n wilg tɩ b tara tẽebo, n yaool n tõog n dʋʋg Zʋrdẽ kʋɩlgã?

3. Bõe yĩng t’a Zeova yeel a Zozue t’a rɩgs kug 12 kʋɩlgã sʋka?

4. Maan-kʋʋdbã sẽn yi Zʋrdẽ kʋɩlgã pʋgẽ n sa bala, bõe n maane?

Sogsg a taaba:

1. Karm-y Zozue 3:1-17.

   1. Wa kiba-kãngã sẽn wilgdã, bõe la d segd n maan n paam a Zeova sõngr la a barka? (Zoz. 3:13, 15; Yel. 3:5; Zak 2:22, 26)

   2. Israɛll nebã sẽn wa n dʋʋgd Zʋrdẽ kʋɩlgã t’a yaa wãn to-to, la wãn to la rẽ pẽgd a Zeova yʋʋrã? (Zoz. 3:15; 4:18, 23, 24; Yɩɩl 66:5-7)

2. Karm-y Zozue 4:1-18.

   Bõe yĩng tɩ b wʋk kug 12 Zʋrdẽ kʋɩlgã pʋgẽ n tɩ zam Gilgalle? (Zoz. 4:4-7)

Kibar 46

Zeriko lalsã lʋɩɩse

1. A Zeova yeela tãb-biisã la maan-kʋʋdbã tɩ b maan bõe rasem a yoob pʋgẽ?

2. Bõe la rapã ra segd n maan rasem a yopoe daarã?

3. Wa yãmb sẽn ne foto wã zugã, bõe n maan Zeriko lalsã?

4. Bõe yĩng tɩ wĩ-miuug luund roogã fenetrẽ?

5. Bõe la a Zozue yeel tãb-biisã tɩ b maan Zeriko tẽngã la a nebã, la bõe la a yeel-b tɩ b maan ne wanzuri wã, sãnemã, zũudã, la kutã?

6. A Zozue yeela rap a yiib nins sẽn da tɩ ges tẽngã tɩ b maan bõe?

Sogsg a taaba:

1. Karm-y Zozue 6:1-25.

   1. Wãn to la Israɛll nebã sẽn kẽn n gɩlg Zeriko to-to rasem a yopoe daarã wõnd a Zeova Kaset rãmbã sẽn moond koɛɛgã to-to rũndã-rũndã wã? (Zoz. 6:15, 16; Ezai 60:22; Mat. 24:14; 1 Kor. 9:16)

   2. Wãn to la bãngr gomdã b sẽn deng n togs tɩ be Zozue 6:26 pids yʋʋm kobs-nu loogr poore, la woto zãmsda tõnd bõe a Zeova goamã wɛɛngẽ? (1 Rĩm 16:34; Ezai 55:11)

Kibar 47

Israɛll ned n zu

1. Rao ning sẽn busd teedã yaa ãnda, la ãnd dãmb la sẽn sõngd-a wã?

2. Bõe yĩng tɩ bũmb ning a Akã ne a zaka rãmb sẽn maanã yaa wẽng wʋsgo?

3. A Zozue sẽn wa n sok a Zeova n dat n bãng bũmb ning sẽn kɩt tɩ Ai nebã tõog Israɛll nebã, a Zeova leok-a lame tɩ bõe?

4. B sẽn tall a Akã ne a zaka rãmb n ta a Zozue taoorã, bõe la b maan-ba?

5. Bũmb ning sẽn paam a Akã wã zãmsda tõnd bõe?

Sogsg a taaba:

1. Karm-y Zozue 7:1-26.

   1. Wãn to la a Zozue pʋʋsgã wilgd t’a ra tara zems-n-taar ne a Naandã? (Zoz. 7:7-9; Yɩɩl 119:145; 1 Zã 5:14)

   2. Bõe la a Akã kibarã wilgda, la wãn to la woto keoogd tõndo? (Zoz. 7:11, 14, 15; Yel. 15:3; 1 Tɩm. 5:24; Heb. 4:13)

2. Karm-y Zozue 8:1-29.

   D sã n bãng tɩ tigingã ned n maan yel-wẽnde, bõe la tõnd segd n maane? (Zoz. 7:13; Maan. 5:1; Yel. 28:13)

Kibar 48

Gabaõ nebã talla yam

1. Wãn to la Gabaõ nebã ra yaa toor ne Kanaã tẽns a taabã neba?

2. Wa b sẽn wilg foto wã zugã, bõe la Gabaõ nebã maan-yã, la bõe yĩnga?

3. Bõe la a Zozue ne Israɛll kãsem dãmbã pʋlem Gabaõ nebã, la rasem a tãab poore, bõe la b bãng-yã?

4. Tẽns a taabã rĩm dãmb sẽn bãng tɩ Gabaõ nebã yõga zood ne Israɛll nebã, bõe la b maan-yã?

Sogsg a taaba:

1. Karm-y Zozue 9:1-27.

   1. A Zeova sẽn yeel Israɛll nebã tɩ b ‘menes tẽngã neba fãa’ n yaool n bas Gabaõ nebã, wilgda bõe? (Zoz. 9:22, 24; Mat. 9:13; Tʋʋ. 10:34, 35; 2 Pɩɛ. 3:9)

   2. A Zozue sẽn kell n pids a pʋlengã ne Gabaõ nebã kõta kiris-nebã mak-sõng bʋgo? (Zoz. 9:18, 19; Mat. 5:37; Ef. 4:25)

2. Karm-y Zozue 10:1-5.

   Wãn to la kʋʋn-kãsengã rɩkd Gabaõ nebã makr rũndã-rũndã, la rẽ kɩtame tɩ ãnda zabd ne-ba? (Zoz. 10:4; Zak. 8:23; Mat. 25:35-40; Wil. 12:17)

Kibar 49

Wĩntoogã yalsame

1. A Zozue sẽn zẽk a nusã a yetame tɩ bõe, la bõe yĩnga?

2. Wãn to la a Zeova sõng a Zozue ne a tãb-biisã?

3. Rĩm dãmb a wãn la a Zozue tõog-yã, la woto rɩka yʋʋm a wãna?

4. Bõe yĩng t’a Zozue pʋɩ Kanaã tẽngã?

5. A Zozue sẽn wa n kiidẽ wã t’a tara yʋʋm a wãna, la rẽ poore bõe la Israɛll nebã maan-yã?

Sogsg a taaba:

1. Karm-y Zozue 10:6-15.

   Tõnd sẽn mi t’a Zeova kɩtame tɩ wĩntoogã la kiuugã yals zĩ-yendã, d tõe n kɩsa sɩd ne bõe? (Zoz. 10:8, 10, 12, 13; Yɩɩl 18:43, NW; Yel. 18:10)

2. Karm-y Zozue 12:7-24.

   Yaa ãnd n kɩt tɩ Israɛll nebã tõog Kanaã rĩm dãmb 31 wã, la bõe yĩng tɩ rẽ bãngr tar yõod ne tõnd rũndã-rũndã? (Zoz. 12:7; 24:11-13; Tõo. 31:8; Luk 21:9, 25-28)

3. Karm-y Zozue 14:1-5.

   B pʋɩya tẽngã wãn-wãn tɩ Israɛll buud toɛy-toɛyã fãa paam zĩiga? La rẽ wilgdame tɩ na n yɩɩ wãn to arzãnã pʋgẽ? (Zoz. 14:2; Ezai 65:21; Eze. 47:21-23; 1 Kor. 14:33)

4. Karm-y Bʋkaoodb 2:8-13.

   Wala a Zozue sẽn da maan to-to Israɛllã, ãnd dãmb n kɩtd tɩ sɩdã kɩɩsg pa tar pãng rũndã-rũndã? (Bʋk. 2:8, 10, 11; Mat. 24:45-47; 2 Tes. 2:3-6; Tɩt 1:7-9; Wil. 1:1; 2:1, 2)

Kibar 50

A Debora ne a Zayɛlle

1. Bʋkaoodbã tʋʋmd ra yaa bõe? Togs-y kẽer yʋya.

2. Zu-no-bʋg la a Debora paam-yã, la rẽ ra baoodame t’a maan bõe?

3. Rĩm a Zabẽ la a tãb-biisã naab a Sizera sẽn wa n dat n zab ne Israɛll nebã, koe-bʋg la a Zeova kõ a Debora t’a taas bʋkaood a Barake, la a yeelame tɩ ãnd n da na n paam waoogr ning a Barak sẽn da segd n paamã?

4. Wãn to la a Zayɛll wilg t’a yaa pag sẽn tar daoodo?

5. Rĩm a Zabẽ kũumã poore bõe n maane?

Sogsg a taaba:

1. Karm-y Bʋkaoodb 2:14-22.

   Bõe la Israɛll nebã maan t’a Zeova sũurã puug ne-ba, la woto zãmsda tõnd bõe? (Bʋk. 2:20; Yel. 3:1, 2; Eze. 18:21-23)

2. Karm-y Bʋkaoodb 4:1-24.

   A Zayɛll ne a Debora sẽn tall tẽeb la raoodã zãmsda kiris-nin-pogsã bõe rũndã-rũndã? (Bʋk. 4:4, 8, 9, 14, 21, 22; Yel. 31:30; 1 Kor. 16:13)

3. Karm-y Bʋkaoodb 5:1-31.

   Wãn to la d tõe n dɩk a Debora ne a Barak yɩɩllã goam n maan pʋʋsg Armagedõ zabrã wɛɛngẽ? (Bʋk. 5:3, 31; 1 Kib. 16:8-10; Wil. 7:9, 10; 16:16; 19:19-21)

Kibar 51

A Rut ne a Naomi kibare

1. Maana wãn t’a Naomi wa be Moaab tẽngã?

2. A Rut ne a Orpa yaa ãnd dãmba?

3. A Naomi sẽn wa n yeel a Rut ne a Orpa tɩ b lebg n kulã, b leokame tɩ bõe?

4. Ãnd la a Boaaze, la a maana bõe n sõng a Rut ne a Naomi?

5. A Rut ne a Boaaz biigã yʋʋr la bõe, la bõe yĩng tɩ d segd n tẽeg a yelle?

Sogsg a taaba:

1. Karm-y Rut 1:1-17.

   1. Bõe la a Rut yeel tɩ wilgdẽ t’a ra nonga a Naomi ne a Zeova? (Rut 1:16, 17)

   2. Bõe yĩng tɩ d tõe n yeel t’a Rut manesmã wõnda piis a taabã manesem ne kiris-neb nins sẽn paam vʋʋsem sõng zaeeb n ket tẽng zug rũndã-rũndã wã? (Zã 10:16; Zak. 8:23)

2. Karm-y Rut 2:1-23.

   Mak-sõng bʋg la a Rut kõ rũndã-rũndã pʋg-bɩɩsã? (Rut 2:17, 18; Yel. 23:22; 31:15)

3. Karm-y Rut 3:5-13.

   1. A Rut sẽn bas rasãmbã n kẽ kãadem ne a Boaazã, a Boaaz tagsg yɩɩ wãn ne rẽ?

   2. Bõe la a Rut manesmã zãmsd tõnd nonglem hakɩkã wɛɛngẽ? (Rut 3:10; 1 Kor. 13:4, 5)

4. Karm-y Rut 4:7-17.

   Wãn to la kiris-neb nins sẽn yaa rapã tõe n maan wa a Boaaze? (Rut 4:9, 10; 1 Tɩm. 3:1, 12, 13; 5:8)

Kibar 52

A Zedeõ ne a rap 300 wã

1. Bõe yĩng tɩ Israɛll nebã be zu-loees wʋsg pʋgẽ?

2. Bõe yĩng t’a Zeova yeel a Zedeõ t’a tãb-biisã yaa wʋsgo?

3. A Zedeõ sẽn yeel tɩ neb nins fãa sẽn zoet rabeemã lebg n kulã, neb a wãn n pa?

4. Ges-y foto wã la y wilg bũmb ning a Zeova sẽn maan n boog a Zedeõ tãb-biisã sõor tɩ lebg neb kobs-tã balã?

5. Wãn to la a Zedeõ sigl a tãb-biis kobs-tã wã, la bõe la Israɛll maan n tõog zabrã?

Sogsg a taaba:

1. Karm-y Bʋkaoodb 6:36-40.

   1. A Zedeõ maana wãn n bãng a Zeova sẽn da rat bũmb ninga?

   2. Rũndã-rũndã, d maanda wãn n bãng a Zeova raabã? (Yel. 2:3-6; Mat. 7:7-11; 2 Tɩm. 3:16, 17)

2. Karm-y Bʋkaoodb 7:1-25.

   1. Neb kobs-tã wã sẽn kell n gũus n pa maan wa neb a taabã zãmsda tõnd bõe? (Bʋk. 7:3, 6; Rom 13:11, 12; Ef. 5:15-17)

   2. Wala neb kobs-tã wã sẽn togs n maan wa a Zedeõ wã, wãn to la tõnd me tõe n togs n maan wa Zedeõ kãseng a Zezi Kiristi? (Bʋk. 7:17; Mat. 11:29, 30; 28:19, 20; 1 Pɩɛ. 2:21)

   3. Wãn to la Bʋkaoodb 7:21 sõngd tõnd tɩ d maan sũ-noog ne tʋʋmd ning fãa b sẽn na n kõ tõnd a Zeova siglgã pʋgẽ? (1 Kor. 4:2; 12:14-18; Zak 4:10)

3. Karm-y Bʋkaoodb 8:1-3.

   D sã n wa rat n welg mo-yõsr sẽn be tõnd ne saam-biig sʋka, bõe la a Zedeõ sẽn welg mo-yõsrã ne Efrayim nebã to-to wã zãmsd tõndo? (Yel. 15:1; Mat. 5:23, 24; Luk 9:48)

Kibar 53

A Zɛfte pʋlengã

1. A Zɛfte yaa ãnda, la a vɩɩmda wakat bʋgo?

2. Bõe la a Zɛfte pʋlem a Zeova?

3. A Zɛfte sẽn tõog Amõ nebã n lebg n kulã, bõe n sãam a sũuri?

4. A Zɛfte bi-puglã sẽn bãng a ba wã sẽn da pʋlem Wẽnnaam bũmb ningã, bõe la a yeel-yã?

5. Bõe yĩng tɩ nebã ra nong a Zɛfte bi-puglã?

Sogsg a taaba:

1. Karm-y Bʋkaoodb 10:6-18.

   Israɛll nebã sẽn pa kell n sak a Zeova tɩ bũmb ning paam-bã zãmsda tõnd bõe? (Bʋk. 10:6, 15, 16; Rom 15:4; Wil. 2:10)

2. Karm-y Bʋkaoodb 11:1-11, 29-40.

   1. Wãn to la tõnd mi t’a Zɛfte sẽn yeel t’a na n dɩka a bi-puglã n maan maoongã pa rat n yeel t’a na n kʋ-a lame? (Bʋk. 11:31; Maan. 16:24; Tõo. 18:10, 12)

   2. Bõe yĩng tɩ d tõe n yeel t’a Zɛfte rɩka a bi-puglã n maan maoongo?

   3. A Zɛfte sẽn tall manesem ning ne a pʋlengã zãmsda tõnd bõe? (Bʋk. 11:35, 39; Koɛ. 5:3, 44, 5, NW; Mat. 16:24)

   4. Sã n yaa ne rɩk f sẽka fãa n kẽes Wẽnnaam tʋʋmdã pʋgẽ wã wɛɛngẽ, wãn to la a Zɛfte bi-puglã yaa mak-sõng kiris-neb nins sẽn yaa kom-bɩɩsã yĩnga? (Bʋk. 11:36; Mat. 6:33; Fil. 3:8)

Kibar 54

Pãng soab a Samsõ

1. Rao ning sẽn da tar pãng n yɩɩd nebã fãa wã yʋʋr la a bõe, la ãnd n kõ-a pãngã?

2. Foto wã zugu bõe la a Samsõ maand bõn-yẽegã?

3. Bõe la a Samsõ sẽn yet a Dalila wã, la wãn to la rẽ kɩt tɩ Filisti nebã tõog n yõk-a?

4. A Samsõ kũumã raare, bõe la a maan tɩ Filisti neb tus a tã naag-a n ki?

Sogsg a taaba:

1. Karm-y Bʋkaoodb 13:1-14.

   Kambã wubr wɛɛngẽ, mak-sõng bʋg la a Manoa ne a pagã kõ roagdbã? (Bʋk. 13:8; Yɩɩl 127:3; Ef. 6:4)

2. Karm-y Bʋkaoodb 14:5-9 la 15:9-16.

   1. A Samsõ sẽn tõog n kʋ bõn-yẽega, n tõs wĩ-paal nins sẽn da sẽb-a wã, la a rɩk bõang yeer n kʋ rap tusrã wilgda tõnd t’a Zeova vʋʋsem sõngã tõe n maana bõe?

   2. Wãn to la vʋʋsem sõngã sõngd tõnd rũndã-rũndã? (Bʋk. 14:6; 15:14; Zak. 4:6; Tʋʋ. 4:31)

3. Karm-y Bʋkaoodb 16:18-31.

   Bõe n paam a Samsõ a sẽn sak n tũ nin-wẽnsã, la woto zãmsda tõnd bõe? (Bʋk. 16:18, 19; 1 Kor. 15:33)

Kibar 55

Biig sẽn tʋmd wẽnd-doogẽ

1. Bi-kɩdg ning sẽn be foto wã zugã yaa ãnda, la neb a taabã yaa ãnd dãmba?

2. Daar a yembre, a Ana sẽn wa n be a Zeova sɛk-roogẽ wã, a pʋʋs n kosa bõe, la bõe n wilgd t’a Zeova reega a pʋʋsgã?

3. B sẽn wa n tall a Sãmwɛll n kẽng a Zeova sɛk-roogẽ wã t’a tara yʋʋm a wãna, la bõe la a ma wã ra maand n kõt-a yʋʋmd fãa?

4. A Eli kom-dibli wã yʋy la bõe, la b ra yaa nin-bʋs buudu?

5. Naoor a wãn la a Zeova bool a Sãmwɛlle, la koe-bʋg la a taas-a?

6. A Sãmwɛll sẽn wa n lebg kãsmã, a lebga bõe, la a sẽn wa n kʋʋlã bõe n maane?

Sogsg a taaba:

1. Karm-y 1 Sãmwɛll 1:1-28.

   1. Mak-sõng bʋg la a Ɛlkana kõt zak-soben-dãmbã, sã n yaa ne lʋɩ taoor Wẽnnaam tʋʋmdã pʋgẽ wã? (1 Sãm. 1:3, 21; Mat. 6:33; Fil. 1:10)

   2. A Ana sẽn tall manesem ning a zu-loɛɛgã pʋgẽ wã zãmsda tõnd bõe? (1 Sãm. 1:10, 11; Yɩɩl 55:2322, NW; Rom 12:12)

2. Karm-y 1 Sãmwɛll 2:11-36.

   Wãn to la a Eli waoog a kambã n yɩɩg a Zeova, la bõe la woto zãmsd tõndo? (1 Sãm. 2:22-24, 27, 29; Tõo. 21:18-21; Mat. 10:36, 37)

3. Karm-y 1 Sãmwɛll 4:16-18.

   Kiba-wẽns a naas bʋs la b wa n togs a Eli, la bõe n maan-a?

4. Karm-y 1 Sãmwɛll 8:4-9.

   Wãn to la Israɛll nebã beeg a Zeova wʋsgo, la wãn to la tõnd tõe n teel a Rĩungã wakat fãa? (1 Sãm. 8:5, 7; Zã 17:16; Zak 4:4)

Kibar 56

Israɛll pipi rĩmã

1. Bõe la a Sãmwɛll sẽn maand foto wã zugã, la yaa bõe yĩnga?

2. Bõe yĩng t’a Zeova nong a Sayulli, la a yaa nin-bʋg buudu?

3. A Sayull bi-riblã yʋʋr la bõe, la a maana bõe?

4. Bõe yĩng t’a Sayull yõog maoongã n pa yaas n gũ a Sãmwɛll t’a wa yõoge?

5. A Sayull kibarã zãmsda tõnd bõe?

Sogsg a taaba:

1. Karm-y 1 Sãmwɛll 9:15-21 la 10:17-27.

   Wãn to la a Sayull sik-m-mengã sõng-a t’a pa yɩ yãg-yãg n zab ne neb nins sẽn gom n paoog-a wã? (1 Sãm. 9:21; 10:21, 22, 27; Yel. 17:27)

2. Karm-y 1 Sãmwɛll 13:5-14.

   Yel-wẽn-bʋg la a Sayull maan Gilgalle? (1 Sãm. 10:8; 13:8, 9, 13)

3. Karm-y 1 Sãmwɛll 15:1-35.

   1. A Sayull sẽn tɩ zab ne Amalɛk rĩm a Agaagã sasa, yel-wẽn-kãseng bʋg la a maan-yã? (1 Sãm. 15:2, 3, 8, 9, 22)

   2. Bõe la a Sayull yeel sẽn na yɩl n kõ a meng bʋʋm? (1 Sãm. 15:24)

   3. B sã n wa sagend tõndo, bõe la d segd n maane? (1 Sãm. 15:19-21; Yɩɩl 141:5; Yel. 9:8, 9; 11:2)

Kibar 57

Wẽnnaam yãka a Davɩɩd

1. Biig ning sẽn be foto wã zugã yʋʋr la bõe, la bõe yĩng tɩ d yet t’a tara raoodo?

2. A Davɩɩd ra vɩɩ yɛ? Togs-y a ba wã ne a yaab-raoogã yʋya.

3. Bõe yĩng t’a Zeova yeel a Sãmwɛll t’a kẽng a Zese zakẽ wã Betlehɛm?

4. A Zese sẽn wilg a Sãmwɛll a kom-dibli a yopoe wã, bõe n maane?

5. A Zese sẽn wilg a biig a Davɩɩdã, bõe la a Zeova yeel a Sãmwɛlle?

Sogsg a taaba:

1. Karm-y 1 Sãmwɛll 17:34, 35.

   Wãn to la kiba-kãensã wilgd t’a Davɩɩd ra tara raoodo, la t’a ra teega a Zeova? (1 Sãm. 17:37)

2. Karm-y 1 Sãmwɛll 16:1-14.

   1. Wãn to la a Zeova goam nins sẽn be 1 Sãmwɛll 16:7 sõngd tõnd tɩ d bãng tɩ d pa segd n tũusd neba, bɩ n yãg n sãbs neda? (Tʋʋ. 10:34, 35; 1 Tɩm. 2:4)

   2. Wãn to la a Sayull kibarã wilgd t’a Zeova sã n deeg a vʋʋsem sõngã n bas neda, a soabã tõe n talla yam-wẽnga, bɩ a na n nonga wẽng maanego? (1 Sãm. 16:14; Mat. 12:43-45; Gal. 5:16)

Kibar 58

A Davɩɩd ne a Goliate

1. Wãn to la a Goliat bao Israɛll tãb-biisã noore?

2. A Goliat woglmã ra taa wãna, la keoor bʋg la rĩm a Sayull kãab ned ning sẽn na n tõog n kʋ-a wã?

3. A Sayull sẽn yeel a Davɩɩd t’a sẽn yaa biigã yĩngã a pa na n tõog n zab ne a Goliatã, a leokame tɩ bõe?

4. A Davɩɩd sẽn leok a Goliat to-to wã pʋgẽ, bõe n wilgd t’a sɩd teega a Zeova?

5. Wa y sẽn ne foto wã zugã, bõe la a Davɩɩd tall n kʋ a Goliate, la rẽ poore, Filisti tãb-biisã maana bõe?

Sogsg a taaba:

1. Karm-y 1 Sãmwɛll 17:1-54.

   1. Bõe n kɩt t’a Davɩɩd ra pa zoet rabeem, la wãn to la d tõe n tall a raoodã buudu? (1 Sãm. 17:37, 45; Ef. 6:10, 11)

   2. Kiris-nebã sã n wa reemd ne taaba, bõe yĩng tɩ b pa segd n bao n wags taaba? (1 Sãm. 17:8; Gal. 5:26; 1 Tɩm. 4:8)

   3. Wãn to la a Davɩɩd goamã wilgd t’a ra kɩsa sɩd t’a Zeova na n sõng-a lame? (1 Sãm. 17:45-47; 2 Kib. 20:15)

   4. Bõe n wilgd tɩ kiba-kãngã gomda Wẽnnaam a Zeova sẽn zabd ne ziri wẽnnaam dãmbã yelle, la pa tãb-biis a yiib sẽn zabd taab yell bala? (1 Sãm. 17:43, 46, 47)

   5. Wãn to la sẽn paam-b zaeeb n ket tẽngã zugã wilgd tɩ b tara bas-yard ne a Zeova wa a Davɩɩde? (1 Sãm. 17:37; Zer. 1:17-19; Wil. 12:17)

Kibar 59

A Davɩɩd kong n zoeeme

1. Bõe yĩng t’a Sayull maan sũ-kiir ne a Davɩɩde, la wãn to la a Sayull biig a Zonatã ra yaa toor ne a ba wã?

2. Vugri, a Davɩɩd sẽn wa n zĩ n wẽed pɛndgã bõe la a Sayull maan-yã?

3. Bõe la a Sayull yeel a Davɩɩd t’a maan n yaool n paam a bi-pugl a Mikall n kẽ kãadem, la yaa bõe yĩnga?

4. Wa foto wã sẽn wilgdã, a Davɩɩd sẽn wa n wẽed a pɛndgã, bõe n maan tɩ yaa naoor a tãab-n-soab la woto?

5. Wãn to la a Mikall sõng a Davɩɩd t’a põse, la yɩɩ tɩlae t’a Davɩɩd maan bõe yʋʋm a yopoe pʋgẽ?

Sogsg a taaba:

1. Karm-y 1 Sãmwɛll 18:1-30.

   1. Wãn to la nonglem hakɩk ning sẽn da be a Zonatã ne a Davɩɩd sʋkã wilgd nonglem ning sẽn na n zĩnd ‘piis a taabã’ la ‘bãg-bilã’ sʋka? (1 Sãm. 18:1; Zã 10:16; Luk 12:32; Zak. 8:23)

   2. Baa sẽn yaa a Zonatã n da segd n deeg a Sayull zĩig n dɩ naamã, wãn to la 1 Sãmwɛll 18:4 wilgd t’a Zonatã saka ned ning Wẽnnaam sẽn yãk t’a yɩ rĩmã?

   3. Wãn to la a Sayull kibarã wilgd tɩ sũ-kiir tõe n kɩtame tɩ d maan yel-wẽn-kãsenga, la woto keoogda tõnd ne bõe? (1 Sãm. 18:7-9, 25; Zak 3:14-16)

2. Karm-y 1 Sãmwɛll 19:1-17.

   Wãn to la a Zonatã gẽneg a yõore, a sẽn wa n gomd a Davɩɩd yell ne a ba a Sayullã? (1 Sãm. 19:1, 4-6; Yel. 16:14)

Kibar 60

A Davɩɩd ne a Abigayille

1. Foto wã zugu, pag ning sẽn segd a Davɩɩdã yʋʋr la bõe, la a yaa nin-bʋg buudu?

2. Ãnd la a Naballe?

3. Bõe yĩng t’a Davɩɩd tʋm neb tɩ b tɩ bõos a Naball rɩɩbo?

4. Bõe la a Naball yeel a Davɩɩd nebã, la bõe la a Davɩɩd maan-yã?

5. Wãn to la a Abigayill wilg t’a yaa pag sẽn tar yam?

Sogsg a taaba:

1. Karm-y 1 Sãmwɛll 22:1-4.

   Wãn to la a Davɩɩd zakã neb sẽn maan bũmb ningã wilgd kiris-nebã sẽn segd n sõng taab to-to? (Yel. 17:17; 1 Tes. 5:14)

2. Karm-y 1 Sãmwɛll 25:1-43.

   1. Bõe yĩng tɩ b yet t’a Naball yaa nin-yoogo? (1 Sãm. 25:2-5, 10, 14, 21, 25)

   2. Bõe la a Abigayill mak-sõngã zãmsd kiris-nin-pogsã? (1 Sãm. 25:32, 33; Yel. 31:26; Ef. 5:24)

   3. Bõe la a Abigayill maan tɩ kɩt t’a Davɩɩd pa paam n maan wẽnga? (1 Sãm. 25:31, 33; Rom 12:19; Ef. 4:26)

   4. Wãn to la a Davɩɩd sẽn tall manesem ning ne a Abigayillã sõngd rapã tɩ b bãng a Zeova sẽn tagsd bũmb ning pagbã zugu? (Tʋʋ. 21:8, 9; Rom 2:11; 1 Pɩɛ. 3:7)

Kibar 61

A Davɩɩd lebga rĩma

1. Bõe la a Davɩɩd ne a Abisayi maan wakat ning a Sayull sẽn wa n gõe sikã zĩigẽ wã?

2. A Davɩɩd soka a Sayull tɩ bõe?

3. A Davɩɩd sẽn gom ne a Sayull n sa wã, a kẽnga yɛ?

4. Bõe n sãam a Davɩɩd sũurã wʋsg tɩ kɩt t’a gʋls yɩɩll n wilg a sũ-sãangã?

5. B sẽn wa n kõ a Davɩɩd naam Hebrõ wã t’a tara yʋʋm a wãna? Togs-y a kom-dibli kẽer yʋya.

6. Kaoosg zugẽ, a Davɩɩd tɩ rɩɩ naamã yɛ?

Sogsg a taaba:

1. Karm-y 1 Sãmwɛll 26:1-25.

   1. A Davɩɩd goam nins sẽn be 1 Sãmwɛll 26:11 wã wilgdame t’a ra tara manesem bʋg ne neb nins Wẽnnaam sẽn yãkã? (Yɩɩl 37:7; Rom 13:2)

   2. Tõnd sã n maan d sẽn tõe fãa n maand ned neer t’a maand a toor kae, wãn to la a Davɩɩd goam nins sẽn be 1 Sãmwɛll 26:23 wã sõngd tõnd tɩ d kell n da sãam d sũuri, la d ket n maand sẽn yaa sõma? (1 Rĩm 8:32; Yɩɩl 18:2120, NW)

2. Karm-y 2 Sãmwɛll 1:26.

   Wãn to la kiris-nebã me tõe n tall “nonglem wʋsg” bãmb ne taab sʋk wa a Davɩɩd ne a Zonatã? (1 Pɩɛ. 4:8; Kol. 3:14; 1 Zã 4:12)

3. Karm-y 2 Sãmwɛll 5:1-10.

   1. A Davɩɩd rɩɩ naamã yʋʋm a wãn Hebrõ, la yʋʋm a wãn Zerizalɛm, la fãa yɩɩ yʋʋm a wãna? (2 Sãm. 5:4, 5)

   2. Yaa bõe n kɩt t’a Davɩɩd ra tar pãng wʋsgo, la woto zãmsda tõnd bõe rũndã-rũndã? (2 Sãm. 5:10; 1 Sãm. 16:13; 1 Kor. 1:31; Fil. 4:13)

Kibar 62

Zu-loees n kẽ na-zakã

1. Ne a Zeova sõngre, a Davɩɩd tõog n maana bõe?

2. Zaabr a yembre, a Davɩɩd sẽn wa n dʋ a gasgã zugu, bõe n maane?

3. Bõe yĩng t’a Zeova sũur yik wʋsg ne a Davɩɩde?

4. Ãnd la a Zeova tʋm t’a tɩ togs a Davɩɩd a yel-wẽndã, la a yeelame tɩ bõe n na n paam a Davɩɩde?

5. Zu-loe-bʋs la a Davɩɩd paam-yã?

6. A Davɩɩd poore, ãnd n yɩ Israɛll rĩmã?

Sogsg a taaba:

1. Karm-y 2 Sãmwɛll 11:1-27.

   1. A Davɩɩd sẽn pa yir n pa kẽng zabrã, a yõdg n yoo ne a Batseba. Wãn to la woto wilgd tõnd tɩ d sã n tʋmd a Zeova tʋʋmã wʋsgo, rẽ kogenda tõndo?

   2. Bõe n kɩt t’a Davɩɩd maan yel-wẽndã, la woto kɩtdame tɩ sẽn tũud-b a Zeova wã gũusd b mens ne bõe rũndã-rũndã? (2 Sãm. 11:2; Mat. 5:27-29; 1 Kor. 10:12; Zak 1:14, 15)

2. Karm-y 2 Sãmwɛll 12:1-18.

   1. A Natã sẽn sagl a Davɩɩd to-to wã zãmsda kãsem dãmbã la roagdbã bõe? (2 Sãm. 12:1-4; Yel. 12:18; Mat. 13:34)

   2. Bõe yĩng t’a Zeova zoe a Davɩɩd nimbãanega? (2 Sãm. 12:13; Yɩɩl 32:5; 2 Kor. 7:9, 10)

Kibar 63

Yam soab a Salomo

1. Bõe la a Zeova yeel a Salomo, la a Salomo kosa bõe?

2. A Salomo kosgã sẽn ta a Zeova yamã, bõe la a pʋlem-a?

3. Pagb a yiibã wa n togsa a Salomo yel-bʋgo?

4. Wa y sẽn ne foto wã zugã, wãn to la a Salomo welg yellã?

5. A Salomo naamã rɩɩb sasa, yɛla yɩɩ wãn to-to, la bõe yĩnga?

Sogsg a taaba:

1. Karm-y 1 Rĩm dãmb 3:3-28.

   1. A Salomo sẽn yeel bũmb ning tɩ be 1 Rĩm dãmb 3:7 wã zãmsda neb nins sẽn paam tɩ b bobl-b tʋʋmd Wẽnnaam siglgã pʋgẽ rũndã-rũndã wã bõe? (Yɩɩl 119:105; Yel. 3:5, 6)

   2. Wãn to la a Salomo kosgã wilgd tõnd bũmb nins d sẽn tõe n kos d pʋʋsgã pʋgẽ? (1 Rĩm 3:9, 11; Yel. 30:8, 9; 1 Zã 5:14)

   3. A Salomo sẽn welg pagb a yiibã yellã to-to wã wilgda tõnd bõe sã n yaa ne Salomo kãseng a Zezi Kirist sẽn na n wa rɩ naamã to-to wã? (1 Rĩm 3:28; Ezai 9:5, 66, 7, NW; 11:2-4)

2. Karm-y 1 Rĩm dãmb 5:9-144:29-34, NW.

   1. A Salomo sẽn kos a Zeova t’a kõ-a yamã, wãn to la a leok a pʋʋsgã? (1 Rĩm 5:94:29, NW)

   2. D sã n ges nebã sẽn maan modgr ning n na n wa kelg yam soab a Salomo goamã, tõnd me segd n maana bõe Wẽnnaam Gomdã zãmsg wɛɛngẽ? (1 Rĩm 5:9, 144:29, 34, NW; Zã 17:3; 2 Tɩm. 3:16)

Kibar 64

A Salomo mee wẽnd-doogã

1. A Salomo rɩka yʋʋm a wãn n me a Zeova roogã, la bõe yĩng tɩ b yiis ligd wʋsg meebã yĩnga?

2. Wẽnd-doogã ro-pʋs nins sẽn da yaa wala sɛk-roogã rẽndã yaa bãmb b wãna, la bõe la b ra bĩngd ro-taoorã pʋgẽ?

3. Wẽnd-doogã sẽn me n sa wã, a Salomo pʋʋsa Wẽnnaam n yeel tɩ bõe?

4. Bõe la a Zeova maan n wilg t’a reega a Salomo pʋʋsgã?

5. A Salomo pagbã kɩtame t’a maan bõe, la bõe n paam-a?

6. Bõe yĩng t’a Zeova sũurã puug ne a Salomo, la a yeela a Salomo tɩ bõe?

Sogsg a taaba:

1. Karm-y 1 Kibay 28:9, 10.

   Sã n yaa ne a Davɩɩd goam nins sẽn be 1 Kibay 28:9, 10, bõe la tõnd segd n modg n maan daar fãa? (Yɩɩl 19:1514, NW; Fil. 4:8, 9)

2. Karm-y 2 Kibay 6:12-21, 32-42.

   1. Wãn to la a Salomo wilg tɩ Wẽnnaam sẽn ka to wã pa tõe n zĩnd roog ninsaalb sẽn me pʋgẽ? (2 Kib. 6:18; Tʋʋ. 17:24, 25)

   2. A Salomo goam nins sẽn be 2 Kibay 6:32, 33 zãmsda tõnd bõe a Zeova zugu? (Tʋʋ. 10:34, 35; Gal. 2:6)

3. Karm-y 2 Kibay 7:1-5.

   Wala Israɛll nebã sẽn pẽg a Zeova b sẽn yã a ziirã yĩngã, tõnd me sẽn ne a Zeova sẽn ningd a nin-buiidã bark to-to rũndã-rũndã wã segd n kɩtame tɩ d maan bõe? (2 Kib. 7:3; Yɩɩl 22:2322, NW; 34:21, NW; 96:2)

4. Karm-y 1 Rĩm dãmb 11:9-13.

   Wãn to la a Salomo vɩɩmã baasg sẽn yɩ to-to wã wilgd tõnd tɩ tara yõod tɩ d kell n sak Wẽnnaam wakat fãa? (1 Rĩm 11:4, 9; Mat. 10:22; Wil. 2:10)

Kibar 65

Soolmã welgame

1. Yaa ãnd dãmb la sẽn be foto wã zugã?

2. A Ahiza pidga a fuugã n maan bõe, la woto ra rat n yeelame tɩ bõe?

3. A Salomo bao n na n maana a Zeroboam bõe?

4. Bõe yĩng tɩ nin-buiidã kɩt t’a Zeroboam yɩ Israɛll buud piigã rĩmã?

5. Bõe yĩng t’a Zeroboam maan sãnem nag-bi a yiibu, la rẽ poore bõe n maan tẽngã pʋgẽ?

6. Bõe n paam Israɛll buud a yiibã, la wẽnd-doogã sẽn da be Zerizalɛmã?

Sogsg a taaba:

1. Karm-y 1 Rĩm dãmb 11:26-43.

   A Zeroboam da yaa nin-bʋg buudu, la a Zeova yeel-a lame t’a sã n sak a noyã a na n kõ-a-la bõe? (1 Rĩm 11:28, 38)

2. Karm-y 1 Rĩm dãmb 12:1-33.

   1. Bõe la a Roboam manesem wẽngã zãmsd roagdbã ne tigingã kãsem dãmbã zu-sobendã wɛɛngẽ? (1 Rĩm 12:13; Koɛ. 7:7; 1 Pɩɛ. 5:2, 3)

   2. Kom-bɩɩsã sã n wa rat n yãk yam n maan bũmb sẽn pa reem yelle, yɛ la b tõe n paam sagls sẽn yaa sõma? (1 Rĩm 12:6, 7; Yel. 1:8, 9; 2 Tɩm. 3:16, 17; Heb. 13:7)

   3. Bõe n kɩt t’a Zeroboam yãk zĩis a yiib tɩ b na n pʋʋs nag-bi wã, la wãn to la woto wilgd t’a pa tall tẽeb ne a Zeova? (1 Rĩm 11:37; 12:26-28)

   4. Ãnd n kɩt tɩ Israɛll buud piigã kɩɩs Wẽnnaam? (1 Rĩm 12:32, 33)

Kibar 66

Na-pag a Zezabɛlle

1. Ãnd la a Zezabɛlle?

2. Bõe n sãam rĩm a Akaab sũurã daar a yembre?

3. Bõe la a Zezabɛll maan n na n paam a Nabot viyn pʋʋgã n kõ a sɩd a Akaabe?

4. Ãnd la a Zeova tʋm t’a tɩ sɩbg a Zezabɛlle?

5. Wa yãmb sẽn ne foto wã zugã, a Zehu sẽn ta a Zezabɛll nengẽ na-yirã, bõe n maane?

Sogsg a taaba:

1. Karm-y 1 Rĩm dãmb 16:29-33 la 18:3, 4.

   Rĩm a Akaab wakatã, Israɛll nebã yel-manesmã ra lebga wẽng n ta zĩ-bʋgo? (1 Rĩm 16:33)

2. Karm-y 1 Rĩm dãmb 21:1-16.

   1. Wãn to la a Nabot wilg t’a tara raoodo, la t’a sakda a Zeova? (1 Rĩm 21:1-3; Maan. 25:23-28)

   2. Tõnd sũur sã n sãam, wãn to la a Akaab kibarã sõngd tõnd tɩ d bãng d sẽn pa segd n maan bũmb ninga? (1 Rĩm 21:4; Rom 5:3-5)

3. Karm-y 2 Rĩm dãmb 9:30-37.

   A Zehu sẽn tall yẽesem ning a Zeova raabã maaneg pʋgẽ wã zãmsda tõnd bõe? (2 Rĩm 9:4-10; 2 Kor. 9:1, 2; 2 Tɩm. 4:2)

Kibar 67

A Zozafat teega a Zeova

1. Ãnd la a Zozafate, la sasa bʋg la a vɩɩmd-yã?

2. Bõe yĩng tɩ Israɛll nebã ra zoet rabeem, la bõe la bãmb wʋsg maan-yã?

3. Wãn to la a Zeova leok a Zozafat pʋʋsgã?

4. Nand tɩ zabrã sɩnge, bõe la a Zeova maan-yã?

5. A Zozafat kibarã zãmsda tõnd bõe?

Sogsg a taaba:

1. Karm-y 2 Kibay 20:1-30.

   1. Wãn to la a Zozafat wilg Wẽnnaam sõgen dãmbã sẽn segd n maan bũmb ning yel-pakr wakate? (2 Kib. 20:12; Yɩɩl 25:15; 62:21, NW)

   2. Sẽn mik tɩ wakat fãa a Zeova tũnugda ne neb n taasd a nin-buiidã a koɛɛgã, rũndã-rũndã a tũnugda ne ãnd dãmba? (2 Kib. 20:14, 15; Mat. 24:45-47; Zã 15:15)

   3. “Wẽnnaam Sẽn-tõe-fãa da-kãsenga zabr” sã n wa yiki, wãn to la yɛlã sẽn na n yɩ to-to ne tõndã na n yɩ wa sẽn yɩ to-to ne a Zozafatã? (2 Kib. 20:15, 17; 32:8; Wil. 16:14, 16)

   4. So-pakdbã la misioneer dãmbã maanda bõe koe-moonegã pʋgẽ tɩ wilgdẽ tɩ b rɩkda Levi nebã togs-n-taare? (2 Kib. 20:19, 21; Rom 10:13-15; 2 Tɩm. 4:2)

Kibar 68

B vʋʋga kom-dibli a yiibu

1. Neb a tãabã sẽn be fotã zugã yaa ãnd dãmba, la bõe n paam biigã?

2. A Eli pʋʋsa Wẽnnaam n kos bõe, la rẽ poore bõe n maane?

3. A Eli sõgnã yʋʋr la bõe?

4. Bõe yĩng tɩ b bool a Eliize Sunem pagã zakẽ?

5. Bõe la a Eliize maan-yã, la biig ning sẽn da ki wã maana bõe?

6. A Eli la a Eliize sẽn maan bũmb ningã wilgdame t’a Zeova tara tõog bʋgo?

Sogsg a taaba:

1. Karm-y 1 Rĩm dãmb 17:8-24.

   1. Wãn to la a Eli sakrã la a tẽebã paam makre? (1 Rĩm 17:9; 19:1-4, 10)

   2. Bõe n wilgd tɩ Zarefat pʋg-kõorã tẽeb ra yaa wʋsgo? (1 Rĩm 17:12-16; Luk 4:25, 26)

   3. Wãn to la Zarefat pʋg-kõorã kibar wilgd t’a Zezi sẽn yeel bũmb ning Matɩe 10:41, 42 wã yaa sɩda? (1 Rĩm 17:10-12, 17, 23, 24)

2. Karm-y 2 Rĩm dãmb 4:8-37.

   1. Sunem pagã sẽn deeg sãambã to-to wã zãmsda tõnd bõe? (2 Rĩm 4:8; Luk 6:38; Rom 12:13; 1 Zã 3:17)

   2. Wãn to la d tõe n maan Wẽnnaam sõgen dãmbã neer rũndã-rũndã? (Tʋʋ. 20:35; 28:1, 2; Gal. 6:9, 10; Heb. 6:10)

Kibar 69

Biig n sõng nin-kãsenga

1. Bõe la bi-puglã yet pagã?

2. Pagã yaa ãnda, la bõe la bi-puglã maand a zakẽ wã?

3. A Eliize yeela a sõgnã t’a tɩ yeel a Naama tɩ bõe, la bõe yĩng t’a Naama sũurã puugi?

4. A Naama sẽn sak n kelg a sõgen dãmbã saglsã, bõe n maane?

5. Bõe yĩng t’a Eliize pa sak n deeg a Naama kũunã, la bõe la a Gehazi maan-yã?

6. Bõe n paam a Gehazi, la woto zãmsda tõnd bõe?

Sogsg a taaba:

1. Karm-y 2 Rĩm dãmb 5:1-27.

   1. Wãn to la Israɛll bi-puglã mak-sõng tõe n sõng kambã rũndã-rũndã? (2 Rĩm 5:3; Yɩɩl 8:32, NW; 148:12, 13)

   2. B sã n wa kõt tõnd saglg sẽn yit Biiblã pʋgẽ, bõe yĩng tɩ yaa sõma tɩ d tẽeg a Naama kibarã yelle? (2 Rĩm 5:15; Heb. 12:5, 6; Zak 4:6)

   3. D sã n mak a Eliize manesmã ne a Gehazi rẽndã, zãmsda tõnd bõe? (2 Rĩm 5:9, 10, 14-16, 20; Mat. 10:8; Tʋʋ. 5:1-5)

Kibar 70

Zĩm-bedr n vel a Zonas

1. A Zonas yaa ãnda, la a Zeova yeel-a lame t’a maan bõe?

2. A Zeova sẽn tʋm a Zonas t’a ra pa rat n kẽngã, a Zonas maana bõe?

3. A Zonas yeela batayo wã rãmb tɩ b maan bõe tɩ sebgã sigi?

4. Wala y sẽn ne foto wã zʋgã, a Zonas sẽn wa n bõrd mogrã pʋgẽ wã, bõe n paam-a?

5. A Zonas paa zĩm-bedrã pʋgẽ rasem a wãna, la bõe la a maan-yã?

6. Zĩm-bedrã sẽn wʋk a Zonasã poore, a yik n kẽnga yɛ, la woto zãmsda tõnd bõe?

Sogsg a taaba:

1. Karm-y Zonas 1:1-2:11:1-17, NW.

   A Zeova sẽn tʋm a Zonas t’a tɩ moon Niniiv nebã, wãn to la a Zonas ra get tʋʋm kãngã? (Zon. 1:2, 3; Yel. 3:7; Koɛ. 8:12)

2. Karm-y Zonas 2:2, 3, 11.2: 1, 2, 10, NW

   Wãn to la a Zonas kibarã kõt tõnd bas-m-yam t’a Zeova na n leokda tõnd pʋʋsgã? (Yɩɩl 22:2524, NW; 34:76; 1 Zã 5:14)

3. Karm-y Zonas 3:1-10.

   1. A Zeova sẽn kell n kõ a Zonas tʋʋmd baa ne a pipi kongrã kõta tõnd bas-m-yam bʋgo? (Yɩɩl 103:14; 1 Pɩɛ. 5:10)

   2. Tõnd sã n nong n yɩta tao-tao n sãbsd tõnd moonegã zĩigẽ nebã, bõe la a Zonas ne Niniiv nebã kibarã zãmsd tõndo? (Zon. 3:6-9; Koɛ. 11:6; Tʋʋ. 13:48)

Kibar 71

Wẽnnaam pʋlma arzãna

1. A Ezai yaa ãnda, a vɩɩmda wakat bʋgo, la bõe la a Zeova wilg-a?

2. Arzãn yaa bõe, la woto tẽegda yãmb bõe?

3. Bõe la a Zeova yeel a Ezai t’a gʋls arzãnã sẽn wata wɛɛngẽ?

4. Bõe yĩng t’a Ãdem ne a Hawa kong arzãnã?

5. Bõe la a Zeova yeel t’a na n kõo neb nins sẽn nong yẽ wã?

Sogsg a taaba:

1. Karm-y Ezai 11:6-9.

   1. Bõe la Wẽnnaam gomdã yet tɩ wilgdẽ tɩ bãan n na n zĩnd nebã la rũmsã sʋk dũni paalgã pʋgẽ? (Yɩɩl 148:10, 13; Ezai 65:25; Eze. 34:25)

   2. Wãn to la a Ezai goamã pidsd a Zeova nin-buiidã zug rũndã-rũndã? (Rom 12:2; Ef. 4:23, 24)

   3. Ãnd la d segd n pẽge, neb wʋsg sẽn tekd b zʋg rũndã-rũndã la b na n tek n paas dũni paalgã pʋgẽ wã yĩnga? (Ezai 48:17, 18; Gal. 5:22, 23; Fil. 4:7)

2. Karm-y Wilgr 21:3, 4.

   1. Wãn to la Biiblã wilgd tɩ b sẽn yeel tɩ Wẽnnaam na n zĩnda ne ãdem-biisã, pa rat n yeel t’a menga sɩd na n siga tẽngã zugu? (Maan. 26:11, 12; 2 Kib. 6:18; Ezai 66:1; Wil. 21:2, 3, 22-24)

   2. Sõdg-y yɛl sẽn pa na n le zĩnd arzãnã pʋgẽ. (Luk 8:49-52; Rom 8:21, 22; Wil. 21:4)

Kibar 72

Wẽnnaam sõnga rĩma

1. Rao ning sẽn be foto wã zugã yaa ãnda, la bõe yĩng t’a be zu-loees wʋsg pʋgẽ?

2. Sɛb nins a Ezekɩas sẽn dʋʋg Wẽnnaam taoorã yaa bõe sɛba, la a pʋʋsda Wẽnnaam n yetẽ tɩ bõe?

3. A Ezekɩas ra yaa rĩm bʋg buudu, la a Zeova tʋma no-rɛɛs a Ezai t’a tɩ taas-a koe-bʋgo?

4. Wa b sẽn wilg foto wã zugã, bõe la a Zeova malɛkã maan Asiri nebã?

5. Baa Israɛll buud a yiibã sẽn vɩɩmd bãan pʋgẽ wã, a Ezekɩas kũumã poore bõe n maane?

Sogsg a taaba:

1. Karm-y 2 Rĩm dãmb 18:1-36.

   1. Bõe la Asiri rĩmã sõgen kãseng a Rabsake yeel sẽn na yɩl n boog Israɛll nebã tẽebo? (2 Rĩm 18:19, 21; Yikri 5:2; Yɩɩl 64:43, NW)

   2. Neb sã n wa kɩɩsd a Zeova Kaset rãmbã tʋʋmdã, wãn to la b tõe n dɩk a Ezekɩas togs-n-taare? (2 Rĩm 18:36; Yɩɩl 39:21, NW; Yel. 26:4; 2 Tɩm. 2:24)

2. Karm-y 2 Rĩm dãmb 19:1-37.

   1. A Zeova Kaset rãmbã sã n wa be toog pʋgẽ, wãn to la b rɩkd a Ezekɩas togs-n-taare? (2 Rĩm 19:1, 2; Yel. 3:5, 6; Heb. 10:24, 25; Zak 5:14, 15)

   2. Bõe ne bõe la a Zeova maan n wilg a Senakeriib t’a pa baa fʋɩ, la ãnd la a Senakeriib makda? (2 Rĩm 19:32, 35, 37; Wil. 20:2, 3)

3. Karm-y 2 Rĩm dãmb 21:1-6, 16.

   Bõe yĩng tɩ d tõe n yeel tɩ Zerizalɛm rĩm-wẽnsã fãa sʋka, yaa a Manase n yɩ wẽng n yɩɩda? (2 Kib. 33:4-6, 9)

Kibar 73

Israɛll yaoolem rĩm-sõngo

1. A Zozɩas sẽn wa n deegd naamã t’a tara yʋʋm a wãna, la a sẽn deeg naamã tɩ yʋʋm a yopoe poore, bõe la a maan-yã?

2. Bõe la a Zozɩas maand foto ning sẽn be goabgã zugu?

3. Rapã sẽn da wa n manegd wẽn-doogã, bõe la maan-kʋʋdb kãsmã yã-yã?

4. Bõe yĩng t’a Zozɩas pãrg a fuugã?

5. A Zeova koe-bʋg la no-rɛɛs-poak a Hulda taas a Zozɩase?

Sogsg a taaba:

1. Karm-y 2 Kibay 34:1-28.

   1. Mak-sõng bʋg la a Zozɩas kõ neb nins sẽn vɩɩmd b yãadem wakat ne neb sẽn pa tũud a Zeova noyã? (2 Kib. 33:21-25; 34:1, 2; Yɩɩl 27:10)

   2. Bõe la a Zozɩas maan a sẽn wa n deeg naam tɩ yʋʋm a 8, yʋʋm 12, la yʋʋm 18 wã, sẽn na yɩl tɩ tũudum hakɩkã kẽng taoore? (2 Kib. 34:3, 8)

   3. Rĩm a Zozɩas la maan-kʋʋdb kãsem a Hilkiya kõta tõnd mak-sõng bʋgo, sã n yaa ne Wẽnnaam pʋʋsgã zĩis zãabo? (2 Kib. 34:9-13; Yel. 11:14; 1 Kor. 10:31)

Kibar 74

No-rɛɛs a Zeremi

1. Foto wã zugu, rao ning sẽn tees a nugã yaa ãnda?

2. A Zeremi sẽn wa n bãng t’a na n lebga no-rɛɛsã, a tagsame tɩ bõe, la a Zeova yeel-a lame tɩ bõe?

3. Koe-bʋg la a Zeremi kell n taas nin-buiidã?

4. Wãn to la maan-kʋʋdbã mak n na n kɩt t’a Zeremi bas a goamã, la wãn to la a wilg t’a ra pa yɛɛsde?

5. Israɛll nebã sẽn pa tõeem b manesmã bõe n maan-ba?

Sogsg a taaba:

1. Karm-y Zeremi 1:1-8.

   1. Wala a Zeremi kibarã sẽn wilgdã, bõe n kɩtd tɩ ned tõog n tʋm a Zeova tʋʋmdã? (2 Kor. 3:5, 6)

   2. Mak-sõng bʋg la a Zeremi kõt kiris-neb nins sẽn yaa kom-bɩɩsã? (Koɛ. 12:1; 1 Tɩm. 4:12)

2. Karm-y Zeremi 10:1-5.

   Mak-bʋg la a Zeremi rɩk n na n wilg nebã tɩ b bãng tɩ bõn-naandsã pʋʋsg pa tar yõodo? (Zer. 10:5; Ezai 46:7; Hab. 2:19)

3. Karm-y Zeremi 26:1-16.

   1. Kiris-neb nins sẽn paam vʋʋsem sõngã zaeebã sã n taasd Wẽnnaam bʋ-kaoorã koɛɛg rũndã-rũndã, wãn to la b wilgd tɩ b maanda wa a Zeova sẽn yeel a Zeremi t’a ‘ra bas gomd ba a yembrã’? (Zer. 26:2; Tõo. 4:2; Tʋʋ. 20:27)

   2. A Zeova bʋ-kaoorã koɛɛg togsg wɛɛngẽ, mak-sõng bʋg la a Zeremi kõ a Zeova Kaset rãmbã? (Zer. 26:8, 12, 14, 15; 2 Tɩm. 4:1-5)

4. Karm-y 2 Rĩm dãmb 24:1-17.

   Zida nebã sẽn pa kell n sak a Zeova wã, waa ne yel-bʋse? (2 Rĩm 24:2-4, 14)

Kibar 75

A Daniɛll ne a zo-rãmbã

1. Kom-dibli a naas nins sẽn be foto wã zugã yaa ãnd dãmbã, la bõe yĩng tɩ b be Babilon?

2. A Nebukadnezaar da rat n maana bõe ne kom-bɩɩs a naasã? La a yeela a sõgen dãmbã tɩ b maan bõe?

3. A Daniɛll kosame tɩ b kõ yẽ ne a zo-rãmb a tãabã bõe tɩ b rɩ la bõe tɩ b yũ?

4. A Daniɛll ne a zo-rãmbã sẽn dɩ zẽ-vãadã rasem piigã poor tɩ b mak-b ne kom-bɩɩs a taabã, b ra yaa wãn-wãnã?

5. Maana wãn t’a Daniɛll ne a zo-rãmb a tãabã wa be na-yirã, la zĩ-bʋg wɛɛngẽ la b ra yɩɩd maan-kʋʋdbã la yam dãmbã?

Sogsg a taaba:

1. Karm-y Daniɛll 1:1-21.

   1. Bõe la d segd n maan n da lʋɩ kʋɩɩbg pʋgẽ? (Dan. 1:8; Sɩng. 39:7, 10; Gal. 6:9)

   2. Rũndã-rũndã, wãn to la b tõe n mak n na n kʋɩɩb kom-bɩɩsã bɩ n kɩt tɩ b maan bũmb sẽn wõnd na n kõ-b-la sũ-noogo? (Dan. 1:8; Yel. 20:1; 2 Kor. 6:17–7:1)

   3. Hebre kom-dibli a naasã kibarã sõngda tõnd tɩ d bãng bõe bãngrã baoob wɛɛngẽ? (Dan. 1:20; Ezai 54:13; 1 Kor. 3:18-20)

Kibar 76

B sãama Zerizalɛm

1. Wa b sẽn wilg foto wã zugã, bõe n paam Zerizalɛm tẽnga la Israɛll nebã?

2. Ãnd la a Ezekɩɛlle, la yel-bʋs sẽn sãamd sũur wʋsg la a Zeova wilg-a?

3. Israɛll nebã sẽn pa waoog a Zeova wã yĩnga, a yeelame t’a na n maan-b-la bõe?

4. Israɛll nebã sẽn kɩɩs rĩm a Nebukadnezaarã, bõe la a maan-bã?

5. Bõe yĩng t’a Zeova bas tɩ sãoong kãseng woto paam Israɛll nebã?

6. Maana wãn tɩ Israɛll tẽngã wa lebg vɩʋʋg tɩ ned ba a ye ka le be be, la a paa vɩʋʋg yʋʋm a wãna?

Sogsg a taaba:

1. Karm-y 2 Rĩm dãmb 25:1-26.

   1. A Sedesias yaa ãnda, la bõe n paam-a, la wãn to la bũmb ning sẽn paam-a wã pidsd bũmb Biiblã sẽn da pĩnd n togse? (2 Rĩm 25:5-7; Eze. 12:13-15)

   2. A Zeova ninga ãnd dãmb taal Israɛll nebã yel-wẽna fãa yĩnga? (2 Rĩm 25:9, 11, 12, 18, 19; 2 Kib. 36:14, 17)

2. Karm-y Ezekɩɛll 8:1-18.

   Wãn to la kiris-neb ne yʋʋrã maand wa Israɛll neb nins sẽn bas a Zeova n pʋʋsd wĩntoogã? (Eze. 8:16; Ezai 5:20, 21; Zã 3:19-21; 2 Tɩm. 4:3)

Kibar 77

B ka sak n wõgemd ye

1. No-bʋg la Babilon rĩm a Nebukadnezaar kõ nin-buiidã?

2. Bõe yĩng t’a Daniɛll zo-rãmb a tãabã pa sak n wõgemd sãnem bõn-naandgã taoore?

3. A Nebukadnezaar sẽn wa n le yeel Hebre kom-bɩɩs a tãabã tɩ b wõgemd bõn-naandgã taoorã, wãn to la b wilg tɩ b teega a Zeova?

4. A Nebukadnezaar yeela a nebã tɩ b maan a Sadrak, a Mesak, la a Abɛdnego bõe?

5. A Nebukadnezaar sẽn ges wʋngã pʋgẽ wã, a yãa bõe?

6. Bõe yĩng tɩ rĩma pẽg a Sadrak, a Mesak, la a Abɛdnego Wẽnnaamã, la mak-sõng bʋg la bãmbã b tãabã kõt tõndo?

Sogsg a taaba:

1. Karm-y Daniɛll 3:1-30.

   1. B sã n wa rat tɩ Wẽnnaam sõgen dãmbã kɩɩs Wẽnnaam, hebre kom-bɩɩs a tãabã manesem bʋg la b segd n talle? (Dan. 3:17, 18; Mat. 10:28; Rom 14:7, 8)

   2. Wãn to la Wẽnnaam wilg a Nebukadnezaar yam? (Dan. 3:28, 29; 4:31, 324:34, 35,NW)

Kibar 78

Nug sẽn puk n gʋlsdẽ

1. Babilon rĩmã sẽn wa n maan kibs-kãsengã n dɩk a Zeova roogã teed b sẽn wʋk Zerizalɛmã n yũ rãamã, bõe n maane?

2. Bõe la a Bɛlsazaar yeel a yam dãmbã tɩ b maane, la b tõogame bɩ?

3. Rĩmã ma yeel-a lame t’a maan bõe?

4. Sã n yaa ne a Daniɛll sẽn togs rĩmã, bõe yĩng tɩ Wẽnnaam kɩt tɩ nug puk n gʋls lalgã zugu?

5. A Daniɛll wilgame tɩ lalgã zug gʋlsmã võor yaa bõe?

6. A Daniɛll sẽn wa n ket n gomdã tɩ bõe n da zoe n maandẽ?

Sogsg a taaba:

1. Karm-y Daniɛll 5:1-6:15:1-31, NW.

   1. Bõe n wilgd tɩ baa rabeemã sẽn yõk a Bɛlsazaarã, pa rat n yeel t’a zoeta Wẽnnaam? (Dan. 5:6, 7; Yɩɩl 19:109, NW; Rom 8:35-39)

   2. A Daniɛll sẽn da wa n gomd ne a Bɛlsazaar la a nin-kãsemsã, wãn to la a goamã wilg t’a tara raood wʋsgo? (Dan. 5:17, 18, 22, 26-28; Tʋʋ. 4:29)

   3. Wãn to la Daniɛll sak a 5 wã wilgd vẽeneg tɩ yaa a Zeova la naab sẽn ka to wã? (Dan. 4:14, 224:17, 25, NW; 5:21)

Kibar 79

A Daniɛll bee gɩgma bokẽ

1. A Darius yaa ãnda, la bõe yĩng t’a ra nong a Daniɛlle?

2. Sũ-ki-nebã kɩtame t’a Darius maan bõe?

3. A Daniɛll sẽn wʋm noor ning b sẽn yiisã, bõe la a maan-yã?

4. Bõe yĩng t’a Darius sũur sãam t’a pa tõe n gũsi, la bõe la a maan vẽkembeoogã yibeoogo?

5. A Darius sẽn ta bokã noor n bool a Daniɛllã, a leok-a lame tɩ bõe?

6. Bõe n paam nin-wẽns nins sẽn da rat n kʋ a Daniɛllã, la koe-bʋg la a Darius gʋls n taas a soolmã neba?

Sogsg a taaba:

1. Karm-y Daniɛll 6:2-296:1-28.

   1. Wãn to la nebã sẽn zems taab n na n maan a Daniɛll wẽngã tẽegd tõnd bũmb nins bɛɛbã sẽn maand n dat n yals a Zeova Kaset rãmbã tʋʋmdã? (Dan. 6:87, NW; Yɩɩl 94:20; Ezai 10:1; Rom 8:31)

   2. Rũndã-rũndã, bõe la Wẽnnaam nin-buiidã tõe n maan n wilg tɩ b ‘sakda nanambsã’ wa a Daniɛlle? (Dan. 6:6, 115, 10, NW; Rom 13:1; Tʋʋ. 5:29)

   3. Wãn to la tõnd me tõe n sak a Zeova “daar fãa” wa a Daniɛlle? (Dan. 6:17, 2116, 20, NW; Fil. 3:16; Wil. 7:15)

Kibar 80

Wẽnnaam nebã yii Babilon

1. Wala foto wã sẽn wilgdã, bõe la Israɛll nebã maanda?

2. Wãn to la a Sirus pids bũmb ning a Zeova no-rɛɛs a Ezai sẽn da pĩnd n togsã?

3. A Sirus yeela Israɛll neb nins sẽn da pa tõe n lebg n kẽng Zerizalɛmã tɩ bõe?

4. Bõe la a Sirus kõ Israɛll nebã tɩ b tall n leb Zerizalɛm?

5. Israɛll nebã kẽna kiis a wãn n yaool n ta Zerizalɛm?

6. Tẽngã paa vɩʋʋg yʋʋm a wãna?

Sogsg a taaba:

1. Karm-y Ezai 44:28 la 45:1-4.

   1. Wãn to la a Zeova wilg tɩ bũmb ning a sẽn kɩt tɩ b pĩnd n togs a Sirus wɛɛngẽ wã pa tõe n vaale? (Ezai 55:10, 11; Rom 4:17)

   2. Wãn to la gomd ning a Ezai sẽn pĩnd n togs a Sirus zugã wilgd t’a Zeova tõe n bãnga sẽn wat beoogo? (Ezai 42:9; 45:21; 46:10, 11; 2 Pɩɛ. 1:20)

2. Karm-y Ɛsdras 1:1-11.

   Wala neb nins sẽn pa tõog n leb Zerizalɛmã sẽn maanã, rũndã-rũndã, wãn to la tõnd me tõe n “sõng” neb nins sẽn tõe n yɩ so-pakdbã, bɩ n tɩ tʋm Betɛllẽ wã? (Ɛsd. 1:4, 6; Rom 12:13; Kol. 4:12)

Kibar 81

B teega Wẽnde

1. Neb a wãn n yi Babilon n leb Zerizalɛm, la b sẽn ta wã, bõe la b yã-yã?

2. Israɛll nebã sẽn ta Zerizalɛmã, b sɩnga bõe meebo, la b bɛɛbã maana bõe?

3. A Aaze la a Zakari ra maanda bõe, la b yiiba fãa yeela nebã tɩ bõe?

4. Bõe yĩng t’a Tatenayi tool lɛtr Babilone, la rĩmã leok-a lame tɩ bõe?

5. A Ɛsdras sẽn wʋm tɩ b ra segd n manega wẽnd-doogã bõe la a maan-yã?

6. A Ɛsdras pʋʋsd n kota bõe, la wãn to la Wẽnnaam leok-a, la woto zãmsda tõnd bõe?

Sogsg a taaba:

1. Karm-y Ɛsdras 3:1-13.

   D sã n wa be zĩig Wẽnnaam nebã tiging sẽn ka be, bõe la d segd n ket n maandẽ? (Ɛsd. 3:3, 6; Tʋʋ. 17:16, 17; Heb. 13:15)

2. Karm-y Ɛsdras 4:1-7.

   Manesem bʋg la a Zorobabɛll tall tũudum gẽdengã wɛɛngẽ, tɩ yaa mak-sõng n kõ a Zeova nin-buiidã? (Yik. 34:12; 1 Kor. 15:33; 2 Kor. 6:14-17)

3. 3. Karm-y Ɛsdras 5:1-5, 17 la 6:1-22.

   1. Bõe yĩng tɩ bɛɛbã pa tõog n kɩt tɩ wẽnd-doogã meeb yalse? (Ɛsd. 5:5; Ezai 54:17)

   2. Wãn to la manesem ning Zʋɩf rãmbã kãsem dãmb sẽn tall ne b bɛɛbã wilgd kiris-neb tigingã kãsem dãmb tɩ b segd n baoa a Zeova sõngre, bɛɛbã sã n wa rat n zab ne Wẽnnaam nin-buiidã? (Ɛsd. 6:14; Yɩɩl 32:8; Rom 8:31; Zak 1:5)

4. Karm-y Ɛsdras 8:21-23, 28-36.

   Nand tɩ d yãk yam n maan bũmbu, a Ɛsdras mak-sõng bʋg la d segd n tũ? (Ɛsd. 8:23; Yɩɩl 127:1; Yel. 10:22; Zak 4:13-15)

Kibar 82

A Mardose ne a Ɛstɛɛr

1. A Mardose ne a Ɛstɛɛr yaa ãnd dãmba?

2. Bõe yĩng tɩ rĩm a Asierus ra baood pag a to, la ãnd la a yãk-yã?

3. A Haman yaa ãnda, la bõe yĩng t’a sũurã yik wʋsgo?

4. No-bʋg la b yiis-yã, la a Mardose koɛɛgã sẽn ta a Ɛstɛɛrã bõe la a maan-yã?

5. Bõe n paam a Haman, la bõe la b kõ a Mardose?

6. Wãn to la Israɛll nebã põs b bɛɛbã?

Sogsg a taaba:

1. Karm-y Ɛstɛɛr 2:12-18.

   Wãn to la a Ɛstɛɛr wilg tɩ sũ-bʋgsem la sũ-maasem tara yõodo? (Ɛst. 2:15; 1 Pɩɛ. 3:1-5)

2. Karm-y Ɛstɛɛr 4:1-17.

   Wala a Ɛstɛɛr sẽn da paam zu-noog n maan bũmb Wẽnnaam tũudmã yĩngã, zu-no-bʋg la tõnd me tar rũndã-rũndã n na n wilg tɩ d sakda a Zeova wakat fãa? (Ɛst. 4:13, 14; Mat. 5:14-16; 24:14)

3. Karm-y Ɛstɛɛr 7:1-6.

   Wala a Ɛstɛɛr sẽn maan to-to wã, bõe la Wẽnnaam nin-buiidã wʋsg maand baa ne b sẽn mi tɩ tõe n kɩtame tɩ yell paam-bã? (Ɛst. 7:4; Mat. 10:16-22; 1 Pɩɛ. 2:12)

Kibar 83

Zerizalɛm lalsã meebo

1. Zerizalɛm tẽngã sẽn da pa gũbg ne lalgã kɩtame tɩ Israɛll nebã sũy ra yaa wãn-wãna?

2. A Nehemi yaa ãnda?

3. Yaa bõe tʋʋmd la a Nehemi ra tʋmda, la bõe yĩng tɩ tʋʋm-kãng ra pa tʋʋm-bila?

4. Kiba-bʋs n sãam a Nehemi sũuri, la a maana bõe?

5. Wilg-y rĩm a Artazɛgzɛs sẽn maan a Nehemi neer to-to?

6. Wãn to la a Nehemi sigl meebã tʋʋmd sẽn na yɩl tɩ Israɛll bɛɛbã ra tõog n yals tʋʋmdã?

Sogsg a taaba:

1. Karm-y Nehemi 1:4-6 la 2:1-20.

   Wãn to la a Nehemi bao a Zeova sor-wilgri? (Neh. 2:4, 5; Rom 12:12; 1 Pɩɛ. 4:7)

2. Karm-y Nehemi 3:3-5.

   Tekoa nebã manesem sẽn yɩ toor ne b “nanambsã” manesmã tõe n zãmsa kãsem dãmbã la kãsemb sõngdbã bõe? (Neh. 3:5, 27; 2 Tes. 3:7-10; 1 Pɩɛ. 5:5)

3. Karm-y Nehemi 3:33-4:174:1-23, NW.

   1. Yaa bõe n kɩt tɩ Israɛll nebã kell n kẽng taoor ne meebã tʋʋmde, baa ne b bɛɛbã kɩɩsg sẽn da yaa wʋsgã? (Neh. 3:38; 4:2, 34:6, 8, 9, NW; Yɩɩl 50:15; Ezai 65:13, 14)

   2. Wãn to la Israɛll nebã mak-sõngã kengd tõnd raoodo?

4. Karm-y Nehemi 6:15.

   Wãn to la Zerizalɛm lalgã sẽn me n sa kiuug a yiib pʋgẽ balã wilgd tɩ d segd n teega Wẽnnaam? (Yɩɩl 56:4, 53, 4, NW; Mat. 17:20; 19:26)

Kibar 84

Malɛk n gom ne a Maari

1. Pʋg-sad ning yãmb sẽn ne foto wã zugã yaa ãnda?

2. Bõe la a Gabriyɛll yeel a Maari?

3. A Gabriyɛll wilga a Maari tɩ na n tũu ne bõe t’a rɩk pʋg n dog biiga, baa ne a sẽn pa mi raoã?

4. A Maari sẽn kẽng a Elizabɛt nengẽ wã, bõe n maane?

5. A Zozɛf sẽn bãng t’a Maari tara pʋgã, a ra rat n maana bõe, la bõe n kɩt t’a toeem yam?

Sogsg a taaba:

1. Karm-y Luk 1:26-56.

   1. Sã n yaa ne Luk 1:35, Wẽnnaam sẽn wa n dɩk a biigã vɩɩm n ning a Maari pʋgẽ wã, bõe n kɩt tɩ biigã pa rog ne yel-wẽna? (Aaze 2:11-13; Zã 6:69; Heb. 7:26; 10:5)

   2. Wãn to la a Zezi paam waoogr t’a nan pa roge? (Luk 1:41-43)

   3. Mak-sõng bʋg la a Maari kõ kiris-neb nins sẽn tar zu-noog tʋʋmd tigingã pʋgẽ wã? (Luk 1:38, 46-49; 17:10; Yel. 11:2)

2. Karm-y Matɩe 1:18-25.

   Baa ne b sẽn pa pʋd a Zezi yʋʋr t’a Emanuwɛllã, wãn to la a tʋʋmã wilg t’a sɩd pidsa yʋ-kãngã sẽn dat n yɛɛlgã? (Mat. 1:22, 23; Zã 14:8-10; Heb. 1:1-3)

Kibar 85

A Zezi roga rũms roogẽ

1. Bi-pɛɛlg ning sẽn be foto wã zugã yaa ãnda, la yaa bõe pʋgẽ la a Maari sẽn dat n gãneg-a wã?

2. Bõe yĩng t’a Zezi rog rũms roogẽ?

3. Ges-y foto wã. Rap nins sẽn kẽed rũmsã roogẽ wã yaa ãnd dãmba, la bõe la malɛk ra yeel-ba?

4. Bõe n kɩt t’a Zezi ra pa wa kamb a taabã?

5. Bõe yĩng tɩ d tõe n yeel t’a Zezi yaa Wẽnnaam biiga?

Sogsg a taaba:

1. Karm-y Luk 2:1-20.

   1. Bõe la a Sezaar Ogust maan tɩ pids gomd ning b sẽn da pĩnd n togs a Zezi rogmã wɛɛngẽ wã? (Luk 2:1-4; Mii. 5:12, NW)

   2. Bõe n tõe n kɩt tɩ b yeel tɩ ned tata Wẽnnaam yam? (Mat. 16:24; Zã 17:3; Tʋʋ. 3:19; Heb. 11:6)

   3. Zide pe-kɩɩmbã sã n talla bʋʋm n na n kɩdem Fãagdã rogem yĩnga, yaa bʋʋm kãseng bʋg la Wẽnnaam nin-buiidã tar rũndã-rũndã n na n kɩdem n yɩɩda? (Luk 2:10, 11; Ef. 3:8, 9; Wil. 11:15; 14:6)

Kibar 86

Ãdg sẽn wilgd rap sore

1. Rap nins yãmb sẽn ne foto wã zugã yaa ãnd dãmba, la bõe yĩng tɩ b nin-yend teesd ãdga?

2. Bõe n sãam rĩm a Herood sũuri, la rẽ kɩtame t’a maan bõe?

3. Ãdgã talla rapã n kẽng yɛ, la bõe yĩng tɩ b tũ sor a to n na n lebg n kuli?

4. No-bʋg la a Herood kõ-yã, la bõe yĩnga?

5. A Zeova yeela a Zozɛf t’a maan bõe?

6. Ãnd n kɩt tɩ ãd-paalgã puki, la yaa bõe yĩnga?

Sogsg a taaba:

1. Karm-y Matɩe 2:1-23.

   Ãds bagbã sẽn wa n na n ges a Zezi wã t’a ra bee yɛ, la a ra tara yʋʋm a wãna? (Mat. 2:1, 11, 16)

Kibar 87

A Zezi bee wẽnd-doogẽ wã

1. A Zezi tara yʋʋm a wãn masã, la yaa yɛ la a sẽn be wã?

2. Yʋʋmd fãa, bõe la a Zozɛf ne a zakã rãmb maanda?

3. A Zozɛf ne a Maari sẽn wa n lebg n kuusẽ wã, bõe yĩng tɩ b lebg n kẽng Zerizalɛm?

4. Yɛ la a Zozɛf ne a Maari tɩ yã a Zezi, la bõe n yɛɛs neb nins sẽn da be wẽnd-doogẽ wã?

5. A Zezi yeela a ma wã tɩ bõe?

6. Wala a Zezi, wãn to la tõnd tõe n bao n bãng Wẽnnaam?

Sogsg a taaba:

1. Karm-y Luk 2:41-52.

   1. Baa ne a Moiiz Tõogã sẽn da wilgd tɩ yaa tɩlae ne rapã bal tɩ b kẽng yʋʋmd-yʋʋmd kibsã, mak-sõng bʋg la a Zozɛf ne a Maari kõ roagdbã? (Luk 2:41; Tõo. 16:16; 31:12; Yel. 22:6)

   2. Mak-sõng bʋg la a Zezi kõ kambã? (Luk 2:51; Tõo. 5:16; Yel. 23:22; Kol. 3:20)

2. Karm-y Matɩe 13:53-56.

   Biiblã togsda a Zezi yap sẽn yaa kom-dibli a naas yʋyã. Yaa ãnd rãmba? Tʋʋm-bʋg la a yap a yiib tʋm pipi kiris-nebã tiging pʋgẽ? (Mat. 13:55; Tʋʋ. 12:17; 15:6, 13; 21:18; Gal. 1:19; Zak 1:1; Ziid 1)

Kibar 88

A Zã lisa a Zezi

1. Rap a yiibã sẽn be fotã zugã yaa ãnd dãmba?

2. Wãn to la ned reegd lisgu?

3. Ãnd dãmb n da wat t’a Zã lisd-ba?

4. Bõe yĩng t’a Zezi wa kos a Zã t’a lis-a?

5. Wãn to la Wẽnnaam wilg t’a Zezi lisgã taa a yam?

6. A Zezi sẽn tɩ zĩnd a yembr weoogẽ wã rasem 40, bõe n maan be?

7. A Zezi pipi karen-biisã kẽer la ãnd dãmba, la a pipi yel-solemd yɩɩ bõe?

Sogsg a taaba:

1. Karm-y Matɩe 3:13-17.

   A Zezi lisgã reegr wilgda a karen-biisã bõe lisgã wɛɛngẽ? (Yɩɩl 40:8, 97, 8, NW; Mat. 28:19, 20; Luk 3:21, 22)

2. Karm-y Matɩe 4:1-11.

   A Zezi sẽn da mi Gʋlsg Sõamyã sõma to-to wã zãmsda tõnd bõe? (Mat. 4:5-7; 2 Pɩɛ. 3:17, 18; 1 Zã 4:1)

3. Karm-y Zã 1:29-51.

   A Zãmbatiis yeela a karen-biisã tɩ b bas yẽ la b tũ ãnda, la wãn to la tõnd me tõe n maan wa yẽ? (Zã 1:29, 35, 36; 3:30; Mat. 23:10)

4. Karm-y Zã 2:1-12.

   Wãn to la a Zezi pipi yel-solemdã wilgd t’a Zeova pa mongd a sõgen dãmbã bõn-sõma? (Zã 2:9, 10; Yɩɩl 84:1211, MW; Zak 1:17)

Kibar 89

A Zezi riga koaasdbã

1. Bõe yĩng tɩ b koosd rũms wẽnd-doogẽ wã?

2. Bõe yĩng t’a Zezi sũurã yiki?

3. Wala yãmb sẽn ne fotã zugã, bõe la a Zezi sẽn maandã, la bõe la a yet neb nins sẽn koosd marwalã?

4. A Zezi karen-biisã sẽn yã a sẽn maan bũmb ningã, tẽeg-b-la bõe?

5. A Zezi sẽn wa n yi Galile n lebgdẽ wã, a pɩʋʋga tẽn-bʋgo?

Sokr a to:

1. Karm-y Zã 2:13-25.

   A Zezi sũurã sẽn yik ne ligd tɛkdbã wẽnd-doogẽ wã wilgdame tɩ bõe la tõnd pa segd n maan Rĩungã Roogẽ? (Zã 2:15, 16; 1 Kor. 10:24, 31-33)

Kibar 90

A Zezi ne Samari pagã

1. Bõe yĩng t’a Zezi yals bulg noor Samari, la bõe la a yet pag ning sẽn yas be wã?

2. Bõe yĩng t’a sẽn gom ne-a wã ling-a, a Zezi yeel-a lame tɩ bõe, la bõe yĩnga?

3. Pagã ra tẽedame t’a Zezi gomda ko-bʋg yelle, la a Zezi ra gomda bõe yell menga?

4. Bõe yĩng t’a Zezi sẽn da mi yɛl nins pagã zugã ling-a wʋsgo, la wãn to la a Zezi bãng rẽ fãa?

5. Bõe la Samari pagã kibar wilgd tõndo?

Sogsg a taaba:

1. Karm-y Zã 4:5-43.

   1. Wala a Zezi, manesem bʋg la d segd n tall ne nebã buud fãa? (Zã 4:9; 1 Kor. 9:22; 1 Tɩm. 2:3, 4; Tɩt 2:11)

   2. Ned sã n lebg a Zezi karen-biiga, a paamda nafa bʋse? (Zã 4:14; Ezai 58:11; 2 Kor. 4:16)

   3. Samari pagã sẽn yɩ tao-tao n tɩ togs nebã bũmb nins a sẽn bãngã zãmsda tõnd bõe? (Zã 4:7, 28; Mat. 6:33; Luk 10:40-42)

Kibar 91

A Zezi zãmsda nebã

1. Yɛ la a Zezi sẽn be n zãmsd nebã, la ãnd dãmb la sẽn zĩ a sɛɛgẽ wã?

2. Togs-y tʋm-tʋmdb 12 wã yʋya?

3. Rĩung bʋg yell la a Zezi sẽn da gomdã?

4. A Zezi zãmsa nebã tɩ b pʋʋs n kos bõe?

5. A Zezi yeelame tɩ nebã segd n talla manesem bʋg ne taaba?

Sogsg a taaba:

1. Karm-y Matɩe 5:1-12.

   Bõe la d tõe n maan n wilg tɩ d rat n maana Wẽnnaam daabã? (Mat. 5:3; Rom 10:13-15; 1 Tɩm. 4:13, 15, 16)

2. Karm-y Matɩe 5:21-26.

   Wãn to la Matɩe 5:23, 24 wilgd tɩ tõnd sã n tar zems-n-taar ne d saam-biisã, d na n paama zems-n-taar ne a Zeova me? (Mat. 6:14, 15; Yɩɩl 133:1; 1 Zã 4:20)

3. Karm-y Matɩe 6:1-8.

   Sõdg-y yɛl kẽer kiris-ned sẽn pa segd n maane? (Luk 18:11, 12; 1 Kor. 4:6, 7; 2 Kor. 9:7)

4. Karm-y Matɩe 6:25-34.

   Bõe la a Zezi yeel tɩ wilgdẽ tɩ d segd n teega a Zeova zãng-zãnga? (Yik. 16:4; Yɩɩl 37:25; Fil. 4:6)

5. Karm-y Matɩe 7:1-11.

   Bilgr ning sẽn be Matɩe 7:5 wã zãmsda tõnd bõe? (Yel. 26:12; Rom 2:1; 14:10; Zak 4:11, 12)

Kibar 92

A Zezi vʋʋga kũum

1. Bi-pugl ning sẽn be fotã zugã ba yaa ãnda, la bõe n da kɩt tɩ yẽ ne a pagã sũy sãame?

2. A Zairus sẽn yã a Zezi wã, a maana bõe?

3. A Zezi sẽn wa n debd a Zairus zakẽ wã bõe n maane, la bõe la b wa n togs a Zairus sorã zugu?

4. Bõe yĩng tɩ neb nins sẽn da be a Zairus zakẽ wã laad a Zezi?

5. A Zezi sẽn peeg a tʋm-tʋmdb a tãab n paas bi-puglã ba ne a ma n kẽ roogẽ wã, a maana bõe?

6. Ãnd dãmb me la a Zezi vʋʋg-yã, la rẽ wilgda tõnd bõe?

Sogsg a taaba:

1. Karm-y Luk 8:40-56.

   Wãn to la a Zezi sɩd zoe pag ning zɩɩm sẽn da yitã nimbãanega, la woto zãmsda kiris-neb tigingã kãsem dãmbã bõe? (Luk 8:43, 44, 47, 48; Maan. 15:25-27; Mat. 9:12, 13; Kol. 3:12-14)

2. Karm-y Luk 7:11-17.

   Wãn to la a Zezi sẽn yeel Nayin pʋg-kõorã bũmb ningã tõe n sõng neb nins neb sẽn maan kaalmã? (Luk 7:13; 2 Kor. 1:3, 4; Heb. 4:15)

3. Karm-y Zã 11:17-44.

   Wãn to la a Zezi wilg tɩ tõnd ned sã n ki, pa wẽng tɩ d yãbe? (Zã 11:33-36, 38; 2 Sãm. 18:33; 19:1-4)

Kibar 93

A Zezi rɩlga neb wʋsgo

1. Yel-bʋg n paam a Zãmbatiisi, la rẽ maana a Zezi bõe?

2. A Zezi maana wãn n dɩlg kʋʋngã sẽn da pʋgd-a wã, la rɩɩbã sẽn kellã pida pet a wãna?

3. Bõe n maan tɩ rabeem yõk karen-biisã ne yʋngã, la bõe n paam a Pɩɛɛre?

4. A Zezi le maana wãn n dɩlg neb wʋsgo?

5. A Zezi sã n wa be saasẽ n dɩt naam tẽngã zugu, bõe yĩng tɩ vɩɩmã na n yɩ noogo?

Sogsg a taaba:

1. Karm-y Matɩe 14:1-32.

   1. Kibar ning sẽn be Matɩe 14:23-32 wã sõngda tõnd tɩ d bãng bõe a Pɩɛɛr zugu?

   2. Biiblã pʋgẽ, bõe n wilgd t’a Pɩɛɛr wa n toeema zʋg n lebg yõk-m-meng soaba? (Mat. 14:27-30; Zã 18:10; 21:7; Tʋʋ. 2:14, 37-40; 1 Pɩɛ. 5:6, 10)

2. Karm-y Matɩe 15:29-38.

   Wãn to la a Zezi wilg tɩ b pa segd n sãam rɩɩbã sẽn yaa a Ba wã n kõtã? (Mat. 15:37; Zã 6:12; Kol. 3:15)

3. Karm-y Zã 6:1-21.

   Goosneema rãmbã sakr wɛɛngẽ, wãn to la kiris-nebã tõe n wilg tɩ b tũuda a Zezi mak-sõngã? (Zã 6:15; Mat. 22:21; Rom 12:2; 13:1-4)

Kibar 94

A Zezi nonga kambã

1. Yaa bõe poorẽ la tʋm-tʋmdbã sẽn da be sorã zug n wẽed no-koeemdã?

2. Bõe yĩng t’a Zezi bool biig n kɩt t’a yals tʋm-tʋmdbã sʋka?

3. Manesem bʋg la kom-bõonegã tar tɩ tʋm-tʋmdbã me segd n talle?

4. Kiis a wãn loogr poore, bõe la a Zezi maan tɩ wilgdẽ t’a nonga kambã?

Sogsg a taaba:

1. Karm-y Matɩe 18:1-4.

   Bõe yĩng t’a Zezi nong n dɩkd makr sẽn na yɩl n zãms nebã? (Mat. 13:34, 36; Mark 4:33, 34)

2. Karm-y Matɩe 19:13-15.

   Tõnd sã n dat n paam bark nins Rĩungã sẽn na n wa ne wã, kambã yel-manesem bʋg la d segd n talle? (Yɩɩl 25:9; 138:6; 1 Kor. 14:20)

3. Karm-y Mark 9:33-37.

   Bõe la a Zezi yeel a karen-biisã sã n yaa ne bao n yɩɩg f taabã wɛɛngẽ? (Mark 9:35; Mat. 20:25, 26; Gal. 6:3; Fil. 2:5-8)

4. Karm-y Mark 10:13-16.

   Bõe n wilgd t’a Zezi ra yaa nin-nana, la woto zãmsda tigingã kãsem dãmbã bõe? (Mark 6:30-34; Fil. 2:1-4; 1 Tɩm. 4:12)

Kibar 95

A Zezi sẽn zãms nebã to-to

1. Rao a ye soka a Zezi tɩ bõe, la yɩɩ bõe yĩnga?

2. Wakat ninga a Zezi tũnugda ne bõe n zãmsd nebã, la bõe la tõnd zoe n yã Zʋɩf rãmbã ne Samari rãmbã zugu?

3. A Zezi sẽn togs kibar ningã pʋgẽ, bõe n paam Zʋɩf a ye sẽn da rebd Zeriko?

4. Bõe la maan-kʋʋdã ne Levi nedã maan-yã?

5. Fotã zugu, ãnd soab la sẽn sõngd Zʋɩf ning b sẽn poglã?

6. A Zezi sẽn togs kibarã n sa wã, a soka raoã tɩ bõe, la a leokame tɩ bõe?

Sogsg a taaba:

1. Karm-y Luk 10:25-37.

   1. Baa ne a Zezi sẽn da tõe n leok tõog karen-saambã nana-nana wã, wãn to la a sõng-a t’a tags yellã zug neere? (Luk 10:26; Mat. 16:13-16)

   2. Mak-bʋs la a Zezi rɩk sẽn na yɩl n sõng a kɛlgdbã tɩ b bas neb a taabã kisgri? (Luk 10:36, 37; 18:9-14; Tɩt 1:9)

Kibar 96

A Zezi sãoogda bãad dãmba

1. A Zezi sẽn wa n gilgdẽ wã, bõe la a maan-yã?

2. A Zezi lisgã yʋʋm a tãab poore, a yeela a tʋm-tʋmdbã tɩ bõe?

3. Yaa ãnd dãmb la sẽn be foto wã zugã, la bõe la a Zezi maan n yols pagã?

4. Bõe yĩng t’a Zezi sẽn leok tũudmã taoor dãmb to-to wã ning-b yãnde?

5. A Zezi ne a tʋm-tʋmdbã sẽn wa n yit Zeriko wã, bõe la a maan n kõ zoens a yiib sẽn yaa bõos rãmba?

6. Bõe yĩng t’a Zezi maan yel-soalma?

Sogsg a taaba:

1. Karm-y Matɩe 15:30, 31.

   Wãn to la a Zeova wilg a pãngã ne a Zezi maasem, la woto kɩtdame tɩ d bãng bõe sã n yaa ne a Zeova sẽn kãab tɩ bũmb nins na n zĩnda dũni paalgã pʋgẽ wã? (Yɩɩl 37:29; Ezai 33:24)

2. Karm-y Luk 13:10-17.

   A Zezi sẽn maan yel-soalem kẽer vʋʋsg daarã wilgdame tɩ bõe la a na n maan n kõ ãdem-biisã a yʋʋm tusr naamã rɩɩb sasa? (Luk 13:10-13; Yɩɩl 46:109, NW; Mat. 12:8; Kol. 2:16, 17; Wil. 21:1-4)

3. Karm-y Matɩe 20:29-34.

   Wãn-wãn la kiba-kãngã wilgd t’a Zezi ra sõngda nebã wakat buud fãa, la woto zãmsda tõnd bõe? (Tõo. 15:7; Zak 2:15, 16; 1 Zã 3:17)

Kibar 97

A Zezi kẽeda Zerizalɛm

1. A Zezi sẽn wa n ta tẽn-bil sẽn pẽ Zerizalɛm, a yeela a karen-biisã tɩ b maan bõe?

2. Wa yãmb sẽn ne fotã zugu, a Zezi sẽn wa n kolgd Zerizalɛm, bõe n maane?

3. Kambã sẽn yã a Zezi sẽn pukd zoensã nin la a kɩtdẽ tɩ koms rãmbã kẽndã, b maana bõe?

4. Bõe la a Zezi yeel maan-kʋʋdb nins sũy sẽn puug ne kambã?

5. Wãn to la d tõe n pẽg a Zezi wa kambã sẽn pẽg-a to-to wã?

6. Karen-biisã sokame n dat n bãng bõe?

Sogsg a taaba:

1. Karm-y Matɩe 21:1-17.

   1. Welg-bʋg n be a Zezi sẽn kẽ Zerizalɛm to-to tɩ wilgdẽ t’a yaa Rĩmã, ne Rom sodaas nanambsã sẽn mi n tɩ tõog zabr n lebg n watẽ n maand to-to wã sʋka? (Mat. 21:4, 5; Zak. 9:9; Fil. 2:5-8; Kol. 2:15)

   2. A Zezi sẽn wa n kẽed wẽnd-doogẽ wã tɩ Israɛll kom-dibli wã lebs n dɩk goam nins sẽn be Yɩɩl Sõamyã 118 pʋgẽ wã zãmsda kambã bõe? (Mat. 21:9, 15; Yɩɩl 118:25, 26; 2 Tɩm. 3:15; 2 Pɩɛ. 3:18)

2. Karm-y Zã 12:12-16.

   Nebã sẽn tall koms vãad n kils a Zezi wã ra makda bõe? (Zã 12:13; Fil. 2:10; Wil. 7:9, 10)

Kibar 98

A Zezi bee tãng zugu

1. Fotã zugu, a Zezi la bʋgo, la neb a taabã yaa ãnd dãmba?

2. Bõe la maan-kʋʋdbã mak n na n maan a Zezi wẽnd-doogã pʋgẽ, la a yeel-b lame tɩ bõe?

3. Tʋm-tʋmdbã soka a Zezi n dat n bãng bõe?

4. Bõe yĩng t’a Zezi wilg a tʋm-tʋmdbã yɛl kẽer sẽn na n wa zĩnd tẽngã zugu, yẽ sã n wa rɩt a naamã saasẽ?

5. A Zezi yeelame tɩ nand t’a kɩt tɩ wẽngã fãa sa, bõe n na n maane?

Sogsg a taaba:

1. Karm-y Matɩe 23:1-39.

   1. Baa ne Biiblã sẽn wilgd tɩ d tõe n boola nebã ne b naam yʋyã, a Zezi goam nins sẽn be Matɩe 23:8-11 wã wilgdame tɩ bõe la d pa segd n maan tigingã pʋgẽ? (Tʋʋ. 26:25; Rom 13:7; 1 Pɩɛ. 2:13, 14)

   2. Bõe la Fariziẽ rãmbã maan n na n gɩdg nebã tɩ b ra lebg kiris-neba, la bõe la tũudum taoor dãmb maand rũndã-rũndã tɩ wõnd rẽ? (Mat. 23:13; Luk 11:52; Zã 9:22; 12:42; 1 Tes. 2:16)

2. Karm-y Matɩe 24:1-14.

   1. Wãn to la Matɩe 24:13 wilgd tɩ tara yõod tɩ d kell n tall d tẽebã?

   2. “Wakat” ning yell b sẽn gomd Matɩe 24:13 wã yaa bõe wakate? (Mat. 16:27; Rom 14:10-12; 2 Kor. 5:10)

3. Karm-y Mark 13:3-10.

   Gom-bʋg n be Mark 13:10 n wilgdẽ tɩ koe-noogã mooneg yaa tʋʋm-yãgdem, la a Zezi gom-kãensã segd n kɩtame tɩ d maan bõe? (Rom 13:11, 12; 1 Kor. 7:29-31; 2 Tɩm. 4:2)

Kibar 99

B bee roog pʋgẽ

1. Bõe yĩng t’a Zezi ne a tʋm-tʋmdb 12 wã be ro-bedr pʋgẽ?

2. Rao ning sẽn yitã yaa ãnda, la a rebd n na n tɩ maana bõe?

3. B sẽn dɩ Pakã rɩɩb n sa wã, kibs bʋg la a Zezi sɩng-yã?

4. Pakã ra tẽegda Israɛll nebã bõe, la kibs ning a Zezi sẽn sɩngã na n tẽegda a karen-biisã me bõe?

5. Soaalã rɩɩbã poore, bõe la a Zezi yeel a karen-biisã, la bõe la b maan-yã?

Sogsg a taaba:

1. Karm-y Matɩe 26:14-30.

   1. Wãn to la Matɩe 26:15 wilgd t’a Zida zãmba a Zezi ne yamleoogo?

   2. Yaa yɛl a yiib bʋs yĩng la a Zezi sẽn sak n daag a zɩɩmã? (Mat. 26:27, 28; Zer. 31:31-33; Ef. 1:7; Heb. 9:19, 20)

2. Karm-y Luk 22:1-39.

   Wãn to la a Sʋɩtãan kẽ a Zida? (Luk 22:3; Zã 13:2; Tʋʋ. 1:24, 25)

3. Karm-y Zã 13:1-20.

   1. Sã n yaa ne kibar ning sẽn be Zã 13:2 wã, b tõe n ninga a Zida taal bɩ? La bõe la woto zãmsd Wẽnnaam nin-buiidã? (Sɩng. 4:7; 2 Kor. 2:11; Gal. 6:1; Zak 1:13, 14)

   2. Zãms-bʋg sẽn yaa sõma wʋsg la a Zezi zãms nebã? (Zã 13:15; Mat. 23:11; 1 Pɩɛ. 2:21)

4. Karm-y Zã 17:1-26.

   A Zezi sẽn pʋʋs Wẽnnaam n kos t’a karen-biisã ‘yɩ yembrã’ rat n yeelame tɩ bõe? (Zã 17:11, 21-23; Rom 13:8; 14:19; Kol. 3:14)

Kibar 100

A Zezi bee Gɛtsemane

1. A Zezi ne a tʋm-tʋmdbã sẽn yi ro-bedrã pʋgẽ wã, yɛ la b kẽng-yã, la bõe la a yeel-b tɩ b maane?

2. A Zezi sẽn lebg n wa a tʋm-tʋmdbã nengẽ wã a mikame tɩ b maand bõe, la naoor a wãn la b maan rẽ?

3. Ãnd dãmb n wa Gɛtsemane tɩɩsã zĩigẽ, la wala fotã sẽn wilgdã, a Zida Iskariot maana bõe?

4. Bõe yĩng la a Zida sẽn mok a Zezi wã, la a Pɩɛɛr maana bõe?

5. A Zezi yeela a Pɩɛɛr tɩ bõe, la bõe yĩng t’a Zezi pa kos Wẽnnaam t’a tʋm malɛgs tɩ b wa sõng-a?

Sogsg a taaba:

1. Karm-y Matɩe 26:36-56.

   1. A Zezi sẽn sagl a karen-biisã to-to wã zãmsda tigingã kãsem dãmbã bõe? (Mat. 20:25-28; 26:40, 41; Gal. 5:17; Ef. 4:29, 31, 32)

   2. A Zezi tagsg yaa bõe ne ned sẽn dɩkd zab-teed n zabd ne a to? (Mat. 26:52; Luk 6:27, 28; Zã 18:36)

2. Karm-y Luk 22:39-53.

   Malɛkã sẽn wa n keng a Zezi raood Gɛtsemane tɩɩsã zĩigẽ wã wilgdame t’a tẽebã ra boogame bɩ? Wilg-y y leoorã võore. (Luk 22:41-43; Ezai 49:8; Mat. 4:10, 11; Heb. 5:7)

3. Karm-y Zã 18:1-12.

   Bõe la a Zezi maan sẽn na yɩl t’a bɛɛbã ra maan a karen-biisã bũmbu, la woto zãmsda tõnd bõe? (Zã 10:11, 12; 18:1, 6-9; Heb. 13:6; Zak 2:25)

Kibar 101

B kʋʋ a Zezi

1. Sẽn yɩɩd fãa, yaa ãnd n kɩt tɩ b kʋ a Zezi?

2. Tũudmã taoor dãmb sẽn wa n yõk a Zezi wã, tʋm-tʋmdbã maana bõe?

3. Bõe n maan maan-kʋʋdbã kãsem a Kayɩf zakẽ wã?

4. Bõe yĩng t’a Pɩɛɛr yi n yãbe?

5. B sẽn tall a Zezi n leb a Pɩlat nengẽ wã, maan-kʋʋdbã kãsem dãmb kaasame n yeel tɩ bõe?

6. Bõe n paam a Zezi arzũmã wĩntoogã, la bõe la a kãab bi-bɛɛg a ye b sẽn da ka n yɛgl-a?

7. Yɛ la arzãn ning yell a Zezi sẽn gomã na n zĩndi?

Sogsg a taaba:

1. Karm-y Matɩe 26:57-75.

   Bõe la Zʋɩf rãmbã bʋ-kaoodbã maan tɩ wilg tɩ b sɩd ra yaa nin-wẽnse? (Mat. 26:59, 67, 68)

2. Karm-y Matɩe 27:1-50.

   Baa ne sẽn wõnd a Zida sũurã sãamame wã, bõe yĩng tɩ d tõe n yeel t’a pa tek yam n kos sugri? (Mat. 27:3, 4; Mark 3:29; 14:21; 2 Kor. 7:10, 11)

3. Karm-y Luk 22:54-71.

   A Pɩɛɛr sẽn kɩɩs a Zezi yʋng ning b sẽn yõk-a wã zãmsda tõnd bõe? (Luk 22:60-62; Mat. 26:31-35; 1 Kor. 10:12)

4. Karm-y Luk 23:1-49.

   B sẽn wa n namsd a Zezi wã a maana wãna, la rẽ zãmsda tõnd bõe? (Luk 23:33, 34; Rom 12:17-19; 1 Pɩɛ. 2:23)

5. Karm-y Zã 18:12-40.

   Baa ne a Pɩɛɛr sẽn zoe rabeem n yeel t’a ka mi a Zezi wã, a wa n lebga tʋm-tʋmd sẽn tar yẽesem. Woto zãmsda tõnd bõe? (Zã 18:25-27; 1 Kor. 4:2; 1 Pɩɛ. 3:14, 15; 5:8, 9)

6. Karm-y Zã 19:1-30.

   1. A Zezi ra tara tags-bʋg rɩɩbã la futã wɛɛngẽ? (Zã 2:1, 2, 9, 10; 19:23, 24; Mat. 6:31, 32; 8:20)

   2. Wãn to la a Zezi sẽn togs goam nins n yaool n ki wã wilgd t’a teela a Zeova naam sẽn ka to wã ne a sũur fãa? (Zã 16:33; 19:30; 2 Pɩɛ. 3:14; 1 Zã 5:4)

Kibar 102

A Zezi vʋʋgame

1. Pagã ne rap a yiibã sẽn be foto wã zugã yaa ãnd dãmba, la yɛ la b sẽn be wã?

2. Yaa bõe yĩng la a Pɩlat sẽn yeel maan-kʋʋdbã tɩ b tʋm sodaas tɩ b tɩ gũ a Zezi yaoogã?

3. A Zezi kũumã rasem a tãab daarã yibeoog pĩnda, bõe la malɛk maan-yã, la bõe la maan-kʋʋdbã maan-yã?

4. Bõe n ling pagb nins sẽn kẽng a Zezi yaoogẽ wã?

5. Bõe yĩng t’a Pɩɛɛr ne a Zã zoe n kẽng a Zezi yaoogẽ wã, la bõe la b yã be?

6. Kũumã sẽn da be yaoogẽ wã kẽe yɛ, la a Zezi maana bõe n wilg a karen-biisã t’a vʋʋgame?

Sogsg a taaba:

1. Karm-y Matɩe 27:62-66 la 28:1-15.

   A Zezi vʋʋgrã poore, bõe la maan-kʋʋdbã kãsem dãmba, Fariziẽ rãmbã la Israɛll kãsem dãmb a taabã maan n beeg Wẽnnaam vʋʋsem sõngã? (Mat. 12:24, 31, 32; 28:11-15)

2. Karm-y Luk 24:1-12.

   Wãn to la a Zezi vʋʋgrã kibar wilgd t’a Zeova nanda pagbã? (Luk 24:4, 9, 10; Mat. 28:1-7)

3. Zã 20:1-12.

   Wãn to la Zã 20:8, 9 sõngd tõnd tɩ d bãng tɩ d sã n pa wʋmd Biiblã bãngr gomd võor zãnga, d segd n maaga d menga? (Yel. 4:18; Mat. 17:22, 23; Luk 24:5-8; Zã 16:12)

Kibar 103

A kẽe roog sẽn sog pʋgẽ

1. A Maari sẽn yã rao a ye n tẽed tɩ yẽ n get tɩɩsã yellã, a yeel-a lame tɩ bõe, la bõe n kɩt t’a bãng tɩ yaa a Zezi?

2. Karen-biis a yiibã sẽn wa n debd Emayusã, bõe n maane?

3. Karen-biis a yiibã sẽn wa n togs tʋm-tʋmdbã tɩ b yãa a Zezi wã, bõe n maane?

4. Naoor a wãn la a Zezi vẽneg a meng t’a karen-biisã yã-a?

5. A Toma sẽn wʋm tɩ karen-biis a taabã yãa a Zezi wã, a yeelame tɩ bõe, la bõe n maan rasem a nii poore?

Sogsg a taaba:

1. Karm-y Zã 20:11-29.

   A Zezi sẽn yeel bũmb ning Zã 20:23 pʋgẽ wã rat n yeelame tɩ ninsaal tara sor n tõe n kõ yel-wẽnd sugr bɩ? Wilg-y y leoorã võore. (Yɩɩl 49:3, 82, 7, in NW; Ezai 55:7; 1 Tɩm. 2:5, 6; 1 Zã 2:1, 2)

2. Karm-y Luk 24:13-43.

   Bõe la d tõe n deng n maane, tɩ b sã n wa wilg tõnd bũmb sẽn yit Biiblã pʋgẽ bɩ d tõog n sak n deege? (Luk 24:32, 33; Ɛs. 7:10; Tʋʋ. 16:14; Heb. 5:11-14)

Kibar 104

A Zezi lebda saasẽ

1. Vugri, a Zezi vẽnega a meng a karen-biis a wãn taoore, la a goma bõe yell ne-ba?

2. Wẽnnaam Rĩungã yaa bõe, la a Zezi sã n wa rɩt yʋʋm tusr naamã, tẽngã na n yɩɩ wãn to?

3. Rasem a wãn pʋgẽ la a Zezi ra vẽnegd a meng t’a karen-biisã yãt-a, la a na n maana bõe masã?

4. A Zezi sẽn wa n na n loogã, a yeela a karen-biisã tɩ b yõdg n maan bõe?

5. Bõe la a Zezi maand foto wã zugu, la bõe n wa n kɩt tɩ b pa le ne-a?

Sogsg a taaba:

1. Karm-y 1 Korẽnt dãmb 15:3-8.

   Bõe n kɩt tɩ tʋm-tʋmd a Poll ra gomd a Zezi vʋʋgrã yell ne yẽesem, la rũndã-rũndã kiris-nebã me gomda bõe yell ne yẽesem? (1 Kor. 15:4, 7, 8; Ezai 2:2, 3; Mat. 24:14; 2 Tɩm. 3:1-5)

2. Karm-y Tʋʋm 1:1-11.

   Wa Tʋʋm 1:8 sẽn yetã, koɛɛgã mooneg taa hal zĩ-bʋgo? (Tʋʋ. 6:7; 9:31; 11:19-21; Kol. 1:23)

Kibar 105

B bee Zerizalɛm n gũudẽ

1. Wala fotã sẽn wilgdã, a Zezi karen-biisã sẽn wa n be Zerizalɛm n gũudẽ wã, bõe n maane?

2. Bõe n ling sãamb nins sẽn wa Zerizalɛmmã?

3. A Pɩɛɛr yeela nebã tɩ bõe?

4. Nebã sẽn kelg a Pɩɛɛrã, b maana wãna, la a yeel-b lame tɩ b maan bõe?

5. Yʋʋmd 33 Pãntekotã daare, neb a wãn n deeg lisgu?

Sogsg a taaba:

1. Karm-y Tʋʋm 2:1-47.

   1. Wãn to la a Pɩɛɛr goam nins sẽn be Tʋʋm 2:23, 36 wilgd tɩ Zʋɩf rãmbã tara taal a Zezi kũumã pʋgẽ? (1 Tes. 2:14, 15)

   2. Mak-sõng bʋg la a Pɩɛɛr kõ tɩ wilgd d sẽn tõe n sõng nebã to-to tɩ b tags Gʋlsg Sõamyã zugu? (Tʋʋ. 2:16, 17, 29, 31, 36, 39; Kol. 4:6)

   3. A Zezi ra yeelame t’a na n kõo a Pɩɛɛr saasẽ rĩungã kʋɩlen-biisi. Ka wã, a Pɩɛɛr rɩka pipi kʋɩlen-biigã n maan bõe? (Tʋʋ. 2:14, 22-24, 37, 38; Mat. 16:19)

Kibar 106

B yiis-b-la bãens roogẽ

1. Daar a yembre, a Pɩɛɛr ne a Zã sẽn kẽng wẽnd-doogẽ wã, bõe n maane?

2. Bõe la a Pɩɛɛr yeel koamsa, la bõe la a maan n kõ-a tɩ tar yõod n yɩɩd ligdi?

3. Bõe yĩng tɩ Zʋɩf rãmbã tũudmã taoor dãmb sũy puugi, la bõe la b maan a Pɩɛɛr ne a Zã?

4. A Pɩɛɛr yeela tũudmã taoor dãmb tɩ bõe, la b yeela tʋm-tʋmdbã tɩ b ra le maan bõe?

5. Bõe n kɩt tɩ tũudmã taoor dãmb maand sũ-kiiri, la b sẽn wa n kẽes tʋm-tʋmdbã bãens naoor a yiib-n-soabã bõe n maane?

6. B sẽn tall tʋm-tʋmdbã n kẽng Zʋɩf rãmbã bʋ-kaoodbã taoorã n zab-bã, b yeelame tɩ bõe?

Sogsg a taaba:

1. Karm-y Tʋʋm 3:1-10.

   Baa ne b sẽn pa kõ tõnd tõog tɩ d gom gom-zẽna, n maag bãas la d vʋʋg kũumã, wãn to la a Pɩɛɛr goam nins sẽn be Tʋʋm 3:6 pʋgẽ wã wilg tɩ koɛɛgã mooneg yaa tʋʋmd sẽn tar yõod wʋsgo? (Zã 17:3; 2 Kor. 5:18-20; Fil. 3:8)

2. Karm-y Tʋʋm 4:1-31.

   Nebã sã n wa rat n gɩdg tõnd tɩ d ra le moon koe-noogã, wãn to la d tõe n dɩk pipi kiris-nebã togs-n-taare? (Tʋʋ. 4:29, 31; Ef. 6:18-20; 1 Tes. 2:2)

3. Karm-y Tʋʋm 5:17-42.

   Pĩnd wẽndẽ wã la rũndã-rũndã me, wãn to la neb sẽn pa a Zeova Kaset rãmb wilg tɩ b tara tagsg sẽn yaa sõma koe-noogã mooneg wɛɛngẽ? (Tʋʋ. 5:34-39)

Kibar 107

B loba a Etɩɛn kug n kʋ

1. A Etɩɛn yaa ãnda, la Wẽnnaam ra sõngd-a lame t’a maand bõe?

2. Bõe la a Etɩɛn yeel tɩ kɩt tɩ tũudmã taoor dãmb sũy puug wʋsgo?

3. Rapã sẽn veo a Etɩɛn n yiis tẽngã kɩrengã, b maan-a-la bõe?

4. Foto wã zugu, ãnd la sẽn yas futã sɛɛgẽ wã?

5. Nand t’a Etɩɛn ki, a pʋʋsa a Zeova n yeel tɩ bõe?

6. Wala a Etɩɛne, ned sã n maan tõnd wẽnga, bõe la d segd n maane?

Sogsg a taaba:

1. Karm-y Tʋʋm 6:8-15.

   Wãn to la tũudmã taoor dãmb maand sɩlem sẽn na yɩl n gɩdg a Zeova Kaset rãmbã koe-moonegã? (Tʋʋ. 6:9, 11, 13)

2. Karm-y Tʋʋm 7:1-60.

   1. Bõe n sõng a Etɩɛn t’a togs koe-noogã bʋ-kaoodbã taoor sõma, la woto zãmsda tõnd bõe? (Tʋʋ. 7:51-53; Rom 15:4; 2 Tɩm. 3:14-17; 1 Pɩɛ. 3:15)

   2. Manesem bʋg la d segd n tall ne neb nins sẽn kis tõnd koe-moonegã? (Tʋʋ. 7:58-60; Mat. 5:44; Luk 23:33, 34)

Kibar 108

Damas sorã zugu

1. Bõe la a Soll maan a Etɩɛn kũumã poore?

2. A Soll sẽn da wa n debd Damasã, yel-solem-bʋg n maane?

3. A Zezi yeela a Soll t’a maan bõe?

4. A Zezi yeela a Ananias t’a maan bõe, la maana wãn t’a Soll ninã puki?

5. B wa n boonda a Soll tɩ bõe, la tʋʋm-bʋg la b kõ-a?

Sogsg a taaba:

1. Karm-y Tʋʋm 8:1-4.

   Wãn to la b sẽn nams Zerizalɛm kiris-nebã kɩt tɩ koɛɛgã ta zĩis wʋsgo, la wãn to la yel-kãng buud maand rũndã-rũndã me? (Tʋʋ. 8:4; Ezai 54:17)

2. Karm-y Tʋʋm 9:1-20.

   Tʋʋm a tãab bʋs la a Zezi kõ a Solle? (Tʋʋ. 9:15; 13:5; 26:1; 27:24; Rom 11:13)

3. Karm-y Tʋʋm 22:6-16.

   Wãn to la d tõe n yɩ wa a Ananiase, la bõe yĩng tɩ rẽ tar yõodo? (Tʋʋ. 22:12; 1 Tɩm. 3:7; 1 Pɩɛ. 1:14-16; 2:12)

4. Karm-y Tʋʋm 26:8-20.

   Wãn to la a Soll kibarã kengd neb nins pagb bɩ b sɩdb sẽn pa a Zeova Kaset rãmbã raoodo? (Tʋʋ. 26:11; 1 Tɩm. 1:14-16; 2 Tɩm. 4:2; 1 Pɩɛ. 3:1-3)

Kibar 109

A Pɩɛɛr tɩ gesa a Korney

1. Fotã zugu, ãnd la sẽn yĩgã?

2. Malɛkã yeela a Korney tɩ bõe?

3. A Pɩɛɛr sẽn wa n be Zope a Sɩmo roogã zugã, Wẽnnaam kɩtame t’a yã bõe?

4. Bõe yĩng t’a Pɩɛɛr yeel a Korney t’a pa segd n wõgemd yẽ taoor n waoog-a?

5. Bõe n ling karen-biis nins sẽn da pʋgd a Pɩɛɛrã?

6. A Pɩɛɛr sẽn kẽng a Korney nengẽ tɩ bũmb ning tɩ maanã zãmsda tõnd bõe?

Sogsg a taaba:

1. Karm-y Tʋʋm 10:1-48.

   Bũmb ning a Pɩɛɛr sẽn yeel tɩ be Tʋʋm 10:42 pʋgẽ wã wilgda bõe koe-noogã mooneg wɛɛngẽ? (Mat. 28:19; Mark 13:10; Tʋʋ. 1:8)

2. Karm-y Tʋʋm 11:1-18.

   Sẽn wa n lebg vẽeneg t’a Zeova ratame tɩ koɛɛgã ta bu-zemsã, a Pɩɛɛr maana wãna, la wãn to la d tõe n dɩk a togs-n-taare? (Tʋʋ. 11:17, 18; 2 Kor. 10:5; Ef. 5:17)

Kibar 110

A Poll paama sõngd a to

1. Bi-bɩɩg ning sẽn be fotã zugã yaa ãnda, la a yita yɛ? Togs-y a ma wã la a yaab-poakã yʋya.

2. A Poll sẽn sok a Tɩmote n ges a sã n dat n tũu yẽ ne a Sɩlas n tɩ moon koɛɛgã neb nins sẽn be zĩ-zãrsã, a leokame tɩ bõe?

3. Yɛ la b bool a Zezi karen-biisã pipi tɩ kiris-neba?

4. A Poll ne a Sɩlas la a Tɩmote sẽn yi Listrã poore, b kẽnga yɛ ne yɛ?

5. A Tɩmote maana bõe n sõng a Polle, la rũndã-rũndã, bõe la kom-bɩɩsã segd n sok b mense?

Sogsg a taaba:

1. Karm-y Tʋʋm 9:19-30.

   B sẽn wa n namsd tʋm-tʋmd a Poll koe-noogã mooneg poorẽ wã, wãn to la a tʋm ne yam? (Tʋʋ. 9:22-25, 29, 30; Mat. 10:16)

2. Karm-y Tʋʋm 11:19-26.

   Wãn to la kibar ning sẽn be Tʋʋm 11:19-21, 26 wilgd t’a Zeova vʋʋsem sõngã n sõngd kiris-nebã koe-moonegã pʋgẽ?

3. Karm-y Tʋʋm 13:13-16, 42-52.

   Wãn to la kibar ning sẽn be Tʋʋm 13:51, 52 wilgd tɩ karen-biisã ka bas tɩ bɛɛbã kɩɩsgã koms b raoodo? (Mat. 10:14; Tʋʋ. 18:6; 1 Pɩɛ. 4:14)

4. Karm-y Tʋʋm 14:1-6, 19-28.

   Biiblã pʋgẽ, b goma tigims kẽer yell n yeel tɩ ‘b basa bãmb a Zeova nugẽ.’ Tõnd sã n wa sõngd nin-paalse, wãn to la gom-kãngã tõe n sõng-d tɩ d ra wa maan yɩɩr wʋsgo? (Tʋʋ. 14:21-23; 20:32; Zã 6:44)

5. Karm-y Tʋʋm 16:1-5.

   Wãn to la a Tɩmote sẽn sak tɩ b kẽes-a bãongã wilgd tɩ tara yõod tɩ d “maan bũmb fãa koe-noogã yĩnga”? (Tʋʋ. 16:3; 1 Kor. 9:23; 1 Tes. 2:8)

6. Karm-y Tʋʋm 18:1-11, 18-22.

   Wãn to la Tʋʋm 18:9, 10 wilgd t’a Zezi meng sõngdame tɩ koe-moonegã kẽngd taoore, la woto kɩtame tɩ d kɩs sɩd ne bõe? (Mat. 28:20)

Kibar 111

Biig n gũs n yak n lʋɩ

1. Fotã zugu, bi-ribl ning sẽn gãe tẽngã yaa ãnda, la bõe n maan-a?

2. A Poll sẽn bãng tɩ biigã kiime wã, a maana bõe?

3. Yɛ la a Poll ne a Tɩmote la neb nins sẽn tũud-bã ra rebda, la b sẽn yals Mile wã, bõe n maane?

4. No-rɛɛs a Agabis pĩnd n yeela a Poll tɩ bõe, la bõe n sɩd paam-a?

Sogsg a taaba:

1. Karm-y Tʋʋm 20:7-38.

   1. Wala a Poll sẽn yeel Tʋʋm 20:26, 27 pʋgẽ wã, bõe la d segd n maan tɩ ned zɩɩm ra zĩnd d zugu? (Eze. 33:8; Tʋʋ. 18:6, 7)

   2. Bõe yĩng tɩ kãsem dãmbã sã n wa zãmsd nebã bɩ b segd n wilg tɩ b gãda ‘sɩd koɛɛgã kãn-kãe’? (Tʋʋ. 20:17, 29, 30; Tɩt 1:7-9; 2 Tɩm. 1:13)

2. Karm-y Tʋʋm 26:24-32.

   Wãn to la a Poll sẽn da yaa Rom tẽng-n-biigã sõng-a t’a pids tʋʋmd ning a Zezi sẽn bobl-a wã? (Tʋʋ. 9:15; 16:37, 38; 25:11, 12; 26:32; Luk 21:12, 13)

Kibar 112

Sebg n sãam batayo

1. A Poll dãmb sẽn wa n yõsgd Kɛrɛtã, bõe n maan b batayo wã?

2. A Poll yeela neb nins sẽn da be batayo wã pʋgẽ wã tɩ bõe?

3. Bõe n maan tɩ batayo wã sãame?

4. Bõe la sodaasã naab yeel nebã, la neb a wãn n põse?

5. B sẽn yals tẽng ningã yʋʋr la bõe, la sebgã sẽn wa n yõkã, b maana a Poll bõe?

Sogsg a taabã:

1. Karm-y Tʋʋm 27:1-44.

   Tõnd sã n karem a Poll Rom kẽndã kibare, wãn to la rẽ kɩtd tɩ tõnd kɩs sɩd n paas tɩ Biiblã sẽn yet bũmb ninsã yaa sɩd kɛpɩ? (Tʋʋ. 27:16-19, 27-32; Luk 1:3; 2 Tɩm. 3:16, 17)

2. Karm-y Tʋʋm 28:1-14.

   Malt nebã ne b sẽn da pa tũud Wẽnnaamã sã n maana a Poll ne neb nins sẽn da be batayo wã pʋgẽ wã ‘neer wʋsgo,’ wilgdame tɩ kiris-nebã segd n maana bõe, la wãn to la b tõe n sɩd maan dẽ? (Tʋʋ. 28:1, 2; Heb. 13:1, 2; 1 Pɩɛ. 4:9)

Kibar 113

A Poll bee Rom

1. B sẽn wa n yõk a Poll n pag Romã, a moona ãnd dãmba?

2. Foto wã zugu, ãnd la sẽn zĩ wã, la a maanda bõe?

3. A Epafordit yaa ãnda, la a sẽn wa n lebd Filipã, a zãa bõe?

4. Bõe yĩng t’a Poll gʋls lɛtr n kõ a zoa a Filemo?

5. A Poll sẽn wa n paam a mengã a maana bõe, la bõe n paam-a rẽ poore?

6. A Zeova kɩtame tɩ ãnd gʋls Biiblã sɛb nins sẽn gʋls yaoolmã, la Wilgr sebrã gomda bõe yelle?

Sogsg a taaba:

1. Karm-y Tʋʋm 28:16-31 la Filip rãmb 1:13.

   B sẽn wa n kẽes a Poll roog Romã a maana bõe, la wãn to la a tẽebã sẽn da yaa kãn-kãeyã sõng kiris-nebã? (Tʋʋ. 28:23, 30; Fil. 1:14)

2. Karm-y Filip rãmb 2:19-30.

   Bõe la a Poll yeel tɩ wilgdẽ t’a nanda a Tɩmote ne a Epaforditi, la wãn to la d tõe n dɩk a togs-n-taare? (Fil. 2:20, 22, 25, 29, 30; 1 Kor. 16:18; 1 Tes. 5:12, 13)

3. Karm-y Filemo 1-25.

   1. Bõe yĩng la a Poll sẽn sagl a Filemo t’a maan neerã, la wãn to la kãsem dãmbã tõe n dɩk a togs-n-taar rũndã-rũndã? (File. 9; 2 Kor. 8:8; Gal. 5:13)

   2. Wãn to la a Poll goam nins sẽn be Filemon 13, 14 wilgd t’a pa paoogd tigingã neb a taabã, b sũur kasetã sẽn kõt-b sor tɩ b maan bũmb ninsã yĩnga? (1 Kor. 8:7, 13; 10:31-33)

4. Karm-y 2 Tɩmote 4:7-9.

   Wala tʋm-tʋmd a Polle, wãn to la tõnd me tõe n tall bas-m-yam tɩ d sã n kell n yɩ sakdba, a Zeova na n ning-d-la barka? (Mat. 24:13; Heb. 6:10)

Kibar 114

Wẽnemã na n saame

1. Bõe yĩng tɩ Biiblã gomd wed-moos sẽn be saasẽ yelle?

2. B boonda zabr ning Wẽnnaam sẽn na n zab ne nin-wẽnsã tɩ bõe, la bõe yĩng t’a na n zab zab-kãngã?

3. Wala foto wã sẽn wilgdã, ãnd soab n na n lʋɩ zabrã taoore, bõe yĩng t’a fõgen naam pʋgla, la a sẽn zãad sʋʋgã wilgda bõe?

4. D sã n lebg n ges kibar 10, 15 ne 33, bõe yĩng tɩ Wẽnnaam sẽn na n kʋ nin-wẽnsã pa segd n yɩ lingr ne tõndo?

5. Wãn to la kibar 36 la 76 wilgd tɩ Wẽnnaam na n sãama nin-wẽnsã, baa b sã n yet tɩ b yaa wẽn-tũudba?

Sogsg a taaba:

1. Karm-y Wilgr 19:11-16.

   1. Wãn to la Gʋlsg Sõamyã wilgd vẽeneg tɩ yaa a Zezi Kirist la sẽn zao wed-pɛɛlgã? (Wil. 1:5; 3:14; 19:11; Ezai 11:4)

   2. Zɩɩmã sẽn mad a Zezi fuugã wilgda bõe? (Wil. 14:18-20; 19:13)

   3. Wed-rʋʋdb nins sẽn pʋgd a Zezi wã yaa ãnd dãmba? (Wil. 2:26, 27; 12:7; 19:14; Mat. 25:31, 32)

Kibar 115

Tẽngã na n lebga arzãna

1. Biiblã wilgame tɩ vɩɩmã na n yɩɩ wãn to arzãnã pʋgẽ??

2. Bõe la Wẽnnaam kãab neb nins sẽn na n vɩɩmd arzãnã pʋgẽ wã?

3. Wakat bʋg la a Zezi na n maan woto fãa?

4. A Zezi sẽn wa n be tẽngã zugã, a maana bõe n wilg a sẽn na n wa maan bũmb ninga, a sã n wa lebg Wẽnnaam rĩungã rĩma?

5. A Zezi ne neb nins sẽn na n zĩnd saasẽ ne yẽ n dɩ naam tẽngã zugã na n maana bõe?

Sogsg a taaba:

1. Karm-y Wilgr 5:9, 10.

   Bõe yĩng tɩ d tõe n kɩs sɩd tɩ neb nins sẽn na n zĩnd saasẽ n dɩ naam tẽngã zug yʋʋm tusrã sasa wã na n yɩɩ rĩm dãmb la maan-kʋʋdb sẽn zoet nebã nimbãanega? (Ef. 4:20-24; 1 Pɩɛ. 1:7; 3:8; 5:6-10)

2. Karm-y Wilgr 14:1-3.

   Ba wã ne pe-bilã yʋʋr sẽn gʋls neb 144 000 rĩyẽ wã võor yaa bõe? (1 Kor. 3:23; 2 Tɩm. 2:19; Wil. 3:12)

Kibar 116

Vɩɩm sẽn pa satã

1. Tõnd sã n dat n wa vɩɩmd wakat sẽn pa sate, d segd n bãnga ãnd ne ãnda?

2. Wala bi-pugl kɩdgã ne a zo-rãmbã sẽn zĩ n maand bũmb ningã, bõe la tõnd me segd n maan n tõog n bãng a Zeova ne a Zezi?

3. Seb-bʋg me la yãmb ne fotã zugu, la bõe yĩng tɩ d segd n nong n karemd-a?

4. D sã n bãng a Zeova ne a Zezi, bõe la d segd n maan n paas sẽn na yɩl n paam vɩɩm sẽn pa satã?

5. Kibar 69 wã zãmsda tõnd bõe?

6. Kibar 55 wã pʋgẽ, mak-sõng bʋg la bi-kɩdg a Sãmwɛll kõt tõndo?

7. Wãn to la d tõe n tũ a Zezi Kirist mak-sõngã, la d sã n maan woto bõe la d na n wa tõog n maane?

Sogsg a taaba:

1. Karm-y Zã 17:3.

   Wãn to la Biiblã wilgd tɩ bao n bãng a Zeova ne a Zezi pa rat n yeel tɩ bao bãngr n pids f zug bala? (Mat. 7:21; Zak 2:18-20; 1 Zã 2:17)

2. Karm-y Yɩɩl Sõamyã 145:1-21.

   1. Bõe ne bõe n kɩt tɩ d segd n pẽg a Zeova? (Yɩɩl 145:8-11; Wil. 4:11)

   2. Wãn to la a Zeova maand nebã fãa neere, la bõe yĩng tɩ rẽ segd n kɩt tɩ d nong-a n paase? (Yɩɩl 145:9; Mat. 5:43-45)

   3. Tõnd sã n nong a Zeova ne d sũur fãa, na n kɩtame tɩ d maan bõe? (Yɩɩl 119:171, 172, 175; 145:11, 12, 21)