Wilg-y y nonglem ne Wẽnnaam

Sẽn na yɩl tɩ zood ra sãam, rɩlla y sõsd ne y zoa wã. Y kelgd-a lame, tɩ yẽ me kelgd yãmba. Y leb n gomda y zoa wã yell sõma ne neb a taabã. F sã n yaa Wẽnnaam zoa yaa woto me. Ges-y Biiblã sẽn yet bũmb ning rẽ wɛɛngẽ wã:

Sõs-y wakat fãa ne a Zeova pʋʋsg pʋgẽ. “Bɩ y pʋʋse n da bas ye.”—Rom dãmbã 12:12.

Karm-y Wẽnnaam Gomdã sẽn yaa Biiblã. “Gʋlsg Sõamyã zãnga yaa Wẽnnaam n kõ tõndo: la a bee bark zãmsg yĩnga, la tɩ wilg ned a kongre, la saglg yĩnga, la tɩ zãms tɩrlem.”—2 Tɩmote 3:16.

Zãms-y neb a taabã Wẽnnaam wɛɛngẽ. “Bɩ y kẽng n maan neba buud fãa tɩ b yɩ mam karem-biisi . . . La [y] zãms bãmb tɩ b sak bũmb nins fãa mam sẽn da togs yãmbã.”—Matɩe 28:19, 20.

Pẽneg-y Wẽnnaam zo-rãmbã. “Ned sã n tũud yam dãmba, a na n lebga yam soaba.”—Yelbũna 13:20.

Kẽng-y tigissẽ wã Rĩungã Roogẽ. “La bɩ tõnd tẽeg taab yelle la d yik taab ratem tɩ maan nonglem la tʋʋm sõama. . . . Bɩ d sagl taaba.”—Hebre dãmba 10:24, 25.

Sõng-y n teel Rĩungã tʋʋmde. “Bɩ ned kam fãa kõ wa sẽn zems a sẽn da tags a sũur pʋgẽ, ka ne neng gãnengo walla modgr ye, tɩ bõe, Wẽnnaam nonga ned ninga sẽn kõt ne sũ-noogo.”—2 Korẽnt dãmba 9:7.