Wẽnnaam tʋʋm-kãsemsã

1. Wẽnnaam, fo sɩd mii maam hal sõma.

Mam sã n wa gõe, la mam sã n wa yikdẽ,

fo feesda maam, n mi sẽn be mam sũurẽ.

Mam noorã goam la m yel-manesem, fo mii rẽ fãa.

Fo yãa mam sɩngr m ma wã pʋgẽ.

Mam kõbã ra pa soleg ne foo ye.

B bũmbã fãa gʋlsa fo sebrã pʋgẽ.

Mam pẽgda fo tʋʋm-kãsemsã, la fo pãngã.

Naab a Wẽnde, fo bãngrã ka tar koak ye.

La mam mengã sɩd mii rẽ hal sõma.

Mam sã n wa rat n bʋdg n dɩk so-wẽnga,

fo vʋʋsem sõngã na n wa sõnga maam.

Zeova, yaa yɛ la mam na n kẽnge,

tɩ fo nif pa tõog n yã maam beenẽ?

Mam dʋʋ yĩngri, tɩ m siga bok pʋgẽ me,

mam kẽe likẽ bɩ mogrã pʋgẽ, fo nee maam.