Yɩɩll 62
Ãnda la fo soaala?
B sẽn ẽnprimi
(Rom dãmba 14:8)
1. Yaa ãnd la fo soaala?
Wẽn-bʋg la fo sɩd sakda?
Yaa fo sẽn waoogd a soabã n so foo.
Yẽ la f wẽnde, yẽ la f tũuda.
Ned kae sẽn sɩd tõe n tũ
wẽnnaam dãmb a yiib fãa ye.
Ned kae sẽn tõe n sak rĩm dãmb a yiib ye.
A ye la a tog n yãke.
2. Yaa ãnd la fo soaala?
Wẽn-bʋg la f na n sɩd sake?
A ye n yaa sɩd t’a to yaa ziri.
Bɩ f yãk fo sẽn dat a soaba.
Fo na n saka a Sezaar,
rat n yeel tɩ nanambsã?
Bɩ fo na n saka Wẽnnaam a Zeova
la f maand a raabã daar fãa?
3. Yaa ãnd la mam soaala?
A Zeova la mam sakda.
Yaa m saasẽ Ba wã bal la m na n tũ.
Mam na n pidsa m pʋlemsã fãa.
Wẽnnaam sẽn fãag maamã,
mam na n kell n saka yẽ.
Yaa ne yẽ Biigã maoongã la a fãag-m
tɩ m na n pẽg yẽ wakat fãa.
(Ges-y Zoz. 24:15; Yɩɩl 116:14, 18; 2 Tɩm. 2:19.)