Yɩɩll 78
Sũ-mare
B sẽn ẽnprimi
(Galat dãmba 5:22)
1. A Zeova sẽn yaa d Soaalã
nonga a meng yʋʋrã hal wʋsgo.
La rẽ kɩtame t’a rat
tɩ yʋ-kãngã sɩd paam waoogre.
Hal pĩnd wẽndẽ n tãag masã,
a yʋʋrã paama paoogre.
La a sũ-marã kɩtame
t’a pa rok a sũur ye.
A raab yaa tɩ ned buud fãa
tek yam n tõog n paam fãagre.
Wẽnnaam sẽn tall sũ-marã
pa na n yɩ zaalem abada.
2. Sũ-marã sɩd yaa tɩlae,
sẽn na yɩl n tũ Wẽnd sorã.
Na n kɩtame tɩ d sũyã sig
tɩ d yamã me gãand bãane.
Ned sã n yaa sũ-mar soaba,
a baooda a taabã neere.
Sũ-marã na n kɩtame
tɩ d ra komes raood ye.
Tõnd sã n sɩd tar sũ-mare,
la d tar zʋg-sõma a taabã fãa,
na n sõnga tõnd ned kam fãa
t’a rɩk Wẽnnaam togs-n-taare.
(Ges-y Yik. 34:14; Ezai 40:28; 1 Kor. 13:4, 7; 1 Tɩm. 2:4.)