Yɩɩll 23
A Zeova yaa tõnd pãng zĩiga
1. Pãng soab a Zeova, foo la tõnd teeg-yã.
Fo yaa tõnd fãagda, tõnd sẽn nong wʋsgo.
Tõnd yaa fo Kaset rãmb sẽn moond koɛɛgã,
baa kẽer sẽn na n sak tɩ sãnda kɩɩsã.
(REESGO)
Zeova, tõnd pĩiga, la tõnd pãng zĩiga,
tõnd moonda fo yʋʋr daar ne a to fãa.
Zeova, pãng la ziir sẽn ka to soaba,
fo sɩd yaa tõnd sõngda, la tõnd gasgo.
2. Tõnd sẽn bãng foo wã, tõnd paama vẽenem.
Fo puka tõnd nin tɩ tõnd bãng sɩdã.
Tõnd tʋb yokame tɩ d wʋm fo Gomdã,
tɩ tõnd yãk yam n na n zĩnd fo poorẽ.
(REESGO)
Zeova, tõnd pĩiga, la tõnd pãng zĩiga,
tõnd moonda fo yʋʋr daar ne a to fãa.
Zeova, pãng la ziir sẽn ka to soaba,
fo sɩd yaa tõnd sõngda, la tõnd gasgo.
3. Tõnd maanda fo raabã ne sũ-noogo.
Sʋɩtãanã namsda tõnd la d teega foo.
Baa a sẽn tõe n kʋ tõndã, tõnd kotame
tɩ f sõng tõnd tɩ d kell n tũ foo daar fãa.
(REESGO)
Zeova, tõnd pĩiga, la tõnd pãng zĩiga,
tõnd moonda fo yʋʋr daar ne a to fãa.
Zeova, pãng la ziir sẽn ka to soaba,
fo sɩd yaa tõnd sõngda, la tõnd gasgo.
(Ges-y 2 Sam. 22:3; Yɩɩl 18:3; Isa. 43:12.)