A Zeova yaa zĩ-lilldg tõnd yĩnga

1. A Zeova yaa pãng zĩiga,

tõnd Ba tõnd sẽn teege.

A maasmã lilla tõndo.

Tõnd fãa tog n paa be.

Wẽnd meng sẽn na n kogel tõndã,

bɩ d teeg yẽnda wakat buud fãa.

A Zeova yaa pãng zĩiga,

a kogenda nin-tɩrsã fãa.

2. Baa neb tusa sã n lʋɩtẽ,

fo taoor la fo poorẽ,

foo yẽ na n yalsa kãn-kãe

Wẽnnaam nebã sʋka.

Pa tɩlae tɩ fo zoe rabeem,

fo sẽn tẽed tɩ yell wat yĩng ye.

A Zeova na n lilla foo,

tɩ fo ninã get rẽnda fãa.

3. Wẽnnaam meng na n kogla foo,

tɩ f ra lʋɩ bẽdgẽ ye.

La bũmb kõn maan foo lae-lae,

rabeem me kõn yõk foo.

Fo ka na n zoe gɩgem-poll ye.

Fo na n taba ru-ruug menga.

A Zeova yaa tõnd gãongo,

a kogenda tõnd wakat fãa.