Yɩɩll 88
Kambã yaa Wẽnd kũuni
1. Rao pag sã n dog biig n kõ yẽ,
raoã ne pagã fãa sũy yaa noogo.
La b pa segd n yĩm tɩ
biigã pa bãmb b yiibã bal n so ye.
Yaa kũun sẽn yit a Zeova nengẽ.
Bala yaa yẽ bal la vɩɩmã kõta.
A kõta ba wã ne ma wã fãa noy
bãmb sẽn tog n tũ ne b sũy fãa.
(REESGO)
Ad yaa kũuni, Wẽnd sẽn kõ yãmba.
Bɩ yãmb wub y kambã sõma.
Wilg-y biig fãa a Zeova noyã
tɩ rẽnda na n naf-a lame.
2. Wakat fãa, bɩ y tũ bũmb nins fãa
Wẽnnaam sẽn yeel yãmbã ne y sũyã fãa.
Wilg-y kambã bõn-kãensã daar fãa.
Rẽ la Wẽnd rat tɩ yãmb maane.
Gom rẽ yell ne f biigã sor zugu,
fo gãag wakat la f yikr wakate.
Baa a sã n wa bɩ, a kõn yĩm rẽ ye.
Wẽnd na kɩt t’a sɩd tũ n paam barka.
(REESGO)
Ad yaa kũuni, Wẽnd sẽn kõ yãmba.
Bɩ yãmb wub y kambã sõma.
Wilg-y biig fãa a Zeova noyã
tɩ rẽnda na n naf-a lame.
(Ges-y Tõo. 6:6, 7; Ef. 6:4; 1 Tɩm. 4:16.)