Yɩɩll 45
Modg-y n bɩɩs-y y tẽebã
(Hebre dãmba 6:1)
1. Modg-y-yã, wɩng-y-yã, bɩɩs-y yãmb tẽebã!
Ad tõnd Wẽnnaamã ratame tɩ d yɩ tʋʋm-mitba.
Bɩ y kɩt tɩ yãmb tʋʋmdã yɩ sõma n paase,
tɩ Wẽnnaam ning yãmb barka.
Koɛɛgã mooneg yaa tõnd fãa tʋʋmde.
A Zezi meng n kõ mak-sõngo.
Dell-y-yã a Zeova t’a sõng yãmb wakat fãa,
tɩ yãmb maan sẽn yaa tɩrga.
2. Modg-y-yã, wɩng-y-yã, kɩs-y kasetã!
Taas-y Wẽnnaam koɛɛgã, vɩɩm sẽn kõn sa wã koɛɛgã.
Pẽg-y-yã a Zeova sẽn yaa tõnd Wẽnnaamã,
la y tɩ moon rẽ zak-zaka.
Bɛɛbã rat n kẽesa tõnd rabeem.
D ra zoe la d ra leb poorẽ ye.
Kẽng-y-yã, moon-y Wẽnd Rĩungã koe-noogã!
Moon-y tɩ nebã fãa wʋm!
3. Modg-y-yã, wɩng-y-yã, tʋm-y ne y sũy fãa!
Paas-y yãmb minimã tɩ tʋʋmã waooga wʋsgo.
Sak-y tɩ Wẽnd vʋʋsem sõngã sõng yãmba,
tɩ y na paam sũ-noog wʋsgo.
Nong-y neb nins sẽn kelged koɛɛgã,
la y kẽng n tɩ paas bãmb fãa bãngre,
sẽn na yɩl tɩ bãmb fãa tẽebã bɩ n paase,
tɩ sɩdã vẽenemã yãge.
(Ges-y Fil. 1:27; 3:16; Heb. 10:39.)