Yɩɩll 130
Vɩɩmã yaa yel-solemde
1. Saagã sẽn niidã, tɩɩsã sẽn womdã,
wĩntoogã me sẽn yãgdã, la biig rogem,
fãa yaa yel-soalma. Yaa Wẽnnaam tʋʋma.
Yaa kaset sẽn wilgd t’a sɩd yaa pãng soaba.
(REESGO)
Bõe la tõnd na n maane, n pʋʋs Wẽnd barka?
D na n nonga vɩɩmã kõtã la d maan a raabã.
Baa tõnd sẽn maaneg fãa, vɩɩmã yaa Wẽnd kũuni,
Wẽnnaam meng n kõte. Yaa yel-solemd menga!
2. Sãnda sũy pa noom, b yam yii vɩɩmã.
B pʋd n yetame tɩ b sẽn kiid n são.
Tõnd pa wa bãmb ye. Tõnd pẽgda Wẽnnaam
la d pʋʋsd-a bark vɩɩmã yĩnga beoog sẽn vẽeg fãa.
(REESGO)
Bõe la tõnd na n maane, n pʋʋs Wẽnd barka?
D na n nonga nebã la d wilg tɩ d nand-b lame.
Baa tõnd sẽn maaneg fãa, vɩɩmã yaa Wẽnd kũuni,
Wẽnnaam meng n kõte. Yaa yel-solemd menga!
(Ges-y Zoob 2:9; Yɩɩl 34:13; Koɛ. 8:15; Mat. 22:37-40; Rom 6:23.)