Yɩɩll 85
Keoor sẽn yit a Zeova nengẽ
1. A Zeova keooda neb nins fãa
sẽn sɩd maand yẽ raabã ne b sũyã fãa wã.
A miime tɩ nin-kãensã wẽn-zoeerã
tõe n kɩtame tɩ b kong bũmb wʋsgo.
Yãmb zak-rãmb bɩ y zo-rãmb sã n wa bas yãmba,
bɩ y bãng tɩ Wẽnnaam mii rẽ fãa.
A na n sɩd kõ-y la ba-biis la zo-rãmba,
la vɩɩm dũni-paalgã pʋgẽ.
(REESGO)
Bɩ tõnd Ba-sõng a Zeova yã rẽ fãa,
n keo yãmb y tʋʋm-sõmã wã yĩnga.
Bɩ a Zeova sõng yãmb wakat buud fãa.
A Zeova yaa tɩrga, a yaa sɩd soaba.
2. Neb n be n pa tõe n kẽ kãadem lae-lae ye.
La kẽer yaa bãmb mens yam-yãkre.
Kẽer sẽn dat n tʋm Wẽnnaam tʋʋmã yĩnga,
b pa kẽ kãadem nanand ye.
Sẽn yaa bũmb ning fãa n kɩt tɩ b pa kẽ kãadmã,
d miime tɩ pa nana ye.
Tõnd sẽn yaa nin-kãensã saam-biisã yĩnga,
bɩ d wilg tɩ d nand-b-la wʋsgo.
(REESGO)
Bɩ tõnd Ba-sõng a Zeova yã rẽ fãa,
n keo yãmb y tʋʋm-sõmã wã yĩnga.
Bɩ a Zeova sõng yãmb wakat buud fãa.
A Zeova yaa tɩrga, a yaa sɩd soaba.
(Ges-y Bʋk. 11:38-40; Rut 2:12; Mat. 19:12.)