Bũmb nins sẽn kõt tõnd sũ-noogã

1. Bũmb wʋseg kõta tõnd sũ-noogo.

Bõn-kãensã paasda wakat fãa.

Bõn-neeb yita tẽnsã fãa pʋsẽ,

n wat n naaged tõnd masã.

Bũmb nins sẽn kõt sũ-noog hakɩkã

bee d Wẽnnaamã Gomdã pʋgẽ.

Daar fãa tõnd karemda Wẽnd Gomdã,

tɩ tõnd tẽebã pãng tar paasgo.

La woto kõta tõnd sũ-noogo.

Yaa wa bug-saal sẽn pa kiidi.

Baa tõnd sã n wa paam zu-loees wʋsgo,

a Zeova na n sõnga tõndo.

2. Tõnd sũyã nooma ne a sẽn naanã,

saasã, ne mogrã la tẽngã.

Bɩ d ges bũmb nins a sẽn naanã fãa

n pẽg yẽ a tʋʋmã yĩnga.

Tõnd kõta kasetã ne yẽesem.

Tõnd moonda d Wẽnnaamã Rĩungã

sẽn na n wa ne bark ka la bilfã.

Tõnd moonda koe-noogã zĩig fãa.

Sũ-noog sẽn ka saabã sẽn watã

pa tol n tõe n vaal abada.

Tẽngã gill sã n wa yɩ arzãna,

tõnd sũ-noogã pa na n sa ye.