Bark pʋʋsgo

1. Sõmblem soab a Zeova sẽn zems pẽgre,

Soaala, tõnd zẽkda d koees n dat kelgre.

Foo la sẽn wʋmd ninsaalbã fãa pʋʋsgã,

tõnd teega foo n dat tɩ f sõng tõndo.

Tõnd kongrã wilgdame tɩ d ka pãng ye.

Tõnd kota sugri tõnd beegrã yĩnga.

Yaa ne f Biigã zɩɩm la fo fãag tõndo,

la tõnd rata ne d sũy fãa tɩ f zãms-do.

2. Sũ-noog rãmb la neb nins fo sẽn boonde,

tɩ b wat n paamd vẽenem fo roogẽ wã.

Ne f Gomdã maasem, sõng tõnd tɩ d bãng foo.

Tõnd rat n zĩnda fo roogã pʋgẽ.

Fo yaa Wẽnnaam sẽn tar pãn-kãsenga.

Rẽ n so tɩ tõnd sɩd tar bas-yard ne foo.

Zeova tõnd fãagda, tõnd moonda f Rĩungã,

n yet nebã t’a waoongã kõn vaal ye.

3. Bɩ f ges tõnd yelle, tɩ d paam sũ-noogo.

Kɩt tɩ dũni wã nebã fãa waoog foo.

Fo Rĩungã na n wilga fo sõmblmã,

la a yiis bãase, kũum, nintãm la toogo.

Fo Biigã na n wa menesa wẽngã fãa,

tɩ bõn-naandsã fãa kaas ne sũ-noogo.

Tõnd fãa na n pʋʋsa foo bark la d yeele:

Ziir soab a Zeova bɩ f yʋʋr paam pẽgre!