Saasã wilgda Wẽnnaam ziirã

1. Saasã wilgda tõnd Naand a Zeova ziirã.

Tõnd sã n nak d nense, tõnd nee yẽ nus-tʋʋma.

Wẽnnaam paamda pẽgr beoog ne a to fãa.

Kiuugã la ãdsã yaa kaset tɩ Wẽnd tara pãnga.

2. Noy nins Wẽnnaam sẽn kõ wã zemsa zãnga.

Wẽnd goamã sɩd kõta kamb la kãsemb fãa yam.

A bʋʋdã kaoob yaa sɩda la tɩrga.

A goamã fãa na n pidsame. A noyã tũub nooma!

3. Wẽnnaam zoees yaa bũmb sẽn nafd ned buud fãa.

Wẽnd noyã yõod yɩɩda sãnem halaal menga.

Wẽnnaam noyã kogenda sẽn tũud-bã.

Tõnd gomda Wẽnd ziirã yelle. Tõnd pẽgda a yʋʋrã me.