Yɩɩll 116
Vẽenemã paasdame
(Yelbũna 4:18))
1. Wẽnd no-rɛɛsedbã ra rat n bãnga Krist,
ninsaalbã sẽn wẽed sirã fãagdã.
Vʋʋsem sõngã ra vẽnega bãmb tɩ b bãng tɩ
Mesi n na n wa fãag ãdem-biisã.
Wakatã taame, Mesi wã rɩta naam,
kaset wʋsg n be n wilgd rẽ.
Paam n bãng yel-kãensã kõta sũ-noogo,
tɩ malɛgsã me rat n bãnge!
(REESGO)
Tõnd sorã vẽenem tara paasgo.
Tõnd sɩd kẽnda vẽenem pʋgẽ.
Tõnd Wẽnnaamã maana tõnd neere,
a wilgda tõnd sor wakat fãa.
2. Zusoabã yãka tʋm-tʋmd sẽn tũud sɩdã,
t’a kõt a nebã rɩɩb wakat fãa.
Sɩdã vẽenem yãgda wakat fãa masã.
Kõta sũ-noog la be yamleoogo.
Tõnd paama vẽenem tɩ d nao wã yaa faasga.
Tɩ tõnd kẽnd vẽenem kãng pʋgẽ.
Bark wʋsgo Zeova, fo sẽn kõ vẽenemã,
tɩ d kẽnd a pʋgẽ ne sũ-noogã.
(REESGO)
Tõnd sorã vẽenem tara paasgo.
Tõnd sɩd kẽnda vẽenem pʋgẽ.
Tõnd Wẽnnaamã maana tõnd neere,
a wilgda tõnd sor wakat fãa.
(Ges-y Rom 8:22; 1 Kor. 2:10; 1 Pɩɛ. 1:12.)