Yɩɩll 18
Wẽnnaam nonglmã ka to ye
1. A Zeova yaa nonglem.
Rẽ kõta tõnd sũ-noogo.
Yaa nonglem yĩng la Wẽnnaam tʋm a Biigã,
t’a kõ a vɩɩm,
tɩ tõnd tõe n ta Wẽnnaam yam,
la d paam vɩɩm sẽn ka saabo.
(Reesgo)
Yãmb fãa ko-yũud sẽn tare,
bɩ y wa reeg vɩɩm koom zaalem.
Bɩ yãmb fãa wa yũ,
la y bãng tɩ Wẽnnaam yaa nonglem.
2. A Zeova yaa nonglem.
A tʋʋmã fãa wilgda rẽ.
Yaa nonglem yĩng la Wẽnnaam kãab
tɩ Rĩung la a na n lugli.
Hal sẽn kaoos la b ra gũud rẽ,
la Rĩun-kãng zoe n luglame.
(Reesgo)
Yãmb fãa ko-yũud sẽn tare,
bɩ y wa reeg vɩɩm koom zaalem.
Bɩ yãmb fãa wa yũ,
la y bãng tɩ Wẽnnaam yaa nonglem.
3. A Zeova yaa nonglem.
Bɩ tõnd me nong nebã fãa,
la d sõng sik-m-mens rãmbã,
tɩ b me bãng Wẽnnaam daabo.
Bɩ d moon koɛɛgã ne raoodo,
tɩ nebã fãa paam n wʋm.
(REESGO)
Yãmb fãa ko-yũud sẽn tare,
bɩ y wa reeg vɩɩm koom zaalem.
Bɩ yãmb fãa wa yũ,
la y bãng tɩ Wẽnnaam yaa nonglem.
(Ges-y Yɩɩl 33:5; 57:11; Ef. 1:7.)