Yɩɩll 99
D pẽg tẽngã Rĩm-paalgã
(Wilgri 7:9)
1. Nin-buiid sẽn yit tẽns fãa pʋsẽ
naaga taab n tũud Wẽnnaam.
Yaa neb Kristã la sẽn paam-b zaeebã
sẽn tigimd zĩig fãa.
Wẽnnaam Rĩungã lugla saasẽ.
A raab na n maana tẽng zugu.
Tõnd sẽn mi rẽ wã nafda tõndo,
kõta bãan la sũ-noog menga.
(REESGO)
Bɩ d pẽg a Zeova,
la d pẽg a Zezi me
tɩ bãmb n kɩt tɩ tõnd na n paam fãagrã.
Kɩtame tɩ d tõe n paam vɩɩm sẽn kõn sa
la d waoog Wẽnnaam wakat fãa.
2. Tõnd pẽgda Krist, sẽn yaa d Rĩmã,
n kaased ne sũ-noogo.
Laafɩ naabã na n sɩd fãaga tõnd
wa Wẽnnaam sẽn datã.
Tõnd nee sũ-noog ning sẽn watã:
Rabeem sẽn menem tẽng zugu,
neb sẽn da ki sẽn paam tɩ b vʋʋg-ba.
Ad na n sɩd yɩɩ sũ-noog tɛkẽ!
(REESGO)
Bɩ d pẽg a Zeova,
la d pẽg a Zezi me
tɩ bãmb n kɩt tɩ tõnd na n paam fãagrã.
Kɩtame tɩ d tõe n paam vɩɩm sẽn kõn sa
la d waoog Wẽnnaam wakat fãa.