Moon-y koe-noogã

1. Yɛl wʋseg ra solga Rĩungã koɛɛgã wɛɛngẽ.

Masã tõnd bãnga yageng ning b sẽn pʋlmã.

A Zeova sẽn nong tɩrlem la a nong ninsaalbã,

la yẽ sẽn mi tɩ tõnd pa tõe n fãag d mensã,

a kɩtame t’a Biigã na n wa fãag tõndo.

pa wakatã sã n ta, a na n sɩnga naam dɩɩbo.

Wẽnnaam yãka neb n zae ne a vʋʋsem sõngã,

tɩ sul-kãngã na n yɩ yẽ Biigã pʋg-paala.

2. B bãnga hal pĩnd tɩ koe-noog la b na n moone.

Yaa masã la a Zeova rat tɩ d moon koe-kãnga.

Malɛgsã naaga tõnd n tʋmd ne sũ-noogo,

n sõngd tõnd tɩ d moond Wẽnnaam Rĩungã koɛɛgã.

D sẽn paam n sõngdẽ tɩ Wẽnd yʋʋr paamd waoogrã,

d getame tɩ woto yaa zu-zẽkr n kõ-do.

Tõnd fãa sẽn paam n yaa a Zeova Kaset rãmbã,

n moond koe-noog sẽn ka sɛtã yaa zu-zẽkre.