Salmi

12 Salvani,+ O Ġeħova, għax il-​leali ntemmew;+

Għax in-​nies taʼ fedeltà għabu minn fost ulied il-​bnedmin.

 2 Dak li m’huwiex verità jitkellmu bejniethom;+

B’xofftejn mellisin+ jitkellmu, iva, b’żewġt iqlub.+

 3 Ġeħova se jeqred ix-​xofftejn mellisin kollha,

L-​ilsien li jitkellem ħwejjeġ taʼ kburija,+

 4 Dawk li qalu: “Bi lsienna nirnexxu.+

Nużaw xofftejna kif irridu. Min hu sidna?”

 5 “Talli lill-​magħkusin ħarbtuhom, talli l-​foqra jitniehdu,+

F’dan iż-​żmien inqum,” jgħid Ġeħova.+

“Inqegħedhom fis-​sigurtà, ’il bogħod minn kulmin jiddieħaq bihom.”+

 6 Kliem Ġeħova hu kliem pur,+

Bħal fidda rfinuta ġo forn* fl-​art, imsoffija sebaʼ darbiet.

 7 Int innifsek, O Ġeħova, se tħarishom;+

Għal żmien indefinit, se tipproteġi lil kull wieħed minnhom minn din il-​ġenerazzjoni.

 8 In-nies mill-​agħar jimxu kullimkien,

Għax il-​viltà hi glorifikata fost ulied il-​bnedmin.+