Salmi

42 Bħalma ċ-​ċerva tixxennaq għan-​nixxigħat taʼ l-​ilma,

Hekk ruħi tixxennaq għalik, O Alla.+

 2 Ruħi tabilħaqq hija għatxana għal Alla,+ għall-​Alla l-​ħaj.+

Meta se niġi u nidher quddiem Alla?*+

 3 Id-dmugħ tiegħi sar ikel għalija lejl u nhar,+

Waqt li l-​jum kollu jgħiduli: “Fejn hu Alla tiegħek?”+

 4 Niftakar l-​affarijiet taʼ l-​imgħoddi, u nħoss ruħi ddub ġewwa fija.+

Għax jien kont ngħaddi mal-​ġemgħa;

Kont nimxi bil-​mod quddiemhom lejn id-​dar t’Alla,+

Bil-​ħoss t’għajta ferriħija u radd il-​ħajr,+

Taʼ folla li tiċċelebra festa.+

 5 Għala int iddisprata, O ruħi,+

U għala tagħmel storbju ġewwa fija?+

Stenna lil Alla,+

Għax jien għad irrid infaħħru bħala s-​salvazzjoni grandjuża tiegħi.+

 6 O Alla tiegħi, ruħi ddisprata ġewwa fija.+

Għalhekk niftakar fik,+

Mill-​art tal-​Ġordan u l-​qċaċet tal-​Ħermon,+

Mill-​muntanja ċ-​ċkejkna.+

 7 Ilma fond isejjaħ lil ilma fond

Mal-​ħoss tal-​gliegel tiegħek taʼ l-​ilma.

Il-​ħalel u l-​imwieġ kollha tiegħek+—

Minn fuqi għaddew.+

 8 Bi nhar Ġeħova se jibgħat il-​qalb tajba bl-​imħabba tiegħu,+

U bil-​lejl inkanta dwaru;+

Se nitlob lill-​Alla taʼ ħajti.+

 9 Se ngħid lil Alla, il-​blat għoli tiegħi:+

“Għala nsejtni?+

Għala nimxi qalbi sewda minħabba l-​moħqrija taʼ l-​għadu?”+

10 L-għedewwa tiegħi tant maqdruni li bħallikieku kissruli għadmi,+

Waqt li l-​jum kollu jgħiduli: “Fejn hu Alla tiegħek?”+

11 Għala int iddisprata, O ruħi,+

U għala tagħmel storbju ġewwa fija?+

Stenna lil Alla,+

Għax jien għad irrid infaħħru bħala s-​salvazzjoni grandjuża tiegħi u bħala Alla tiegħi.+