Salmi

60 O Alla, int warrabtna, u nfidt il-​qawwiet tagħna;+

Int għadabt. Aċċettana lura.+

 2 Int regħedt l-​art, u fraqtha.+

Fejjaqha mill-​qsim tagħha, għax theżżet.+

 3 Int ġegħelt lill-​poplu tiegħek jara t-​tbatija.+

Tajtna nixorbu l-​inbid u aħna stordejna.+

 4 Int għollejt arblu bħala sinjal għal dawk li jibżgħu minnek+

Biex jiġru żigużajg ħalli jaħarbu mill-​qaws. Sela.

 5 Sabiex il-​maħbubin tiegħek jinħelsu,+

Salvana bil-​leminija tiegħek u wiġibna.+

 6 Alla tkellem fil-​qdusija tiegħu:+

“Jien se nifraħ, lil Sikem nagħti bħala sehem;+

U l-​pjanura l-​baxxa taʼ Sukkot se nkejjilha u nagħtiha.+

 7 Tiegħi Gilegħad u tiegħi wkoll Manasse,+

U Efrajm hu l-​fortizza tal-​wieħed ewlieni tiegħi;

Ġuda hu l-​ħatar tiegħi taʼ kmandant.+

 8 Mowab il-​friskatur tiegħi tal-​ħasil.+

Għal fuq Edom se nitfaʼ s-​sandlija tiegħi.+

Fuq il-​Filistja se ngħajjat bil-​ferħ għajat taʼ rebħa.”+

 9 Min se jiħodni lejn il-​belt assedjata?+

Min se jmexxini s’Edom?+

10 Mhux int, O Alla, li warrabtna+

U li ma toħroġx maʼ l-​armati tagħna bħala Alla tagħna?+

11 Agħtina l-​għajnuna fl-​inkwiet,+

Għax għalxejn nittamaw għas-​salvazzjoni mill-​bniedem.+

12 Permezz t’Alla se niksbu enerġija kbira,+

U hu jisħaq lill-​avversarji tagħna.+