2 U jrid iseħħ li fl-​aħħar parti tal-​jiem+ il-​muntanja tad-​dar+ taʼ Ġeħova ssir stabbilita fis-​sod ’il fuq mill-​quċċata tal-​muntanji,+ u titgħolla ’l fuq mill-​għoljiet;+ u lejha jiġru l-​ġnus kollha.+

3 U ġnus se jersqu lejn dawlek,+ u slaten+ lejn id-​dija tixgħel tiegħek.+

2 U ħafna ġnus imorru jgħidu: “Ejjew,+ ħa nitilgħu lejn il-​muntanja taʼ Ġeħova u lejn id-​dar taʼ l-​Alla taʼ Ġakobb;+ u hu jgħallimna dwar triqatu,+ u aħna nimxu fil-​mogħdijiet tiegħu.”+ Għax minn Sijon toħroġ il-​liġi, u l-​kelma taʼ Ġeħova minn Ġerusalemm.+

11 “U ħafna ġnus se jintrabtu maʼ Ġeħova f’dak il-​jum,+ u huma jsiru l-​poplu tiegħi;+ u jien se ngħammar f’nofsok.” U se jkollok tkun taf li Ġeħova taʼ l-​armati bagħatni għandek.+

23 “Hekk qal Ġeħova taʼ l-​armati, ‘Għad iseħħ f’dawk il-​jiem li għaxart irġiel mill-​ilsna kollha tal-​ġnus+ se jaqbdu,+ iva, se jaqbdu tarf il-​libsa taʼ raġel Lhudi,+ u jgħidu: “Aħna se niġu magħkom,+ għax smajna li Alla magħkom.”’”+

9 Wara dan rajt, u, ara, folla kbira,+ li ebda bniedem ma setaʼ jgħoddha, minn kull ġens+ u tribù u poplu+ u lsien,+ weqfin quddiem it-​tron+ u quddiem il-​Ħaruf, lebsin ilbiesi bojod;+ u f’idejhom kellhom friegħi tal-​palm.+