Ġenesi

34 Issa Dina, bint Lea,+ li kienet wilditha lil Ġakobb, kienet toħroġ tara+ l-​bniet tal-​pajjiż.+ 2 U Sikem, bin Ħamor il-​Ħiwwi,+ kap taʼ tribù tal-​pajjiż, raha u ħadha u mtedd magħha u stupraha.+ 3 U ruħu ntrabtet maʼ Dina, bint Ġakobb, u sar iħobb liż-​żagħżugħa u kien joqgħod ikellimha biex jipperswadiha. 4 Fl-aħħar, Sikem qal lil missieru Ħamor:+ “Iksibli din iż-​żagħżugħa biex tkun marti.”+

5 U Ġakobb semaʼ li Sikem kien kasbar lil bintu Dina. U wliedu kienu mal-​merħla tiegħu fl-​għalqa;+ u Ġakobb baqaʼ sieket sakemm ġew.+ 6 Iktar tard Ħamor, missier Sikem, mar għand Ġakobb biex ikellmu.+ 7 U wlied Ġakobb ġew mill-​għalqa malli semgħu b’dan; u l-​irġiel ħassew is-​sentimenti tagħhom imweġġgħin u rrabjaw ferm,+ għaliex hu kien wettaq bluha b’għajb għal Israel meta mtedd maʼ bint Ġakobb,+ għax ħaġa bħal din qatt ma messha saret.+

8 U Ħamor kellimhom u qalilhom: “Inkwantu għal ibni Sikem, ruħu marbuta maʼ bintkom.+ Jekk jogħġobkom, agħtuhielu b’martu,+ 9 u tħalltu b’rabtiet taż-​żwieġ magħna.+ Il-​bniet tagħkom agħtuhom lilna, u l-​bniet tagħna ħuduhom għalikom.+ 10 U tistgħu toqogħdu magħna, u l-​pajjiż ikun għad-​dispożizzjoni tagħkom. Għammru u nnegozjaw fih u ibqgħu fih.”+ 11 Imbagħad Sikem qal lil missierha u lil ħutha: “Ħa nsib il-​ħniena f’għajnejkom, u kulma tgħiduli nagħtih. 12 Żidu kemm tridu l-​flus li jitħallsu għall-​għarusa u l-​għotja li suppost nagħti,+ u jien inkun lest li nagħti skond ma tgħiduli; biss agħtuni liż-​żagħżugħa b’marti.”

13 U wlied Ġakobb wieġbu lil Sikem u lil missieru Ħamor bil-​qerq, u tkellmu hekk għaliex hu kien kasbar lil oħthom Dina.+ 14 U ssoktaw jgħidulhom: “Ma jistax ikun li nagħmlu ħaġa bħal din, li nagħtu lil oħtna lil raġel mhux ċirkonċiż,+ għaliex dan ikun għajb għalina. 15 B’din il-​kundizzjoni biss nistgħu naqblu magħkom, li intom issiru bħalna, billi kull raġel u tifel minnkom jiġi ċirkonċiż.+ 16 Imbagħad żgur li nagħtukom il-​bniet tagħna, u l-​bniet tagħkom niħduhom għalina, u żgur li ngħammru magħkom u nsiru poplu wieħed.+ 17 Imma jekk ma tisimgħux minna biex tiġu ċirkonċiżi, allura nieħdu lil bintna u mmorru.”

18 U kliemhom deher li kien tajjeb f’għajnejn Ħamor u f’għajnejn Sikem, bin Ħamor,+ 19 u ż-​żagħżugħ ma damx m’aġixxa fi qbil maʼ din il-​kundizzjoni,+ għaliex kien imsaħħar wara bint Ġakobb u hu kien l-​iktar wieħed stmat+ mid-​dar kollha taʼ missieru.+

20 Għalhekk, Ħamor u ibnu Sikem marru ħdejn bieb belthom u bdew ikellmu lin-​nies taʼ belthom,+ u qalulhom: 21 “Dawn in-​nies iridu jżommu l-​paċi magħna.+ Għaldaqstant ħalluhom jgħammru fil-​pajjiż u jinnegozjaw fih, għax fil-​pajjiż hemm wisaʼ biżżejjed għalihom.+ Il-​bniet tagħhom nistgħu niħduhom b’nisa tagħna u l-​bniet tagħna nistgħu nagħtuhom lilhom.+ 22 B’din il-​kundizzjoni biss dawn l-​irġiel se jaqblu li jgħammru magħna sabiex insiru poplu wieħed, li kull raġel u tifel minna jiġi ċirkonċiż bħalma huma ċirkonċiżi huma.+ 23 Imbagħad l-​affarijiet tagħhom u l-​ġid tagħhom u l-​bhejjem kollha tagħhom, mhux tagħna se jkunu?+ Għalhekk, ejja naqblu magħhom biex jgħammru magħna.”+ 24 Imbagħad dawk kollha li kienu ħerġin minn bieb beltu semgħu minn Ħamor u minn ibnu Sikem, u l-​irġiel kollha ġew ċirkonċiżi, dawk kollha li kienu ħerġin minn bieb beltu.

25 Madankollu, ġara li fit-​tielet jum, meta kienu muġugħin,+ Simegħon u Levi,+ iż-​żewġ ulied taʼ Ġakobb, ħut Dina,+ qabdu kull wieħed minnhom is-​sejf tiegħu u marru baxx baxx lejn il-​belt u qatlu lil kull raġel u tifel.+ 26 U lil Ħamor u lil ibnu Sikem qatluhom b’xifer is-​sejf.+ Imbagħad ħadu lil Dina minn dar Sikem u telqu ’l barra.+ 27 L-ulied l-​oħra taʼ Ġakobb attakkaw lill-​irġiel midrubin għall-​mewt u serqu l-​belt, għaliex huma kienu kasbru lil oħthom.+ 28 U ħadu l-​imrieħel tan-​nagħaġ u tal-​baqar tagħhom, il-​ħmir tagħhom, dak li kien hemm fil-​belt, u dak li kien hemm fir-​rabaʼ.+ 29 U ħadulhom il-​mezz t’għajxien kollu tagħhom, u lit-​tfal ċkejknin kollha tagħhom u lin-​nisa tagħhom ġarrewhom fil-​jasar, sabiex b’hekk serqu kulma kien hemm fid-​djar.+

30 U Ġakobb qal lil Simegħon u lil Levi:+ “Intom ġegħeltuni niġi mwarrab għax għamiltuni mibgħud mill-​abitanti tal-​pajjiż,+ il-​Kangħanin u l-​Pereżin; filwaqt li jien ftit fl-​għadd,+ u huma żgur li se jinġemgħu flimkien kontrija u jaħbtu għalija u jeqirduni għalkollox, lili u lil dari.” 31 U huma wiġbuh: “Għandu xi ħadd jittratta lil oħtna bħal xi prostituta?”+