Salmi

84 Kemm hu sabiħ it-​tabernaklu grandjuż tiegħek,+

O Ġeħova taʼ l-​armati!+

 2 Ruħi xxennqet u nfniet għall-​btieħi taʼ Ġeħova.+

Qalbi u ġismi jgħajtu bil-​ferħ lill-​Alla l-​ħaj.+

 3 Anki l-​għasfur sab dar,

U l-​ħuttafa sabet bejta għaliha,

Fejn poġġiet iż-​żgħar tagħha—

L-​artal grandjuż tiegħek, O Ġeħova taʼ l-​armati, Sultan tiegħi u Alla tiegħi!

 4 Henjin dawk li jgħammru f’darek!+

Huma jibqgħu jfaħħruk.+ Sela.

 5 Henjin il-​bnedmin li s-​saħħa tagħhom ġejja mingħandek,+

Li qalbhom tixxennaq biex tkun fit-​toroq lejn darek.+

 6 Meta jgħaddu mill-​wied xott fejn jikbru s-​siġar tal-​baka,*+

Huma jibdluh f’nixxiegħa;

Bil-​barkiet jitlibbes dak li jistruwihom.+

 7 Huma jibqgħu mexjin minn enerġija kbira għal enerġija kbira;+

Kull wieħed minnhom jidher quddiem Alla f’Sijon.+

 8 O Alla Ġeħova taʼ l-​armati, ismaʼ t-​talba tiegħi;+

Agħti widen, O Alla taʼ Ġakobb.+ Sela.

 9 O tarka tagħna, ħares, O Alla,+

U ara wiċċ il-​midluk tiegħek.+

10 Għax jum wieħed fil-​btieħi tiegħek aħjar minn elf band’oħra.+

Jien għażilt li noqgħod fuq l-​għatba tad-​dar t’Alla tiegħi+

Minflok ma ndur fit-​tined tal-​ħażen.+

11 Għax Alla Ġeħova hu xemx+ u tarka;+

Approvazzjoni u glorja jagħti.+

Ġeħova mhux se jżomm lura xi ħaġa tajba minn dawk li jimxu mingħajr nuqqas.+