2 Kronaki

26 Imbagħad in-​nies+ kollha taʼ Ġuda ħadu lil Użżija,+ li kellu sittax-il sena, u għamluh+ sultan minflok missieru Amażija.+ 2 Kien hu li reġaʼ bena lil Elot+ u mbagħad reġaʼ taha lil Ġuda wara li s-​sultan kien imtedd maʼ missirijietu.+ 3 Sittax-il sena kellu Użżija+ meta beda jsaltan, u dam isaltan tnejn u ħamsin sena f’Ġerusalemm. U ommu kien jisimha Ġekolija,+ minn Ġerusalemm. 4 U għamel dak li hu sewwa f’għajnejn Ġeħova,+ skond kulma kien għamel missieru Amażija.+ 5 U hu kontinwament fittex+ lil Alla fi żmien Żakkarija, li kien jgħallmu jibżaʼ mill-​Alla l-​veru;+ u, fil-​jiem li kien ifittex lil Ġeħova, l-​Alla l-​veru tah ħafna ġid.+

6 U ħareġ jiġġieled kontra l-​Filistin+ u ġarraf is-​sur taʼ Gat+ u s-​sur taʼ Ġabne+ u s-​sur t’Asdod,+ u mbagħad bena bliet fit-​territorju t’Asdod+ u fost il-​Filistin. 7 U l-​Alla l-​veru kompla jgħinu+ kontra l-​Filistin u kontra l-​Għarab,+ li kienu jgħammru f’Gurbagħal, u kontra l-​Megħunin.+ 8 U l-​Għammonin+ bdew jagħtu l-​ħaraġ+ lil Użżija. Maż-​żmien, il-​fama tiegħu+ waslet saħansitra sa l-​Eġittu, għax wera l-​qawwa tiegħu b’mod straordinarju. 9 Iktar minn hekk, Użżija bena torrijiet+ f’Ġerusalemm biswit il-​Bieb tal-​Kantuniera+ u biswit Bieb il-​Wied+ u biswit ix-​Xewka tas-​Sur, u saħħaħhom. 10 Iktar minn hekk, bena torrijiet+ fix-​xagħri, u ħaffer ħafna ġwiebi (għax kellu ammont kbir taʼ bhejjem), u wkoll fis-​Sefela+ u fil-​pjanura fl-​għoli. Kien hemm il-​bdiewa u dawk li jieħdu ħsieb id-​dwieli fuq il-​muntanji u fil-​Karmel, għax hu kien iħobb l-​agrikultura.

11 Iktar minn hekk, Użżija kellu qawwa militari li tieħu sehem fil-​gwerer, dawk li joħorġu fi truppi+ għal kampanji militari, skond l-​għadd tar-​reġistrazzjoni tagħhom+ b’id Ġegħijel, is-​segretarju,+ u Magħseja, l-​uffiċjal, taħt it-​tmexxija+ taʼ Ħananija, wieħed mill-​prinċpijiet tas-​sultan.+ 12 L-għadd kollu tal-​kapijiet tal-​familji min-​naħa tal-​missier,+ taʼ l-​irġiel qalbenin+ u setgħanin,+ kien elfejn u sitt mija. 13 U taħt it-​tmexxija tagħhom il-​qawwiet taʼ l-​armata kienu tliet mija u sebat elef u ħames mitt raġel li jieħdu sehem fil-​gwerer bħala qawwa militari b’saħħitha biex jgħinu lis-​sultan kontra l-​għadu.+ 14 U Użżija baqaʼ jħejjilhom, għall-​armata kollha kemm hi, tarki,+ lanez,+ elmijiet,+ kurazzi,+ qwas,+ u ġebel għall-​iżbandola.+ 15 Barra minn hekk, f’Ġerusalemm għamel magni tal-​gwerra, ivvintati min-​nies tas-​sengħa, sabiex jitqiegħdu fuq it-​torrijiet+ u fuq il-​kantunieri, biex jisparaw il-​vleġeġ u l-​ġebel kbir. Għaldaqstant, il-​fama tiegħu+ xterdet ’il bogħod ħafna, għax kien megħjun b’mod taʼ l-​għaġeb sakemm sar b’saħħtu.

16 Madankollu, malli sar b’saħħtu, qalbu tkabbret+ sal-​punt li ġab ir-​rovina tiegħu stess,+ u b’hekk aġixxa b’nuqqas taʼ fedeltà kontra Ġeħova Alla tiegħu u daħal fit-​tempju taʼ Ġeħova biex jaħraq l-​inċens fuq l-​artal taʼ l-​inċens.+ 17 Minnufih il-​qassis Għażarija u miegħu l-​qassisin taʼ Ġeħova, tmenin raġel qalbieni, daħlu warajh. 18 Imbagħad huma waqfulu lil Użżija, is-​sultan,+ u qalulu: “Mhux dmirek,+ O Użżija, li taħraq l-​inċens lil Ġeħova, imma hu d-​dmir tal-​qassisin, ulied Aron,+ dawk li tqaddsu, li jaħarqu l-​inċens. Oħroġ ’il barra mis-​santwarju; għax int aġixxejt b’nuqqas taʼ fedeltà, u dan ma jkunx taʼ glorja+ għalik min-​naħa t’Alla Ġeħova.”

19 Imma Użżija tgħaddab+ waqt li f’idu kellu inċensier+ biex jaħraq l-​inċens, u, waqt id-​dagħdigħa li kellu mal-​qassisin, tfaċċalu+ l-​ġdiem+ fuq ġbinu quddiem il-​qassisin fid-​dar taʼ Ġeħova ħdejn l-​artal taʼ l-​inċens. 20 Meta Għażarija, il-​qassis ewlieni, u l-​qassisin kollha daru lejh, ara, hu kien milqut bil-​ġdiem fuq ġbinu!+ Għalhekk, bdew iwarrbuh b’ħeffa minn hemmhekk, u hu stess għaġġel ukoll biex joħroġ, għaliex Ġeħova kien laqtu.+

21 U Użżija,+ is-​sultan, baqaʼ bil-​ġdiem sa jum mewtu, u kompla jgħammar f’dar meħlus minn dmirijietu, bħala wieħed imġiddem;+ għax kien ġie maqtugħ mid-​dar taʼ Ġeħova, waqt li ibnu Ġotam kien fuq id-​dar tas-​sultan, jiġġudika lin-​nies tal-​pajjiż.

22 U l-​bqija tal-​ġrajjiet t’Użżija,+ mill-​bidu sa l-​aħħar, inkitbu minn Isaija,+ bin Għamoż,+ il-​profeta. 23 Fl-aħħar, Użżija mtedd maʼ missirijietu; u għalhekk difnuh maʼ missirijietu, imma fl-​għalqa fejn jindifnu s-​slaten,+ għax qalu: “Hu mġiddem.” U ibnu Ġotam+ beda jsaltan minfloku.