Salmi

29 Irrikonoxxu lil Ġeħova, O intom ulied is-​setgħanin,

Irrikonoxxu l-​glorja u s-​saħħa taʼ Ġeħova.+

 2 Irrikonoxxu l-​glorja taʼ isem Ġeħova.+

Milu quddiem Ġeħova mżejnin bi lbies qaddis.+

 3 Leħen Ġeħova qiegħed fuq l-​ilmijiet;*+

L-​Alla glorjuż+ riegħed.+

Ġeħova qiegħed fuq ħafna ilmijiet.+

 4 Leħen Ġeħova qawwi;+

Leħen Ġeħova impressjonanti.+

 5 Leħen Ġeħova qed ikisser iċ-​ċedri;

Iva, Ġeħova jkisser f’biċċiet iċ-​ċedri tal-​Libanu,+

 6 U jġegħelhom jaqbżu bħal għoġol,+

Il-​Libanu u s-​Sirjon+ bħal ulied il-​barrin salvaġġi.

 7 Leħen Ġeħova qed itajjar il-​fjammi tan-​nar;+

 8 Leħen Ġeħova jġiegħel ix-​xagħri jitkagħweġ,+

Ġeħova jġiegħel ix-​xagħri taʼ Kades+ jitkagħweġ.

 9 Leħen Ġeħova jġiegħel iċ-​ċriev jitkagħwġu bl-​uġigħ tal-​ħlas+

U jneżżaʼ l-​foresti.+

U fit-​tempju tiegħu kulħadd qed jgħid: “Glorja!”+

10 Ġeħova qagħad bil-​qiegħda fuq id-​dilluvju;+

U Ġeħova joqgħod bil-​qiegħda bħala sultan għal dejjem.+

11 Ġeħova se jagħti s-​saħħa lill-​poplu tiegħu.+

Ġeħova se jbierek lill-​poplu tiegħu bil-​paċi.+