Ġenesi

32 U Ġakobb baqaʼ sejjer fi triqtu, u l-​anġli t’Alla ltaqgħu miegħu.+ 2 Meta rahom, Ġakobb minnufih qal: “Dan hu l-​kamp t’Alla!”+ Għalhekk, dak il-​post semmieh Maħanajm.*+

3 Imbagħad Ġakobb bagħat messaġġiera+ qablu għand ħuh Għesaw lejn l-​art tas-​Segħir,+ it-​territorju t’Edom,+ 4 u hu ordnalhom u qalilhom: “Dan tgħidulu lil sidi,+ lil Għesaw, ‘Dan qal il-​qaddej tiegħek Ġakobb: “ Maʼ Laban għammart bħala barrani u qgħadt żmien twil s’issa.+ 5 U issa għandi barrin u ħmir, nagħaġ, u qaddejja rġiel u nisa,+ u nixtieq nibgħat ngħarraf lil sidi, sabiex insib il-​ħniena f’għajnejk.”’”+

6 U l-​messaġġiera ġew lura għand Ġakobb, u qalulu: “Morna għand ħuk Għesaw, u hu wkoll qiegħed fi triqtu biex jiltaqaʼ miegħek, u miegħu għandu erbaʼ mitt raġel.”+ 7 U Ġakobb beda jibżaʼ ħafna u sar ansjuż.+ Għalhekk, qasam f’żewġ kampijiet+ lin-​nies li kellu miegħu, u l-​imrieħel u l-​baqar u l-​iġmla, 8 u qal: “Jekk Għesaw jiġi f’kamp minnhom u jattakkah, żgur li jibqaʼ kamp li jkun jistaʼ jaħrab.”+

9 Imbagħad Ġakobb qal: “O Alla taʼ missieri Abraham u Alla taʼ missieri Iżakk,+ O Ġeħova, int li qed tgħidli, ‘Mur lura lejn artek u lejn qrabatek u jien nittrattak tajjeb,’+ 10 jien ma jistħoqqulix il-​qalb tajba bl-​imħabba kollha u l-​fedeltà kollha li int urejt mal-​qaddej tiegħek,+ għax meta qsamt dan il-​Ġordan kelli biss il-​ħatar tiegħi u issa sirt żewġ kampijiet.+ 11 Eħlisni, nitolbok,+ minn id ħija, minn id Għesaw, għax qed nibżaʼ minnu, li jiġi u żgur jattakka lili+ u ’l omm flimkien mat-​tfal. 12 U int, int għedt, ‘Bla dubju jien nittrattak tajjeb u nagħmel lil nislek bħar-​ramel tal-​baħar, li ma jistax jingħadd daqskemm hu kotran.’”+

13 U qattaʼ dak il-​lejl hemmhekk. U qabad minn kulma ġie f’idejh biex jagħtih rigal lil ħuh Għesaw:+ 14 mitejn mogħża u għoxrin bodbod, mitejn nagħġa u għoxrin muntun, 15 tletin ġemla bil-​frieħ tagħhom, erbgħin baqra u għaxar barrin, għoxrin ħmara u għaxart iħmir irġiel.+

16 Imbagħad lill-​qaddejja tiegħu tahom f’idejhom merħla wara l-​oħra, kull waħda għaliha, u qal darba wara l-​oħra lill-​qaddejja tiegħu: “Aqsmu qabli u qisu li tħallu l-​wisaʼ bejn merħla u oħra.”+ 17 U lill-​ewwel wieħed ordnalu wkoll u qallu: “Fil-​każ li ħija Għesaw jiltaqaʼ miegħek u jistaqsik, u jgħidlek: ‘Taʼ min int, u fejn sejjer u taʼ min huma dawn li hawn quddiemek?’ 18 int trid tgħidlu, ‘Tal-​qaddej tiegħek, taʼ Ġakobb. Dan hu rigal+ mibgħut lil sidi,+ lil Għesaw, u, ara, hu nnifsu qiegħed ukoll warajna.’” 19 U ssokta jordna wkoll lit-​tieni wieħed, kif ukoll lit-​tielet u lil dawk kollha li kienu mexjin wara l-​imrieħel, u qalilhom: “Dan il-​kliem għandkom tgħidulu lil Għesaw meta tiltaqgħu miegħu.+ 20 U tridu tgħidulu wkoll, ‘Ara! Il-​qaddej tiegħek Ġakobb qiegħed warajna.’”+ Għax qal bejnu u bejn ruħu: “Inberridlu l-​korla bir-​rigal li nibgħat qabli,+ u mbagħad narah wiċċ imbwiċċ. Forsi jilqagħni tajjeb.”+ 21 Għalhekk, il-​qaddejja bir-​rigali qasmu għan-​naħa l-​oħra qablu, imma hu qattaʼ dak il-​lejl fil-​kamp.+

22 Iktar tard matul dak il-​lejl qam u ħa liż-​żewġ nisa+ tiegħu u ż-​żewġ qaddejja nisa+ tiegħu u l-​ħdax-il tifel+ tiegħu u qasam min-​naħa għall-​oħra l-​wied tal-​Ġabbok minfejn l-​ilma kien baxx.+ 23 Għalhekk, ħadhom u għaddiehom mill-​wied,*+ lilhom u kulma kellu.

24 Fl-aħħar, Ġakobb baqaʼ waħdu. Imbagħad ġie raġel u beda jissara miegħu sakemm beda jżernaq.+ 25 Meta ra li ma kienx għelbu,+ messlu l-​ġog* taʼ koxxtu; u l-​ġog taʼ koxxet Ġakobb ħareġ minn postu waqt li kien qed jissara miegħu.+ 26 Imbagħad ir-​raġel qallu: “Itlaqni, għax beda jżernaq.” U Ġakobb wieġbu: “Ma nitilqekx qabel ma tberikni.”+ 27 Għalhekk, l-​ieħor staqsieh: “X’jismek?” u hu wieġbu: “Ġakobb.” 28 U dak qallu: “Ma jkunx jismek iktar Ġakobb imma Israel,*+ għax int bqajt tissara+ m’Alla u mal-​bnedmin sakemm sa fl-​aħħar ħriġt rebbieħ.” 29 Imbagħad Ġakobb staqsieh u qallu: “Jekk jogħġbok, għidli x’jismek.” Madankollu, qallu: “Għala tistaqsini x’jisimni?”+ U dan bierku hemmhekk. 30 Għalhekk, dak il-​post Ġakobb semmieh Penijel,*+ għax, kif qal hu, “Rajt lil Alla wiċċ imbwiċċ, u madankollu ruħi ħelsitha.”+

31 U x-​xemx bdiet tisreġ fuqu malli għadda minn ħdejn Penwel, u hu kien qed izappap fuq koxxtu.+ 32 Huwa għalhekk li sa dan il-​jum ulied Israel għandhom id-​drawwa li ma jiklux in-​nerv* tal-​koxxa, li qiegħed fuq il-​ġog tal-​koxxa, għaliex hu mess il-​ġog taʼ koxxet Ġakobb ħdejn in-​nerv taʼ koxxtu.+