Salmi

36 Id-dnub ikellem lill-​bniedem mill-​agħar f’qalbu;+

Dan m’għandux il-​biżaʼ t’Alla quddiem għajnejh.+

 2 Għax l-​opinjoni li għandu tiegħu nnifsu hi mqarrqa+

U ma jistax jinduna bl-​iżball tiegħu sabiex jobogħdu.+

 3 Kliem fommu mimli ħsara u qerq;+

M’għadx għandu d-​dehen biex jagħmel it-​tajjeb.+

 4 Fuq soddtu dejjem jippjana kif jagħmel il-​ħsara.+

Imur fi triq li mhix tajba.+

Dak li huwa ħażin ma jwarrbux.+

 5 O Ġeħova, il-​qalb tajba bl-​imħabba tiegħek hi fis-​smewwiet;+

Il-​fedeltà tiegħek m’ogħla s-​sħab.+

 6 Is-sewwa tiegħek hu bħall-​muntanji tiegħek, O Alla;+

Id-​deċiżjoni ġudizzjarja tiegħek hija bħal ilma fond ħafna.+

Int issalva lill-​bniedem u l-​bhima, O Ġeħova.+

 7 Kemm hi prezzjuża l-​qalb tajba bl-​imħabba tiegħek, O Alla!+

U fid-​dell taʼ ġwinħajk jistkennu wlied il-​bnedmin.+

 8 Huma jixorbu sa ma jixbgħu mill-​abbundanza taʼ darek;+

U mill-​gliegel tal-​pjaċiri tiegħek tagħtihom jixorbu.+

 9 Għax għandek hemm is-​sors tal-​ħajja;+

Bid-​dawl mingħandek nistgħu naraw id-​dawl.+

10 Kompli uri l-​qalb tajba bl-​imħabba tiegħek lil dawk li jafuk,+

U s-​sewwa tiegħek lil dawk li huma retti f’qalbhom.+

11 Tħallix sieq is-​supperv tiġi għalija;+

U tħallix id in-​nies mill-​agħar iġġegħelni niġġerra ’l hemm u ’l hawn.+

12 Ara fejn waqgħu dawk li jipprattikaw il-​ħsara;+

Ġew mgħaddsin ’l isfel u ma kellhomx il-​ħila jqumu.+