Salmi

7 O Ġeħova Alla tiegħi,+ jien fik stkennejt.+

Salvani minn dawk kollha li jippersegwitawni u eħlisni,+

 2 Sabiex ħadd ma jqattagħli ruħi biċċiet bħalma jagħmel iljun,+

Jaħtafni meta ma jkun hemm ħadd biex jeħlisni.+

 3 O Ġeħova Alla tiegħi, jekk għamilt xi ħaġa ħażina,+

Jekk hemm xi inġustizzja f’idejja,+

 4 Jekk raddejt il-​ħażin lil min ippremjani,+

Jew jekk irrovinajt lil xi ħadd li ħadha kontrija imma ma rnexxiex,+

 5 Ħa jiġri warajja+ l-​għadu

U ħa jaqbadni u jgħaffiġni* maʼ l-​art

U jitfaʼ l-​glorja tiegħi fit-​trab. Sela.

 6 Qum, O Ġeħova, fir-​rabja tiegħek;+

Qum kontra l-​għedewwa tiegħi li jisfogaw il-​korla tagħhom kontrija,+

U ieqaf għalija,+ ladarba int ordnajt li ssir il-​ġustizzja.+

 7 Ħa ddur madwarek il-​ġemgħa tal-​ġnus,

U int erġaʼ lura fl-​għoli u ħudha kontriha.

 8 Ġeħova se jaqtaʼ s-​sentenza fuq il-​popli.+

Iġġudikani, O Ġeħova, skond is-​sewwa tiegħi+

U skond l-​integrità+ li għandi fija.

 9 Jekk jogħġbok, ħa jintemm il-​ħażen tal-​ħżiena,+

U waqqaf fis-​sod lill-​ġust;+

Alla li hu ġust+ qed jeżamina l-​qalb+ u l-​kliewi.+

11 Alla huwa Mħallef ġust,+

U Alla jlissen b’qawwa kundanni kuljum.

12 Jekk bniedem ma jdurx lura mill-​ħażen tiegħu,+ Hu jsinn sejfu,+

Jilwi l-​qaws tiegħu, u jħejjih biex jispara.+

13 U jħejji l-​armi tal-​mewt;+

Il-​vleġeġ tiegħu jagħmilhom tan-​nar.+

14 Ara! Hemm wieħed li tqal bil-​ħsara,+

U nissel l-​inkwiet u se jiled il-​qerq.+

15 Għamel ħofra, u qagħad iħaffirha;+

Imma hu stess se jaqaʼ fit-​toqba li għamel.+

16 L-inkwiet tiegħu se jerġaʼ lura fuq rasu,+

U fuq il-​qorriegħa taʼ rasu se tinżel il-​vjolenza tiegħu.+

17 Se nfaħħar lil Ġeħova għas-​sewwa tiegħu,+

U ngħanni lil isem+ Ġeħova l-​Iktar Għoli.+