Salm

107 Irringrazzjaw lil Ġeħova, għax hu tajjeb;

L-imħabba u l-lealtà* tiegħu jibqgħu għal dejjem.

 2 Ħa jgħidu hekk dawk li ġew salvati* minn Ġeħova,

Dawk li hu salva minn id l-għedewwa tagħhom,

 3 Dawk li hu ġabar mill-artijiet,

Mil-Lvant u l-Punent,*

U mit-Tramuntana u min-Nofsinhar.

 4 Huma qagħdu jduru u jagħqdu fix-xagħri, fid-deżert;

Huma ma sabux belt fejn joqogħdu.

 5 Huma kienu bil-ġuħ u bil-għatx;

Tant għejew* li ħassewhom dgħajfin.

 6 Huma baqgħu jgħajtu lil Ġeħova għall-għajnuna meta kienu qed ibatu;

Hu salvahom mid-diffikultajiet tagħhom.

 7 Hu mexxiehom fit-triq it-tajba

Biex jaslu f’belt li setgħu joqogħdu fiha.

 8 Jalla n-nies jirringrazzjaw lil Ġeħova għall-imħabba u l-lealtà tiegħu

U għall-affarijiet mill-isbaħ li għamel għall-bnedmin.

 9 Għax hu xebbaʼ lil dawk li kienu* bil-għatx

U ta ikel tajjeb lil dawk li kienu* bil-ġuħ.

11 Għax huma rribellaw kontra dak li qalilhom Alla;

Ma rrispettawx il-pariri tal-Iktar Għoli.

12 Għalhekk, hu umiljahom billi ħalliehom ibatu;

Huma waqgħu* u ma kienx hemm min jgħinhom.

13 Huma għajtu lil Ġeħova għall-għajnuna meta kienu qed ibatu;

Hu salvahom mid-diffikultajiet tagħhom.

14 Hu ħariġhom minn dlam ċappa

U qaċċat il-ktajjen tagħhom.

15 Jalla n-nies jirringrazzjaw lil Ġeħova għall-imħabba u l-lealtà tiegħu

U għall-affarijiet mill-isbaħ li għamel għall-bnedmin.

16 Għax hu kisser il-bibien tar-ram

U qaċċat l-istaneg tal-ħadid.

18 Huma ma kellhomx aptit jieklu,*

U kważi mietu.*

19 Huma kienu jgħajtu lil Ġeħova għall-għajnuna meta kienu qed ibatu;

Hu kien isalvahom mid-diffikultajiet tagħhom.

20 Hu kien jagħti kmand biex ifejjaqhom

U jsalvahom mill-ħofor li kienu fihom.

21 Jalla n-nies jirringrazzjaw lil Ġeħova għall-imħabba u l-lealtà tiegħu

U għall-affarijiet mill-isbaħ li għamel għall-bnedmin.

22 Ħa joffru sagrifiċċji taʼ ringrazzjament

U jxandru bil-ferħ l-affarijiet li għamel.

23 Dawk li jivvjaġġaw bil-vapuri

U jinnegozjaw fuq l-ilmijiet bla tarf,

24 Raw l-affarijiet li għamel Ġeħova

U l-affarijiet sbieħ li hu ħalaq fil-baħar.

26 Dawk li jkunu fil-vapuri

Jogħlew u jinżlu mal-mewġ.

27 Huma jitbandlu u jixxenglu bħal raġel fis-sakra,

U l-abbiltajiet kollha tagħhom ikunu għalxejn.

28 Imbagħad huma jgħajtu lil Ġeħova għall-għajnuna minħabba s-sitwazzjoni li jkunu fiha,

U hu jsalvahom mid-diffikultà tagħhom.

30 Huma jifirħu meta t-temp jikkalma,

U hu jwassalhom fil-port li jridu.

31 Jalla n-nies jirringrazzjaw lil Ġeħova għall-imħabba u l-lealtà tiegħu

U għall-affarijiet mill-isbaħ li għamel għall-bnedmin.

32 Ħa jonorawh fost il-poplu miġbur,

U ħa jfaħħruh fil-post fejn jiltaqgħu l-anzjani.*

33 Hu jbiddel ix-xmajjar f’deżert,

In-nixxigħat tal-ilma f’art niexfa,

34 U art li tagħti ħafna ħxejjex f’waħda li ma tipproduċi xejn.

35 Hu jbiddel id-deżert f’għadajjar bil-qasab,

U l-art niexfa f’nixxigħat tal-ilma.

36 Hu jgħin lil dawk li huma bil-ġuħ jissetiljaw hemmhekk,

Sabiex ikunu jistgħu jibnu belt fejn jgħixu.

37 Huma jiżirgħu l-għelieqi u jħawlu d-dwieli,

U dawn jagħtu ħafna frott.

38 Hu jbierek lin-nies u jsiru ħafna,

U l-baqar tagħhom ikomplu jiżdiedu.

39 Imma dawn jerġgħu jsiru ftit u jkunu umiljati

Minħabba l-moħqrija, it-tbatija, u l-inkwiet.

40 Hu jumilja lin-nies importanti

U jġegħelhom iduru u jagħqdu fid-deżert.

41 Imma hu jipproteġi* lill-foqra mill-moħqrija

U jkabbar il-familji tagħhom daqs l-imrieħel.

42 Il-ġusti jifirħu meta jaraw dan,

Imma dawk kollha li mhumiex ġusti se jagħlqu ħalqhom.

43 Kull min hu għaref se jinnota dawn l-affarijiet

U jaħseb sew dwar kif Ġeħova juri l-imħabba u l-lealtà tiegħu.