ĠOB

“Meta twilidt ma kelli xejn,

U mhu se nieħu xejn miegħi meta mmut.*

 3 “Nixtieq li l-ġurnata taʼ meta twilidt qatt ma waslet,

U lanqas il-lejl meta xi ħadd qal, ‘Twieled tifel!’

Ħa jinsieha Alla;

U ma jkunx hemm dawl fiha.

 6 Ħa jkun hemm dlam ċappa dak il-lejl;

Ħa ma jkunx hemm ferħ dakinhar;

Ħa ma jkunx jeżisti dak il-jum fost il-ġranet tax-xahar.

 7 Kien ikun aħjar li ħadd ma twieled dak il-lejl;

Ħa ma jkunx hemm ferħ dakinhar.

 8 Ħa jisħtuh dawk li jisħtu l-ġurnata,

Dawk li lesti li jqajmu l-Levjatan.*

 9 Ħa jiddallmu l-istilel taʼ dak il-lejl;

Ħa ma jisbaħx filgħodu

U ma jkunx hemm raġġi taʼ tlugħ ix-xemx.

10 Għax ommi wellditni dakinhar;

U jien qed niffaċċja l-inkwiet.

12 Ommi għalfejn refgħetni

U għala tatni nixrob?

13 Għax kieku mitt kont inkun mimdud għall-kwiet;

Kieku qiegħed rieqed u mistrieħ

14 Mar-rejiet tad-dinja u dawk li jagħtuhom il-pariri,

Li bnew għalihom postijiet li issa huma meqruda,

15 Jew mal-prinċpijiet* li kellhom id-deheb,

Li d-djar tagħhom kienu mimlijin bil-fidda.

16 Għala ommi ma korrietx meta kienet tqila bija,

U kont inkun bħat-tfal li qatt ma raw id-dawl?

17 Fil-qabar anki l-ħżiena ma jibqgħux jinkwetaw,

U l-għajjenin jistrieħu.

18 Hemmhekk il-ħabsin jistrieħu flimkien;

U ħadd ma jisforzahom biex jaħdmu.

19 Hemmhekk is-sinjuri u l-foqra huma l-istess,

U l-ilsir hu meħlus minn sidu.

20 Għala Alla jħalli ħaj lil min qed ibati

U lil dawk li għandhom inkwiet kbir?*

22 Huma jifirħu meta jmorru fil-qabar,

Iva, jifirħu ħafna.

23 Għala Alla jagħti d-dawl lil xi ħadd li ntilef,

Biex imbagħad ma jħallilux minn fejn jgħaddi?

24 Il-qrid tiegħi sar bħal ikel għalija,

Il-biki tiegħi hu bħal xmara.

25 Għax qed ngħaddi minn dak li jkexkixni,

U qed nesperjenza dak li jbeżżagħni.

26 Ma kellix paċi, kwiet, jew mistrieħ,

Imma problemi biss.”

 3 Veru, int għallimt lil ħafna,

U kont issaħħaħ lil min kien dgħajjef.

 4 Kliemek kien jgħin lil dawk li jitfixklu,

U kont issaħħaħ lil dawk li kellhom bżonn l-għajnuna.

 5 Imma issa int ġejt fl-inkwiet, u ma tiflaħx għalih;

Qed tgħaddi minnu u qed tħossok skuraġġit.

 8 Li naf hu li min iħawwel dak li hu taʼ ħsara

U min jiżraʼ l-inkwiet mhux se jaħsad xi ħaġa tajba.

 9 Huma jmutu meta Alla jibgħat riħ qawwi fuqhom,

U jeqridhom bir-rabja tiegħu.

10 L-iljun jistaʼ jgħajjat kemm jiflaħ,

Imma anki s-snien taʼ ljuni b’saħħithom jinkisru.

11 Iljun imut jekk ma jaqbadx x’jiekol,

U l-frieħ tiegħu ma jibqgħux flimkien.

12 Ġie xi ħadd ikellimni bil-moħbi,

U qalli xi ħaġa f’widnejja.

13 Billejl meta n-nies jorqdu fil-fond,

Jien kelli viżjonijiet li inkwetawni.

14 Qabditni rogħda kbira,

U mtlejt bil-biżaʼ.

15 Għadda spirtu minn quddiemi

U ġismi qam xewk xewk.

16 Imbagħad waqaf,

Imma jien m’għaraftux.

Kien hemm xi ħaġa quddiem għajnejja;

Imbagħad waqgħet kalma, u smajt:

19 Aħseb u ara kemm se jafda lil dawk li jgħixu fi djar tat-tafal,

Li huma mibnijin fuq it-trab,

Li jitfarrku faċilment bħal farfett!

20 Filli jkunu ħajjin u filli jmutu;

Jinqerdu għal dejjem u ħadd ma jinduna.

 2 Għax ir-rabja se toqtol lill-iblah,

U l-għira toqtol lil min jemmen kollox.

 3 Jien rajt l-iblah jirnexxi,

Imma f’daqqa waħda d-dar tiegħu tiġi misħuta.

 5 Dak li jaħsad hu, jikolhulu min hu bil-ġuħ,

Anki dak li jikber qalb ix-xewk.

 6 L-affarijiet taʼ ħsara ma jinbtux bħall-ħaxix ħażin,

U l-inkwiet ma joħroġx mill-ħamrija.

 7 Bħalma hu żgur li n-nar jaħraq,

Il-ħajja taʼ bniedem hi mimlija inkwiet.

 8 Imma kieku minnek, indur lejn Alla

U nippreżenta l-każ tiegħi quddiemu,

 9 Quddiem il-Wieħed li għamel affarijiet kbar u li ħadd ma jistaʼ jifhimhom,

Affarijiet mill-isbaħ li ħadd ma jistaʼ jgħoddhom.

10 Hu jibgħat ix-xita fuq l-art

U jibgħat l-ilma fl-għelieqi.

11 Hu jtellaʼ fl-għoli lil dawk umiljati,

U jsalva lill-iskuraġġiti.

12 Hu jfixkel il-pjanijiet tal-makakki,

Biex ma jirnexxilhomx jagħmlu dak li jridu.

13 Hu jwaqqaʼ lill-għorrief fin-nases tagħhom stess,

Biex b’hekk il-pjanijiet tagħhom jitħarbtu.

14 Huma mdawrin bid-dlam matul il-ġurnata,

U fl-aqwa tax-xemx isiru bħal nies li qed ifittxu affarijiet fid-dlam.

15 Hu jsalva lin-nies minn dawk li lsienhom jaqtaʼ bħal xabla,

U lill-foqra minn dawk li jaħqruhom.

16 B’hekk, ikun hemm tama għal dawk batuti,

Imma dawk li mhumiex ġusti jkollhom jagħlqu ħalqhom.

17 Ferħan hu l-bniedem li Alla jikkoreġih;

Għalhekk, tirrifjutax id-dixxiplina taʼ Dak li Jistaʼ Kollox!

18 Għax hu jweġġaʼ lin-nies, imma jinfaxxa l-ġrieħi;

Hu jkisser, imma hu stess ifejjaq.

19 Hu jeħilsek mill-inkwiet għal darba wara l-oħra,

Anki jekk tgħaddi mill-inkwiet sitta jew sebaʼ darbiet.

20 Hu jsalvak mill-mewt meta jkun hemm il-ġuħ,

U jeħilsek mill-qawwa tax-xabla matul il-gwerra.

21 Alla jipproteġik minn kliem li jweġġaʼ,

U int mhux se tibżaʼ meta tiġi l-qerda.

22 M’intix se tinkwieta minħabba l-qerda u l-ġuħ,

U mhux se jkollok għalfejn tibżaʼ mill-annimali slavaġ.

23 L-għalqa tiegħek mhux se tkun mimlija ġebel,*

U l-annimali slavaġ mhux se jagħmlulek ħsara.

25 Int se jkollok ħafna tfal,

Se jkollok ħafna li jiġu minnek, daqs il-ħaxix tal-art.

26 Int se tmut meta tkun għadek b’saħħtek,

Bħall-qatet tal-qamħ li jinġabru fi żmienhom.

 2 “Mank l-uġigħ tiegħi jintiżen għalkollox,

U jitpoġġa fuq il-miżien mal-inkwiet tiegħi!

 4 Għax il-vleġeġ taʼ Dak li Jistaʼ Kollox nifduni,

U jien qed nixrob il-velenu tagħhom;

Alla qed jattakkani u jien qed nibżaʼ ħafna.

 5 Ħmar salvaġġ mhux se jgħajjat bil-ġuħ jekk ikollu l-ħaxix,

U l-barri mhux se jgħajjat għall-ikel jekk ikollu l-għalf quddiemu.

 8 Mank titwieġeb it-talba tiegħi

U Alla jagħtini dak li nixtieq!

 9 Mhux li kien Alla jgħaffiġni,

U joqtolni b’idu stess!

10 Kieku anki hekk inħossni aħjar;

U naqbeż bil-ferħ avolja l-ħin kollu muġugħ,

Għax jien qatt ma rrifjutajt dak li jgħid il-Qaddis.

13 Hemm xi mod kif nistaʼ ngħin lili nnifsi,

La m’hawn ħadd jappoġġani?

14 Kull min ma jurix imħabba u lealtà* maʼ sieħbu,

Mhux se jibqaʼ jirrispetta lil* Dak li Jistaʼ Kollox.

15 Il-ħbieb tiegħi* stess qarrqu bija bħal wied fix-xitwa,

Bħall-ilma tal-widien li mbagħad jinxef.

16 Minħabba li qed idubu s-silġ u l-borra,

L-ilma hu mdardar.

17 Imma fis-sajf, il-widien ma jibqgħux bl-ilma u jiġu fix-xejn;

Meta jkun hemm is-sħana, jinxfu.

18 L-ilmijiet tagħhom jibdlu r-rotta;

Jgħaddu mid-deżert u jiġu fix-xejn.

19 Grupp taʼ nies minn Tema qed ifittxuhom,

Dawk li qed jivvjaġġaw minn Xeba qed jistennewhom.

20 Huma jistħu għax kienu ċerti li se jsibu l-ilma;

Jaslu hemm u jkunu ddiżappuntati.

21 Intom hekk sirtu għalija;

Rajtu l-gwaj kbir li ġie fuqi, u bżajtu.

22 Tlabtkom jien xi ħaġa,

Jew għedtilkom biex tagħtuni rigal mill-ġid tagħkom?

23 Tlabtkom jien biex issalvawni mill-għedewwa tiegħi,

Jew biex teħilsuni* minn dawk li jaħqruni?

24 Għallmuni, u noqgħod kwiet;

Għinuni nifhem x’għamilt ħażin.

26 Jaqaw qed tiftiehmu bejnietkom biex tikkritikaw dak li ngħid jien,

Raġel iddisprat li l-kliem tiegħu jtir mar-riħ?

27 Intom lesti li titfgħu x-xorti fuq orfni biex taraw taʼ min se jkun ilsir,

U lesti li tbigħu l-ħabib tagħkom stess!

28 Mela issa duru u ħarsu lejja,

Għax jien mhux se nigdbilkom.

29 Jekk jogħġobkom, erġgħu aħsbuha u tiġġudikawnix b’mod ħażin;

Iva, erġgħu aħsbuha għax jien għadni raġel sew.

30 Taħsbu li qed nigdeb,

Jew li ma nistax ninduna li hemm xi ħaġa ħażina?

7 “Il-ħajja taʼ bniedem hi bħal xogħol taʼ bilfors,

U l-ġranet tiegħu huma bħal taʼ ħaddiem mikri.

 2 Bħal ilsir, hu jixtieq li l-ġurnata tispiċċa,

U bħal ħaddiem mikri, hu jistenna ħlasu.

 3 Bl-istess mod, għal ħafna xhur ħajti kienet għalxejn,

U qattajt ħafna ljieli mdejjaq.

 5 Il-ġilda tiegħi mtliet bid-dud u bit-trab;

Hi mimlija qoxra u materja.

 6 Il-ġranet tiegħi qed jgħaddu malajr ħafna,

Ħajti qed tispiċċa u m’għandi ebda tama.

 7 Ftakar* li ħajti hi bħar-riħ;

U li qatt mhu se nerġaʼ nkun ferħan.

 8 M’intix se tibqaʼ tarani;

Se tfittixni, imma mhux se nkun hawn.

 9 Bħal sħaba li tisparixxi,

Min imur fil-Qabar* ma jiġix lura.

10 Hu mhux se jerġaʼ lura d-dar tiegħu,

U n-nies mhux se jibqgħu jiftakruh.

Se nesprimi d-dwejjaq li għandi;

Se ngerger dwar il-problemi tiegħi!*

12 Mela jien bħall-baħar jew xi monstru tal-baħar,

Biex tagħmel għassa fuqi?

13 Meta ngħid li jekk nimtedd se nħossni aħjar,

U li s-sodda se tnaqqasli l-inkwiet,

14 Int twerwirni bil-ħolm,

U tbeżżagħni bil-viżjonijiet,

15 Tant li nippreferi nifga,*

Nippreferi mmut milli ngħix b’dan il-mod.

17 X’inhu l-bniedem biex tagħti kasu,

U biex tiffoka daqshekk fuqu?

18 Għala teżaminah kull filgħodu,

U tittestjah il-ħin kollu?

19 Tistaʼ tieqaf tħares lejja

U tħallini bi kwieti mqar għal ftit?

20 Jekk jien dnibt, xi ħsara għamiltlek,

Int li tinnota kulma jagħmlu n-nies?

21 Għala ma taħfirx id-dnub tiegħi

U tagħlaq għajnejk għall-iżball li għamilt?

Għax daqt immut u nsir trab,

U int tfittixni, imma ma ssibnix.”

 4 Jekk it-tfal tiegħek dinbu kontrih,

Hu ħalliehom jiġu kkastigati għal dak li għamlu.*

 5 Imma jekk tfittex lil Alla

U titlob lil Dak li Jistaʼ Kollox biex jurik ħniena,

 6 U jekk int veru ġust u sewwa,

Hu se jisimgħek*

U jerġaʼ jagħtik il-post li jixraqlek.

 7 Għalkemm issa m’intix importanti,

Se jkollok futur mill-aqwa.

 8 Jekk jogħġbok, staqsi lil dawk taʼ qabilna,

U agħti kas dak li saru jafu missirijiethom.

 9 Aħna bla esperjenza u ma nafu xejn,

U ħajjitna hi bħal dell.

10 Huma se jgħallmuk

U jgħidulek dak li jafu.*

12 Waqt li jkunu għadhom qed jarmu u ma jkunux ġew maqtugħin,

Huma jinxfu qabel kull pjanta oħra.

13 Hekk jiġrilu* kull min jinsa lil Alla,

Għax min jirribella* ma jkollux tama.

15 Hu se jistrieħ fuq l-għanqbuta, imma din iċċedi;

Hu jipprova jżomm magħha, imma titqaċċat.

16 Hu bħal pjanta li għandha l-ilma u x-xemx,

U l-friegħi tiegħu jinfirxu mal-ġnien kollu.

17 Hu jniżżel l-għeruq tiegħu fejn hemm ħafna ġebel;

U jfittex dar qalb il-ġebel.*

18 Imma meta jiġi maqlugħ minn postu,

Dan il-post ma jaċċettahx lura u jgħidlu, ‘Qatt ma rajtek.’

19 Għalhekk jisparixxi;

U pjanti oħra jiħdulu postu.

20 Alla żgur mhux se jabbanduna lil min hu bla ħtija;*

U mhux se jappoġġa lil* min hu ħażin.

21 Hu se jġiegħlek terġaʼ tkun ferħan

U tgħajjat bil-ferħ.

22 Dawk li jobogħduk se jkollhom jistħu,

U t-tinda tal-ħżiena ma tibqax teżisti.”

 3 Jekk xi ħadd ikun irid jargumenta m’Alla,*

Se jkun jistaʼ jwieġbu mistoqsija minn elf?

 5 Hu jċaqlaq* il-muntanji mingħajr ħadd ma jinduna;

Hu jaqlibhom meta jkun irrabjat.

 6 Hu jheżżeż l-art minn postha,

B’hekk il-pedament tagħha jitriegħed.

 7 Jikkmanda lix-xemx biex ma tiddix

U jissiġilla d-dawl tal-istilel;

 8 Hu jifrex is-sema

U jirfes fuq il-mewġ għoli.

 9 Hu għamel il-gruppi taʼ stilel As,* Kesil,* u Kima,*

U l-gruppi taʼ stilel li qegħdin fin-Nofsinhar;*

10 Hu jagħmel affarijiet kbar li ħadd ma jistaʼ jifhimhom,

Affarijiet mill-isbaħ li ħadd ma jistaʼ jgħoddhom.

11 Hu jgħaddi minn ħdejja u ma narahx,

Jibqaʼ għaddej u ma nagħrfux.

13 Alla mhux se jżomm lura milli jirrabja;

Anki dawk li jgħinu lil Raħab* se jmilu quddiem Alla.

17 Hu jkissirni bil-problemi li jiġu fuqi bħal maltempata

U jżidli t-tbatijiet tiegħi għalxejn b’xejn.

18 Lanqas nifs ma jagħtini,

U jkompli jżidli l-uġigħ.

20 Li kieku kelli raġun, nibżaʼ li nikkundanna lili nnifsi;

Anki li kieku kont bla ħtija,* hu jiddikjarani ħati.*

21 Anki kieku kont bla ħtija,* ma nafx x’se jiġri minni;

Jien nobgħod* lil ħajti.

22 M’hemmx differenza. Huwa għalhekk li ngħid,

‘Hu jeqred kemm lill-innoċenti* u kemm lill-ħżiena.’

23 Jekk tagħmel ħafna xita u jegħrqu n-nies,

Hu jidħaq bl-istat ħażin li jkunu fih l-innoċenti.

24 L-art ingħatat lin-nies mill-agħar;

Hu jagħlaq għajnejn* l-imħallfin, ħalli ma jiġġudikawx b’ġustizzja.

25 Ħajti għaddiet malajr iktar minn wieħed li jiġri f’tellieqa;

Se tispiċċa mingħajr ma nkun gawdejt l-ebda ferħ.

26 Għaddiet malajr bħal dgħajjes tal-qasab,

Bħal ajkla li tinżel sparata biex taqbad x’tiekol.

27 Jekk ngħid li se ninsa n-niket tiegħi,

U mhux se nibqaʼ mdejjaq, imma se nkun ferħan,

28 Xorta nibżaʼ mill-uġigħ li għandi,

U naf li mhux se tqisni innoċenti.

30 Jekk ninħasel fl-ilma tal-borra,

U naħsel idejja bis-sapun,

31 Int titfagħni f’ħofra bit-trab,

Biex b’hekk anki ħwejġi jitqażżuni.

32 Għax hu mhux bniedem bħali biex inkun nistaʼ nwieġbu,

U nkun nistaʼ ntellgħu l-qorti.

33 M’hemm ħadd li jistaʼ jagħmilha taʼ mħallef,*

Li jiddeċiedi bejnietna.*

34 Jekk jieqaf jikkastigani*

U ma jibqax iwerwirni,

35 Nitkellem miegħu bla biżaʼ taʼ xejn

Għax normalment ma nibżax nagħmel dan.

Għala ma tqisux taʼ valur dak li għamilt int,

Filwaqt li taqbel mal-pjanijiet tal-ħżiena?

 4 Għandek int għajnejn bħal tal-bnedmin,

Tistaʼ tara bħalma naraw aħna?

 5 Hija l-ħajja tiegħek qasira bħal tal-bnedmin,

Tgħix int għal ftit snin bħan-nies,

 6 Biex ħa toqgħod tfittex l-iżball tiegħi

U tara jekk dnibtx?

 7 Int taf li m’iniex ħati;

U li ħadd ma jistaʼ jeħlisni minnek.

 8 Int stess għamiltni,

Imma issa se teqridni għalkollox.

 9 Jekk jogħġbok, ftakar li int mit-tafal għamiltni,

Imma issa se tibgħatni lura fit-trab.

10 Mhux int qegħedtni f’żaqq ommi

U fformajtni hemmhekk?*

11 Int libbistni bil-ġilda u l-laħam,

U għaqqadtni flimkien bl-għadam u n-nervituri.

12 Int tajtni l-ħajja u wrejtni mħabba u lealtà;*

Ipproteġejtni u ħadt ħsiebi.*

14 Jekk nidneb, żgur tarani,

U ma taħfirlix l-iżbalji tiegħi.

U anki jekk jien innoċenti, ma nażżardax ngħolli rasi,

Għax ġejt iddiżonorat bil-kbir u għandi ħafna problemi.

16 Jekk ngħolli rasi, int tikkaċċjani bħalma jagħmel iljun,

U terġaʼ tuża s-saħħa tiegħek kontrija.

17 Int iġġib iktar xhieda kontrija

U tirrabja iktar miegħi,

Hekk kif niffaċċja problema wara oħra.

19 Kieku kont nittieħed direttament fil-qabar;

Kont inkun qisni qatt ma eżistejt.’

20 Mhux ftit fadalli ħaj? Ħa jħallini waħdi Alla;

Ħa ma jibqax iħares lejja, biex inkun nistaʼ nieħu r-ruħ.*

21 Jien daqt sejjer fil-post fejn hemm dlam ċappa*

U ma nerġax niġi.

Fih hemm biss dlam u diżordni

U anki d-dawl hu bħad-dlam.”

 2 “Taħseb li dak li għedt se jibqaʼ mingħajr tweġiba,

Jew taħseb li għandek raġun għax tkellimt ħafna?*

 4 Għax int tgħid, ‘Dak li ngħallem hu veru,

U Alla jaf li jien innoċenti.’

 5 Kieku biss jitkellem Alla

U jwieġbek,

 6 Hu jgħidlek is-sigrieti li jagħmluk għaref,

Għax hemm ħafna x’titgħallem mill-għerf veru.

 7 Tistaʼ int issir taf l-għerf kbir t’Alla,

Jew issir taf kull ħaġa dwar* Dak li Jistaʼ Kollox?

 9 Hu akbar mill-art

U iktar wiesaʼ mill-baħar.

10 Jistaʼ xi ħadd iżomm lil Alla milli jaqbad lil xi ħadd

U jtellgħu l-qorti?

12 Xi ħadd iblah jistaʼ jsir għaref

Biss meta ħmar salvaġġ ikun jistaʼ jwelled bniedem.*

13 Imissek tbiddel l-attitudni tiegħek

U titlob lil* Alla.

14 Jekk qed tagħmel xi ħaġa ħażina, tibqax tagħmilha,

U tħallix affarijiet ħżiena jkomplu jiġru fit-tined tiegħek.

15 Imbagħad tkun tistaʼ tgħolli rasek mingħajr ma tistħi;

Tkun tistaʼ żżomm sod mingħajr ma tibżaʼ.

16 Għax imbagħad se tinsa l-inkwiet tiegħek;

Bħalma tinsa l-mewġ li għadda minn ħdejk.

17 Ħajtek se tkun tiddi iktar mix-xemx f’nofsinhar;

Anki meta jkollok perjodi taʼ dlam, se jkunu bħal filgħodu.

18 Se tkun fiduċjuż għax ikollok it-tama;

Se tħares madwarek u torqod b’moħħok mistrieħ.

20 Imma l-ħżiena mhux se jibqgħu jaraw;

U mhux se jkollhom fejn jaħarbu,

L-unika tama tagħhom hi l-mewt.”

 4 Sħabi jgħaddu ż-żmien bija,

Għax nitlob lil Alla u nistenna tweġiba mingħandu.

 6 Il-ħallelin jgħixu fil-paċi fid-djar tagħhom,

U dawk li jirrabjaw lil Alla huma moħħhom mistrieħ

Bħal dawk li jġorru l-allat tagħhom f’idejhom.

 7 Issa jekk jogħġbok, staqsi lill-annimali, u jgħallmuk;

Staqsi lill-għasafar, u jgħidulek.

 8 Osserva* l-ħlejjaq tal-art, u dawn jgħallmuk;

Osserva l-ħut u juruk il-verità.

 9 Min fost dawn kollha ma jafx

Li ġie maħluq minn Ġeħova?

10 Il-ħajja taʼ kull ħaġa* hi f’idejh

U anki n-nifs* taʼ kull bniedem.

11 Il-widna teżamina l-kliem

Bħalma l-ilsien itiegħem l-ikel.

12 Dawk li huma kbar fl-età huma għorrief,

U dawk li għexu ħajja twila kapaċi jifhmu.

13 Alla hu għaref u b’saħħtu;

Hu kapaċi jifhem u se jagħmel dak li jrid hu.

14 Meta jwaqqaʼ xi ħaġa, ma tistax terġaʼ tinbena;

Dak li jagħlaq hu, ħadd ma jistaʼ jiftħu.

15 Meta jwaqqaf ix-xita, kollox jinxef;

Meta jħalliha tinżel, tgħerreq kulm’hemm.

16 Hu b’saħħtu u għaref;

Għandu awtorità fuq min jiġi mqarraq u fuq min iqarraq;

17 Hu jumilja* lill-għorrief,

U jwaqqaʼ għaċ-ċajt lill-imħallfin.

18 Lir-rejiet jiħdilhom l-awtorità,

U jlibbishom ħwejjeġ taʼ lsiera.

19 Hu jumilja lill-qassisin,

U lil dawk fl-awtorità jneħħihom mill-pożizzjoni tagħhom.

20 Hu jagħlaq ħalq dawk fdati li jagħtu l-pariri,

Ineħħi l-għerf taʼ dawk kbar fl-età.*

21 Hu jumilja lill-mexxejja,

U jdgħajjef lil dawk li għandhom il-qawwa.*

22 Hu jikxef l-affarijiet moħbijin fid-dlam,

U jitfaʼ d-dawl fuq postijiet mudlama.

23 Ikabbar il-popli biex imbagħad jeqridhom;

Iħallihom isiru b’saħħithom biex b’hekk jagħmilhom ilsiera.

24 Lill-mexxejja tan-nies jiħdilhom l-abbiltà li jifhmu*

U jġegħelhom iduru u jagħqdu fid-deżert.

25 Huma jduru u jagħqdu qishom qed ifittxu xi ħaġa fid-dlam;

Hu jġegħelhom iduru ’l hemm u ’l hawn qishom fis-sakra.

13 “Jien rajt dan kollu

U smajtu u fhimtu.

 2 Dak li tafu intom nafu jien ukoll;

M’għandi xejn inqas minnkom.

 4 Imma intom qed tħassru r-reputazzjoni tiegħi bil-gideb;

Intom bħal tobba li ma tiswew għal xejn.

 5 Kieku tibqgħu b’ħalqkom magħluq,

Turu li intom għorrief.

10 Hu żgur li se jikkoreġikom

Jekk tipprovaw turu preferenzi bil-moħbi.

11 Ma taħsbux li l-glorja tiegħu se twerwirkom

U li se titkexkxu minnu?

12 Il-kliem taʼ għerf* tagħkom ma jiswa xejn bħall-irmied;

L-argumenti tagħkom huma fraġli bħal tarki tat-tafal.

14 Għala npoġġi ħajti fil-periklu

U nirriskja li mmut?

16 Imbagħad hu jkun il-wieħed li jsalvani,

Għax l-ebda bniedem ħażin* ma jistaʼ jidher quddiemu.

17 Ismaʼ sew dak li se ngħid;

Oqgħod attent għal kliemi.

18 Ippreparajt il-każ legali tiegħi;

Naf li għandi raġun.

20 Żewġ affarijiet nitolbok, Alla tiegħi,*

Ħalli ma ninħebiex minnek:

21 Iġġegħelnix inbati iktar,

U tkomplix tbeżżagħni.

22 Kellimni u jien inwieġbek,

Jew ħallini nitkellem, u wiġibni int.

24 Għala qed tevitani

U tqisni bħala l-għadu tiegħek?

26 Għax int tibqaʼ tikteb l-akkużi li tagħmel kontrija,

U ġġegħelni nbati l-konsegwenzi tad-dnubiet taʼ meta kont żgħir.

Toqgħod għassa għal kull fejn immur

U għal kull pass li nagħmel.

28 B’hekk, bniedem* jitmermer bħal xi ħaġa mħassra,

Bħal biċċa drapp li tittiekel bil-kamla.

14 “Il-ħajja taʼ bniedem hi qasira

U kollha inkwiet.

 2 Hu jiftaħ bħal fjura u mbagħad jinxef;*

Bħal dell jisparixxi u ma jibqax jidher.

 3 Madankollu int iffokajt fuqu,

Int ittellgħu* l-qorti biex tiġġudikah.

 6 Ieqaf ħares lejh ħalli jistrieħ,

Sakemm jispiċċa l-ġurnata tax-xogħol tiegħu bħal ħaddiem mikri.

Jekk iqaċċtuha terġaʼ titlaʼ,

U l-friegħi tagħha jkomplu jikbru.

 8 Jekk l-għeruq tagħha jkollhom iż-żmien

U z-zokk tagħha jinxef,

 9 Malli tmiss mal-ilma, terġaʼ ttellaʼ

U jkollha l-friegħi bħal pjanta ġdida.

11 Il-baħar jisparixxi,

U x-xmara tevapora u tinxef.

Sakemm is-sema tibqaʼ teżisti, hu ma jqumx,

U lanqas mhu se jiġi mqajjem minn xi bniedem.

13 Mhux li kien taħbini fil-Qabar,*

Taħbini sakemm ma tibqax irrabjat,

U tagħtini żmien biex tiftakar fija!

Se nistenna matul iż-żmien li nkun ilsir

Sakemm niġi meħlus.

16 Imma issa qed toqgħod għassa għal kull pass li nagħmel;

Qed tara biss id-dnub tiegħi.

17 Int erfajt l-iżbalji tiegħi ġo basket magħluq sew,

U tissiġilla l-iżbalji tiegħi bil-kolla.

18 Bħalma muntanja taqaʼ u tiġi fix-xejn,

U blata tinqalaʼ minn postha,

19 Bħalma l-ilma jmermer il-ġebel,

U bħalma x-xita b’saħħitha tkaxkar il-ħamrija,

Int qridt it-tama tal-bniedem.

20 Int tibqaʼ tkissru sakemm imut;

Tbiddel il-mod kif jidher, u tibagħtu fil-qabar.

21 It-tfal tiegħu jistgħu jiġu onorati, imma hu ma jkunx jaf b’dan;

Jistgħu jiġu umiljati, imma ma jindunax b’dan.

22 Meta jkun għadu ħaj biss

Iħossu muġugħ u mdejjaq.”

 3 Ikun għalxejn li jikkoreġi bi kliem vojt,

M’hemm ebda benefiċċju jekk jgħid kliem bla sens.

 4 Għax int m’għadekx tirrispetta lil* Alla,

U ma tħallix lil oħrajn jaħsbu dwaru.

 5 Int titkellem hekk minħabba l-iżbalji li għamilt,*

U int tagħżel kliem li jqarraq.

 6 Int stess tikkundanna lilek innifsek, u mhux jien;

Kliemek stess jagħti xhieda kontrik.

10 Aħna għandna x-xagħar abjad u mdaħħlin fiż-żmien,

Anki missierek hu ħafna iżgħar minna.

11 Mhux biżżejjed il-faraġ mingħand Alla,

Jew il-kliem li ntqallek b’qalb tajba?

12 Għala tħalli l-emozzjonijiet jiġru bik,

U għala tħares lejna b’rabja?

13 Int teħodha kontra Alla stess,

U għalhekk li qed titkellem b’dan il-mod.

15 Alla lanqas biss għandu fidi fl-anġli* tiegħu,

U lanqas is-sema mhi nadifa f’għajnejh.

16 Mela kemm iktar mhux se jafda bniedem mill-agħar,

Li jagħmel biss dak li hu ħażin!

Bniedem li jixxennaq għall-ħażen

Bħalma xi ħadd bil-għatx jixxennaq għall-ilma!

Se nirrakkontalek dak li rajt,

18 Dak li rrakkontaw u ma ħbewx l-irġiel għorrief,

Affarijiet li semgħuhom minn missirijiethom.

19 L-art ingħatat lilhom biss,

U ebda barrani m’għadda minn hemm.

20 Bniedem ħażin u kattiv isofri ħajtu kollha,

Ikollu l-inkwiet is-snin kollha taʼ ħajtu.

21 Hu jismaʼ ħsejjes tal-biżaʼ;

Fiż-żmien taʼ paċi jattakkawh il-ħallelin.

22 Ma jemminx li se jaħrab mid-dlam,

Hu se jinqatel bix-xabla.

24 L-uġigħ kbir u d-dwejjaq jibqgħu jwerwruh;

Se jwerwruh bħal re b’saħħtu li lest biex jattakka.

25 Hu jisfida lil Alla nnifsu,

U jipprova jirbaħ lil Dak li Jistaʼ Kollox;

26 B’ras iebsa, hu jiġri għal kontrih,

Bit-tarka ħoxna u b’saħħitha tiegħu;

27 Hu għandu wiċċu mfaqqaʼ,

U żaqqu kbira;*

28 Hu jgħix fi bliet li se jinqerdu,

Fi djar li ħadd ma jrid jgħix fihom,

Li se jsiru gozz ġebel.

30 Hu mhux se jaħrab mid-dlam;

Se jkun bħal siġra li l-friegħi tagħha jinxfu bin-nar;*

Hu se jinqatel minn Alla.*

31 Hu m’għandux iqarraq bih innifsu u jafda f’affarijiet li ma jiswew xejn,

Għax mhu se jieħu xejn lura.

33 Se jkun bħal dielja li twaqqaʼ l-għeneb mhux misjur,

U bħal siġra taż-żebbuġ li l-fjuri tagħha jtiru bir-riħ.

34 Għax il-ħżiena* ma jirnexxux f’dak li qed jagħmlu,

U n-nar se jaħraq it-tined taʼ dawk li jaċċettaw it-tixħim.

35 Huma jaħsbu affarijiet ħżiena

U dejjem jagħmlu affarijiet li jweġġgħu lil oħrajn.

Li kieku kontu fis-sitwazzjoni tiegħi,*

Stajt ngħid ħafna affarijiet kontrikom,

U nħares lejkom u nxengel rasi.

 5 Imma minflok, kont ninkuraġġikom bi kliemi,

U l-kliem taʼ faraġ li ngħid iġibilkom serħan.

 6 Jekk nitkellem, l-uġigħ tiegħi ma jonqosx,

U jekk ma nitkellimx, xorta nibqaʼ muġugħ.

 7 Imma Alla ħadli saħħti;

Hu qered lil dawk taʼ dari.*

10 Huma fetħu ħalqhom beraħ biex jibilgħuni,

Tawni daqqa taʼ ħarta biex iwaqqgħuni għaċ-ċajt;

Inġabru ħafna f’daqqa kontrija.

11 Alla jħallini niġi attakkat minn grupp subien,

U jagħtini f’idejn il-ħżiena.

12 Jien ma kelli problemi taʼ xejn, imma f’daqqa waħda rrovinali ħajti;

Hu qabadni minn għonqi u farrakni,

Imbagħad spara l-vleġeġ tiegħu lejja.

13 L-arċiera tiegħu jduruni;

Hu jinfidli l-kliewi u ma jitħassarnix;

Hu jitfaʼ mal-art il-likwidu morr li għandi fil-fwied.

14 Hu jagħmilli ferita fuq oħra;

Jiġri lejja bħal gwerrier.

15 Jien ħitt id-drapp tal-ixkora flimkien biex ngħatti l-ġilda tiegħi,

Tant tlift id-dinjità* li qiegħed bilqiegħda fit-trab.

16 Wiċċi aħmar bil-biki,

U taħt għajnejja iswed,*

17 Avolja jien qatt ma weġġajt lil ħadd,

U nitlob b’mod sinċier.

19 Dak li jistaʼ jixhed li m’iniex ħati qiegħed fis-sema;

Il-wieħed li qiegħed fis-sema jistaʼ jaqbeż għalija.

20 Sħabi qed iwaqqgħuni għaċ-ċajt

Hekk kif nitlob lil Alla bid-dmugħ f’għajnejja.*

21 Ħa jkun hemm xi ħadd li jirranġa l-affarijiet bejni u bejn Alla,

Bħalma wieħed jagħmel bejn tnejn min-nies.

22 Għax ftit snin fadalli ħaj,

Imbagħad immur u ma nerġax niġi.

17 “M’għandix iktar saħħa u daqt immut;

Hemm il-qabar qed jistennieni.

 2 Dawk li jwaqqgħuni għaċ-ċajt daruni,

U jkolli nara* l-imġiba ribelluża tagħhom.

 5 Huma jgħidu lil sħabhom li se jaqsmu ġidhom magħhom,

Waqt li t-tfal tagħhom ma jistgħux jaraw bil-ġuħ li għandhom.

 6 Alla ġegħelni niġi mwaqqaʼ għaċ-ċajt min-nies,

U b’hekk jobżquli f’wiċċi.

 8 In-nies sewwa jibqgħu mbellhin u ċċassati lejja,

U l-innoċenti ma jiħdux pjaċir b’xi ħadd ħażin.*

 9 Xi ħadd sewwa jibqaʼ jagħmel dak li hu tajjeb,

U l-innoċenti jistinka biex jagħmel dak li hu sew.

10 Imma intom tistgħu tkomplu targumentaw miegħi,

Għax s’issa ħadd minnkom ma qal xi ħaġa bis-sens.

11 Ma tantx fadalli ħaj;

Il-pjanijiet tiegħi tħassru u x-xewqat taʼ qalbi spiċċaw.

12 Dawn l-irġiel jibqgħu jdawru l-verità f’gideb,*

U jgħidu, ‘Daqt ġej id-dawl għax bħalissa d-dlam.’

13 Se nistenna naqr’oħra, u l-Qabar* isir id-dar tiegħi;

Hemm se nipprepara post biex norqod fid-dlam.

16 It-tama se tinżel fil-Qabar;*

U jien se ninżel fit-trab magħha.”

 3 Għala tqisna bħall-annimali

U taħseb li aħna injoranti?*

 4 Anki jekk tqattaʼ lilek innifsek* biċċiet f’mument taʼ rabja,

L-art mhux se tiġi abbandunata minħabba fik,

U l-blat mhux se jiċċaqlaq għalik.

 5 Id-dawl tal-ħażin se jintefa,

U n-nar tiegħu mhux se jibqaʼ jaqbad.

 6 Id-dawl fit-tinda tiegħu se jbatti,

U l-lampa mdendla fit-tinda tintefa.

 8 Għax hu se jibqaʼ miexi għal ġox-xibka,

U saqajh jitħabblu fiha.

 9 Nasba se taqbdu minn siequ;

Hu se jinqabad ġo nassa.

10 Hemm ħabel moħbi fl-art għalih,

U tpoġġiet nasba minn fejn se jgħaddi.

11 Hu jibżaʼ minn kull ħaġa li hemm madwaru,

U l-biżaʼ tibqaʼ tiġri warajh.

12 Is-saħħa tiegħu tonqos,

U diżastru se jġiegħlu jzappap.

13 Il-ġilda tiegħu tittiekel;

Tiġi fuqu marda kerha.*

14 Jiġi mkaxkar mit-tinda tiegħu, fejn kellu moħħu mistrieħ,

U jittieħed għal mewta kerha.*

15 Fit-tinda tiegħu jgħixu nies li ma jafhomx;*

U d-dar tiegħu titħalla tinqered bin-nar.*

16 Bħal siġra, l-għeruq tiegħu jinxfu

U l-friegħi tiegħu jmutu.

17 Ħadd mhu se jibqaʼ jiftakru fuq l-art,

U ħadd ma jkun jaf min kien.*

18 Se jittieħed mid-dawl għal ġod-dlam,

U jitkeċċa mid-dinja.

19 Mhux se jkollu tfal u wħud li jiġu minnu fost in-nies,

U ħadd mhu se jgħix fejn jgħix hu.

20 In-nies tal-Punent se jibqgħu xxokkjati b’dak li se jiġrilu,

U n-nies tal-Lvant se jitwerwru.

21 Hekk se jiġri lil* min jagħmel il-ħażin,

U lil* min ma jafx lil Alla.”

 2 “Kemm se ddumu ddejquni,*

U tgħidu affarijiet li jweġġgħuni?

 4 Jekk vera żbaljajt,

Lest li nbati l-konsegwenzi.

 5 Jekk se tibqgħu tittrattawni b’arroganza,

U tgħidu li ħaqqni niġi umiljat minħabba l-problemi li għandi,

 6 Kunu afu li Alla ttrattani b’mod inġust,

U qabadni fix-xibka tiegħu.

 7 Jien nibqaʼ ngħajjat minħabba t-tbatija tiegħi, imma ħadd ma jwiġibni;

Nibqaʼ ngħajjat għall-għajnuna, imma ħadd ma jaqbeż għalija.

 8 Hu għalaqli t-triq b’ħajt tal-ġebel, u ma nistax ngħaddi;

Dallam it-toroq tiegħi.

 9 Hu neħħieli l-glorja tiegħi,

U neżżagħli l-kuruna.

10 Hu jkissirni minn kull naħa sakemm iġibni fix-xejn;

Jiħodli t-tama, qisni siġra maqlugħa mill-għeruq.

11 Hu jirrabja ħafna miegħi,

U jqisni bħala l-għadu tiegħu.

12 Is-suldati tiegħu jinġabru u jippreparaw biex jattakkawni

Huma jikkampjaw madwar it-tinda tiegħi.

13 Lil dawk li jiġu minni keċċiehom ’il bogħod minni,

U dawk li jafuni, evitawni.

14 Il-ħbieb tal-qalb tiegħi* telqu,

Sħabi ma jiftakrunix iktar.

15 Il-mistidnin u l-qaddejja tiegħi jqisuni bħala stranġier;

F’għajnejhom sirt barrani.

16 Ngħajjat lill-qaddej tiegħi, imma ma jwiġibx

Avolja nitolbu biex iħenn għalija.

17 In-nifs tiegħi sar iqażżiżha lil marti,

Ħuti stess* ma jiġux lejja tant kemm ninten.

18 Anki tfal żgħar jobogħduni;

Meta nqum jgħadduni biż-żmien.

19 Il-ħbieb tal-qalb kollha tiegħi ma jaħmlunix,

U dawk li kont inħobb daru kontrija.

20 Jien sirt għadma u ġilda,

U naħrab il-mewt bi żbrixx.

21 Ħennu għalija ħbieb tiegħi, ħennu għalija,

Għax Alla ġegħelni nbati.*

22 Għala tibqgħu tippersegwitawni bħalma jagħmel Alla,

U tattakkawni bla ma tieqfu?*

24 Kemm nixtieq li ġie mnaqqax għal dejjem fuq il-blat,

B’xafra tal-ħadid u biċ-ċomb!

25 Għax jien naf sew li hemm wieħed li se jixtrini lura;*

Hu ġej iktar tard u se jqum fuq it-trab.*

26 U wara li l-marda teqridli l-ġilda,

U waqt li nkun għadni ħaj, jien se nara lil Alla.

29 Messkom tibżgħu mix-xabla,

Għax jekk tiżbaljaw, se tiġu kkastigati biha;

Għandkom tkunu tafu li hemm imħallef.”

 2 “Qed inħossni inkwetat u m’għandix paċenzja,

Għalhekk se nitkellem.

 3 Int weġġajtni bi kliemek,

Imma se nwieġbek lura għax jien għaref.*

 4 Int żgur taf x’se ngħidlek,

Għax kemm ilu jeżisti l-bniedem* hekk ġara:

 5 Il-ħażin ma jdumx jifraħ

U l-ferħ tal-bniedem mill-agħar* hu għal ftit.

 6 Għalkemm il-kburija tiegħu titlaʼ sas-sema

U rasu tmiss is-sħab,

 7 Hu se jisparixxi għal dejjem bħal ħmieġu;

Dawk li kienu jarawh jgħidu, ‘Fejn qiegħed?’

 8 Hu malajr se jintesa, bħalma ninsew ħolma;

Hu se jitlaq bħal viżjoni billejl.

 9 Dawk li rawh mhux se jarawh iktar,

U lanqas fid-dar tiegħu mhu se jerġgħu jarawh.

10 It-tfal tiegħu se jitolbu l-għajnuna tal-foqra,

U dak li ħa mingħand oħrajn se jagħtihulhom lura.

11 Hu kien mimli enerġija bħal meta kien żagħżugħ,

Imma se jmut biha b’kollox.

12 Għalih li jagħmel il-ħażin hu bħallikieku qed jiekol xi ħaġa tajba,

Hu jħalliha tinħall taħt ilsienu,

13 Iżommha f’ħalqu

Biex itegħemha u jgawdiha,

14 Imma wara li jiblagħha ssir morra;

Issir bħall-velenu tal-kobra.

15 Hu jkun qisu belaʼ l-ġid u rremettieh;

Alla se jneħħihulu minn żaqqu.

16 Hu jixrob il-velenu tal-kobri;

Is-serp velenuż se jigdmu u joqtlu.

17 Hu qatt mhu se jgawdi l-ħalib u l-għasel

Li huma abbundanti bħal ilma ġieri.

18 Hu se jagħti lura l-affarijiet mingħajr ma jużahom;

Mhux se jgawdi l-ġid tan-negozju tiegħu.

19 Għax hu ħaqar lill-foqra u m’għenhomx;

Ħa dar li ma beniex hu.

20 Imma hu mhux se jkollu paċi miegħu nnifsu;

Il-ġid tiegħu mhux se jsalvah.

21 Ma fadal xejn iktar x’jieħu;

Huwa għalhekk li mhux se jibqaʼ jkollu l-ġid.

22 Waqt li l-abbundanza tiegħu tkun fl-aqwa tagħha;

Hu jħossu ansjuż ħafna u jesperjenza kull tip taʼ ħsara.

23 Waqt li jkun qed jiekol,

Alla se jirrabja ħafna miegħu,

U l-affarijiet ħżiena jinżlu fuqu bħal xita.

24 Waqt li jaħrab mill-armi tal-ħadid,

Jinfduh vleġeġ minn qaws tar-ram.

25 Hu jaqlaʼ vleġġa minn dahru,

Arma tleqq minn ġol-fwied,

U taqbdu biżaʼ kbira.

26 L-affarijiet prezzjużi tiegħu se jintilfu fi dlam ċappa;

Hu se jkun qisu nħaraq b’nar li ħadd ma qabbdu u rewwaħlu;

Dawk li jibqgħu fit-tinda tiegħu jaħbtilhom ħażin.

27 Is-sema se tikxef l-iżbalji tiegħu;

L-art se tqum kontrih.

28 Dulluvju se jkaxkarlu d-dar;

Se jkun hemm xita qawwija dakinhar li Alla jirrabja.

29 Hekk se jieħu raġel ħażin mingħand Alla,

Il-wirt li Alla lesta għalih.”

 2 Isimgħu sew dak li se ngħidilkom;

Għall-inqas farrġuni b’dan il-mod.

 3 Ħudu paċenzja bija sakemm nitkellem;

Wara tistgħu twaqqgħuni għaċ-ċajt.

 5 Ħarsu lejja u stagħġbu;

U ibqgħu b’ħalqkom magħluq.

 6 Meta naħseb minn xiex għaddejt, inħossni mħawwad

U taqbadni rogħda maʼ ġismi kollu.

 7 Għala l-ħżiena jibqgħu ħajjin,

Jixjieħu, u jsiru sinjuri?*

 8 It-tfal tagħhom dejjem ikunu magħhom,

U huma jaraw lil dawk li se jiġu minnhom.

10 Il-barrin tagħhom ikollhom ħafna frieħ

Għax il-baqar ma jkorrux.

11 Is-subien tagħhom jiġru barra bħal merħla nagħaġ,

U t-tfal tagħhom jaqbżu u jilagħbu ferħanin.

12 Huma jkantaw waqt li jdoqqu t-tanburlin u l-arpa

U jifirħu xħin jisimgħu l-flawt.

13 Huma jqattgħu ħajjithom jixxalaw

U jmutu* mingħajr ma jbatu.*

18 Qatt se jkunu bħal tibna li ttir mar-riħ

U qoxra taʼ żerriegħa li jtajjarha riefnu?

20 Jalla jara lilu nnifsu sejjer lura,

U jħoss* ir-rabja taʼ Dak li Jistaʼ Kollox.

21 Għala għandu jimpurtah x’se jiġri lit-tfal tiegħu

Jekk se jmut qabel il-waqt?*

22 Jekk Alla hu l-wieħed li jiġġudika lil dawk taʼ pożizzjoni għolja,

Min jistaʼ jgħallmu xi ħaġa?*

23 Bniedem imut meta jkun għadu b’saħħtu

Meta jkun fil-paċi u ma jkollux inkwiet,

24 Meta koxxtejh ikunu kbar

U l-għadam tiegħu b’saħħtu.*

25 Imma bniedem ieħor imut waqt li jkollu ħafna inkwiet,*

Mingħajr ma jkun esperjenza affarijiet sbieħ.

26 Imma t-tnejn li huma se jmorru lura lejn it-trab,

U jittieklu mid-dud.

27 Jien naf eżatt x’qed taħsbu

U x’qed tippjanaw biex turu li m’għandix raġun.*

28 Għax intom tgħidu, ‘Fejn hi d-dar tar-raġel importanti,

U fejn hi t-tinda li kien joqgħod fiha l-wieħed ħażin?’

Ma temmnux dak li jgħidu,*

30 Li l-bniedem mill-agħar ma jbatix meta jkun hemm diżastru

U jkun salvat meta Alla jirrabja?

32 Hu se jindifen f’ċimiterju,

U se jkun hemm l-għassa fuq il-qabar tiegħu.

U n-nies tad-dinja huma kollha għal warajh*

Bħalma ġara lil ħafna u ħafna nies taʼ qablu.

34 Għalhekk, m’intomx tfarrġuni bi kliemkom,

M’għedtu xejn ħlief gideb.”

 4 Sejjer hu jikkastigak

U jtellgħek il-qorti għax tirrispettah?

 5 Hu se jagħmel dan minħabba l-ħażen kbir tiegħek,

U għax l-iżbalji tiegħek qatt ma jispiċċaw.

 6 Għax int tieħu xi ħaġa bħala depożitu mingħand sħabek għalxejn b’xejn,

U tieħu l-ħwejjeġ tan-nies u tħallihom għarwenin.*

 7 Int ma tagħtix ilma lill-għajjien,

U ikel lil min hu bil-ġuħ.

 8 Int kont raġel b’saħħtek u l-art kienet tiegħek,

U kont onorat għax preferut.

 9 Int bgħatt lir-romol b’idhom vojta,

U għamilt il-ħsara lill-orfni.*

10 Huwa għalhekk li int imdawwar bin-nases,*

U f’daqqa waħda qed tibżaʼ;

11 Hu għalhekk li ma tistax tifhem, għax qisek qiegħed fid-dlam

U dulluvju jgħattik.

14 Is-sħab jgħattih, u b’hekk ma jistax jara

Hekk kif jimxi fl-iktar parti għolja* tas-sema.’

15 Se tagħmel bħalma għamlu l-ħżiena

Minn żmien twil ilu s’issa?

16 Dawn kienu nies li mietu f’daqqa waqt li kienu għadhom żgħar,

U tkaxkru bħal binja li jkaxkarha dulluvju.*

Għalkemm jitkellmu b’dan il-mod,

Hu Alla li tahom l-affarijiet tajbin li għandhom fi djarhom.

19 In-nies sewwa se jifirħu meta jarawhom jinqerdu,

U l-innoċenti jwaqqgħuhom għaċ-ċajt u jgħidu:

20 ‘Dawk taʼ kontrina nqerdu,

U dak li ħallew warajhom se jinħaraq.’

21 Sir af lil Alla u tkun fil-paċi;

Imbagħad tiġi mbierek b’affarijiet tajbin.

22 Aċċetta l-liġi tiegħu,

U żomm dak li jgħid f’qalbek.

23 Jekk terġaʼ lura lejn Dak li Jistaʼ Kollox, terġaʼ tieħu r-ruħ;

Jekk tneħħi dak li mhux sewwa mit-tinda tiegħek,

24 Jekk tarmi d-deheb tiegħek mal-art

U d-deheb fin* qalb il-ġebel tal-widien,

25 Imbagħad Dak li Jistaʼ Kollox se jsir bħal deheb għalik,

U bħall-aqwa fidda.

26 Għax imbagħad se tieħu pjaċir b’Dak li Jistaʼ Kollox,

U int se tersaq qrib Alla mingħajr biżaʼ.

27 Int titolbu, u hu jisimgħek;

U tagħmel dak li twiegħed.

28 Se tirnexxi f’kulma tiddeċiedi li tagħmel,

U fejn timxi se jkun hemm id-dawl.

29 Int se tiġi umiljat meta tkun arroganti;

Imma min hu umli se jiġi salvat.

30 Hu se jeħles lil dawk innoċenti,

Għalhekk jekk m’għamilt xejn ħażin, int żgur li se tiġi salvat.”

 2 “Anki llum se nibqaʼ ngerger;*

Minħabba l-qrid tiegħi m’għandix iktar saħħa.

 4 Kieku ngħidlu għala jien innoċenti

U nurih il-fatti kollha biex niddefendi lili nnifsi;

 5 Kieku nismaʼ t-tweġiba tiegħu,

U noqgħod attent għal dak li jgħidli.

 7 Imbagħad il-ġust se jkun jistaʼ jirranġa m’Alla,

U l-Imħallef tiegħi jeħlisni darba għal dejjem.

 8 Imma jekk immur lejn il-Lvant, hu ma jkunx hemm;

U jekk immur lejn il-Punent, ma nsibux.

 9 Meta jkun qed jaħdem lejn it-Tramuntana, ma narahx;

Imbagħad idur lejn in-Nofsinhar, imma xorta ma narahx.

11 Jien imitajtu kemm stajt f’dak li jagħmel;

U bqajt nobdih.

14 Hu se jagħmel dak li kellu f’moħħu għalija,

U għandu ħafna affarijiet f’moħħu għalija.

15 Huwa għalhekk li jien ansjuż minħabba fih;

Meta naħseb dwaru, jien nibżaʼ ħafna.

16 Alla qatagħli qalbi,

U Dak li Jistaʼ Kollox ġegħelni nibżaʼ.

17 Imma lanqas id-dlam ċappa ma sikkitni,

Avolja qed jgħattili wiċċi.

 2 In-nies imexxu l-marka tal-fruntiera għal ġol-art taʼ ħaddieħor;

Huma jieħdu l-imrieħel taʼ ħaddieħor biex iżidu maʼ dak li għandhom.

 3 Jieħdu l-ħmar tal-orfni*

U l-barri tal-armla bħala garanzija taʼ self.

 4 Ikeċċu lill-foqra mit-toroq;

Iġegħluhom jaħarbu bil-biżaʼ.

 6 Huma jkollhom jaħdmu fl-għelieqi taʼ ħaddieħor* biex jieklu,

U jlaqqtu mill-għelieqi tad-dwieli tan-nies ħżiena.

 7 Huma jqattgħu l-lejl mingħajr ħwejjeġ,

M’għandhomx biex jitgħattew fil-kesħa.

 8 Huma mxarrbin għasra bix-xita li nieżla fuq il-muntanja,

Joqogħdu viċin tal-blat għax m’għandhomx fejn jistkennu.

 9 It-tfal bla missier jittieħdu minn maʼ sider ommhom;

Il-ħżiena jieħdu l-ħwejjeġ tal-foqra bħala garanzija taʼ self.

10 B’hekk jispiċċaw għarwenin u bil-ġuħ,

Hekk kif iġorru l-qatet taċ-ċereali.*

11 Fl-eqqel tax-xemx, huma jaħdmu bejn il-ħitan tal-għelieqi fuq l-għoljiet;*

Huma jagħsru l-għeneb, imma xorta jkunu bil-għatx.

12 Dawk li qed imutu, jibqgħu jibku ġol-belt,

U dawk* imweġġgħin serjament jgħajtu għall-għajnuna,

Imma Alla ma jimpurtahx minn dan.*

13 Hemm dawk li jirribellaw kontra d-dawl;

Huma ma jagħrfux it-triqat tiegħu,

U ma jimxux fihom.

14 Il-qattiel iqum xħin jisbaħ,

Hu joqtol lill-batut u lill-fqir;

Imbagħad billejl imur jisraq.

15 Min jagħmel adulterju jistenna sa ma jidlam,

U jgħid, ‘Min se jarani?’

16 Fid-dlam, il-ħallelin jidħlu* fid-djar;

Imma matul il-ġurnata jibqgħu fid-dar tagħhom.

17 Huma jibżgħu minn filgħodu daqskemm in-nies jibżgħu minn filgħaxija,

Imma huma mdorrijin b’dak li jbeżżaʼ lin-nies filgħaxija.

19 Bħalma l-borra tinħall u tisparixxi meta tkun ħafna sħana,

Hekk se jisparixxi fil-Qabar* dak li jidneb!

20 Ommu* se tinsieh; id-dud se jiekol ikla tajba,

Ħadd mhu se jiftakru iktar.

21 Il-mara li ma jistax ikollha tfal issir il-vittma tiegħu,

U lill-armla jittrattaha ħażin.

22 Alla se juża s-saħħa tiegħu biex jeqred lil dawk b’saħħithom;

Għalkemm jistaʼ jkollhom pożizzjoni għolja, m’għandhomx garanzija li se jgħixu.

23 Alla jħallihom isiru fiduċjużi u ċerti minn dak li qegħdin jagħmlu,

Imma hu jżomm għajnejh fuq kulma qed jagħmlu.*

24 Huma jkunu importanti għal ftit, imma ma jibqgħux,

Huma bħall-parti taʼ fuq tal-qamħ li tinqataʼ u tinġabar,

Jitqiesu bħal nies komuni u jmutu bħal ħaddieħor.

25 Issa min jistaʼ joħroġni taʼ giddieb

Jew ma jaqbilx maʼ dak li għedt?”

 2 “Alla jmexxi u għandu qawwa tal-għaġeb;

Hu ra li jkun hemm il-paċi fis-sema.*

 4 Allura kif jistaʼ bniedem ikun ġust quddiem Alla,

Jew xi ħadd li twieled minn mara jkun innoċenti?*

 5 F’għajnejh, lanqas il-qamar ma jiddi

U l-istilel mhumiex nodfa għalih.

 6 Aħseb u ara l-bniedem, li qisu dudu,

U bin il-bniedem, li qisu ħanex!”

 5 Il-mejtin, li ma jistgħu jagħmlu xejn, jirtogħdu quddiem Alla;

Huma qegħdin ħafna iktar ’l isfel mill-ilmijiet u dak li hemm fihom.

 6 Fil-Qabar* m’hemm xejn moħbi minn Alla,

Hu jara kollox fil-post tal-qerda.*

 7 Hu firex is-sema* fuq il-vojt,

Dendel id-dinja fuq ix-xejn;

 8 Hu jgeżwer l-ilmijiet fis-sħab tiegħu

B’tali mod li s-sħab ma jinfaqax bit-toqol.

 9 Hu jgħatti t-tron tiegħu

Billi jpoġġi s-sħaba tiegħu quddiemu.

10 Hu għamel linja* bejn is-sema u l-baħar,

Hu fired id-dawl mid-dlam.

11 Il-kolonni tas-sema jitheżżu

U jirtogħdu meta jgħolli leħnu.

12 Hu jċaqlaq il-baħar bis-saħħa tiegħu,

U bl-għerf tiegħu jfarrak lill-monstru tal-baħar.*

14 Dawn huma biss ftit mill-affarijiet li għamel,

Tikka żgħira smajna dwaru!

 2 “Naħlef bl-Alla l-ħaj, li ttrattani b’inġustizzja,

U b’Dak li Jistaʼ Kollox, li għamilli ħajti* miżerja,

 3 Li sakemm nibqaʼ nieħu n-nifs,

U jkolli fija n-nifs mingħand Alla,

 4 M’iniex se nigdeb

U lanqas inqarraq bi kliemi!

 6 Jien se nibqaʼ ġust akkost taʼ kollox;

Il-kuxjenza tiegħi mhux se tniggiżni* sakemm indum ħaj.

 7 Jalla l-għedewwa tiegħi jispiċċaw bħall-ħżiena,

U dawk li jattakkawni jsiru bħan-nies mhux ġusti.

 8 Għax x’tama jkollu l-ħażin* meta jinqered,

Meta Alla jiħodlu ħajtu?*

 9 Se jisimgħu Alla meta jgħajjat għall-għajnuna

Għax ikun qed ibati?

11 Jien se ngħallimkom dwar is-saħħa li għandu* Alla;

Mhu se naħbi xejn minnkom dwar Dak li Jistaʼ Kollox.

12 Jekk ilkoll kemm intom rajtu viżjonijiet,

Għala dak li qed tgħidu ma jagħmilx sens?

13 Il-konsegwenzi tal-ħżiena,

Il-wirt li se jagħtihom Dak li Jistaʼ Kollox hu dan:

14 Jekk ikollu ħafna tfal, dawn se jmutu bix-xabla,

U dawk li se jiġu minnu mhux se jkollhom ikel biżżejjed.

15 Min jibqaʼ ħaj minnhom se jmut b’marda kiefra,

U n-nisa tagħhom mhux se jibkuhom.

16 Hu għandu mnejn jiġbor il-fidda bħallikieku trab,

U jkollu ħwejjeġ taʼ kwalità daqs munzell tafal.

17 Għalkemm ikun ġabarhom hu,

Ir-raġel ġust se jilbes dawn il-ħwejjeġ,

U l-innoċenti se jaqsmu l-fidda bejniethom.

18 Id-dar li jibni hi fraġli bħal dik taʼ insett,

Bħal tinda li għassies jagħmel biex jistkenn.

19 Hu se jorqod sinjur, imma ma jiġbor xejn fil-ħsad;

Meta jqum ma jsib xejn.

20 Il-biżaʼ tiġi fuqu bħal dulluvju;

Maltempata taħtfu billejl.

21 Riħ mil-Lvant ikaxkru, u ma jeżistix iktar;

Dan jikinsu minn fejn joqgħod.

22 Ir-riħ jiġi għal fuqu bis-saħħa u bla ħniena

Hekk kif hu jagħmel minn kollox biex jaħrab minnu.

23 Ir-riħ bħallikieku jwaqqgħu għaċ-ċajt

U jgħaddi ż-żmien bih minn postu.*

28 “Hemm post fejn iħaffru għall-fidda

U post fejn jirfinaw id-deheb;

 2 Il-ħadid jiħduh mit-trab

U r-ram mill-blat.

 3 Il-bniedem jieħu d-dawl fejn hemm id-dlam;

Hu jmur f’post fejn hemm dlam ċappa

Biex isib metall taʼ valur bħal dan.*

 4 Hu jħaffer mina ’l bogħod minn fejn jgħixu n-nies,

F’postijiet imwarrbin li n-nies ma jimxux fihom;

Xi nies jinżlu jaħdmu fiha mdendlin b’ħabel.

 5 Il-wiċċ tal-art jipproduċi l-ikel;

Imma minn taħt qisha mqallba bin-nar.*

 6 Hemm isfel, fil-ġebel, hemm iż-żaffir,

U fit-trab hemm id-deheb.

 7 Ebda għasfur tal-priża ma jaf kif jasal hemm;

L-astun iswed qatt ma ra dan il-post.

 8 L-ebda annimal feroċi ma mexa hemm;

L-iljun b’saħħtu m’għaddiex minn hemm.

 9 Raġel ikisser il-ġebel taż-żnied;

Hu jaqleb il-muntanji għax iħaffer taħthom.

10 Hu jħaffer fil-blat biex jgħaddi l-ilma,

U jara kull ħaġa prezzjuża.

11 Hu jagħmel ilqugħ biex iżomm l-ilma tax-xmajjar,

U joħroġ fid-dawl affarijiet prezzjużi.

13 Ebda bniedem ma jaf kemm jiswa verament l-għerf,

U ma jistaʼ jinstab imkien fid-dinja.

14 Dan mhuwiex fl-ilmijiet fondi,

U lanqas fil-baħar.

15 Ma jistax jinxtara bid-deheb pur,

U lanqas ma jistaʼ jitpartat maʼ ħafna fidda.

16 Ma jistax jinxtara bid-deheb fin,*

U lanqas b’ħaġar rari tal-oniċi u ż-żaffir.

17 Id-deheb u l-ħġieġ ma jistgħux jitqabblu miegħu,

Lanqas skutella tad-deheb fin* ma tistaʼ titpartat miegħu.

18 Il-korall u l-kristall ma jibdewx miegħu,

Għax l-għerf jiswa iktar minn basket mimli perli.

19 It-topazju taʼ Kus ma jistax jitqabbel miegħu;

Lanqas bid-deheb pur ma jistaʼ jinxtara.

21 L-għerf ġie moħbi minn kull ħaġa ħajja,

U hu moħbi mill-għasafar.

22 Il-qerda u l-mewt jgħidu,

‘Smajna biss għajdut dwar l-għerf.’

23 Imma Alla jaf fejn isibu;

Hu biss jaf fejn qiegħed,

24 Għax hu jara sa truf l-art,

U jara kull ħaġa mis-sema ’l isfel.

25 Meta ta l-qawwa lir-riħ

U kejjel l-ilmijiet,

26 Meta għamel l-istaġuni tax-xita

U passaġġ għall-maltempata bis-sħab u s-sajjetti tagħha,

27 Hu ra l-għerf f’xogħlu u spjegah;

Hu ħalaq l-għerf u ttestjah.

28 U qal lill-bnedmin,

‘L-għerf ifisser li jkollok rispett kbir lejn* Ġeħova,

U li tkun kapaċi tifhem ifisser li titbiegħed mill-ħażin.’”

 2 “Kemm nixtieq immur lura fix-xhur taʼ qabel,

Meta Alla kien jipproteġini,

 3 Meta xegħel lampa fuqi

Waqt li mxejt fid-dlam,

 4 Meta kont iżgħar u iktar b’saħħti,

Meta Alla kien ħabib kbir tiegħi u kien fit-tinda miegħi,

 5 Meta Dak li Jistaʼ Kollox kien għadu miegħi,

U t-tfal* tiegħi kienu madwari,

 6 Meta l-imrieħel tiegħi kienu jipproduċu ħafna ħalib,

U kelli abbundanza taʼ żejt taż-żebbuġa.

 7 Fiż-żmien meta kont immur ħdejn bieb il-belt,

U npoġġi fil-pjazza,

 8 Iż-żgħażagħ kienu jarawni u jersquli b’rispett,*

U l-irġiel akbar fl-età kienu jqumu u joqogħdu bilwieqfa.

 9 Il-kapijiet kienu jieqfu milli jitkellmu,

U jgħattu ħalqhom.

10 L-irġiel importanti ma kienu jgħidu xejn,

Lanqas kelma ma kienet toħroġ minn ħalqhom.

11 Kull min kien jismagħni tkellem tajjeb dwari,

U dawk li kienu jarawni qabżu għalija.

12 Għax jien kont insalva lill-fqir li kien jgħajjat għall-għajnuna,

Lill-orfni,* u lil kull min ma kellux min jgħinu.

13 Min kien wasal biex imut, kien iberikni,

U bl-għajnuna li kont nagħti, ferraħt lir-romol.

14 Dejjem kont naġixxi bil-ġustizzja;

Id-deċiżjonijiet tiegħi dejjem ħadthom b’mod ġust.

15 Jien sirt bħal għajnejn għal min ma jarax

U saqajn għal min izappap.

16 Jien kont bħal missier għall-foqra;

Kont ninvestiga l-każ taʼ nies li ma nafhomx biex ngħinhom.

17 Jien kont inwaqqaf lill-ħażin, li hu bħal annimal salvaġġ,

U nsalva l-vittmi tiegħu.

18 Kont ngħid, ‘Jien se mmut f’dari stess,*

U l-jiem li se ngħix se jkunu daqs ir-ramel tal-baħar.

19 Se nkun bħal siġra li l-għeruq tagħha jinżlu sal-ilma,

U li jkollha n-nida fuq il-friegħi tagħha l-lejl kollu.

20 In-nies dejjem se jonorawni,

U dejjem se nibqaʼ b’saħħti.’*

21 In-nies kienu jistennew biex jaraw x’se ngħid,

Jistennew bil-kwiet biex jisimgħu l-pariri tiegħi.

23 Huma kienu jistennewni bħalma jistennew ix-xita,

U jħarsu ’l quddiem biex jisimgħu x’kont se ngħid

24 Meta kont nitbissmilhom, lanqas kienu jemmnu;

U meta jarawni ferħan, kienu jagħmlu kuraġġ.*

25 Kont niggwidahom bħala l-kap tagħhom;

Kont qisni re li jgħix fost is-suldati tiegħu,

U kont infarraġ lil min imutlu xi ħadd.

30 “Imma issa rġiel iżgħar minni jidħqu bija,

Irġiel li missirijiethom lanqas għal mal-klieb li jgħassuli l-merħla

Ma kont narahom tajbin.

Jomogħdu dak li jsibu f’art niexfa,

Li diġà kienet saret ħerba u nqerdet.

 4 Dawn jiġbru weraq mielaħ minn ġos-siġar

U għeruq morri biex jikluhom.

 5 Huma jitkeċċew mill-bliet;

In-nies jgħajtu magħhom bħalma jgħajtu maʼ ħalliel.

 6 Huma jgħixu fl-irdumijiet,*

Ġo ħofor fl-art, u fil-blat.

 7 Jgħajtu minn qalb is-siġar

U jinġabru flimkien qalb il-ħurrieq.

 8 Huma tkeċċew* mill-art

Bħan-nies boloh u li ma jiswew għal xejn.

 9 Imma issa jwaqqgħuni għaċ-ċajt anki fil-kant tagħhom;

Huma jidħqu bija.

10 Huma jobogħduni u jżommu ’l bogħod minni;

Ma jiddejqux jobżquli f’wiċċi.

11 Peress li Alla għamilni dgħajjef* u umiljani,

Ħaduha kontrija mingħajr ma ħasbuha darbtejn.

12 Huma jqumu kontrija biex jattakkawni mil-lemin;

Iġegħluni naħrab u jagħlquli t-triq biex jeqirduni.

13 Huma jkissruli t-triq

U jiggravaw il-problemi tiegħi,

U ħadd ma jwaqqafhom.*

14 Huma jiġu bħallikieku minn ġo fetħa wiesgħa f’ħajt;

Jiġu waqt li nkun f’sitwazzjoni gravi.

15 Taqbadni biżaʼ kbira;

Id-dinjità tiegħi tittajjar mar-riħ bħat-trab,

U t-tama tiegħi għall-għajnuna tisparixxi bħal sħaba.

16 Issa jien* se mmut;

Qed inbati kuljum.

17 Billejl jaqbadni wġigħ kbir fl-għadam;*

L-uġigħ ma jieqaf qatt.

18 Il-ħwejjeġ* tiegħi jinġibdu bis-saħħa;*

Bħal għonq issikkat, jifgawni.

19 Alla tefagħni fil-ħama;

Sirt trab u rmied.

20 Alla tiegħi, jien nitolbok għall-għajnuna, imma ma twiġibnix;

Jien noqgħod quddiemek, imma int tibqaʼ tħares lejja.

21 Int ħadtha kontrija bi ħdura;

Int tattakkani bil-qawwa kollha tiegħek.

22 Terfagħni u tkaxkarni mar-riħ;

Imbagħad tħallini nixxejjer fil-maltempata.*

23 Għax jien naf li int se ġġegħelni mmut,

U mmur fil-post fejn se jmur kulħadd.

24 Imma ħadd ma jeqred għalkollox lil raġel li ma jistaʼ jagħmel xejn

Hekk kif jgħajjat għall-għajnuna fi żmien taʼ niket.

26 Jien xtaqt inkun ferħan, imma batejt ħafna;

Stennejt li se nara d-dawl, imma esperjenzajt id-dlam.

27 Jien inbati kuljum;

Jien ansjuż u inkwetat ħafna.

29 Il-klieb slavaġ saru qishom ħuti,

U n-ngħam* saru l-ħbieb tiegħi.

30 Il-ġilda tiegħi swiedet u waqgħet;

L-għadam tiegħi sar jaħraq bis-sħana.*

31 L-arpa tiegħi tintuża biss għaż-żmien taʼ dwejjaq,

U l-flawt tiegħi jintuża biss mal-ħoss tal-biki.

 3 Dak li jagħmel il-ħażin hemm diżastru jistennieh,

U dawk li jagħmlu l-ħsara se jbatu.

 4 Alla jara dak kollu li nagħmel,

U jgħodd il-passi kollha tiegħi.

 6 Ħa jeżaminani b’mod ġust Alla;

Imbagħad jinduna li jien leali.

 7 Jekk ma bqajtx miexi fit-triq it-tajba,

Jew qalbi tħajret għal dak li rajt b’għajnejja,

Jew għamilt xi ħaġa ħażina b’idejja,

 8 Mela ħalli dak li niżraʼ jieklu xi ħadd ieħor,

U dak li nħawwel jitqaċċat mill-għeruq.*

 9 Jekk qalbi nġibdet lejn mara oħra,

U qgħadt nistenna għal opportunità mal-mara taʼ ħaddieħor,

10 Mela ħalli l-mara tiegħi titħan iċ-ċereali* għal raġel ieħor,

U ħalli rġiel oħrajn ikollhom relazzjonijiet sesswali magħha.*

11 Għax jien inkun għamilt xi ħaġa tal-mistħija,

U jkun ħaqqni niġi kkastigat mill-imħallfin għall-iżball tiegħi.

12 Xi ħaġa bħal din tkun bħal nar li jaħraq u jeqred kollox,

Li jġib fix-xejn* dak kollu li għandi.

13 Jekk irrifjutajt li nimxi bil-ġustizzja mal-ilsiera tiegħi

Meta kellhom għal xiex igergru* kontrija,

14 X’se nagħmel meta jiffaċċjani* Alla?

Jew waqqaft jien lill-armla milli tieħu dak li ttamat għalih?*

17 Kilt jien l-ikel tiegħi waħdi,

Mingħajr ma tajt lill-orfni?

18 (Għax minn żgħożiti, l-orfni* kiber miegħi u kont qisni missieru,

U minn tfuliti* jien kont t’għajnuna għar-romol.*)

19 Qatt rajt lil xi ħadd imut bil-kesħa għax m’għandux x’jilbes,

Jew lill-fqir li m’għandux biex jitgħatta u m’għentux?

20 Ma kienx hu jberikni,*

Hekk kif jitgħatta bis-suf tan-nagħaġ tiegħi?

21 Qatt heddidt lill-orfni

Meta kellu bżonn l-għajnuna tiegħi* f’bieb il-belt?

22 Jekk għamilt affarijiet bħal dawn

Ħa tinqalaʼ idi minn maʼ spallti,*

U ħa tinkiser mill-minkeb.*

23 Imma jien m’għamilt xejn minn dan,

Għax bżajt li Alla jeqridni

U ma stajtx noqgħod quddiem il-glorja tiegħu.

24 Qatt fdajt fid-deheb,

Jew qist id-deheb fin bħala l-protezzjoni tiegħi?

25 Qatt ftaħart bil-ġid kollu li kelli,

U bil-ħafna affarijiet li akkwistajt?

26 Qatt rajt ix-xemx* tiddi,

Jew il-qamar bis-sbuħija tiegħu,

27 U qalbi ħajritni biex nagħtihom qima billi nbus idejja?*

28 Kieku jkun ħaqqni niġi kkastigat mill-imħallfin,

Għax inkun irrifjutajt lill-Alla tas-sema.

29 Qatt fraħt meta l-għadu tiegħi nqered,

Jew għax kien qed ibati?

30 Jien qatt ma sħitt lill-għadu tiegħi biex imut;

Le, m’għamiltx dnub bħal dan.

31 L-irġiel tad-dar tiegħi qalu,

‘Kull min jiġi għand Ġob jistaʼ jiekol sa ma jixbaʼ.’

32 Ebda barrani* ma kellu jqattaʼ l-lejl barra;

Jien ilqajt ġo dari lil dawk li kienu jivvjaġġaw.

33 Qatt ipprovajt naħbi l-iżbalji tiegħi bħalma jagħmlu rġiel oħrajn

Billi ħbejthom ġol-but tiegħi?

34 Bżajt jien minn kif se taġixxi l-folla,

Jew twerwirt jien għax il-familji l-oħra kienu se jmaqdruni?

36 Kieku d-dokument kont inġorru fuq spallti,

U nqiegħdu fuq rasi bħala kuruna.

37 Kieku lil Alla kont nagħtih kont taʼ kull pass li nagħmel;

Nersaq lejh bla biżaʼ qisni prinċep.

39 Qatt kilt il-prodott tagħhom mingħajr ma ħallast,

Jew ġegħelt lis-sidien* tal-għelieqi jiddispraw?

40 Jekk għamilt hekk, ħa jitlaʼ x-xewk minflok il-qamħ fl-għalqa tiegħi,

U ħaxix ħażin li jinten minflok ix-xgħir.”*

“Jien għadni żgħir

U intom imdaħħlin fiż-żmien.

Għalhekk, b’rispett żammejt lura milli nitkellem

U m’ażżardajtx ngħidilkom dak li naf.

 7 Jien ħsibt, ‘Ħalli dawk li għandhom iż-żmien jitkellmu,

U dawk li għandhom ħafna snin juru x’jafu.’

 8 Imma hu l-ispirtu t’Alla,

In-nifs taʼ Dak li Jistaʼ Kollox li jgħin in-nies jifhmu.

 9 Iż-żmien biss ma jagħmilx wieħed għaref,

U mhux l-irġiel kbar fl-età biss jifhmu x’inhu tajjeb.

11 Jien stennejtkom tispiċċaw titkellmu;

Bqajt nismaʼ r-raġunar tagħkom

Hekk kif qgħadtu taħsbu x’se tgħidu.

12 Qgħadt attent ħafna għal dak li kontu qed tgħidu,

Imma ħadd minnkom ma ta prova li Ġob kien żbaljat*

Jew wieġeb l-argumenti tiegħu.

13 Għalhekk tgħidux, ‘Aħna għorrief;

Hu Alla li qed jikkoreġih, u mhux il-bniedem.’

14 Dak li qal ma kienx kontrija,

Għalhekk m’iniex se nwieġbu bl-argumenti tagħkom.

15 Huma mbellhin, m’għandhomx iktar tweġibiet;

Huma m’għandhomx iktar x’jgħidu.

16 Jien stennejt, imma ma komplewx jitkellmu;

Qegħdin hemm jiċċassaw u ma jgħidu xejn.

17 Għalhekk, anki jien se nwieġeb;

Anki jien se ngħid dak li naf,

18 Għax għandi ħafna affarijiet x’ngħid;

L-ispirtu taʼ ġo fija qed iħeġġiġni biex nitkellem.

19 Minn ġewwa qisni nbid li m’għandux arja,

Bħal fliexken tal-ġilda ġodda li tant fihom inbid li se jinfaqgħu.

21 Jien mhu se nuri preferenzi maʼ ħadd;

U lanqas mhu se nfaħħar iżżejjed* lil xi bniedem,

22 Għax jien ma nafx kif infaħħar iżżejjed lil xi ħadd;

Jekk nagħmel hekk, Dak li Għamilni malajr jeqridni.

33 “Imma issa, jekk jogħġbok Ġob, ismaʼ kliemi,

Ismaʼ dak kollu li se ngħid.

 2 Se jkolli niftaħ ħalqi;

Ilsieni se jitkellem.

 3 Dak li se ngħid ġej mill-onestà taʼ qalbi,

U b’xofftejja se ngħid b’mod sinċier dak li naf.

 4 Alla għamilni permezz tal-ispirtu tiegħu,

Dak li Jistaʼ Kollox tani l-ħajja bin-nifs tiegħu.

 5 Wiġibni jekk int kapaċi;

Ara x’se tgħid quddiemi;

Kun lest li tiddefendi l-każ tiegħek.

 6 Jien bħalek f’għajnejn l-Alla l-veru;

Anki jien mit-tafal magħmul.

 7 Għalhekk, m’għandekx għalfejn titwerwer minni,

M’iniex se nkissrek bi kliemi.

 8 Imma jien smajtek titkellem,

U int għedt dan iktar minn darba:

 9 ‘Jien mhux ħati, m’għamilt xejn ħażin;

Jien nadif, ma żbaljajtx.

10 Imma Alla jsib għal xiex jiħodha kontrija;

Hu jqisni bħala għadu tiegħu.

14 Alla jitkellem għal darba wara l-oħra,

Imma ħadd ma jagħti kas.

15 Hu jagħmel dan f’ħolma, f’viżjoni billejl,

Meta n-nies jorqdu fil-fond,

Waqt li jkunu reqdin fis-sodda tagħhom.

16 Hu jkellimhom f’widnejhom

U jgħidilhom x’għandhom jagħmlu.

17 B’hekk iwaqqaf bniedem milli jagħmel il-ħażin

U jipproteġih mill-kburija.

18 Alla jsalvalu ħajtu* mill-ħofra*

U jsalvah milli jmut bix-xabla.*

19 Bniedem jistaʼ jitgħallem xi ħaġa anki meta jkun muġugħ fis-sodda

U meta l-għadam tiegħu juġgħu l-ħin kollu.

20 Tant ikun muġugħ li anki l-ħobż jitqażżeż,

U lanqas l-aqwa ikel ma jkun irid jiekol.

21 Hu jirqaq ħafna,

U jsir għadma u ġilda.*

22 Ħajtu* qed tersaq qrib il-ħofra,*

Qrib dawk li jridu joqtluh.

23 Imma jekk imur anġlu* għandu,

Wieħed minn elf li jaqbeż għalih,

Biex jgħidlu x’inhu tajjeb,

24 Imbagħad Alla jurih ħniena u jgħid,

‘Tħallihx jinżel fil-ħofra!*

25 Ħa jsir* b’saħħtu iktar minn meta kien żagħżugħ;

Ħa jerġaʼ jkollu l-enerġija bħal meta kien żagħżugħ.’

Se jgħajjat bil-ferħ meta jara wiċċ Alla,

U Alla jerġaʼ jqisu raġel tajjeb.

27 Dan jgħid* lil oħrajn,

‘Jien dnibt u aġixxejt ħażin,

Imma ma ħadtx dak li ħaqqni.*

28 Hu ħelisni milli mmur fil-ħofra,*

U jien se nkompli ngħix.’

29 Għal darba wara l-oħra,

Alla jagħmel dawn l-affarijiet għal bniedem

30 Biex isalvah mill-ħofra*

U jkun jistaʼ jgawdi l-ħajja.

33 Imma jekk m’għandekx x’tgħid, ismaʼ lili;

Ibqaʼ kwiet, u jien ngħallmek l-għerf.”

 2 “Isimgħu kliemi intom l-għorrief;

Isimgħuni intom li tafu ħafna.

 3 Għax il-widna tiżen il-kliem,

Bħalma l-ħalq itiegħem l-ikel.

 4 Ejja nagħżlu aħna x’inhu sewwa;

Ejja niddeċiedu bejnietna x’inhu tajjeb.

 5 Għax Ġob qal, ‘Jien għandi raġun,

Imma Alla ma mexiex b’mod ġust miegħi.

 7 Min hu bħal Ġob,

Li jaċċetta t-tgħajjir bħallikieku qed jixrob l-ilma?

 8 Daqt jibda jagħmilha maʼ dawk li jagħmlu l-ħażen

U jqattaʼ l-ħin maʼ nies mill-agħar.

 9 Għax hu qal, ‘Bniedem ma jiggwadanja xejn

Milli jipprova jogħġob lil Alla.’

Ma jistax ikun li l-Alla l-veru jaġixxi bil-ħażen,

U li Dak li Jistaʼ Kollox jagħmel il-ħażin!

11 Għax hu jippremja l-bniedem skont dak li jagħmel

U jagħtih dak li ħaqqu.

12 Alla żgur li ma jaġixxix bil-ħażen;

Dak li Jistaʼ Kollox dejjem jagħmel dak li hu tajjeb.

13 Min tah kontroll fuq l-art,

U min inkarigah fuq id-dinja kollha?

14 Jekk jiħodha kontra l-bnedmin

U jneħħilhom l-ispirtu u n-nifs tagħhom,

15 In-nies kollha jmutu flimkien

U jerġgħu jsiru trab.

16 Mela jekk kapaċi tifhem,

Oqgħod attent għal dak li se ngħidlek;

Ismaʼ sew dak li se ngħid.

19 Hemm Wieħed li ma jurix preferenzi mal-uffiċjali għoljin

U ma jqisx lis-sinjuri aħjar mill-foqra,*

Għax kollha hu għamilhom.

20 Huma għandhom mnejn imutu f’daqqa, f’nofs taʼ lejl;

Huma jirtogħdu ħafna u jmutu.

21 Għax Alla joqgħod attent għal dak li bniedem jagħmel

U jara kull pass li jagħmel.

22 M’hemmx dlam jew swidija

Fejn dawk li jagħmlu l-ħażin jistgħu jistaħbew.

23 Alla ma jagħtix ħin speċifiku lil xi bniedem

Biex jieħdu quddiemu u jiġġudikah.

24 Hu jeqred lill-mexxejja mingħajr ma jkollu għalfejn jinvestiga

U jpoġġi oħrajn minflokhom.

25 Għax hu jaf x’qed jagħmlu;

Hu jegħlibhom matul il-lejl, u huma jinqerdu.

26 Hu jattakkahom minħabba l-ħażen tagħhom

Quddiem kulħadd,

27 Għax huma ma baqgħux jimxu warajh

U ma tawx kas dak li għamel.

28 Huma ġiegħlu lill-foqra jgħajtulu għall-għajnuna,

Biex b’hekk hu jismaʼ l-għajta taʼ dawk li ma jistgħu jagħmlu xejn.

30 B’hekk xi ħadd ħażin* ma jkunx jistaʼ jmexxi

Jew jaqbad in-nies f’nassa.

31 Int qed tgħid lil Alla,

‘Jien qed inbati avolja m’għamilt xejn ħażin;

32 Urini dak li ma nistax nara jien;

Jekk għamilt xi ħaġa ħażina, mhux se nerġaʼ nagħmilha.ʼ

34 Nies li għandhom l-għerf u kapaċi jifhmu

Se jisimgħuni u jgħiduli:

36 Ħa jiġi ttestjat* għalkollox bid-diffikultajiet tiegħu,

Għax it-tweġibiet tiegħu huma bħal taʼ nies ħżiena!

37 Apparti li jidneb, hu ribelluż;

Hu jċapċap quddiemna b’diżrispett

U jkompli jitkellem kontra l-Alla l-veru!”

 2 “Tant int konvint li għandek raġun li lest li tgħid,

‘Jien iktar ġust minn Alla.’

 4 Jien se nwieġeb lilek

U lil sħabek ukoll.

 5 Ħares lejn is-sema,

Innota s-sħab, li hu ħafna ’l fuq minnek.

 8 Kemm jekk tagħmel il-ħażin u kemm jekk tagħmel it-tajjeb

Se teffettwa biss nies bħalek.

 9 In-nies jgħajtu għall-għajnuna meta jiġu maħqurin ħafna;

Huma jitolbu biex jinħelsu minn taħt* il-kbarat.

10 Imma ħadd ma jgħid, ‘Fejn hu Alla, il-Ħallieq Grandjuż tiegħi,

Il-wieħed li jġegħelna nkantaw filgħaxija?’

11 Hu jgħallimna iktar milli jgħallem lill-annimali,

Hu jagħmilna iktar għorrief mill-għasafar.

12 In-nies jgħajtu għall-għajnuna imma ma jwiġibhomx,

Għax hu jara l-kburija tal-ħżiena.

13 Bla dubju Alla ma jismax lil dawk li jgħajtu għalxejn;*

Dak li Jistaʼ Kollox ma jagħtix kas l-għajjat tagħhom.

15 Għax hu ma talbekx b’rabja biex tagħtih kont;

Hu għalaq għajnejh meta kont arroganti.

16 Għalhekk Ġob jitkellem fil-vojt;

Hu jkompli jitkellem mingħajr m’għandu għarfien eżatt.”

 2 “Ħu paċenzja bija ftit ieħor, sakemm nispjega,

Għax għandi iktar x’ngħid f’isem Alla.

 3 Se ngħid dak li naf bid-dettall,

U se ngħid li l-ġustizzja hi taʼ Dak li Għamilni.

 4 Bla dubju mhux qed nigdeb;

Dan il-kliem ġej mingħand dak li għandu għarfien perfett.

 5 Bla dubju Alla hu b’saħħtu u ma jabbanduna lil ħadd;

Hu għandu abbiltà kbira li jifhem.

 6 Hu mhux se jipproteġi lill-ħżiena,

Imma se jiġġudika b’mod ġust lil dawk li qed ibatu.

 7 Hu ma jaqlax għajnejh minn fuq it-tajbin;

Hu se jagħmilhom rejiet* u jiġu mfaħħrin għal dejjem.

 8 Jekk huma jibdew ibatu

Għax jidinbu u jiġu marbutin bil-ktajjen,

 9 Alla jurihom x’għamlu,

L-iżbalji li għamlu minħabba l-kburija tagħhom.

10 Hu jgħinhom jisimgħu meta jiġu kkoreġuti,

U jgħidilhom biex ma jibqgħux jagħmlu l-ħażin.

11 Jekk jobduh u jaqduh,

Huma se jgawdu l-ġid matul il-bqija taʼ ħajjithom,

U ħajjithom se tkun pjaċevoli.

12 Imma jekk ma jobdux, huma jinqerdu bix-xabla,*

U jmutu mingħajr ma jkollhom għarfien.

14 Huma jqattgħu* ħajjithom mal-prostituti rġiel tat-tempju

U jmutu meta jkunu għadhom żgħar.

15 Imma Alla* jsalva l-batuti mit-tbatija tagħhom;

Hu jgħinhom jisimgħu minnu meta jkunu maħqurin.

16 Hu jbiegħdek mit-tbatija;

Jieħdok f’post protett fejn m’hemmx tbatija

U jgħinek tħossok aħjar bl-aqwa ikel.

17 Imbagħad se tkun sodisfatt bil-ġudizzju tal-ħżiena

Meta ssir ġustizzja.

18 Imma oqgħod attent li r-rabja ma ġġegħlekx tivvendika ruħek,*

U tħallix it-tixħim iwasslek biex tagħmel il-ħażin.

19 Kieku jkun għalxejn li tgħajjat għall-għajnuna,

U l-isforzi kollha li tagħmel ma jbegħdukx mill-inkwiet.

20 Tixxennaqx għal-lejl

Meta n-nies jisparixxu minn posthom.

21 Oqgħod attent li ma tagħżilx li tagħmel il-ħażin

Bil-ħsieb li tevita li tbati.

22 Alla qed jiġi onorat minħabba l-qawwa tiegħu;

Hemm xi ħadd li jaf jgħallem daqsu?

23 Min qallu x’għandu jagħmel,*

Jew qallu li dak li għamel hu ħażin?

24 Tinsiex tfaħħar dak li għamel,

Dak li ħafna nies kantaw dwaru.

25 Il-bnedmin kollha raw x’għamel,

Huma jaraw dan mill-bogħod.

26 Ma nistgħux insiru nafu kemm hi kbira l-qawwa t’Alla

U kemm-il sena ilu jeżisti.

27 Hu jtellaʼ l-qtar tal-ilma;

Imbagħad dan isir xita u nida.

28 Wara, dawn jinżlu mis-sħab

U jagħtu l-ilma lil kulħadd.

29 Min jistaʼ jifhem kif jifformaw is-saffi tas-sħab

U r-ragħad mill-post fejn joqgħod?*

30 Innota kif jifrex is-sajjetti* tiegħu fuq is-sħab

U jgħatti l-baħar fond.*

31 B’dawn hu jsaħħaħ* lin-nies

U jagħtihom ħafna u ħafna ikel.

32 Hu jgħatti s-sajjetti b’idejh,

U dawn imorru fejn jikkmandahom hu.

33 Ir-ragħad tiegħu jgħid li hu ġej,

Anki l-imrieħel juru min ġej.*

37 “Qalbi tħabbat,

U qed inħossha se toħroġ minn postha.

 2 Oqogħdu attenti għal-leħen sod t’Alla,

Isimgħu leħnu li qisu ragħad.

 3 Dan jinstemaʼ taħt is-sema kollha,

Hu jibgħat is-sajjetti sa truf l-art.

 4 Wara dan ikun hemm ħoss jirbombja;

Hu jriegħed b’leħen tal-għaġeb,

U jibqaʼ jibgħat is-sajjetti waqt li jitkellem.

 5 Leħen Alla jriegħed b’mod mill-isbaħ;

Hu jagħmel affarijiet tal-għaġeb li ma nistgħux nifhmuhom.

 6 Għax hu jikkmanda lill-borra biex tinżel fuq l-art,

U jgħid lix-xita biex tinżel bis-saħħa.

 7 Alla jwaqqaf lin-nies minn dak li jkunu qed jagħmlu*

Ħalli kull bniedem jinnota l-ħolqien Tiegħu.

 8 L-annimali slavaġ imorru f’posthom

U jibqgħu mistoħbijin hemm.

 9 Ir-riħ tal-maltempata jiġi u jonfoħ,

U r-riħ mit-Tramuntana jġib il-kesħa.

10 Bin-nifs t’Alla jsir is-silġ

U l-ilmijiet kollha jiffriżaw.

11 Hu jtaqqal is-sħab bil-qtar tal-ilma

U jibgħat is-sajjetti tiegħu minn ġos-sħab;

12 Dawn imorru ’l hemm u ’l hawn skont fejn jibgħathom;

Huma jagħmlu kulma jikkmandahom fuq wiċċ l-art.*

13 Hu juża s-sħab biex jikkastiga n-nies, biex jibgħat ix-xita fuq l-art,

Jew biex juri l-imħabba u l-lealtà* tiegħu.

14 Ġob, ismaʼ dan li se ngħidlek;

Ieqaf u kkunsidra sew l-affarijiet tal-għaġeb li għamel Alla.

15 Taf int kif Alla jikkontrolla* s-sħab,

U kif jibgħat is-sajjetti mis-sħaba tiegħu?

17 Il-ħwejjeġ tiegħek għala jsiru jaħarqu

Meta r-riħ isfel isikket l-art?

19 Għidilna x’għandna ngħidulu;

Ma nistgħux inwiġbuh, għax hemm ħafna affarijiet li ma nistgħux nifhmu.

21 In-nies ma jistgħux jaraw id-dawl* meta jkun imsaħħab,

Sakemm ir-riħ ineħħi s-sħab u jkun hemm dawl qawwi.

22 Mit-Tramuntana joħroġ dawl li jleqq bħad-deheb;

Il-glorja t’Alla hi tal-għaġeb.

23 Aħna ma nistgħux nifhmu lil Dak li Jistaʼ Kollox;

Hu għandu qawwa kbira,

U qatt ma jiġġudika b’mod li jmur kontra l-ġustizzja kbira tiegħu.

 2 “Min hu dan li qed iqajjem id-dubji fuq il-pariri tiegħi

U qed jitkellem mingħajr għarfien?

 6 Fuqiex qed iserrħu l-pilastri tagħha,

Jew min poġġa l-ewwel ġebla tagħha,

 7 Waqt li l-istilel taʼ filgħodu kienu qed jgħajtu bil-ferħ,

U t-tfal t’Alla* kollha bdew iċapċpu?

Min għamel limitu għall-baħar meta dan beda jeżisti*

 9 U meta għattejtu bis-sħab u b’dalma ħoxna?

10 Fejn kont int meta għamiltlu limitu

U poġġejtlu staneg u bibien?

11 Fejn kont int meta għedtlu, ‘S’hawnhekk se tasal, u mhux iżjed;

Il-mewġ kbir tiegħek hawn se jieqaf’?

12 Ġieli kkmandajt lill-filgħodu

Jew għedt lix-xemx minn fejn għandha titlaʼ?

13 Jaqaw int kont li għedt lid-dawl taʼ filgħodu biex imur f’tarf id-dinja

U jkeċċi lil dawk ħżiena minnha?

14 Id-dinja tinbidel bħat-tafal taħt siġill,

U d-disinn tagħha jispikka bħal dak taʼ libsa sabiħa.

15 Imma d-dawl li jgawdu l-ħżiena se jittiħdilhom,

U ma jkunux jistgħu jibqgħu jweġġgħu lin-nies.

16 Inżilt int biex tara minn fejn ġej il-baħar,

Jew esplorajt l-oċeani fondi?

17 Rajthom int il-bibien tal-art tal-mejtin

Jew il-bibien fejn hemm dlam ċappa?*

21 Jaqaw taf dan għax twilidt qabilhom,

U għax ilek tgħix ħafna?

22 Dħalt int fejn tinżamm il-borra,

Jew rajt int il-post fejn jinżamm is-silġ?

23 Dawn żammejthom għaż-żmien taʼ inkwiet kbir,

Għall-ġurnata tal-battalja u l-gwerra.

24 Minn fejn joħroġ id-dawl,*

U r-riħ tal-Lvant minn fejn jonfoħ fuq l-art?

25 Min għamel kanal għall-ilma tad-dulluvju

U triq għas-sħaba tal-maltempata bir-ragħad?

26 Min bagħat ix-xita fejn m’hemmx nies,

Fid-deżert fejn m’hemm ebda bniedem?

27 Min xebbaʼ bl-ilma d-deżert meqrud

Biex jikber il-ħaxix?

28 Għandha missier ix-xita,

Jew min hu missier il-qtar tan-nida?

29 Min welled il-borra tas-sema,

U minn żaqq min ħareġ is-silġ?

30 Min webbes wiċċ l-ilma daqs il-ġebel,

U ffriża wiċċ l-ilmijiet fondi?

31 Tistaʼ int torbot il-ħbula tal-grupp taʼ stilel Kima,*

Jew tħoll il-ħbula tal-grupp taʼ stilel Kesil?*

33 Tafhom il-liġijiet li jmexxu s-sema,

Jew tistaʼ tapplika dawn il-liġijiet* fuq l-art?

34 Tistaʼ tikkmanda s-sħab

Biex tagħmel ħafna xita fuqek?

36 Min qiegħed l-għerf fis-sħab,*

Jew ta lis-sema* l-abbiltà li tifhem?

Jew min jistaʼ jferraʼ l-ilma tagħhom mis-sema,

38 Biex b’hekk it-trab isir tajn

U l-ħamrija tagħqad flimkien?

Jew tistaʼ xxebbaʼ l-iljuni b’saħħithom

40 Meta jitbaxxew biex ma jidhrux,

Jew joqogħdu għassa fil-moħba tagħhom biex jattakkaw?

41 Min hu li jlesti l-ikel għaċ-ċawlun

Meta l-frieħ tiegħu jgħajtu lil Alla għall-għajnuna,

U jduru ’l hemm u ’l hawn għax ma jkollhomx x’jieklu?

 3 Huma jitbaxxew meta jkunu se jwelldu liż-żgħar tagħhom,

U ma jibqax ikollhom l-uġigħ tal-ħlas.

 4 Iż-żgħar tagħhom isiru b’saħħithom u jikbru fis-salvaġġ;

Huma jitilqu u ma jerġgħux lura għandhom.

 5 Min ħeles lill-ħmar salvaġġ,

U min ħall il-ħbula tiegħu?

 6 Jien tajtu d-deżert bħala d-dar tiegħu

U l-art li fiha l-melħ bħala l-post fejn joqgħod.

 7 Hu jevita l-istorbju tal-belt;

U ma jismax il-leħen taʼ dak li jikkmandah biex jaħdem.

 8 Idur fl-għoljiet biex jirgħa

U jfittex kull tip taʼ ħaxix.

10 Tistaʼ torbot barri salvaġġ biex taħrat bih,

Jew se jiġi warajk fil-wied biex jaħrat?

11 Se tafda fis-saħħa kbira tiegħu

U tħallih jagħmel xogħol iebes għalik?

13 In-nagħma* tħabbat ġwinħajha bil-ferħ,

Imma jistgħu ġwinħajha jitqabblu maʼ taċ-ċikonja?

14 Hi tħalli l-bajd tagħha mal-art

U żżommhom sħan fit-trab.

15 Hi tinsa li xi ħadd jistaʼ jgħaffiġhom,

Jew li jistaʼ jgħaddi minn fuqhom xi annimal salvaġġ.

16 Hi tittratta ħażin lill-frieħ tagħha, bħallikieku mhumiex tagħha;

Ma jimpurtahiex jekk tkun biedet għalxejn.

17 Għax Alla la taha* l-għerf

U lanqas l-abbiltà li tifhem.

18 Imma meta tqum u tħabbat ġwinħajha biex taħrab,

Hi tidħaq biż-żiemel u b’dak li jkun riekeb fuqu.

19 Jaqaw int tagħti s-saħħa liż-żiemel,

Jew tlibbislu għonqu b’xagħar twil?

21 Hu jagħti b’saqajh fil-wied u jifraħ bil-qawwa tiegħu;

Hu jidħol għall-battalja.*

23 Il-barżakka tal-vleġeġ iċċekċek xħin tħabbat miegħu,

U l-lanza tleqq meta jiġi d-dawl fuqha.

24 Hu jitriegħed bl-eċitament u jiġri ’l quddiem,*

M’għandux paċenzja joqgħod wieqaf mal-ħoss tal-qarn.*

Ixomm il-battalja mill-bogħod,

U jismaʼ l-għajjat tal-kmandanti u l-ħoss tal-battalja.

26 Jaqaw int għallimtu l-falkun itir

U jiftaħ il-ġwienaħ lejn in-Nofsinhar?

27 Jew hu bil-kmand tiegħek li l-ajkla ttir ’il fuq

U tagħmel il-bejta fl-għoli?

28 Hi tqattaʼ l-lejl fuq l-irdum

U tgħix f’post protett fuq blata.*

29 Minn hemm hi tfittex l-ikel;

Għajnejha jħarsu fil-bogħod.

30 Il-frieħ tagħha jixorbu d-demm;

U fejn ikun hemm xi ħaġa maqtula, hemm tkun hi.”

 5 Jien tkellimt għal darba darbtejn

Imma mhux se nwieġeb iktar, mhu se nżid xejn.”

 7 “Jekk jogħġbok ipprepara ruħek bħal raġel b’saħħtu;

Jien se nistaqsik u int wiġibni.

10 Jekk jogħġbok uri l-glorja u l-qawwa tiegħek;

Uri l-unur u s-sbuħija tiegħek.

11 Sfoga r-rabja kollha li għandek;

Ħares lejn kull min hu mkabbar u baxxih.

12 Innota lil kull min hu mkabbar u umiljah,

Għaffeġ lill-ħżiena mill-ewwel.

13 Aħbihom kollha fit-trab;

Orbothom* fil-post moħbi.

14 Jekk tistaʼ tagħmel dan,

Jien nammetti* li int tistaʼ ssalva bis-saħħa tiegħek stess.

16 Hu għandu saqajh b’saħħithom

U muskoli sodi f’żaqqu.

17 Hu jwebbes denbu bħall-injam taċ-ċedru;

In-nervituri taʼ koxxtejh huma mmaljati flimkien.

18 L-għadam tiegħu hu bħal kanen tar-ram;

Saqajh huma bħal vireg tal-ħadid.

20 Hu jsib l-ikel fuq il-muntanji,

Fejn l-annimali slavaġ jilagħbu.

21 Hu jimtedd taħt is-siġar tal-lotus,

Qalb il-qasab fl-għadajjar.

22 Is-siġar tal-lotus jagħmlulu d-dell,

U s-siġar tal-luq tal-wied qegħdin madwaru.

24 Min jistaʼ jaqbdu waqt li jkun qiegħed għassa,

Jew itaqqablu mnieħru b’ganċ?*

41 “Tistaʼ taqbad Levjatan* b’sunnara,

Jew iżżommlu lsienu b’ħabel?

 2 Tistaʼ tgħaddilu ħabel* mit-toqob taʼ mnieħru,

Jew ittaqqablu x-xedaq b’ganċ?*

 4 Sejjer hu jagħmel patt miegħek

Biex tagħmlu lsir tiegħek għal dejjem?

 7 Se ttaqqablu l-ġilda tiegħu b’ħafna vleġeġ,

Jew rasu b’lanza tas-sajd?

12 Se nkompli nitkellem dwar saqajh,

Dwar il-qawwa tiegħu, u dwar id-disinn impressjonanti taʼ ġismu.

15 Fuq dahru għandu ringieli taʼ tarki*

Li huma marbutin sew flimkien.

16 Tant huma viċin xulxin

Li lanqas l-arja ma tgħaddi minn bejniethom.

17 Huma mwaħħlin flimkien;

Imqabbdin waħda m’oħra u ma jistgħux jiġu sseparati.

18 Meta jagħtas qisu joħroġ id-dawl,

U għajnejh qishom ir-raġġi taʼ meta jibda jisbaħ.

19 Minn ħalqu joħroġ id-dawl tas-sajjetti

U xrar tan-nar.

20 Minn imnieħru joħroġ id-duħħan,

Bħad-duħħan taʼ forn li jitfgħulu l-ħaxix biex iqabbduh.

21 In-nifs tiegħu jqabbad il-faħam,

U minn ħalqu toħroġ fjamma.

22 Hu għandu saħħa kbira f’għonqu,

U kull min jiltaqaʼ miegħu jibżaʼ ħafna.

23 Is-saffi tal-ġilda taʼ taħt żaqqu huma sodi;

Huma bħal ħadid li ma jistax jitneħħa.

24 Qalbu b’saħħitha* daqs ġebla,

Daqs ġebla taʼ taħt tal-mitħna.

25 Meta jqum, anki dawk b’saħħithom jitwerwru;

Meta jgħum jgħaġġel ibeżżagħhom.

26 La x-xabla, la l-lanza, la l-vleġġa

U lanqas xi arma oħra ma tistaʼ tweġġgħu.

27 Għalih, il-ħadid qisu tiben,

Ir-ram qisu njam immermer.

28 Hu mhux se jaħrab jekk jara vleġġa;

Il-ġebel tal-iżbandola jsir qisu tiben meta jaħbat miegħu.

29 Lasta ħoxna tal-injam iqisha bħal tiben,

U hu jidħaq b’min ixejjirlu l-lanza.

30 Żaqqu qisha biċċiet tal-fuħħar jaqtaʼ;

Minn fejn jgħaddi jħalli marki fit-tajn bħas-slitta tad-dris.

31 Meta jidħol fil-baħar, l-ilma jtellaʼ r-ragħwa;

Ikun bħal borma b’żejt jagħli.

32 Minn fejn jgħaddi jħalli l-ilma jleqq,

U l-ilma fond jiġi qisu għandu xagħar abjad.

33 M’hemmx bħalu fuq l-art,

Ġie maħluq biex ma jibżaʼ minn xejn.

 2 “Issa naf li int kapaċi tagħmel kollox,

M’hemm xejn li hu impossibbli għalik.

Mingħajr m’għandu għarfien biżżejjed?’

Għalkemm ma kontx nifhem,

Jien tkellimt dwar affarijiet tal-għaġeb wisq għalija, li ma nafx dwarhom.

 5 Jien kont smajt dwarek,

Imma issa qed narak b’għajnejja.

 6 Jiddispjaċini għal dak li għedt,*

U għalhekk li se nindem billi noqgħod bilqiegħda fit-trab u l-irmied.”