SALMI

1 Ferħan ikun min ma jimxix fuq il-parir tal-ħżiena,

Li ma joqgħodx mal-midinbin,*

U li ma joqgħodx bilqiegħda maʼ dawk li jmaqdru kulma hu tajjeb.

 2 Imma jħobb ħafna l-liġi taʼ Ġeħova,

U jaqraha u jimmedita fuqha* lejl u nhar.

 3 Hu jkun bħal siġra mħawla ħdejn l-ilma,

Siġra li tagħti l-frott fl-istaġun tagħha

U li l-weraq tagħha ma jinxifx.

 5 Huwa għalhekk li l-ħżiena se jiġu kkundannati fil-ġudizzju,

U l-midinbin mhux se jibqgħu fost it-tajbin.

 6 Għax Ġeħova japprezza dak li jagħmlu t-tajbin,

Imma hu se jeqred lill-ħżiena u dak li jagħmlu.

2 Il-popli għala huma mifxulin

U n-nies għala qed igergru fil-vojt?*

 2 Ir-rejiet tal-art se jieħdu l-waqfa tagħhom

U l-mexxejja se jinġabru flimkien*

Kontra Ġeħova u l-magħżul* tiegħu.

 3 Huma jgħidu: “Ejja nkissru l-ktajjen li rabtuna bihom

U narmu l-ħbula tagħhom!”

 4 Il-Wieħed li qiegħed bilqiegħda fuq it-tron fis-sema se jidħaq bihom;

Ġeħova se jiħodhom biċ-ċajt.

 5 Dak iż-żmien hu se jkellimhom b’rabja

U jwerwirhom bir-rabja kbira tiegħu

 6 Billi jgħidilhom: “Jien stess inkarigajt ir-re tiegħi

Fuq Sijon, il-muntanja qaddisa tiegħi.”

Hu qalli: “Int ibni;

Illum jien sirt missierek.

 8 Itlobni, u jien nagħtik il-popli bħala wirt,

U nagħtik id-dinja kollha.

 9 Meta tmexxi, int se teqridhom*

U tfarrakhom bħal vażun tal-fuħħar.”

10 Għalhekk kunu għaqlin,* rejiet;

Imħallfin tal-art, aċċettaw li tiġu kkoreġuti.

11 Aqdu lil Ġeħova b’rispett kbir*

U ifirħu hekk kif tirrispettawh.

12 Onoraw* lill-iben, inkella Alla* jirrabja ħafna

U intom tisparixxu,*

Għax hu jirrabja malajr.

 4 Jien se ngħajjat lil Ġeħova għall-għajnuna,

U hu jwiġibni mill-muntanja qaddisa tiegħu. (Sela)

 5 Jien nimtedd u norqod;

Inqum u nħossni fis-sigurtà,

Għax Ġeħova jkompli jappoġġani.

 6 Jien ma nibżax mill-għaxriet t’eluf

Li ġejjin kontrija minn kull naħa.

Agħtihom daqqa ġo ħalqhom lill-għedewwa kollha tiegħi;

Kisser snien il-ħżiena.

 3 Kunu afu li Ġeħova jittrattah b’mod speċjali lil-leali tiegħu;*

Ġeħova se jismagħni meta ngħajjatlu.

 5 Kull sagrifiċċju li toffru lil Alla, offruh b’intenzjoni tajba,

U afdaw f’Ġeħova.

 7 Int tferraħli qalbi

Iktar minn dawk li għandhom ammont kbir taʼ ċereali* u nbid ġdid.

 8 Jien se nimtedd u norqod b’moħħi mistrieħ,

Għax int biss tagħtini protezzjoni, Ġeħova.

5 Ismaʼ kliemi, Ġeħova;

Agħti kas id-dwejjaq tiegħi.

 2 Re u Alla tiegħi, ismagħni meta ngħajjatlek għall-għajnuna,

Għax jien lilek nitlob.

 3 Ġeħova, jien naf li tismaʼ t-talba tiegħi filgħodu;

Filgħodu se niftaħ qalbi miegħek u mbagħad nistenniek tweġibni.

 4 Għax int m’intix Alla li tieħu pjaċir bil-ħażen;

Ħadd li hu ħażin ma jistaʼ jkun il-mistieden tiegħek.

Int tobgħod lil kull min jaġixxi ħażin;

 6 Int se teqred lil dawk li jigdbu.

 7 Imma jien se nidħol fid-dar tiegħek grazzi għall-imħabba u l-lealtà* kbira tiegħek,

Jien se mmil lejn it-tempju* qaddis tiegħek biex nurik rispett kbir.

Mexxini għax jien imdawwar bl-għedewwa;

Għinni nimxi fi triqtek mingħajr ma nitfixkel.

 9 Ma nistaʼ nafda xejn milli jgħidu;

Moħħhom biss biex jagħmlu l-ħsara.

Ħalqhom hu bħal qabar miftuħ;

Huma jfaħħru biex jingħoġbu.*

10 Imma int, Alla, se tikkundannahom;

Il-pjanijiet tagħhom stess se jwassluhom għall-qerda.

Jekk jogħġbok, keċċihom ’l hemm minħabba l-ħafna dnubiet li għamlu,

Għax huma rribellaw kontrik.

11 Imma dawk kollha li jduru lejk għall-protezzjoni se jkunu ferħanin;

Huma dejjem se jkantaw bil-ferħ.

Int mhux se tħalli l-ħżiena jersqu lejhom,

U dawk li jħobbu lil ismek se jifirħu.

12 Għax int, Ġeħova, se tbierek lin-nies sewwa;

L-approvazzjoni tiegħek se tkun bħal tarka kbira li tipproteġihom.

6 Ġeħova, twiddibnix meta tkun irrabjat,

U tikkoreġinix fir-rabja tiegħek.

 3 Jien inħossni* veru mifxul;

Kemm se ddum, Ġeħova?

 4 Ejja u eħlisni,* Ġeħova;

Salvani għax int tħobbni.*

 5 Għax il-mejtin ma jsemmukx;*

Min jistaʼ jfaħħrek fil-Qabar?*

 6 Għejejt tant kemm qed nibki;

Is-sodda tiġi għasra bil-biki li nibki l-lejl kollu;

Is-saqqu mlejtu bid-dmugħ.

 7 Jien għandi stress kbir minħabba t-tbatija li għaddej minnha,

Il-vista tiegħi marret lura* minħabba dawk li jittrattawni ħażin.

 8 Itilqu ’l hemm, intom li tagħmlu l-ħażen,

Għax Ġeħova se jismagħni nibki.

 9 Ġeħova se jismagħni meta nitolbu bil-ħniena;

Ġeħova se jaċċetta t-talba tiegħi.

10 L-għedewwa kollha tiegħi se jkollhom jistħu u jaqtgħu qalbhom;

F’daqqa waħda se jaħarbu umiljati.

 2 Inkella jqattgħuni* biċċiet bħalma jagħmel iljun,

Ikaxkruni u ma jkun hemm ħadd li jeħlisni.

 3 Ġeħova Alla tiegħi, jekk għandi tort,

Jekk aġixxejt b’mod inġust,

 4 Jekk pattejt bil-ħażin lil min għenni,

Jew jekk sraqt lill-għadu tiegħi għalxejn b’xejn,*

 5 Ħalli lill-għadu tiegħi jiġri warajja u jilħaqni;*

Ħallih jgħaffiġni mal-art sakemm joqtolni,

U nitħalla umiljat fit-trab. (Sela)

 6 Jekk jogħġbok Ġeħova, aġixxi u uri r-rabja tiegħek;

Ħudha kontra l-għedewwa tiegħi li huma rrabjati ħafna,

Għinni u ara li ssir ġustizzja.

 7 Ħa jinġabru madwarek il-popli,

U int taġixxi kontrihom mill-għoli.

 9 Jekk jogħġbok, waqqaf l-affarijiet ħżiena li qed jagħmlu dawk mill-agħar,

Imma ddefendi lit-tajbin,

Għax int l-Alla l-ġust li jeżamina x’hemm fil-qalb u s-sentimenti.*

11 Alla hu Mħallef ġust

U jikkundanna lill-ħżiena kuljum.

12 Jekk xi ħadd ikompli jagħmel il-ħażin, Alla se jsinn ix-xabla tiegħu;

Hu jilwi l-qaws tiegħu u jlestih biex jispara.

13 Hu jaqbad l-armi qerrieda tiegħu;

Iqabbad il-vleġeġ tiegħu bin-nar.

14 Hemm wieħed li qed jippjana affarijiet taʼ ħsara;

Hu jara kif ħa jaqlaʼ l-problemi u jigdeb.

15 Hu jħaffer ħofra fonda;

Imma jaqaʼ fiha hu stess.

16 Il-problemi li jaqlaʼ jiġu fuqu stess;

Il-vjolenza tiegħu se tkun taʼ ħsara għalih stess.

17 Se nfaħħar lil Ġeħova għall-ġustizzja tiegħu;

Se nfaħħar bil-kant* isem Ġeħova l-Iktar Għoli.

8 Mulej tagħna Ġeħova, ismek hu kbir mad-dinja kollha;

Il-glorja tiegħek hi iktar għolja mis-sema!*

 2 Minħabba l-għedewwa tiegħek, int urejt is-saħħa li għandek

Permezz tat-tifħir mingħand it-tfal u t-trabi.

 3 Meta nara s-sema tiegħek li int ħlaqt,*

Il-qamar u l-istilel li int għamilt,

 4 Jien naħseb: ‘X’inhu l-bniedem biex int tiftakar fih,

U bin il-bniedem biex tieħu ħsiebu?’

 5 Int għamiltu ftit inqas mill-anġli,*

U żejjintu bil-glorja u s-sbuħija.

 6 Int tajtu awtorità fuq dak li ħlaqt;

U poġġejt kollox taħt il-kontroll tiegħu:

 7 In-nagħaġ, il-mogħoż, il-baqar kollha,

L-annimali slavaġ,

 8 L-għasafar, il-ħut,

U kulma jgħix fil-baħar.

9 Ġeħova, jien se nfaħħrek b’qalbi kollha;

Se nitkellem dwar l-affarijiet tal-għaġeb li għamilt.

 2 Se nifraħ u naqbeż bil-ferħ minħabba dak li int għamilt;

Se nfaħħar bil-kant lil* ismek l-Iktar Għoli.

 3 Meta l-għedewwa tiegħi jaħarbu,

Int se tfixkilhom u teqridhom.

 4 Għax int se tiddefendi l-kawża ġusta tiegħi;

Int tiġġudika bil-ġustizzja mit-tron tiegħek.

 6 L-għedewwa u l-bliet tagħhom inqerdu għal dejjem,

U huma se jiġu minsijin għalkollox.

 7 Imma Ġeħova se jibqaʼ fuq it-tron għal dejjem,

Hu se jibqaʼ jmexxi u dejjem se jiġġudika b’mod ġust.

 8 Hu se jiġġudika lin-nies tad-dinja kollha* bil-ġustizzja;

Hu se jiġġudikahom skont dak li hu ġust.

 9 Ġeħova se jsir post taʼ protezzjoni* għal min hu ttrattat ħażin,

Post taʼ protezzjoni fi żminijiet diffiċli.

10 Dawk li jafu lil ismek se jafdaw fik,

Int qatt mhu se titlaq lil dawk li jfittxuk, Ġeħova.

11 Faħħru bil-kant lil Ġeħova, li jgħix f’Sijon;

Tkellmu man-nies dwar dak li għamel.

12 Alla se jiftakar f’dawk li qed ibatu u se jikkastiga lil dawk li qatluhom;

Hu qatt mhu se jinsa l-għajta tagħhom għall-għajnuna.

14 B’hekk inkun nistaʼ nitkellem fil-bibien tal-belt taʼ* Sijon dwar l-affarijiet li għamilt int u li huma taʼ min ifaħħarhom,

U nifraħ għax issalvani.

15 Il-popli waqgħu fil-ħofra li għamlu huma;

Sieqhom inqabdet fix-xibka li ħbew.

17 Il-ħżiena se jmorru lejn il-Qabar,*

Il-popli kollha li jinsew lil Alla se jmorru hemm.

20 Ġegħelhom jibżgħu, Ġeħova,

Ħalli jkunu jafu li huma sempliċi bnedmin. (Sela)

 2 Il-ħażin bi kburija se jiġri wara l-batut,

Imma hu stess se jinqabad f’wieħed mill-pjanijiet mill-agħar tiegħu.

 3 Għax il-ħażin jiftaħar bix-xewqat egoistiċi tiegħu

U jbierek lil min hu rgħib;*

נ [Nun]

 4 Minħabba l-kburija, il-ħażin ma jfittixx lil Alla;

Hu ċert li m’hemmx Alla.

 5 Hu jirnexxi f’dak li jagħmel

U qatt ma jistaʼ jifhem il-liġijiet tiegħek;

Hu jwaqqaʼ għaċ-ċajt l-għedewwa kollha tiegħu.

 6 Hu jgħid bejnu u bejn ruħu: “Qatt mhu se jiġrili xejn;*

Jien qatt mhu* se jkolli problemi.”

 7 Minn ħalqu joħorġu biss saħtiet, gideb, u theddid;

Hu juża lsienu biex jaqlaʼ l-problemi u l-inkwiet.

 8 Hu jistaħba biex jattakka ħdejn l-irħula;

Minn hemm joqtol lil xi ħadd innoċenti.

10 Il-vittma tiġi megħluba u ma tkun tistaʼ tagħmel xejn;

Id-dgħajfin jaqgħu taħt idejh.*

Il-vittma lilek tfittex;

Int tgħin lill-orfni.*

Ħalli meta tfittex il-ħażen tiegħu,

Ma ssibux iktar.

18 Se tara li ssir ġustizzja mal-orfni* u maʼ dawk li jiġu ttrattati ħażin,

Ħalli ma jibqgħux jibżgħu minn sempliċi bniedem.

 2 Ara kif il-ħżiena jilwu l-qaws;

Huma jpoġġu l-vleġġa mal-qaws

Biex jisparaw lill-onesti minn post mudlam.

 5 Ġeħova jinnota kemm lit-tajjeb u kemm lill-ħażin;

Hu* jobgħod lil kull min iħobb il-vjolenza.

 6 Hu se jpoġġi n-nases* għall-ħżiena;

Se jibagħtilhom xita taʼ nar u kubrit,*

U se jikkastigahom b’riħ jaħraq.

12 Salvani Ġeħova, għax ma baqaʼ ħadd li hu leali;

Dawk li huma ta’ min jafdahom sparixxew minn fost in-nies.

 2 In-nies jigdbu lil xulxin;

Bi kliemhom huma jfaħħru żżejjed lil oħrajn u jqarrqu bihom.*

 3 Ġeħova se jagħlaq ħalq dawk li jfaħħru lil oħrajn biex jingħoġbu,

Hu se jaqtaʼ lsien dawk li jħobbu jiftaħru

 4 U li jgħidu: “Bi kliemna se nieħdu dak li rridu.

 5 Ġeħova jgħid: “Peress li l-batuti huma maħqurin,

Peress li l-foqra qed jibku,

Jien se naġixxi u nsalvahom minn dawk li jmaqdruhom.”*

 6 Dak li jgħid Ġeħova hu perfett;

Kliemu hu bħal fidda rfinuta ġo forn tal-fuħħar,* li ġiet imnaddfa sebaʼ darbiet.

 7 Ġeħova, int se tipproteġi lil kull wieħed minnhom;

Se tipproteġihom minn dawn in-nies ħżiena.*

 8 Il-ħżiena jmorru fejn iridu,

Għax in-nies jinkuraġġixxu l-korruzzjoni.

 2 Kemm se ndum* ansjuż

U b’qalbi sewda kuljum?

 5 Min-naħa tiegħi se nafda fl-imħabba u l-lealtà* tiegħek;

Qalbi se tifraħ meta ssalvani.

 2 Imma Ġeħova jħares mis-sema lejn il-bnedmin

Biex jara jekk hemmx xi ħadd li hu għaqli,

U jekk hemmx xi ħadd li qed ifittex lil Ġeħova.

 3 Ħadd ma baqaʼ jagħmel dak li hu sew;

Kollha huma korrotti.

Ħadd mhu qed jagħmel it-tajjeb,

Lanqas wieħed li hu wieħed.

 5 Imma huma se jitwerwru,

Għax Ġeħova qiegħed man-naħa tat-tajbin.*

 6 Intom il-ħżiena tipprovaw tħarbtu l-pjanijiet tal-batuti,

Imma Ġeħova hu l-post taʼ protezzjoni tagħhom.

Jalla Ġakobb u Iżrael jifirħu

Meta Ġeħova jiġbor lura n-nies tiegħu li huma lsiera.

 2 Dak li hu bla ħtija,*

Li jagħmel dak li hu tajjeb,

U jgħid il-verità f’qalbu.

 3 Hu ma jimmalafamax,

Ma jagħmilx ħsara lil ħaddieħor,

U ma jaqlax qlajjaʼ fuq sħabu.*

 4 Hu ma jagħmilhiex maʼ min hu kattiv,

Imma jonora lil dawk li jirrispettaw ħafna lil* Ġeħova.

 5 Hu ma jsellifx flus bl-imgħax

U ma jaċċettax tixħim kontra l-innoċenti.

 3 Jien vera nieħu pjaċir bil-qaddisin fuq l-art

Li jistħoqqilhom ikunu onorati.”

Jien qatt mhu se nagħmel offerti tax-xorb li fihom id-demm lil allat oħrajn,

U lanqas biss se nsemmi isimhom.*

Li nkun miegħek iferraħni ħafna;

Li nkun fuq il-lemin tiegħek iġibli ferħ kbir għal dejjem.

17 Ġeħova, ismaʼ t-talba bil-ħniena tiegħi u ara li ssirli ġustizzja;

Agħti kas l-għajta tiegħi għall-għajnuna;

Ismaʼ t-talba sinċiera tiegħi.

 2 Jalla tieħu deċiżjoni ġusta għalija;

Jalla għajnejk stess jaraw dak li hu tajjeb.

 3 Int eżaminajtli qalbi anki billejl;

Int irfinajtni;

Se ssir taf li jien ma ppjanajt xejn ħażin

U li ma żbaljajtx b’dak li għedt.

 4 Ukoll, jien ma nimitax lill-ħallelin, bħalma jagħmel ħaddieħor,

Għax jien nismaʼ minnek.

 5 Jalla nibqaʼ nimxi kif tixtieqni int,

Li ma mmurx naqaʼ u ma nibqax nobdik.

 7 Lil dawk li qed ifittxu protezzjoni fuq il-lemin tiegħek,

Int se ssalvahom minn dawk li qed jirribellaw kontrik.

 8 Ipproteġini bħall-mimmi t’għajnejk;

Aħbini fid-dell taʼ ġwinħajk.

 9 Ipproteġini mill-ħżiena li jattakkawni,

Mill-għedewwa tiegħi li jduruni.

10 Huma m’għadhomx iħossu għal ħaddieħor;*

Huma jitkellmu b’arroganza.

11 Issa daru lili u lil dawk li kienu miegħi

U qed ifittxu opportunità biex jagħmlulna l-ħsara.*

12 Kull wieħed minnhom hu bħal iljun imlebleb biex iqattaʼ l-annimal li qabad,

Bħal iljun b’saħħtu li jitbaxxa biex jattakka.

13 Aġixxi Ġeħova; iffaċċjahom u irbħilhom;

Salvani* mill-ħżiena bix-xabla tiegħek;

14 Ġeħova, uża s-saħħa tiegħek biex teħlisni

Min-nies ħżiena taʼ din id-dinja,* li din il-ħajja biss għandhom.

Dawn kuntenti bl-affarijiet tajbin li int tipprovdi

U jħallu wirt lill-ħafna tfal tagħhom.

 3 Jien ngħajjat lil Ġeħova għall-għajnuna, il-wieħed li jistħoqqlu tifħir,

U se niġi salvat mill-għedewwa tiegħi.

 4 Il-ħbula tal-mewt daru miegħi;

Dulluvju taʼ nies li mhuma tajbin għal xejn werwruni.

 5 Il-ħbula tal-Qabar* daru miegħi;

Ġejt wiċċ imb wiċċ man-nases tal-mewt.

 6 Meta kont imdejjaq għajjatt lil Ġeħova,

Lill-Alla tiegħi bqajt ngħajjatlu għall-għajnuna.

Mit-tempju tiegħu semaʼ leħni,

U l-għajta tiegħi għall-għajnuna waslet f’widnejh.

 7 Imbagħad l-art bdiet tiċċaqlaq u titriegħed;

Il-muntanji theżżu u ċċaqalqu ’l quddiem u lura għax kien irrabjat.

 8 Telaʼ duħħan minn imnieħru,

U nar li jeqred ħareġ minn ħalqu;

Ġamar jaqbad ħareġ minnu.

 9 Hu baxxa s-sema hekk kif niżel,

U kien hemm dalma kbira taħt saqajh.

10 Hu ġie jtir riekeb fuq kerubin,

U niżel sparat fuq il-ġwienaħ t’anġlu.*

Madwaru kien hemm ilmijiet mudlama

U sħab oħxon bħala kenn.

12 Kien hemm dawl jixgħel quddiemu,

U mis-sħab niżel silġ u ġamar tan-nar.

13 Imbagħad Ġeħova beda jriegħed mis-sema;

Meta l-Iktar Għoli semmaʼ leħnu

Beda nieżel silġ u ġamar tan-nar.

14 Spara l-vleġeġ tiegħu u xerred l-għedewwa;

Faqqaʼ s-sajjetti, u tefagħhom f’konfużjoni.

15 Qiegħ l-ilmijiet* beda jidher;

Il-pedamenti tal-art inkixfu bit-theddida tiegħek

U bin-nifs qawwi minn imnieħrek, Ġeħova.

16 Tani jdejh mill-għoli;

Qabadni u tellagħni minn ilmijiet fondi.

17 Ħelisni mill-għadu b’saħħtu tiegħi,

Minn dawk li jobogħduni, li kienu iktar b’saħħithom minni.

18 Huma sfidawni f’jum l-inkwiet tiegħi,

Imma Ġeħova kien l-appoġġ tiegħi.

19 Hu ħadni f’post taʼ sigurtà;*

Ħelisni għax kien kuntent bija.

20 Ġeħova jippremjani għax aġixxejt b’ġustizzja;

Hu jippremjani skont l-innoċenza tiegħi.*

21 Għax jien nagħmel dak li trid int, Ġeħova,

Ma tlaqtx lill-Alla tiegħi, u allura m’aġixxejtx ħażin.

22 Il-ġudizzji kollha tiegħu qegħdin quddiemi;

M’iniex se ninjora l-liġijiet tiegħu.

23 Se nibqaʼ bla ħtija quddiemu,

U se nitbiegħed mill-iżball.

24 Jalla Ġeħova jippremjani għax aġixxejt b’ġustizzja,

Jippremjani skont l-innoċenza tiegħi quddiemu.

25 Maʼ xi ħadd leali, int taġixxi b’lealtà;

Maʼ min hu bla ħtija, timxi bla ħtija;

26 Maʼ min hu sinċier, int tkun sinċier,

Imma maʼ min iqarraq, int tuża l-għaqal.

27 Għax int issalva lill-umli;*

Imma lis-suppervi* se tbaxxihom.

28 Għax int tagħtini d-dawl,* Ġeħova;

Int l-Alla tiegħi li jdawwal id-dlam tiegħi.

29 Bl-għajnuna tiegħek nistaʼ niħodha kontra grupp taʼ ħallelin armati;

Bil-qawwa t’Alla nistaʼ nitlaʼ maʼ sur.

30 It-triq tal-Alla l-veru hi perfetta;

Dak li jgħid Ġeħova hu pur.*

32 L-Alla l-veru hu l-wieħed li jsaħħaħni,

Hu se jagħmel triqti perfetta.

33 Jagħmilli saqajja bħal taʼ ċerva;

Hu jqegħedni fuq postijiet għoljin.

34 Qed jittrennjani għall-gwerra;

Idejja jistgħu jgħawġu qaws tar-ram.

35 Int tagħtini t-tarka tiegħek taʼ salvazzjoni,

Idek il-leminija tappoġġani,

U l-umiltà tiegħek tigglorifikani.

36 Int twessaʼ l-passaġġ għal saqajja,

Sabiex ma naqax.

37 Jien se niġri wara l-għedewwa tiegħi u nilħaqhom;

Ma niġix lura qabel jinqerdu għalkollox.

38 Se ngħaffiġhom sabiex ma jqumux;

Se jaqgħu taħt saqajja.

39 Int se tagħtini s-saħħa għall-battalja;

Se tixħet taħti lill-għedewwa tiegħi.

40 Int se ġġiegħel lill-għedewwa tiegħi jaħarbu minni;*

U se neqred* lil dawk li jobogħduni.

41 Huma jgħajtu għall-għajnuna, imma m’hemmx min isalvahom;

Saħansitra jgħajtu lil Ġeħova, imma ma jwiġibhomx.

42 Jien se nitħanhom bħal trab fin li jtir mar-riħ;

Se narmihom bħal tajn fit-toroq.

44 Malli jisimgħu bija, jobduni;

Il-barranin se jiġu għandi b’rashom baxxuta.

45 Il-barranin se jaqtgħu qalbhom;

Huma joħorġu jitriegħdu mill-fortizzi tagħhom.

47 L-Alla l-veru jagħmel vendetta għalija;

Hu jagħtini l-popli f’idejja.

48 Hu jeħlisni mill-għedewwa rrabjati tiegħi;

Int terfagħni fl-għoli ħalli dawk li jattakkawni ma jilħqunix;

Issalvani mir-raġel vjolenti.

49 Huwa għalhekk li se nigglorifikak fost il-popli, Ġeħova,

U lil ismek infaħħru bil-kant.*

50 Hu qed jeħles lir-re b’modi tal-għaġeb;*

Juri mħabba u lealtà* mal-magħżul* tiegħu,

Maʼ David u dawk li se jiġu minnu għal dejjem.

19 Is-sema qed ixxandar il-glorja t’Alla

U titkellem dwar dak li għamel.

 2 Kuljum hi titkellem,

U kull lejl ixxandar l-għarfien dwaru.

 3 Hi ma tgħidx kelma;

Leħinha ma jinstemax.

 4 Imma hi tat xhieda* lill-art kollha,

U l-messaġġ tagħha wasal sa truf l-art.

Fis-sema hu rama tinda għax-xemx,

 5 Li qisha għarus ħiereġ mill-kamra tiegħu;

Hi tifraħ bħal raġel b’saħħtu li qed jiġri f’tellieqa.

 6 Hi toħroġ minn tarf wieħed tas-sema

U tagħmel dawra sħiħa sakemm tiġi fit-tarf l-ieħor;

U s-sħana tagħha tilħaq kullimkien.

It-tfakkiriet taʼ Ġeħova huma taʼ min jafdahom,

Lil min hu bla esperjenza jagħmluh għaref.

 8 Ir-regoli taʼ Ġeħova huma ġusti u jferrħu l-qalb;

Il-kmandamenti taʼ Ġeħova huma nodfa u jgħinu persuna tifhem.*

10 Dawn huma mixtiqin iktar mid-deheb, iktar mid-deheb fin,*

U iktar ħelwin mill-għasel, saħansitra iktar mill-għasel pur.

11 Permezz tagħhom, int tgħallem lill-qaddej tiegħek jevita dak li hu ħażin;

Jekk jobdihom se jiġi ppremjat bil-kbir.

13 Tħallinix inkun prużuntuż;

Tħallix il-prużunzjoni tikkontrollani.

B’hekk, inkun bla ħtija

U innoċenti minn dnubiet serji.*

14 Ġeħova, int il-Blata tiegħi u Dak li Jeħlisni,*

Jalla jogħġbok dak li ngħid u nimmedita fuqu.

 2 Jalla jgħinek mill-post qaddis,

U jsaħħek minn Sijon.

 3 Jalla jiftakar l-offerti kollha li għamilt;

Jalla jaċċetta b’approvazzjoni* l-offerta tal-ħruq. (Sela)

 4 Jalla jagħtik dak li tixtieq qalbek

U jgħinek tirnexxi f’dak kollu li tippjana.

 5 Aħna se ngħajtu bil-ferħ għax int issalvana;

Se ngħollu l-bnadar tagħna biex infaħħru isem l-Alla tagħna.

Hu jwieġbu mis-sema qaddisa tiegħu

Billi bil-qawwa kbira li għandu* jġib salvazzjoni.*

 7 Xi wħud jafdaw fil-karrijiet u oħrajn fiż-żwiemel,

Imma aħna nafdaw f’isem Ġeħova l-Alla tagħna.

 8 Huma tfixklu u waqgħu,

Imma aħna qomna u rġajna waqafna dritti.

21 Ġeħova, ir-re jifraħ bis-saħħa li għandek;

Hu ferħan ħafna għax int issalvah!

 2 Int tajtu dak li tixtieq qalbu,

U ma ċaħħadtux minn dak li talbek. (Sela)

 3 Għax int tbierku ħafna,

U tpoġġilu kuruna tad-deheb fin* fuq rasu.

 4 Hu talbek ħajja twila,

U int tajtu ħajja twila, saħansitra għal dejjem.

 6 Int tbierku għal dejjem;

Hu jħossu ferħan għax int miegħu.*

 7 Ir-re jafda f’Ġeħova,

Hu qatt mhu se jitfixkel,* għax l-Iktar Għoli jurih imħabba u lealtà.*

 8 Idek se taqbad lill-għedewwa kollha tiegħek;

Idek il-leminija se taqbad lil dawk li jobogħduk.

10 Lit-tfal* tagħhom se tneħħihom minn fuq l-art,

U lil dawk li jiġu minnhom se teqridhom għalkollox.

11 Għax huma kellhom il-ħsieb li jagħmlulek il-ħsara;

Il-pjanijiet ħżiena tagħhom mhux se jirnexxu.

12 Int se ġġegħelhom iduru lura u jaħarbu

Billi timmira l-qaws* tiegħek lejhom.*

Għala ma tiġix issalvani,

U ma tismagħnix nibki minħabba l-uġigħ?

 2 Alla tiegħi, jien nibqaʼ ngħajjatlek għall-għajnuna lejl u nhar,

U int ma twiġibnix.

 3 Imma int qaddis,

Imdawwar bit-tifħir* t’Iżrael.

 4 Missirijietna fdaw fik;

U peress li fdaw fik, int bqajt teħlishom.

 5 Huma għajtulek għall-għajnuna, u int salvajthom;

Fdaw fik, u ma kinux iddiżappuntati.*

 6 Imma jien spiċċajt imwaqqaʼ għaċ-ċajt u mmaqdar min-nies

Bħallikieku jien xi dudu, u mhux bniedem.

 7 Dawk kollha li jarawni jwaqqgħuni għaċ-ċajt;

Huma jiddieħqu bija, ixenglu rashom, u jgħidu:

 9 Int kont il-Wieħed li ħriġtni minn żaqq ommi,

Il-Wieħed li għentni nħossni protett f’idejn ommi.

10 Int ħadt ħsiebi minn mindu twilidt;

Ilek l-Alla tiegħi mindu kont f’żaqq ommi.

11 Toqgħodx ’il bogħod minni,

Għax ġej l-inkwiet u m’għandi lil ħadd ħliefek biex jgħinni.

12 Daruni ħafna għedewwa biex jattakkawni;

Qishom barrin b’saħħithom tal-art tal-Basan.

13 Huma jiftħu ħalqhom beraħ għalija,

Bħal iljun jgħajjat li jqattaʼ biċċiet il-priża tiegħu.

14 Ma baqagħlix saħħa, qisni ilma li ġie mferraʼ,

L-għadam kollu tiegħi nqalaʼ minn mal-ġogi.

Qalbi saret bħax-xemaʼ

U qed iddub ġo fija.

15 Saħħti nixfet bħal biċċa fuħħar;

Ilsieni jeħel mas-saqaf taʼ ħalqi;

Int ħadtni fil-ħofra biex immut.

16 L-għedewwa tiegħi daruni bħall-klieb;

Grupp taʼ nies ħżiena rassewni.

18 Huma qassmu ħwejġi bejniethom

U tellgħuhom bix-xorti.

20 Salvani* mix-xabla,

Eħlisli l-ħajja prezzjuża tiegħi* mill-klieb li qed jattakkawni;

21 Salvani minn ħalq l-iljun u mill-qrun tal-barrin slavaġ;

Wiġibni u salvani.

22 Se nxandar ismek lil ħuti;

Se nfaħħrek f’nofs il-kongregazzjoni.

24 Għax hu la għalaq għajnejh u lanqas injora l-uġigħ taʼ dak li qed ibati;

Hu ma ħebiex wiċċu minnu.

25 Jien se nfaħħrek fil-kongregazzjoni l-kbira;

Se nagħmel dak li wegħedt quddiem dawk li jirrispettawk ħafna.*

26 L-umli se jieklu u jixbgħu;

Dawk li qed ifittxu lil Ġeħova se jfaħħruh.

28 Għax Ġeħova hu r-Re;

Hu jmexxi fuq il-popli kollha.

29 Is-sinjuri* kollha tal-art se jieklu u jmilu quddiemu;

Dawk kollha li sejrin lejn it-trab se jinżlu għarkopptejhom quddiemu;

Ħadd minnhom ma jistaʼ jżomm lilu nnifsu ħaj.*

30 Dawk li se jiġu minnhom se jaqdu lilu;

Il-ġenerazzjoni taʼ warajhom se tismaʼ dwar Ġeħova.

 4 Għalkemm nimxi fil-wied li hu mudlam ħafna,

Ma nibżax li nweġġaʼ,

Għax int miegħi;

Il-bastun u l-ħatar tiegħek jgħinuni nħossni protett.*

Tidlikli rasi biż-żejt, u jien nieħu r-ruħ;

Int timla sew it-tazza tiegħi.*

 6 Kemm indum ħaj, jien se nesperjenza l-qalb tajba u l-imħabba* tiegħek,

U se ngħix fid-dar taʼ Ġeħova għal ħajti kollha.

24 Id-dinja u kulma hemm fiha huma taʼ Ġeħova,

L-art u kull min jgħix fiha huma tiegħu.

 2 Hu poġġieha fis-sod fl-ibħra

U bnieha fix-xmajjar.

 3 Min jistaʼ jitlaʼ fuq il-muntanja taʼ Ġeħova,

U min jistaʼ jkun fil-post qaddis tiegħu?

 4 Alla jgħid: “Kull min hu innoċenti u sinċier,

Min ma ħalifx b’mod falz Bija,*

U li ma ħalifx biex iqarraq b’xi ħadd.”

 5 Hu jiġi mbierek minn Ġeħova

U jiġi kkunsidrat ġust mill-Alla li jsalvah.

 6 Din hi l-ġenerazzjoni taʼ dawk li jfittxu lilek,

Taʼ dawk li jfittxu l-approvazzjoni tiegħek,* l-Alla taʼ Ġakobb. (Sela)

 7 Iftħu l-bibien ħalli jidħol ir-Re glorjuż,

Iftħu l-bibien antiki tal-belt!

Hu Ġeħova, li hu b’saħħtu ħafna,

Ġeħova, li ħadd ma jibda miegħu fil-gwerer.

 9 Iftħu l-bibien ħalli jidħol ir-Re glorjuż,

Iftħu l-bibien antiki tal-belt!

 2 Alla tiegħi, jien fik nafda;

Tħallinix niġi umiljat.

 4 Ġeħova, għinni nifhem x’jogħġbok;

Għallimni kif għandi ngħix.

 5 Għinni nimxi fit-triq it-tajba tiegħek u għallimni,

Għax int l-Alla li ssalvani.

 6 Ġeħova, ftakar li int Alla li turi ħniena

U li dejjem urejt imħabba u lealtà* mal-poplu tiegħek.

 9 Hu se jiggwida lill-umli biex jagħmlu dak li hu tajjeb,*

U jgħallimhom dwar triqtu.

10 Meta n-nies jagħmlu dak li Alla jgħidilhom u jżommu l-patt tiegħu,

Ġeħova dejjem se jurihom imħabba u lealtà.

12 Jekk bniedem jirrispetta ħafna lil* Ġeħova,

Alla se jgħallmu dwar it-triq li għandu jagħżel.

13 Hu* se jesperjenza affarijiet tajbin,

U dawk li se jiġu minnu se jgħixu fuq l-art kollha.

14 Dawk li jirrispettaw ħafna lil* Ġeħova se jkollhom ħbiberija mill-qrib miegħu,

U hu jgħallimhom dwar il-patt tiegħu.

15 Jien dejjem nistrieħ fuq Ġeħova għall-għajnuna,

Għax hu jeħlisli saqajja mix-xibka.

16 Jekk jogħġbok, agħti kasi u ħenn għalija,

Għax jien waħdi u ma nistaʼ nagħmel xejn.

17 Id-dwejjaq taʼ qalbi żdiedu ħafna;

Eħlisni mill-uġigħ kbir li għandi.

18 Ara t-tbatija u l-inkwiet li għandi,

U aħfer id-dnubiet kollha tiegħi.

19 Ara kemm għandi għedewwa

U kemm jobogħduni.

21 Jalla niġi protett,

Għax jien leali u nagħmel dak li hu tajjeb.

26 Iġġudikani, Ġeħova, għax jien għext b’lealtà,*

Jien bqajt dejjem nafda fik, Ġeħova.

 2 Innotani sew, Ġeħova, u ara kif jien verament;

Irfinali ħsibijieti* u qalbi.

 3 Għax jien dejjem nimmedita fuq l-imħabba u l-lealtà* tiegħek,

U nimxi fit-triq it-tajba.

 4 Jien ma nagħmilhiex* maʼ nies qarrieqa;

U nevita lil dawk li jaħbu min huma.*

 5 Jien nobgħod noqgħod maʼ nies ħżiena,

U ma nagħmilhiex* maʼ dawk li huma mill-agħar.

 6 Ġeħova, se naħsel idejja biex nuri li jien innoċenti,

U se nimxi madwar l-artal tiegħek

 7 Biex nirringrazzjak b’leħen għoli,

U biex inxandar l-affarijiet tal-għaġeb li int għamilt.

 8 Ġeħova, id-dar fejn tgħix int, fejn hemm il-glorja tiegħek,

Hi prezzjuża għalija.

 9 Teqridnix* mal-midinbin,

U toqtolnix flimkien maʼ nies vjolenti,*

10 Li jagħmlu affarijiet taʼ mistħija,

U li jħobbu jaċċettaw it-tixħim.*

12 Jien qiegħed wieqaf f’post sod;

Ġeħova, jien se nfaħħrek fil-kongregazzjoni l-kbira.*

 2 Meta nies ħżiena, li huma għedewwa tiegħi, attakkawni biex jeqirduni,

Huma tfixklu u waqgħu.

 3 Anki jekk armata tikkampja biex tattakkani,

M’iniex se nibżaʼ.

Anki jekk tqum gwerra kontrija,

Se nibqaʼ nafda f’Alla.

 4 Ħaġa waħda tlabtu lil Ġeħova,

Din hi x-xewqa tiegħi:

Li ngħix fid-dar taʼ Ġeħova tul ħajti kollha,

Biex nara s-sbuħija taʼ Ġeħova

U biex inħares lejn it-tempju* tiegħu u napprezzah.*

 5 Għax f’jum it-tbatija hu se jaħbini fil-post taʼ kenn tiegħu;

Hu se jaħbini fil-post sigriet tat-tinda tiegħu;

Hu jqegħedni fuq blata fl-għoli.

 6 Issa qed nirbaħ lill-għedewwa tiegħi li jduruni;

Jien se noffri sagrifiċċji fit-tinda tiegħu u ngħajjat bil-ferħ;

Se nfaħħar bil-kant lil* Ġeħova.

 7 Ġeħova, ismagħni meta ngħajjatlek għall-għajnuna;

Ħenn għalija u wiġibni.

Int il-wieħed li tgħinni;

Alla tiegħi li ssalvani, tabbandunanix u titlaqnix.

10 Anki jekk missieri u ommi jabbandunawni,

Ġeħova se jilqagħni għandu.

11 Ġeħova, għallimni dwar it-triq tiegħek,

Iggwidani fit-triq it-tajba għax jien imdawwar bl-għedewwa.

12 Tagħtinix f’idejn l-għedewwa tiegħi,

Għax hemm min qed jagħti xhieda falza kontrija,

U huma jhedduni bi vjolenza.

13 Min jaf x’kien jiġri minni kieku ma kellix fidi*

Li se nesperjenza l-qalb tajba taʼ Ġeħova kemm indum ħaj!

14 Ittama f’Ġeħova;

Kun kuraġġuż u sod.

28 Ġeħova, int il-Blata tiegħi, lilek nibqaʼ ngħajjat għall-għajnuna;

Jekk jogħġbok tinjoranix.

Jekk tibqaʼ ma twiġibnix

Jien se nsir bħal dawk li neżlin fil-ħofra.*

 2 Ismagħni meta ngħajjatlek bil-ħniena għall-għajnuna,

Meta ngħolli jdejja lejn il-kamra taʼ ġewwa nett tas-santwarju tiegħek.

 4 Ikkastigahom għal dak li jagħmlu,

Skont il-prattiki ħżiena tagħhom.

Iġġudikahom għal dak li jagħmlu b’idejhom,

Skont kif aġixxew.

 5 Għax huma ma jagħtux kas dak li jagħmel Ġeħova,

U lanqas xogħol idejh.

 6 Ħa jiġi mfaħħar Ġeħova,

Għax hu semagħni meta tlabtu bil-ħniena biex jgħinni.

 7 Ġeħova hu s-saħħa u t-tarka tiegħi;

Jien nafdah b’qalbi kollha.

 8 Ġeħova jsaħħaħ lill-poplu tiegħu,

Hu bħal fortizza u jsalva lill-magħżul* tiegħu.

 3 Leħen Ġeħova jinstemaʼ minn fuq l-ilmijiet;

Il-leħen glorjuż t’Alla jinstemaʼ bħar-ragħad.

 4 Leħen Ġeħova hu qawwi;

Leħen Ġeħova hu impressjonanti.

 5 Leħen Ġeħova qed ikisser is-siġar taċ-ċedri;

Iva, Ġeħova jkisser is-siġar taċ-ċedri tal-Libanu.

 6 Alla jġiegħel il-muntanji tal-Libanu jaqbżu bħal għoġol,

U l-Muntanja Sirjon bħal barri żgħir salvaġġ.

 7 Leħen Ġeħova joħroġ bi fjammi tan-nar;

 8 Leħen Ġeħova jriegħed id-deżert;

Ġeħova jriegħed id-deżert taʼ Kades.

 9 Leħen Ġeħova jġiegħel liċ-ċriev jirtogħdu u jwelldu,

U jwaqqaʼ l-weraq tas-siġar tal-foresti.*

10 It-tron taʼ Ġeħova hu fuq ħafna ilmijiet;*

Ġeħova hu Re u jmexxi għal dejjem.

30 Jien se nfaħħrek Ġeħova, għax int salvajtni;*

Int ma ħallejtx l-għedewwa tiegħi jifirħu minħabba t-telfa tiegħi.

 4 Faħħru bil-kant lil* Ġeħova, intom il-leali tiegħu,

Faħħru lil ismu l-qaddis;*

 5 Għax hu ma jdumx irrabjat maʼ xi ħadd,

Imma l-approvazzjoni t’Alla tibqaʼ għal ħajtu kollha.

 8 Ġeħova, lilek komplejt ngħajjat għall-għajnuna;

U lilek, Ġeħova, komplejt nitlob biex turini ħniena.

11 Int bdilt id-dwejjaq tiegħi fi żfin;

Int neħħejtli l-ħwejjeġ tal-ixkora, u għamiltni ferħan.*

Sir muntanja taʼ refuġju għalija,

Post iffortifikat biex issalvani.

 3 Għax int il-blata u l-fortizza tiegħi;

Minħabba ismek, int se tmexxini u tiggwidani.

 4 Int se teħlisni mix-xibka li ħbew biex jaqbduni,

Għax int il-fortizza tiegħi.

 6 Jien nobgħodhom lil dawk li jqimu lill-idoli li ma jiswew għal xejn,

Imma jien nafda f’Ġeħova.

 7 Jien ferħan ħafna għax int turini mħabba u lealtà,*

Għax int rajt it-tbatija tiegħi;

Int konxju tad-dwejjaq kbar li għandi.*

 8 Int ma tajtnix f’idejn l-għadu,

Imma poġġejtni f’post taʼ protezzjoni.*

10 Ħajti mimlija inkwiet u biki,

Saħħti marret lura minħabba l-iżball tiegħi;

Għadmi ddgħajjef.

11 L-għedewwa kollha tiegħi jmaqdruni,

Speċjalment il-ġirien tiegħi.

12 Jien minsi għalkollox, qisni wieħed mejjet;

Inħossni ma niswa għal xejn bħal ġarra mkissra;

13 Smajt ħafna qlajjaʼ koroh dwari;

Jien imbeżżaʼ għax qed jhedduni minn kull naħa.

Meta jinġabru flimkien kontrija,

Jippjanaw biex joqtluni.

14 Imma jien nafda fik, Ġeħova,

U ngħid li int l-Alla tiegħi.

Jalla jiġu umiljati l-ħżiena;

Jalla jinżlu fil-Qabar* u jagħlqu ħalqhom.

18 Jalla jimmutaw dawk li jigdbu,

Dawk li jitkellmu b’arroganza kontra l-ġust u jmaqdruh.

Int lestejt ħafna affarijiet tajbin għal dawk li jirrispettawk ħafna,*

U wrejt qalb tajba quddiem kulħadd maʼ dawk li jduru lejk għall-protezzjoni.

20 Int se taħbihom fil-post sigriet tiegħek stess,

’Il bogħod minn dawk li qed jippjanaw kontrihom.

Int se taħbihom fil-post taʼ kenn tiegħek,

’Il bogħod minn dawk li jattakkawhom bi ħdura.

21 Jalla jiġi mfaħħar Ġeħova,

Għax meta kont f’belt assedjata mill-għedewwa,

Hu wrieni mħabba u lealtà b’mod tal-għaġeb.

Ġeħova jipproteġi lil dawk li juru lealtà,

Imma hu jikkastiga bl-aħrax lil kull min hu kburi.

24 Intom li qed tistennew lil Ġeħova biex jaġixxi,

Kunu kuraġġużi u sodi.

32 Ferħan ikun dak li l-iżball tiegħu ġie maħfur,

Li d-dnub tiegħu ġie mħassar.*

 2 Ferħan ikun dak li Ġeħova ma jikkunsidrahx ħati,

Li m’hemmx qerq fih.*

 3 Meta m’għedt xejn dwar id-dnub tiegħi,

Għadmi ttiekel għax kont ansjuż il-ġurnata kollha.

 5 Fl-aħħar, ammettejt id-dnub tiegħi miegħek;

Ma ħbejtx l-iżball tiegħi.

 6 Għalhekk, kull min hu leali se jitlob lilek

Waqt li jkun għadu jistaʼ jersaq lejk.

 7 Int post fejn nistaʼ ninħeba;

Int tipproteġini mill-inkwiet.

10 Il-ħżiena se jbatu ħafna;

Imma min jafda f’Ġeħova jkun protett bl-imħabba u l-lealtà* tiegħu.

11 Ifirħu b’Ġeħova u kunu kuntenti, intom it-tajbin;

Għajtu bil-ferħ, intom taʼ qalb onesta.

 2 Irringrazzjaw lil Ġeħova bl-arpa;

Faħħruh bil-kant waqt li ddoqqu* strument b’għaxar kordi.

 3 Kantawlu għanja ġdida;

Doqqu l-istrumenti bis-sengħa waqt li tgħajtu bil-ferħ.

 4 Għax dak li jgħid Ġeħova hu veru,

U tistaʼ tafdah f’kulma jagħmel.

 6 Bil-kmand taʼ Ġeħova nħolqot is-sema,

U bin-nifs* tiegħu kulma hemm fiha.*

 7 Hu jagħlaq l-ilma tal-baħar bħallikieku b’ħitan;

Hu jpoġġi l-baħar imqalleb fl-imħażen.

 9 Għax hu tkellem, u kollox beda jeżisti;

Hu ta kmand, u hekk sar.

10 Ġeħova fixkel il-pjanijiet* tal-ġnus;

Hu ħassar dak li l-popli kienu beħsiebhom jagħmlu.

11 Imma d-deċiżjonijiet taʼ Ġeħova se jibqgħu għal dejjem;

L-intenzjonijiet tiegħu ma jinbidlux minn ġenerazzjoni għal oħra.

12 Ferħan hu l-ġens li l-Alla tiegħu hu Ġeħova,

Il-poplu li hu għażel biex ikun tiegħu.

13 Ġeħova jħares mis-sema

U jara lin-nies kollha.

14 Minn fejn jgħix,

Hu jinnota lin-nies tal-art.

15 Hu l-wieħed li jagħmel il-qalb taʼ kulħadd;

Hu jeżamina dak kollu li jagħmlu.

16 Imbilli re jkollu armata kbira ma jfissirx li se jsalva;

Imbilli raġel ikun b’saħħtu ma jfissirx li se jsalva bis-saħħa tiegħu.

17 Tafdax fiż-żiemel biex tirbaħ gwerra, għax tiġi mqarraq;

Is-saħħa kbira tiegħu mhix garanzija li se taħrab.

18 Għajnejn Ġeħova huma fuq dawk li jirrispettawh ħafna*

U li qed jistennewh jurihom imħabba u lealtà.*

19 Dan jagħmlu biex jeħlishom* mill-mewt,

U jżommhom ħajjin meta jkun hemm il-ġuħ.

21 Aħna nifirħu minħabba dak li jagħmel,

Għax nafdaw fl-isem qaddis tiegħu.

22 Ġeħova, jalla tibqaʼ turina mħabba u lealtà,

Waqt li aħna nibqgħu nistennew lilek biex taġixxi.

34 Jien se nfaħħar lil Ġeħova l-ħin kollu;

Mhux se nieqaf infaħħru.

 2 Jien* se niftaħar b’Ġeħova;

L-umli se jisimgħu b’dan u jifirħu.

 3 Agħtu glorja lil Ġeħova flimkien miegħi,

Ejja nfaħħru lil ismu flimkien.

 5 Ferħanin ikunu dawk li jafdaw fih,

Huma mhux se jkunu ddiżappuntati.

 7 L-anġlu taʼ Ġeħova jipproteġi lil dawk kollha li jirrispettaw ħafna lil* Alla,

U hu jeħlishom.

 8 Duqu u araw li Ġeħova hu tajjeb;

Ferħan ikun min idur lejh għall-protezzjoni.

 9 Intom il-qaddisin tiegħu, irrispettaw ħafna lil* Ġeħova,

Għax dawk li jirrispettawh ma jkun jonqoshom xejn.

10 Anki ljuni b’saħħithom ibatu l-ġuħ,

Imma dawk li jfittxu lil Ġeħova mhu se jonqoshom xejn.

11 Tfal tiegħi, ejjew u isimgħuni;

Jien se ngħallimkom x’jiġifieri li tirrispettaw ħafna lil* Ġeħova.

12 Jekk tixtiequ tgawdu l-ħajja,

U tgħixu ħajja twila ferħana,

נ [Nun]

13 Oqogħdu attenti li ma tgħidux* dak li hu ħażin,

U lanqas titkellmu* bil-qerq.

14 Tbiegħdu minn dak li hu ħażin u agħmlu t-tajjeb;

Fittxu l-paċi u aħdmu għaliha.

15 Ġeħova jżomm għajnejh fuq it-tajbin,

U hu jismagħhom meta jgħajtulu għall-għajnuna.

16 Imma Ġeħova jdawwar wiċċu minn dawk li qed jagħmlu l-ħażen,

Biex iħassar kull tifkira tagħhom minn fuq l-art.

17 It-tajbin għajtu lil Ġeħova għall-għajnuna, u hu semagħhom;

Hu ħelishom mit-tbatija kollha tagħhom.

18 Ġeħova hu qrib dawk li għandhom qalbhom maqsuma;

Hu jsalva lil dawk li huma mdejqin.*

19 It-tajjeb ikollu ħafna diffikultajiet,*

Imma Ġeħova jeħilsu minnhom kollha.

20 Hu jipproteġilu l-għadam kollu;

Lanqas waħda minnhom ma tinkiser.

21 Il-ħżiena se jiġi diżastru fuqhom u jmutu;

Dawk li jobogħdu lil min hu tajjeb se jiġu kkundannati.

22 Ġeħova qed isalva l-ħajja* tal-qaddejja tiegħu;

Kull min idur lejh għall-protezzjoni mhux se jiġi kkundannat.

35 Ġeħova, iddefendi l-każ tiegħi kontra dawk li jopponuni;

Iġġieled kontra dawk li qed jiġġieldu kontrija.

 2 Aqbad it-tarka ż-żgħira* u l-kbira,

Aġixxi u pproteġini.

 5 Jalla jsiru bħal qoxra taʼ żerriegħa fir-riħ;

Jalla l-anġlu taʼ Ġeħova jkeċċihom.

 6 Jalla minn fejn jgħaddu jkun mudlam u jiżloq,

Hekk kif l-anġlu taʼ Ġeħova jiġri warajhom.

 7 Għax għalxejn b’xejn ħbew xibka biex jaqbduni;

Għalxejn b’xejn ħaffru ħofra għalija.

 8 Jalla jiġi fuqhom diżastru għal għarrieda;

Jalla jinqabdu fix-xibka li ħbew għalija;

Jalla jaqgħu fiha u jinqerdu.

 9 Imma jien* se nifraħ minħabba dak li għamilt int, Ġeħova;

Jien se nkun kuntent peress li ssalvani.

Int issalva lill-batut minn dak li hu iktar b’saħħtu minnu;

Teħles lill-batut u l-fqir minn dawk li jisirquhom.”

11 Irġiel mill-agħar ġew u taw xhieda kontrija;

Akkużawni b’affarijiet li ma nafx bihom.

13 Imma meta kienu ma jifilħux, jien ilbist ħwejjeġ tal-ixkora

U umiljajt ruħi bis-sawm.

Meta t-talb tiegħi ma ġiex imwieġeb,

14 Jien kont imdejjaq bħal xi ħadd li mietlu sieħbu jew ħuh;

B’qalbi sewda jien inżilt mal-art bħal xi ħadd li qed jibki lil ommu.

15 Imma meta kelli l-inkwiet jien, huma ferħu u nġabru flimkien;

Huma nġabru flimkien u nħbew biex jattakkawni;

Ma qagħdux kwieti meta attakkawni.

16 Dawk li m’għandhomx rispett lejn Alla jwaqqgħuni għaċ-ċajt bi ħdura,*

Huma jheżżu snienhom għalija.

Salvani* mill-attakki tagħhom;

Eħles il-ħajja prezzjuża tiegħi* mill-iljuni b’saħħithom.

18 Imbagħad jien se nirringrazzjak fil-kongregazzjoni l-kbira;

Se nfaħħrek fost ħafna nies.

19 Tħallihomx jifirħu minħabba fija lil dawk li għalxejn b’xejn huma l-għedewwa tiegħi;

Tħallix lil dawk li jobogħduni għalxejn jiddieħqu bija.

20 Għax huma ma jitkellmux bil-paċi,

Imma jippjanaw bil-qerq kontra dawk li jgħixu fil-paċi.

21 Huma jiftħu ħalqhom beraħ biex jakkużawni,

Billi jgħidu: “Iva! Iva! Rajniek tagħmel dan.”

23 Jekk jogħġbok, agħti kasi u ddefendini,

Ġeħova Alla tiegħi, iddefendi l-każ tiegħi.

24 Ġeħova Alla tiegħi, iġġudikani skont il-livelli ġusti tiegħek;

Tħallix lill-għedewwa jifirħu minħabba t-tbatija tiegħi.

26 Jalla dawk li jifirħu minħabba l-inkwiet tiegħi

Jiġu ddiżonorati u mġegħlin jistħu.

27 Imma ħa jgħajtu bil-ferħ dawk li jixtiequ li niġi ddikjarat ġust;

Jalla jibqgħu jgħidu:

28 Imbagħad jien se nitkellem* dwar il-ġustizzja tiegħek,

U nfaħħrek il-ġurnata kollha.

36 Il-bniedem ħażin iħalli qalbu tiġi ggwidata mid-dnub;

Hu ma jibżax minn Alla.

 2 Għax hu jiġi mqarraq bil-ħsibijiet tiegħu stess,

Tant li la jinduna bl-iżball tiegħu u lanqas jobogħdu.

 3 Kliemu jweġġaʼ u jqarraq;

Hu m’għadx għandu għaqal biex jagħmel dak li hu tajjeb.

Hu jaqbad triq li mhix tajba;

Ma jwarrabx dak li hu ħażin.

 5 Ġeħova, l-imħabba* tiegħek tasal sas-sema,

Il-lealtà tiegħek sas-sħab.

 6 Il-ġustizzja tiegħek hi bħall-muntanji li għamilt int;

Il-ġudizzji tiegħek huma bħal ilmijiet fondi ħafna.

 8 Huma jieħdu sa ma jixbgħu mill-aqwa affarijiet* li għandek fid-dar tiegħek;

Int tagħtihom ħafna affarijiet tajbin, bħallikieku tagħtihom jixorbu minn xmara li fiha ħafna ilma.

 9 Int il-wieħed li tagħti l-ħajja;

Bid-dawl tiegħek, aħna nistgħu naraw id-dawl.

10 Kompli uri mħabba u lealtà maʼ dawk li jafuk,

U l-ġustizzja maʼ dawk taʼ qalb onesta.

11 Tħallix il-kburi jgħaffiġni b’saqajh,

Jew lil min hu ħażin ikeċċini.

12 Il-ħżiena ġew megħluba;

Huma ġew imwaqqgħin u ma jistgħux jerġgħu jqumu.

37 Titfixkilx* minħabba l-ħżiena

U tgħirx għal dawk li jagħmlu l-ħażin.

 2 Huma se jinxfu malajr bħall-ħaxix,

U se jisparixxu bħall-ħaxix li jkun għadu tielaʼ.

 3 Afda f’Ġeħova u agħmel dak li hu tajjeb;

Għix fil-paċi fuq l-art, u kun leali f’kulma tagħmel.

 4 Ħu pjaċir f’li taqdi lil Ġeħova,*

U hu jagħtik dak li tixtieq qalbek.

 5 Ħalli lil Ġeħova jiggwidak,*

Strieħ fuqu, u hu se jgħinek.

 6 Hu se jagħmel is-sewwa tiegħek tiddi bħad-dawl,

U l-ġustizzja tiegħek bħax-xemx f’nofsinhar.

 8 Tirrabjax u tinkorlax;

Titbaqbaqx, għax dan se jwasslek biex tagħmel il-ħażen.*

 9 Għax il-ħżiena se jinqerdu,

Imma dawk li jittamaw f’Ġeħova se jirtu l-art.

10 Ftit ieħor biss, u l-ħżiena jispiċċaw;

Int tħares fejn kienu, imma ma jkunux hemm.

11 Imma l-umli se jirtu l-art,

U se jħossuhom ferħanin ħafna bil-paċi kbira li se jkollhom.

12 Il-ħażin jippjana kontra min hu tajjeb;

Hu jheżżeż snienu għalih.

13 Imma Ġeħova se jidħaq bih,

Għax jaf li se jasal il-jum li fih il-ħażin se jmut.

14 Il-ħżiena joħorġu x-xabla tagħhom u jilwu l-qaws

Biex jeqirdu lill-batuti u lill-foqra,

U joqtlu lil dawk li jagħmlu s-sewwa.

15 Imma x-xabla tagħhom se tidħol f’qalbhom stess;

Il-qaws tagħhom se jinqasam.

16 Aħjar il-ftit li għandu l-ġust

Mill-ġid li għandhom ħafna ħżiena.

17 Għax il-ħżiena se tittiħdilhom il-qawwa tagħhom,

Imma Ġeħova se jappoġġa lil dawk li huma ġusti.

18 Ġeħova jaf minn xiex jgħaddu dawk li huma bla ħtija,

U l-wirt tagħhom se jibqaʼ għal dejjem.

19 Huma mhux se jiġu umiljati fi żmien l-inkwiet,

U fi żmien il-ġuħ se jkollhom ħafna x’jieklu.

20 Imma l-ħżiena se jinqerdu;

L-għedewwa taʼ Ġeħova se jispiċċaw fix-xejn bħalma jiġrilu l-ħaxix sabiħ;

Se jispiċċaw fix-xejn bħad-duħħan.

21 Il-ħażin jissellef u ma jħallasx lura,

Imma l-ġust hu ġeneruż* u jħobb jagħti.

22 Dawk imberkin minn Alla se jirtu l-art,

Imma dawk misħutin minnu se jinqerdu.

23 Meta Ġeħova jieħu pjaċir b’dak li jagħmel xi ħadd,

Hu jurih kif għandu jgħix.*

24 Għalkemm forsi jitfixkel, mhux se jaqaʼ mal-art,

Għax Ġeħova qed iżommlu idu.

25 Jien kont żagħżugħ, u issa xjaħt,

Imma qatt ma rajt lil xi ħadd ġust jiġi abbandunat,

Jew lit-tfal tiegħu jittallbu għall-ħobż.*

26 Hu dejjem isellef minn qalbu,

U t-tfal tiegħu se jkunu mberkin minn Alla.

27 Tbiegħed mill-ħażin u agħmel dak li hu tajjeb

U se tibqaʼ tgħix għal dejjem.

28 Għax Ġeħova jħobb il-ġustizzja,

U mhux se jabbanduna lil-leali tiegħu.

Hu dejjem se jipproteġihom;

Imma dawk li se jiġu mill-ħżiena se jeqridhom.

29 In-nies sewwa se jirtu l-art,

U jgħixu fiha għal dejjem.

30 Il-kliem taʼ min hu sewwa jgħin lil ħaddieħor ikun għaref,

U dak li jgħid hu ġust.

31 Hu se jżomm sod

Għax il-liġi tal-Alla tiegħu qiegħda f’qalbu.

Hu qed jipprova joqtlu,

33 Imma Ġeħova mhux se jħallih.

34 Ittama f’Ġeħova u imxi fit-triq tiegħu,

U hu se jonorak u jħallik tieħu l-art.

35 Jien rajt lil min hu ħażin u bla qalb

Jirnexxi bħalma siġra b’saħħitha tikber fil-ħamrija tagħha.

36 Imma f’daqqa waħda miet u ma deherx iktar;

Jien bqajt infittxu, imma ma sibtux.

37 Innota lil min hu bla ħtija*

U żomm quddiem għajnejk lil min hu onest,

Għax il-futur tiegħu se jkun mimli paċi.

38 Imma dawk kollha li jiksru l-liġi se jinqerdu;

In-nies ħżiena mhux se jkollhom futur.

39 Ġeħova se jsalva lil dawk li huma sewwa;

Hu l-fortizza tagħhom fi żmien l-inkwiet.

Hu se jeħlishom mill-ħżiena u jsalvahom,

Għax huma jduru lejh għall-protezzjoni.

38 Ġeħova, twiddibnix meta tkun irrabjat,

U tikkoreġinix fir-rabja tiegħek.

 2 Għax il-vleġeġ tiegħek nifduni,

U idek qed tagħfas fuqi.

 4 Għax l-iżbalji tiegħi qed jagħfsu fuq rasi;

Huma bħal tagħbija tqila li ma niflaħx nerfagħha.

 5 Il-feriti tiegħi nitnu u ddennew

Minħabba l-bluha tiegħi.

 6 Jien inkwetat u għandi swied taʼ qalb kbir;

Inħossni mdejjaq il-ġurnata kollha.

 7 Qed inħossni ninħaraq bin-nar minn ġewwa;*

Ġismi kollu juġagħni.

 8 Inħossni bla saħħa u mfarrak għalkollox;

Qed nibki biki kbir għax qalbi muġugħa.

 9 Ġeħova, int taf dak kollu li nixtieq

U tismagħni meta nieħu nifs fil-fond.

10 Qalbi qed tħabbat ħafna, ma fadallix saħħa,

U l-vista tiegħi marret lura.

11 Il-ħbieb u dawk li jħobbuni jevitawni minħabba t-tbatija li għandi,

U dawk li jiġu minni jżommu ’l bogħod.

12 Dawk li qed jipprovaw joqtluni għamlu n-nases;

Dawk li qed jipprovaw iweġġgħuni jitkellmu dwar kif se jeqirduni;

Huma jippjanaw biex iqarrqu bija l-ġurnata kollha.

13 Imma jien ma kontx nismagħhom, bħal xi ħadd li ma jismax;

Ma kontx niftaħ ħalqi, bħal xi ħadd li ma jitkellimx.

14 Jien sirt bħal raġel b’nuqqas taʼ smigħ,

Li ma jistaʼ jgħid xejn biex jiddefendi ruħu.

15 Għax jien lilek stennejt biex tgħinni, Ġeħova;

U int għentni, Ġeħova Alla tiegħi.

17 Għax kont kważi waqajt,

U l-ħin kollu nħossni muġugħ.

18 Jien ammettejt l-iżball tiegħi;

Jien kont ansjuż minħabba d-dnub li għamilt.

19 Imma l-għedewwa tiegħi huma b’saħħithom u mimlijin enerġija;*

Dawk li jobogħduni għalxejn b’xejn żdiedu ħafna.

20 Huma pattewli t-tajjeb bil-ħażin;

Bdew jipprovaw iwaqqfuni milli nkompli nagħmel dak li hu tajjeb.

22 Fittex għinni, Ġeħova

Għax int il-wieħed li ssalvani.

39 Jien għedt: “Se noqgħod attent

Biex ma niżbaljax b’dak li ngħid.

Sakemm ikun hemm xi ħadd ħażin ħdejja

Mhu se ngħid xejn, qisni għamilt sarima maʼ ħalqi.”

 2 Jien ma ftaħtx ħalqi u qgħadt kwiet;

M’għedt xejn, lanqas dwar dak li hu tajjeb,

Imma l-uġigħ tiegħi baqaʼ jiżdied.

 4 “Ġeħova, għinni nkun naf x’se jkun it-tmiem tiegħi,

U kemm se ndum ħaj,

Ħalli nkun naf kemm hi qasira ħajti.

 5 Int tajtni ħajja qasira;

Imqabblin miegħek, il-jiem taʼ ħajti huma vera ftit.

 9 Jien bqajt m’għedt xejn;

Ma stajtx niftaħ ħalqi,

Għax kont int li kkastigajtni.

11 Int tikkoreġi lil xi ħadd billi tikkastigah għall-iżball tiegħu;

Int iġġib fix-xejn l-affarijiet li hu jgħożż bħalma l-kamla tiekol id-drapp.

12 Ismaʼ t-talba tiegħi, Ġeħova,

Ismaʼ l-għajta tiegħi għall-għajnuna.

Għax jien sempliċi mistieden għalik,

Resident temporanju* bħal missirijieti.

13 Tħarisx lejja meta tkun irrabjat,

Ħalli nerġaʼ nkun ferħan qabel immut.”

40 Jien ittamajt għalkollox f’Ġeħova,*

U hu ta kasi* u semaʼ l-għajta tiegħi għall-għajnuna.

 2 Hu ħariġni minn ħofra b’ilmijiet iħabbtu,

Mit-tajn u l-ħama.

Hu qegħedni fuq blata;

Hu għenni nimxi fuq art soda.

 3 Imbagħad għallimni għanja ġdida,

Għanja li tfaħħar lill-Alla tagħna.

Ħafna se jibqgħu impressjonati meta jaraw dak li għamel Alla għalija

U se jafdaw f’Ġeħova.

 4 Ferħan ikun min jafda f’Ġeħova

U ma jingħaqadx mar-ribellużi jew maʼ dawk li jemmnu l-gideb.*

 5 Ġeħova Alla tiegħi, int tibqaʼ taħseb dwarna

U għamilt ħafna affarijiet tal-għaġeb għalina.

Li kieku kelli nipprova nxandarhom u nitkellem dwarhom

Mhux se jirnexxili għax huma ħafna.

 6 Int ma xtaqtx sagrifiċċji u offerti,*

Imma għentni nismaʼ u nifhem il-kmandamenti tiegħek.

 8 Vera nieħu pjaċir* nagħmel dak li trid int, Alla tiegħi,

U l-liġi tiegħek qiegħda f’qalbi.

Ġeħova, bħalma taf sew,

Jien ma żammejtx lura milli nitkellem.

Tant għandi żbalji li ma nistax nara fejn sejjer;

Huma iktar mix-xagħar taʼ rasi,

U qtajt qalbi.

14 Jalla jiġu ddiżonorati u mġiegħla jistħu

Dawk li qed jipprovaw joqtluni.*

Jalla jaħarbu umiljati

Dawk li jieħdu gost bid-diffikultajiet tiegħi.

16 Ħa jifirħu u jaqbżu bil-ferħ

Dawk li qed ifittxu lilek.

17 Jien batut u fqir;

Jalla tagħti kasi, Ġeħova.

Int l-għajnuna tiegħi u dak li jsalvani;

Iddumx biex tgħinni, Alla tiegħi.

41 Ferħan ikun min jgħin lill-batut;

Ġeħova se jeħilsu f’jum it-tbatija.

Oħrajn se jindunaw li hu ferħan;

Alla qatt mhu se jagħtih f’idejn l-għedewwa* tiegħu.

 3 Meta jkun marid fuq is-sodda, Ġeħova mhux se jabbandunah;

Hu se jieħu ħsiebu matul dan iż-żmien.

Hu jiġbor informazzjoni li tweġġaʼ dwari,

Imbagħad joħroġ u jgħidha lil kulħadd.

 7 Dawk kollha li jobogħduni jitkellmu bejniethom minn taħt l-ilsien;

Huma qed jippjanaw li jweġġgħuni u jgħidu:

 8 “Ġiet fuqu xi ħaġa tal-biżaʼ;

Issa li qiegħed mixħut fis-sodda, mhux se jirkupra.”

 9 Anki l-ħabib tal-qalb tiegħi, li kont nafdah,

U li kien jiekol miegħi, dar kontrija.*

10 Imma int ħenn għalija u fejjaqni, Ġeħova,

Ħalli nkun nistaʼ nikkastigahom għal dak li għamlu.

11 Meta l-għadu tiegħi ma jkunx jistaʼ jirbaħli,

Inkun naf li int ferħan bija.

12 Int se tappoġġani għax jien leali lejk,

U se tkun kuntent bija għal dejjem.

13 Jalla Ġeħova l-Alla t’Iżrael jiġi mfaħħar

Għall-eternità kollha.

42 Jien* nixtieq li naqdi lilek, Alla tiegħi,

Bħalma ċerva tixxennaq għall-ilma.

 3 Il-ġurnata u l-lejl kollu nibki u ma nikolx;

In-nies il-ħin kollu jgħajruni u jgħiduli: “Fejn hu l-Alla tiegħek?”

 4 Jien jaqbduni dwejjaq kbar

Meta niftakar fiż-żmien li kont immur lejn id-dar t’Alla mal-folla;

Jien kont immexxihom

U matul it-triq aħna konna nifirħu;

Konna nkantaw bħal folla li tiċċelebra festa.

Hu għalhekk li naħseb fik

Mill-art tax-Xmara Ġordan u mill-qċaċet tal-Ħermon,

Mill-Muntanja Misgħar.*

 7 Qed nismaʼ ħoss taʼ ilma ġej bis-saħħa;

Il-ħoss hu tan-nixxigħat tal-ilma tiegħek.

 8 Matul il-ġurnata, Ġeħova se juri mħabba u lealtà* miegħi,

U billejl jien se nkanta dwaru;

Se nitlob lill-Alla li jagħtini l-ħajja.

43 Iġġudikani, Alla tiegħi,

Iddefendi l-każ tiegħi kontra poplu li mhux leali.

Jalla jmexxuni;

Jalla jiggwidawni lejn il-muntanja qaddisa u t-tabernaklu kbir tiegħek.

 4 Imbagħad se nasal ħdejn l-artal tiegħek, Alla tiegħi;

Alla tiegħi, int il-wieħed li tferraħni.

44 Alla tagħna, aħna smajna;

Missirijietna rrakkontawlna

Dak li int għamilt fi żmienhom,

Żmien twil ilu.

 2 Bis-saħħa tiegħek, int keċċejt lill-popli

U tajt l-art tagħhom lil missirijietna.

 3 Missirijietna ma ħadux l-art bis-saħħa tax-xabla tagħhom,

U ma kienx bis-saħħa taʼ jdejhom stess li rebħu.

Imma kien bis-saħħa t’idek il-leminija, il-qawwa tiegħek, u l-ħniena tiegħek,

Għax int ħabbejthom.

 5 Bis-saħħa tiegħek, aħna se nkeċċu lill-għedewwa tagħna;

F’ismek aħna se ngħaddu minn fuq dawk li jiħduha kontrina.

 6 Għax jien ma nafdax fil-qaws tiegħi,

U x-xabla tiegħi ma tistax issalvani.

 7 Int kont li salvajtna mill-għedewwa tagħna,

U li umiljajt lil dawk li jobogħduna.

 8 Alla tagħna, aħna se nfaħħruk il-ġurnata kollha,

U se nfaħħru lil ismek għal dejjem. (Sela)

 9 Imma issa warrabtna u umiljajtna,

U m’intix tmexxi l-armati tagħna.

10 Int tħalli lill-għedewwa tagħna jġegħluna naħarbu,

U lil dawk li jobogħduna jieħdu li jridu mingħandna.

11 Int tagħtina bħal nagħaġ għall-qatla;

Int ixxerridna fost il-popli.

12 Int tbigħ lill-poplu tiegħek kważi b’xejn,

U ma tagħmilx qligħ minnu.

13 Int iġġegħelna naqgħu għaċ-ċajt quddiem il-ġirien tagħna;

In-nies taʼ madwarna jgħajruna u jiddieħqu bina.

14 Int iġġegħelna niġu umiljati* fost il-popli;

Meta jħarsu lejna huma jxenglu rashom.

15 Jien inħossni umiljat il-ġurnata kollha,

U ma niflaħx ngħolli wiċċi bil-mistħija

16 Minħabba t-tgħajjir u t-twaqqigħ għaċ-ċajt,

Għax l-għadu tagħna qed jivvendika ruħu.

17 Għalkemm ġie dan kollu fuqna, aħna ma nsejniekx,

U ma ksirniex il-patt tiegħek.

18 Qalbna baqgħet leali lejk,

U bqajna fit-triq tiegħek.

19 Imma int ħallejtna nitilfu fil-post fejn jgħixu l-klieb slavaġ;

Int ġegħeltna ngħaddu minn tbatija kbira.

20 Alla tagħna, jekk insejna ismek

Jew tlabna lil xi alla ieħor,

21 Żgur li kont tinduna.

22 Peress li aħna l-poplu tiegħek, qed niġu maqtulin kuljum;

L-għedewwa tagħna jqisuna bħal nagħaġ għall-qatla.

25 Aħna* ġejna umiljati sa ma sirna bħat-trab;

Aħna mixħutin mal-art u ma nistgħu nagħmlu xejn.

 3 Orbot ix-xabla tiegħek maʼ qaddek, gwerrier kuraġġuż;

Int għandek dinjità u glorja.

 4 Uri kemm għandek glorja u oħroġ irbaħ;*

Irkeb fuq iż-żiemel tiegħek u ġġieled għal dawk umli, għall-verità, u għall-ġustizzja.

 5 Re, il-vleġeġ li jaqtgħu tiegħek se jidħlu f’qalb l-għedewwa tiegħek;

Il-popli se jibqgħu jaqgħu taħtek.

 6 Alla jagħtik awtorità bħala re* għal dejjem;

Int għandek xettru taʼ re u se tmexxi bil-ġustizzja.

 8 Il-ħwejjeġ kollha tiegħek għandhom riħa tfuħ taʼ mirra, sabbara, u kassja;

Il-ħoss tal-istrumenti tal-korda jferrħek mill-palazz kbir tal-avorju.

10 Binti, ismaʼ dan li se ngħidlek;

Insa n-nies tiegħek u l-familja taʼ missierek.

11 Ir-re se jkun jixtieq jarak minħabba s-sbuħija tiegħek,

Għax hu sidek.

12 In-nies taʼ* Tir se jġibulek rigal;

L-iktar irġiel sinjuri se jfittxu li jiġu approvati minnek.

13 It-tifla tar-re hi sabiħa ħafna fil-palazz;*

Il-ħwejjeġ tagħha huma mżejnin* bid-deheb.

15 Huma se jittieħdu għandu bil-ferħ;

Huma se jidħlu fil-palazz tar-re.

 2 Għalhekk m’aħniex se nibżgħu, avolja jsiru l-bidliet fid-dinja,

Il-muntanji jaqgħu fil-baħar fond,

 3 L-ilmijiet jitqallbu u jagħmlu l-istorbju,

U l-muntanji jitheżżu minħabba t-taqlib tal-baħar. (Sela)

 4 Hemm xmara li l-ilmijiet tagħha jferrħu l-belt t’Alla,

It-tabernaklu kbir u qaddis tal-Iktar Għoli.

 6 Il-popli qajmu storbju sħiħ, is-saltniet intrebħu;

Imma meta Alla tkellem, l-art theżżet.

 7 Ġeħova tal-armati qiegħed magħna;

L-Alla taʼ Ġakobb hu l-post taʼ protezzjoni* tagħna. (Sela)

 8 Ejjew araw x’għamel Ġeħova,

L-affarijiet tal-għaġeb li għamel fuq l-art.

Hu qed jaqsam il-qaws u l-lanza,

U jaħraq il-karrijiet tal-gwerra.*

Jien se niġi onorat fost il-popli,

U onorat mad-dinja kollha.”

11 Ġeħova tal-armati qiegħed magħna;

L-Alla taʼ Ġakobb hu post taʼ protezzjoni għalina. (Sela)

 2 Għax Ġeħova l-Iktar Għoli hu taʼ min jibżaʼ minnu u jirrispettah;

Hu Re kbir fuq l-art kollha.

 3 Hu jrażżan lill-popli taħt l-awtorità tagħna;

Hu jgħinna nirbħu l-ġnus.

 4 Hu se jagħżel il-wirt tagħna,

Li Ġakobb, li hu jħobb, hu kburi bih. (Sela)

 5 Alla telaʼ waqt li n-nies kienu qed jgħajtu bil-ferħ;

Ġeħova telaʼ waqt li n-nies kienu qed idoqqu l-qarn.*

 7 Għax Alla hu r-Re fuq l-art kollha;

Faħħruh bil-kant u kunu għaqlin.

 9 Il-mexxejja tal-popli nġabru flimkien

Mal-poplu tal-Alla t’Abraham.

48 Ġeħova hu kbir u jixraqlu kull tifħir

Ħa jiġi mfaħħar fil-belt tal-Alla tagħna, fil-muntanja qaddisa tiegħu.

 2 Il-Muntanja Sijon qiegħda l-iktar ’il bogħod fit-Tramuntana;

Hi sabiħa fil-pożizzjoni għolja tagħha u hi l-ferħ tad-dinja kollha;

Hi l-belt tar-Re Grandjuż.

 3 Fit-torrijiet iffortifikati tagħha,

Alla wera li hu post taʼ protezzjoni.*

 4 Ir-rejiet inġabru,*

U bdew resqin lejha flimkien.

 6 Hemmhekk, waqt li kienu qed jitriegħdu bil-biżaʼ,

Qabadhom uġigħ kbir bħal taʼ mara li tkun qed twelled.

 8 Fil-belt taʼ Ġeħova tal-armati, fil-belt tal-Alla tagħna,

Aħna rajna dak li konna smajna dwaru.

 9 Fit-tempju tiegħek,

Aħna naħsbu dwar l-imħabba u l-lealtà* tiegħek, Alla tagħna.

10 Ismek u t-tifħir tiegħek

Se jaslu sat-truf tal-art, Alla tagħna.

11 Jalla tifraħ il-Muntanja Sijon,

Jalla jifirħu l-bliet taʼ Ġuda, għax int għamilt ġustizzja.

12 Immarċjaw madwar Sijon, imxu madwarha,

Għoddu t-torrijiet tagħha.

Innotaw it-torrijiet iffortifikati tagħha,

Sabiex tkunu tistgħu tgħidu dwarha lill-ġenerazzjonijiet li ġejjin.

14 Għax l-Alla li għamel dan kollu,

Hu l-Alla tagħna għal dejjem taʼ dejjem.

Oqogħdu attenti, intom kollha li tgħixu fuq l-art,*

 2 Kemm intom is-sinjuri u anki intom il-foqra,

Nies taʼ kull xorta.

 3 Jien se nitkellem bl-għerf,

U dak li nimmedita fuqu se juri li kapaċi nifhem.

 4 Jien se noqgħod attent għal proverbju;

Se nispjega l-ħaġa moħġaġa tiegħi waqt li ndoqq l-arpa.

 5 Jien mhux se nibżaʼ fi żmien taʼ inkwiet,

Meta l-ħżiena jduruni u jipprovaw iweġġgħuni.

 6 Dawk li qed jafdaw fil-ħafna affarijiet li għandhom

U li jiftaħru bil-ġid kbir tagħhom,

 7 Ma jistgħu jeħilsu lil ħadd

U lanqas jagħtu fidwa* lil Alla għalih.

 8 (Il-prezz tal-fidwa għal ħajjithom* tant hu prezzjuż

Li qatt ma jistgħu jħallsuh.)

 9 Huma ma jistgħux jifdu lil ħaddieħor biex dan ikun jistaʼ jgħix għal dejjem u ma jmurx fil-qabar.

10 Huma jindunaw li anki nies għorrief imutu;

Il-boloh u n-nies bla raġuni jispiċċaw fix-xejn,

U jkollhom iħallu l-ġid tagħhom għal ħaddieħor.

11 Ix-xewqa tagħhom hi li djarhom jibqgħu għal dejjem,

U li t-tined tagħhom jibqgħu minn ġenerazzjoni għal oħra.

12 Imma għalkemm bniedem ikun onorat, mhux se jibqaʼ ħaj;

Mhuwiex aħjar minn annimal li jmut.

13 Hekk jiġrilhom il-boloh,

U dawk li jagħmlu bħalhom, li jieħdu pjaċir bil-kliem vojt tagħhom. (Sela)

Il-mewt se tkun ir-ragħaj tagħhom;

Il-ġusti se jmexxu fuqhom filgħodu.

Mhux se jifdal traċċi tagħhom;

Minflok palazz, il-Qabar* se jkun id-dar tagħhom.

15 Imma Alla se jeħlisni* mill-Qabar,*

Għax hu se jilqagħni għandu. (Sela)

16 Tibżax jekk bniedem isir sinjur,

Jew jekk id-dar tiegħu ssir iktar lussuża,

17 Għax xejn mhu se jieħu miegħu meta jmut;

Il-lussu li jkollu mhux se jinżel miegħu fil-qabar.

20 Bniedem li ma jifhimx dan, għalkemm ikun onorat,

Mhuwiex aħjar minn annimal li jmut.

50 Ġeħova, l-Alla tal-allat,* tkellem;

Hu jiġbor lin-nies kollha tal-art

Mil-Lvant sal-Punent.*

 2 Alla jibgħat id-dawl minn Sijon,

Li hi belt sabiħa b’mod perfett.

Quddiemu hemm nar li jeqred,

U madwaru hemm maltempata kbira.

 4 Hu jgħajjat lis-sema u l-art bħala xhieda

Biex jiġġudika lin-nies tiegħu. Hu jgħid:

 5 “Ġibu quddiemi lil dawk leali,

Dawk li qed jagħmlu patt miegħi permezz taʼ sagrifiċċju.”

 6 Is-sema xxandar li Alla hu ġust,

Għax Alla hu Mħallef. (Sela)

 7 Alla jgħid: “Poplu tiegħi, ismagħni għax se nitkellem;

Nies t’Iżrael, jien se nagħti xhieda kontrikom.

 8 Mhux qed nikkoreġikom minħabba s-sagrifiċċji tagħkom,

U lanqas minħabba l-offerti sħaħ tal-ħruq li toffru kontinwament quddiemi.

 9 La għandi bżonn nieħu barri

U lanqas bodbod mill-maqjel tagħkom.

10 Għax kull annimal salvaġġ tal-foresta hu tiegħi,

Anki l-bhejjem tal-muntanji kollha.

11 Jien naf b’kull għasfur li hemm fil-muntanji;

L-ammont kbir t’annimali li hemm fil-kampanja huma tiegħi.

12 Li kieku kelli l-ġuħ, ma kontx ngħidilkom,

Għax l-art u kulma fiha huma tiegħi.

13 Se niekol jien il-laħam tal-barrin

U se nixrob id-demm tal-bdabad?

Agħmlu bħalma wegħedtu lili, l-Iktar Għoli;

15 Għajtuli għall-għajnuna fi żmien taʼ inkwiet.

“Xi dritt għandkom biex issemmu r-regoli tiegħi

U titkellmu dwar il-patt tiegħi?

17 Għax intom tobogħduha d-dixxiplina,*

U tkomplu tinjoraw kliemi.*

18 Intom tapprovaw dak li jagħmel ħalliel,*

U tkomplu tagħmluha maʼ dawk li jagħmlu adulterju.

20 Intom tpoġġu m’oħrajn u titkellmu kontra ħukom stess;

Tikxfu l-iżbalji tat-tifel* t’ommkom stess.

Imma issa se nikkoreġikom

U se nġib l-akkużi kontrikom.

22 Intom li tinsew lil Alla, aħsbu dwar dan jekk jogħġobkom,

Inkella neqridkom u ma jkun hemm ħadd min isalvakom.

23 Min joffrili apprezzament bħala s-sagrifiċċju, ikun qed ifaħħarni;

U dak li jkompli jagħmel it-tajjeb, se nsalvah.”

 2 Aħsilni sew mill-iżball tiegħi,

U naddafni mid-dnub li għamilt.

 3 Għax jien naf sew li dnibt,

U d-dnub tiegħi qiegħed fuq moħħi* l-ħin kollu.

 4 L-ewwel nett, jien kontrik* dnibt;

Jien għamilt dak li hu ħażin f’għajnejk;

Għalhekk, għandek raġun tikkundannani,

U l-ġudizzju tiegħek hu ġust.

 5 Jien twilidt ħati tad-dnub,

U f’żaqq ommi kont diġà midneb.*

 6 Int tieħu pjaċir b’xi ħadd onest f’qalbu;

Urini kif nistaʼ nkun għaqli.*

 7 Naddafni mid-dnub tiegħi biż-żuf,* ħalli nkun nadif;

Aħsilni, ħalli nkun iktar abjad mis-silġ.

 8 Jalla tgħinni nerġaʼ nkun ferħan,

Minkejja li farraktli l-għadam.

 9 Tibqax tħares lejn id-dnubiet* tiegħi,

U ħassarli l-iżbalji kollha li għamilt.

10 Alla tiegħi, għinni biex ikolli xewqat tajbin,*

U ibdel il-mod taʼ kif naħseb, ħalli nkun leali lejk.

11 Tkeċċinix minn quddiemek;

U tneħħix minn fuqi l-ispirtu qaddis tiegħek.

12 Erġaʼ agħtini l-ferħ li ħassejt meta salvajtni;

Għinni nkun lest li nobdik.

13 Jien se ngħallem il-prinċipji tiegħek lil dawk li jidinbu,

Ħalli b’hekk jerġgħu lura għandek.

Aħfirli għax jien ħati taʼ qtil,

Ħalli b’hekk inxandar bil-ferħ il-ġustizzja tiegħek.

15 Ġeħova, agħtini s-saħħa biex nitkellem,

Ħalli nkun nistaʼ nfaħħrek.

16 Kieku int ridt sagrifiċċji, kont noffrihom;

Int ma tiħux pjaċir b’offerta sħiħa tal-ħruq.

17 Is-sagrifiċċji li int tieħu gost bihom huma l-attitudni taʼ ndiema;

Alla tiegħi, int ma tirrifjutax* qalb maqsuma u umli.

18 Agħmel dak li hu tajjeb għal Sijon;

Ibni s-swar taʼ Ġerusalemm.

19 Imbagħad int se tieħu pjaċir bis-sagrifiċċji tan-nies sewwa,

Bis-sagrifiċċji tal-ħruq u l-offerti sħaħ;

Imbagħad il-barrin se jiġu offruti fuq l-artal tiegħek.

 2 Ilsienek jaqtaʼ daqs xafra;

Int tippjana l-ħsara u titkellem bil-qerq.

 3 Int tħobb il-ħażin iktar mit-tajjeb,

U tigdeb minflok ma tgħid dak li hu sew. (Sela)

 4 Int tħobb kull kelma taʼ ħsara,

Ja qarrieq!

 5 Hu għalhekk li Alla se jeqirdek darba għal dejjem;

Hu jaħtfek u jkaxkrek ’il bogħod mit-tinda tiegħek;

Se jeħles minnek u ma tibqax fost in-nies ħajjin. (Sela)

 6 In-nies sewwa se jaraw dan u jibqgħu mistagħġbin;

Huma jidħqu bik u jgħidu:

 7 “Dan ir-raġel ma darx lejn Alla għall-protezzjoni,*

Imma hu fada fil-ġid kbir tiegħu,

U straħ fuq il-pjanijiet ħżiena tiegħu.”

 8 Imma jien se nkun bħal siġra taż-żebbuġ b’saħħitha fid-dar t’Alla;

Jien ċert li Alla se jħobbni u jkun leali* lejja għal dejjem taʼ dejjem.

 9 Alla tiegħi, jien se nfaħħrek għal dejjem għax int aġixxejt;

Quddiem il-leali tiegħek, jien se nuri li nafda fl-isem mill-isbaħ tiegħek.

 2 Imma Alla jħares mis-sema lejn il-bnedmin

Biex jara jekk hemmx xi ħadd li hu għaqli,

U jekk hemmx xi ħadd ifittex lil Ġeħova.

 3 Ħadd ma baqaʼ jagħmel dak li hu sew;

Kollha huma korrotti.

Ħadd mhu qed jagħmel it-tajjeb,

Lanqas wieħed li hu wieħed.

 5 Imma huma se jitwerwru,

B’mod li qatt ma esperjenzawh qabel,*

Għax Alla se jxerred l-għadam taʼ dawk li qed jattakkawkom.*

Jalla Ġakobb u Iżrael jifirħu

Meta Ġeħova jiġbor lura n-nies tiegħu li huma lsiera.

 2 Ismaʼ t-talba tiegħi, Alla tiegħi;

Jekk jogħġbok, oqgħod attent għal dak li qed ngħid.

 3 Għax qamu kontrija nies li ma nafhomx,

U nies bla qalb qed jipprovaw joqtluni.*

 4 Alla Ġeħova hu dak li jgħinni;

Hu qiegħed maʼ dawk li qed jappoġġawni.*

 5 Il-ħażen li l-għedewwa tiegħi ġabu fuq ħaddieħor,

Hu se jġibu lura fuqhom.

 7 Għax int issalvani mit-tbatija kollha tiegħi,

U se nara lill-għedewwa tiegħi jitilfu.

55 Alla tiegħi, ismaʼ t-talba tiegħi,

U tinjoranix meta nitolbok turini ħniena.*

L-inkwiet li għandi mhux qed iħallini norqod,

U qed inħossni mifxul

 3 Minħabba dak li qed jgħid l-għadu tiegħi

U l-pressjoni tal-wieħed ħażin.

Għax huma jaqilgħuli l-inkwiet

U jittrattawni ħażin b’mibegħda.

 4 Qalbi muġugħa,

U jien imwerwer minħabba l-mewt.

 5 Jien nibżaʼ u nitriegħed;

It-twerwir jikkontrollani.

 9 Ġeħova, ħawwadhom u fixkel il-pjanijiet tagħhom,

Għax jien rajt lin-nies jiġġieldu u jkunu vjolenti fil-belt.

10 Lejl u nhar huma jimxu fuq is-swar tagħha;

Fiha hemm ħażen u inkwiet.

11 Fiha hemm diżastru;

Fil-pjazza tagħha, in-nies dejjem jiġu maħqurin u mqarrqin.

12 Dak li qed jgħajjarni mhuwiex għadu tiegħi;

Kieku kont nissaportih.

Dak li ħadha kontrija mhuwiex wieħed li jobgħodni;

Kieku kont ninħeba minnu.

13 Imma hu bniedem bħali, li nistmah daqsi,

Il-ħabib tiegħi li naf sew.

14 Qabel konna ħbieb sew;

Konna nidħlu fid-dar t’Alla flimkien maʼ ħafna oħrajn.

Ħa jinżlu fil-Qabar* ħajjin;

Għax hemm il-ħażen fejn jgħixu u f’qalbhom.

16 Imma min-naħa tiegħi, jien se ngħajjat lil Alla Ġeħova għall-għajnuna,

U hu se jsalvani.

17 Jien ninkwieta u nibki filgħodu, f’nofsinhar, u filgħaxija,

U hu jismagħni.

18 Hu se jeħlisni* minn dawk li jiġġieldu kontrija u jagħtini* l-paċi,

Għax ġew ħafna kontrija.

19 Alla, li ilu fuq it-tron minn żmien twil ilu,

Se jismaʼ u jaġixxi kontrihom. (Sela)

Għax huma, dawk li m’għandhomx rispett lejn* Alla,

Mhux se jkunu jridu jinbidlu.

20 Hu* attakka lil sħabu;

Ma żammx kelmtu.

21 Kliemu hu iktar artab mill-butir,

Imma f’qalbu hu lest li jiġġieled.

Kliemu tieħu pjaċir bih bħaż-żejt,

Imma fil-fatt jaqtaʼ daqs xabla.

22 Ħalli l-ansjetajiet tiegħek f’idejn Ġeħova,

U hu jgħinek.

 5 Huma jaqilgħuli l-inkwiet il-ġurnata kollha;

Ħsiebhom biss biex iweġġgħuni.

 6 Huma jistaħbew biex jattakkawni;

Joqogħdu għassa għal kull pass li nagħmel,

U jittamaw li joqtluni.

13 Għax int ħlistni* mill-mewt u ma ħallejtnix nitfixkel,

Biex b’hekk naqdik,* Alla tiegħi.

57 Ħenn għalija, Alla tiegħi, ħenn għalija,

Għax jien* indur lejk għall-protezzjoni,

U nfittex il-protezzjoni taħt ġwinħajk sakemm jgħaddi l-inkwiet.

 2 Jien ngħajjat għall-għajnuna lill-Alla l-Iktar Għoli,

Lill-Alla l-veru li se jeħlisni minn din it-tbatija.

 4 Jien* imdawwar bl-iljuni;

Ikolli nimtedd biex norqod maʼ nies li jridu jibilgħuni,

Li snienhom huma bħal lanez u vleġeġ,

U lsienhom jaqtaʼ daqs xabla.

 5 Uri l-kobor tiegħek fis-sema, Alla tiegħi;

Jalla d-dinja kollha tara l-glorja tiegħek.

 6 Huma ppreparaw xibka biex jaqbduni fiha;

Jien* qed inbati ħafna.

Huma ħaffru ħofra minn fejn ngħaddi jien,

Imma waqgħu fiha huma stess. (Sela)

 7 Qalbi hi leali lejk, Alla tiegħi,

Qalbi hi leali lejk.

 9 Ġeħova, jien se nfaħħrek fost il-popli;

Se nfaħħrek bil-kant* fost il-ġnus.

10 L-imħabba* tiegħek tant hi kbira li tasal sas-sema,

U l-lealtà tiegħek sas-sħab.

11 Uri l-kobor tiegħek fis-sema, Alla tiegħi;

Jalla d-dinja kollha tara l-glorja tiegħek.

 2 Le, minflok intom tippjanaw dak li hu ħażin f’qalbkom,

U taġixxu b’mod vjolenti fuq din l-art.

 3 Il-ħżiena jaqbdu triq ħażina* mindu jitwieldu;*

Huma diżubbidjenti u giddibin mit-twelid.

 4 Kliemhom hu bħall-velenu tas-sriep;

Huma bħall-kobra li ma tridx tismaʼ,

 5 Li ma tismax mil-leħen tas-sħaħar,

Avolja huma tas-sengħa.

 7 Jalla jiġu fix-xejn bħalma jiġrilu l-ilma meta jinxef il-wied;

Jalla tilwi l-qaws u twaqqagħhom bil-vleġeġ tiegħek.

 8 Jalla jkunu bħal bebbuxu li qed jinxef;*

Jalla jkunu bħal tarbija li titwieled mejta u qatt ma tara x-xemx.

 9 Int tqabbad in-nar bl-għollieqa,

Imma qabel ma l-borma tiġi taħraq,

Alla se jibgħat riħ taʼ maltempata

Li se jkaxkar kemm l-għollieqa mxarrba u anki n-niexfa.

59 Alla tiegħi, salvani mill-għedewwa;

Ipproteġini minn dawk li qed jiħduha kontrija.

 2 Eħlisni minn dawk li jagħmlu l-ħażin,

U salvani min-nies vjolenti.

 3 Ġeħova, irġiel b’saħħithom jistaħbew u jattakkawni,

Imma mhux għax irribellajt jew dnibt.

 4 Għalkemm m’għamilt xejn ħażin,

Huma jippreparaw malajr biex jattakkawni.

 6 Huma jiġu lura kull filgħaxija,

Jinbħu bħall-klieb u jduru mal-belt.

 7 Minn ħalqhom joħroġ kliem li jweġġaʼ;

Xofftejhom huma bħal xwabel,

Għax huma jgħidu: “Min se jkun jaf li aħna għedna hekk?”

 8 Imma int, Ġeħova, se tidħaq bihom;

Int se tiddieħaq bil-popli kollha.

 9 Alla tiegħi, int is-Saħħa tiegħi,

Jien se nkompli nistenna lilek biex taġixxi,

Għax int il-post taʼ protezzjoni* tiegħi.

10 Alla tiegħi, int se tħallini nara l-għedewwa tiegħi jitilfu;

Int li turini mħabba u lealtà* se tiġi tgħinni.

Ġeħova, it-tarka tagħna, uża l-qawwa tiegħek biex iġġegħelhom jiġru ’l hemm u ’l hawn bħala maħrubin,

Imbagħad neħħilhom il-qawwa li għandhom.

12 Jalla jitfixklu minħabba l-kburija tagħhom,

Għax huma jidinbu b’dak li jgħidu;

Għax huma jisħtu lin-nies u jqarrqu.

13 Eqridhom waqt li tkun irrabjat;

Eqridhom ħalli ma jeżistux iktar.

14 Ħallihom jiġu lura kull filgħaxija,

Jinbħu bħall-klieb u jduru mal-belt.

15 Ħallihom iduru ’l hemm u ’l hawn ifittxu l-ikel;

Tħallihomx jixbgħu jew isibu post fejn jorqdu.

16 Imma min-naħa tiegħi, jien se nkanta dwar is-saħħa tiegħek;

Filgħodu se nitkellem dwar l-imħabba u l-lealtà tiegħek bil-ferħ.

Għax int il-post taʼ protezzjoni tiegħi

U post fejn nistaʼ naħrab fi żmien l-inkwiet.

17 Alla tiegħi, int is-Saħħa tiegħi, jien se nfaħħrek bil-kant,*

Għax int il-post taʼ protezzjoni tiegħi u l-Alla li jurini mħabba u lealtà.

Int kont irrabjat magħna;

Imma issa ilqagħna lura.

 4 Agħti* sinjal lil dawk li għandhom rispett kbir lejk,*

Biex b’hekk jaħarbu u jevitaw il-vleġġa. (Sela)

 5 Eħlisna bil-qawwa tiegħek* u wieġeb it-talba tagħna,

Sabiex dawk li int tħobb jiġu salvati.

“Jien se nifraħ meta nagħti lil Sikem bħala wirt,

U naqsam u nagħti l-Wied* taʼ Sukkot lil min irrid jien.

 7 Gilegħad u Manasse huma tiegħi,

Efrajm hu l-elmu* għal rasi,

U Ġuda hu l-bastun li juri l-awtorità tiegħi.

Imma int warrabtna

U mhux qed tmexxi l-armati tagħna.

11 Għinna fi żmien taʼ inkwiet,

Għax għalxejn nittamaw li niġu salvati mill-bniedem.

12 Permezz t’Alla, aħna se jkollna s-saħħa,

U hu se jgħaffeġ lill-għedewwa tagħna.

 2 Meta qalbi tkun iddisprata*

Jien ngħajjatlek għall-għajnuna minn truf l-art.

 3 Għax int il-wieħed li tipproteġini,

Torri b’saħħtu li jipproteġini mill-għedewwa tiegħi.

 4 Jien se nkun mistieden fit-tinda tiegħek għal dejjem;

Se nistkenn taħt il-ġwienaħ tiegħek. (Sela)

 6 Int se ttawwal il-ħajja tar-re,

U hu se jibqaʼ jgħix għal ħafna snin.

 7 Hu se joqgħod bilqiegħda fuq it-tron* quddiemek għal dejjem;

Jalla l-imħabba u l-lealtà* tiegħek jipproteġuh.

 8 Imbagħad se nfaħħar bil-kant lil* ismek għal dejjem

Hekk kif jum wara jum nagħmel dak li wegħedt.

 2 Fil-fatt, hu l-blata u l-wieħed li jsalvani;

Hu l-post taʼ protezzjoni* tiegħi;

Jien qatt mhu se niġi mfixkel għalkollox.

 4 Għax intom tiftiehmu bejnietkom biex tniżżluh mill-pożizzjoni għolja* tiegħu;

Intom tieħdu pjaċir tigdbu.

 5 Jien* se nistenna bil-paċenzja lil Alla biex jaġixxi

Għax jien fih nittama.

 6 Fil-fatt, hu l-blata u l-wieħed li jsalvani;

Hu l-post taʼ protezzjoni tiegħi;

Jien qatt mhu se niġi mfixkel għalkollox.

10 Tafdawx fil-frodi għas-suċċess,

U tittamawx fis-serq biex issiru sinjuri.

11 Jien smajt lil Alla jgħidli darbtejn

Li s-saħħa tiġi mingħandu.

12 Ġeħova, int turi mħabba u lealtà,*

Għax int tagħti lil kulħadd skont dak li ħaqqu.

Jien* dgħajjef għax nixtieq ħafna li tkun ħdejja

F’din l-art niexfa u xotta, fejn m’hawnx ilma.

 2 Meta kont inkun fil-post qaddis,

Jien rajt is-saħħa u l-glorja tiegħek u qisni rajt lilek.

 3 Jien se nfaħħrek

Għax l-imħabba u l-lealtà* tiegħek huma aħjar mill-ħajja.

 4 Jien se nfaħħrek ħajti kollha;

Se ngħajjat lil ismek u nitlob lilek.

 5 Jien* kuntent bl-aqwa affarijiet li tagħtini,

Għalhekk se nfaħħrek bil-ferħ.

 6 Waqt li nkun fuq is-sodda, jien niftakar fik,

Il-lejl kollu nimmedita fuqek.

 7 Int il-wieħed li tgħinni,

Għalhekk se nkanta bil-ferħ taħt id-dell taʼ ġwinħajk.

 8 Jien* bqajt qrib tiegħek;

U int żammejtni sew b’idek il-leminija.

 9 Imma dawk li qed jipprovaw joqtluni,*

Se jispiċċaw fil-qabar.

10 Huma se jinqerdu bix-xabla

U jsiru ikel għall-klieb slavaġ.*

Kull min jaħlef b’Alla se jfaħħru,*

Għax dawk li jigdbu se jiġu msikktin.

 2 Iddefendini mill-pjanijiet sigrieti tal-ħżiena,

Mill-folla li tagħmel il-ħażen.

 3 Huma jsinnu lsienhom bħal xabla;

Jimmiraw il-kliem kattiv tagħhom bħal vleġeġ,

 4 Biex jisparaw lil xi ħadd innoċenti minn fejn huma moħbijin.

 5 Huma jinkuraġġixxu lil xulxin biex jagħmlu l-ħażen;*

Jiddiskutu flimkien kif se jaħbu n-nases tagħhom

U jgħidu: “Ħadd mhu se jarahom.”

 6 Huma jipprovaw isibu modi ġodda taʼ kif jagħmlu l-ħażen;

Bil-moħbi huma jagħmlu pjanijiet makakki;

Ħadd ma jistaʼ jsib tarf il-ħsibijiet tagħhom.

 7 Imma Alla se jisparalhom vleġġa;

F’daqqa waħda jispiċċaw feruti.

 9 Imbagħad il-bnedmin kollha se jibżgħu

U jitkellmu dwar dak li għamel Alla.

10 Il-ġust se jifraħ b’Ġeħova u jdur lejh għall-protezzjoni;

Dawk kollha taʼ qalb onesta se jfaħħruh.*

65 Alla tagħna, int se tiġi mfaħħar fuq il-Muntanja Sijon;

Aħna se nagħmlu dak li wegħedniek.

 4 Ferħan ikun dak li int tagħżlu u tistiednu jersaq lejk

Biex joqgħod fil-btieħi tat-tempju tiegħek.

Aħna se nkunu kuntenti bl-affarijiet tajbin kollha li se ningħataw fid-dar tiegħek,

It-tempju* qaddis tiegħek.

In-nies tad-dinja kollha jafdaw fik,

Anki dawk li jgħixu ’l bogħod ħdejn il-baħar.

 6 Bil-qawwa tiegħek poġġejt il-muntanji f’posthom;

Int b’saħħtek ħafna.

 7 Int tikkalma l-baħar imqalleb,

Il-ħoss kbir tal-mewġ, u l-konfużjoni tal-popli.

 8 Dawk li joqogħdu f’postijiet imwarrbin se jibqgħu impressjonati bl-affarijiet li tagħmel;

Minħabba dak li tagħmel, nies li joqogħdu mil-Lvant sal-Punent se jgħajtu bil-ferħ.

 9 Int tieħu ħsieb l-art;

Għamiltha b’ħamrija tajba u tipproduċi b’abbundanza.

Int imlejt ix-xmajjar bl-ilma;

Int tipprovdi ikel għan-nies.

10 Int ixxarrab u twitti l-ħamrija;*

Int trattabha b’ħalbiet taʼ xita; tbierek il-prodott li tagħti.

11 Kull sena, int tagħti abbundanza t’affarijiet tajbin;

Kull fejn tmur, int tbierek bil-kbir.

12 Il-partijiet tad-deżert fejn jirgħaw l-annimali huma mimlijin ħaxix,

U l-għoljiet mimlijin bil-ferħ.

13 Il-postijiet fejn jirgħaw l-annimali huma mimlijin bl-imrieħel,

U l-widien* huma miksijin bil-qamħ.

L-għedewwa tiegħek se jiġu għandek imbeżżgħin

Minħabba l-qawwa kbira tiegħek.

 4 In-nies kollha se jmilu quddiemek,

Huma se jfaħħruk bil-kant;

Se jfaħħru bil-kant lil ismek.” (Sela)

 6 Hu bidel il-baħar f’art niexfa;

Il-poplu qasam ix-xmara bil-mixi.

 8 Faħħru lill-Alla tagħna, intom il-popli,

U ħa jiġi mfaħħar b’leħen għoli.

 9 Hu jżommna ħajjin,*

Ma jħalliniex nitfixklu.*

10 Għax int eżaminajtna, Alla tagħna;

Int irfinajtna bħalma tiġi rfinuta l-fidda.

11 Int qbadtna f’xibka;

Int taqqaltna bil-problemi.*

12 Int ħallejt lin-nies jgħaddu minn fuqna;*

Aħna batejna bħallikieku għaddejna min-nar u l-ilma;

Imbagħad ħadtna f’post taʼ mistrieħ.

13 Jien se niġi fid-dar tiegħek b’offerti sħaħ tal-ħruq;

Jien se nżomm kelmti,

14 Dak li wegħedtek meta kont għaddej mill-inkwiet.

15 Se noffrilek offerti tal-ħruq t’annimali msemmnin

Mad-duħħan tas-sagrifiċċji tal-imtaten.

16 Intom li għandkom rispett kbir lejn* Alla, ejjew isimgħu,

U jien ngħidilkom dak li għamel għalija.*

18 Kieku jien żammejt f’qalbi,

Ġeħova ma kienx jismagħni.

19 Imma Alla semagħni;

Ta kas it-talba tiegħi.

20 Ħa jkun imfaħħar Alla, li aċċetta t-talba tiegħi

U wrieni mħabba u lealtà.*

67 Alla tagħna, int se tħenn għalina u tberikna;

Se turi li ferħan bina (Sela)

 2 Biex l-art kollha tkun taf kif taġixxi int,

U l-popli kollha jkunu jafu li int il-wieħed li ssalva.

 3 Ħa jfaħħruk il-popli, Alla tagħna;

Ħa jfaħħruk il-popli kollha.

 4 Ħa jifirħu u jgħajtu bil-ferħ il-popli,

Għax int se tiġġudikahom b’mod ġust.

 5 Ħa jfaħħruk il-popli, Alla tagħna;

Ħa jfaħħruk il-popli kollha.

 6 L-art se tagħti l-prodott tagħha;

L-Alla tagħna se jberikna.

 7 Alla se jberikna,

U n-nies kollha tal-art se jonorawh.*

68 Ħa jaġixxi Alla, ħa jinxterdu l-għedewwa tiegħu,

U ħa jaħarbu minn quddiemu dawk li jobogħduh.

 2 Keċċihom ’l hemm bħalma r-riħ itajjar id-duħħan;

Jalla l-ħżiena jisparixxu minn quddiem Alla

Bħalma x-xemaʼ tinħall bin-nar.

 3 Imma ħa jifirħu l-ġusti;

Ħa jifirħu bil-kbir quddiem Alla;

Ħa jaqbżu bil-ferħ.

 4 Kantaw lil Alla, faħħru bil-kant lil* ismu;

Kantaw lil Dak li għaddej mid-deżert.*

 5 Mill-post qaddis fejn jgħix,

Alla hu missier għall-orfni* u wieħed li jipproteġi* lir-romol.

 6 Alla jagħti dar lil min hu waħdu;

Jeħles lill-ħabsin u jgħinhom jirnexxu.

 7 Alla tagħna, meta mexxejt* lill-poplu tiegħek,

U meta mmarċjajt fid-deżert, (Sela)

 8 L-art theżżet;

Niżlet ix-xita mis-sema minħabba fik;

Alla t’Iżrael, il-Muntanja Sinaj theżżet minħabba fik.

 9 Int bgħatt ħafna xita, Alla tagħna;

Int saħħaħt il-poplu* tiegħek meta kien għajjien.

10 Huma għexu fit-tined tiegħek;

Alla tagħna, int ipprovdejt għall-foqra għax qalbek tajba.

11 Ġeħova jagħti l-kmand;

In-nisa li jxandru l-aħbar tajba huma armata kbira.

13 Anki jekk ikollkom tgħaddu l-lejl ħdejn ħuġġieġa,*

Se jkollkom ħamiema li l-ġwienaħ tagħha huma miksijin bil-fidda

U r-rix tal-ġwienaħ tagħha hu tad-deheb fin.*

14 Meta Dak li Jistaʼ Kollox xerred lir-rejiet fil-pajjiż,

Niżlet* il-borra fiż-Żalmon.

15 Il-muntanja tal-Basan hi muntanja t’Alla;

Il-muntanja tal-Basan hi muntanja b’ħafna għoljiet.

16 Muntanji bl-għoljiet, għala qed tħarsu b’għira

Lejn il-muntanja li Alla għażel* bħala post fejn jgħix?

18 Int tlajt fl-għoli;

Ħadt irġiel bħala lsiera;

Ħadthom bħala rigali,

Iva Jah, Alla tagħna, ħadt anki lil dawk taʼ rashom iebsa sabiex int tgħix fosthom.

19 Ħa jkun imfaħħar Ġeħova, li jġorr it-toqol tagħna kuljum,

L-Alla l-veru li jsalvana. (Sela)

20 L-Alla l-veru hu Alla li jsalvana;

Ġeħova s-Sid taʼ Kollox* jeħlisna mill-mewt.

21 Alla se jfarrak ras l-għedewwa tiegħu,

Ras dawk li jkomplu jidinbu.*

22 Ġeħova qal: “Se nġibhom lura mill-Basan;

Se ntellagħhom minn qiegħ il-baħar,

23 Sabiex intom timxu fuq id-demm tagħhom,

U l-klieb tagħkom jilagħqu d-demm tal-għedewwa.”

24 Alla tiegħi, in-nies se jaraw il-parata tar-rebħa tal-poplu tiegħek,

Il-parata tal-Alla tiegħi, ir-Re tiegħi, li sejra lejn il-post qaddis.

25 Il-kantanti jimxu fuq quddiem,

Warajhom it-tfajliet idoqqu t-tanburlini,

U mbagħad dawk li jdoqqu l-istrumenti tal-korda.

26 Faħħru lil Alla fil-folol miġburin flimkien;*

Faħħru lil Ġeħova, intom li ngħatajtu l-ħajja minn Missier Iżrael.

27 Hemmhekk Benjamin, l-iżgħar wieħed, qed irażżanhom,

Anki l-kapijiet taʼ Ġuda bil-folla storbjuża tagħhom,

Il-kapijiet taʼ Żebulun, u l-kapijiet taʼ Naftali.

29 Ir-rejiet se jġibulek ir-rigali

Fit-tempju tiegħek f’Ġerusalemm.

30 Ikkontrolla l-bhejjem slavaġ li jgħixu qalb il-qasab,

U l-merħla tal-barrin u ż-żgħar tagħhom,

Sakemm in-nies imilu quddiemek u jġibu* biċċiet tal-fidda.

31 Mill-Eġittu se jinġiebu affarijiet tal-bronż;*

In-nies taʼ Kus se jħaffu biex jagħtu rigali lil Alla.

32 Saltniet tal-art, kantaw lil Alla,

Faħħru bil-kant lil* Ġeħova, (Sela)

Hu se juri l-kobor tiegħu m’Iżrael

U s-saħħa tiegħu mis-sema.*

Jien spiċċajt f’ilmijiet fondi,

U l-kurrent ġarrni miegħu.

 3 Jien għejejt u nħnaqt ngħajjat għall-għajnuna;

Il-vista tiegħi marret lura tant kemm ilni nistenna lil Alla biex jaġixxi.

 5 Alla tiegħi, int taf kemm jien iblah

U taʼ xiex jien ħati.

 6 Is-Sid taʼ Kollox,* Ġeħova tal-armati,

Jalla dawk li jittamaw fik ma jkollhomx għalfejn jistħu minħabba fija.

Alla t’Iżrael,

Jalla dawk li jfittxuk ma jiġux umiljati minħabba fija.

 7 In-nies jgħajruni għax naqdik;

Jien vera ġejt umiljat.

 8 Jien sirt stranġier għal ħuti;

Sirt barrani għat-tfal t’ommi.

 9 Iż-żelu għad-dar tiegħek hu bħal nar jaqbad ġo fija,

U t-tmaqdir taʼ dawk li jmaqdru lilek ġie fuqi.

10 Meta umiljajt ruħi u somt,*

Ġejt ikkritikat.

11 Meta lbist ħwejjeġ tal-ixkora,

Ġejt imwaqqaʼ għaċ-ċajt.*

Alla tiegħi, uri li int il-wieħed leali li ssalvani,

Għax int turi mħabba u lealtà.*

14 Eħlisni mill-ħama;

Tħallinix negħreq.

Eħlisni minn dawk li jobogħduni

U mill-ilmijiet fondi.

15 Tħallix il-kurrent qawwi tal-ilma jġorrni miegħu,

Tħallinix negħreq f’ilma fond,

U tħallix il-bir* jiblagħni.

Agħti kasi għax int ħanin ħafna,

17 U taħbix wiċċek minni.

18 Ejja qrib u eħlisni;*

Salvani* mill-għedewwa tiegħi.

Kont qed nittama li xi ħadd jifhimni, imma ma kien hemm ħadd,

U li nsib lil xi ħadd li jinkuraġġini, imma ma sibt lil ħadd.

21 Imma minflok ikel, tawni velenu,*

U xħin qabadni l-għatx, tawni l-ħall.

22 Jalla l-mejda tagħhom issir nassa għalihom,

U l-ħafna ġid li għandhom isir nasba.

23 Jalla ma jibqgħux jaraw,

U jalla* jitriegħdu l-ħin kollu bil-biżaʼ.

24 Uri r-rabja tiegħek lejhom,

U jalla r-rabja kbira tiegħek tilħaqhom.

25 Jalla l-post fejn jgħixu* jsir ħerba;

Ħa ma jgħix ħadd fit-tined tagħhom.

26 Għax huma jiġru wara dak li int weġġajt,

U jibqgħu jitkellmu dwar it-tbatija li int ġibt fuq xi nies.

27 Ħa jkunu iktar ħatja milli huma,

U jalla ma jibbenefikawx mill-ġustizzja tiegħek.

28 Ħa jiġi mħassar isimhom mill-ktieb tal-ħajja,*

U ħa ma jitniżżilx maʼ tal-ġusti.

30 Jien se nfaħħar bil-kant isem Alla,

U se nagħtih glorja u nirringrazzjah.

31 Għal Ġeħova dan ikun aħjar minn barri,

Aħjar minn barri żgħir* bil-qrun u d-dwiefer.

33 Għax Ġeħova qed jismaʼ lill-foqra,

U mhux se jobgħod lin-nies tiegħu li huma lsiera.

34 Ħa jfaħħruh is-sema u l-art,

U l-baħar u kulma hemm fih.

35 Għax Alla se jsalva lil Sijon

U se jerġaʼ jibni l-bliet taʼ Ġuda.

36 Dawk li jiġu mill-qaddejja tiegħu se jirtuha,

U dawk li jħobbu lil ismu se jgħixu fiha.

70 Salvani, Alla tiegħi;

Fittex għinni, Ġeħova.

 2 Jalla jiġu ddiżonorati u mġiegħla jistħu

Dawk li qed jipprovaw joqtluni.*

Jalla jaħarbu umiljati

Dawk li jieħdu gost bid-diffikultajiet tiegħi.

 3 Jalla dawk li qed iwaqqgħuni għaċ-ċajt

Jiġu mġiegħla jaħarbu bil-mistħija.

 4 Ħa jifirħu u jaqbżu bil-ferħ

Dawk li qed ifittxu lilek.

Ibgħat lil xi ħadd biex isalvani,

Għax int il-blata u l-fortizza tiegħi.

 4 Alla tiegħi, eħlisni minn idejn il-ħżiena,

Minn idejn dawk li jaħqruni b’mod inġust.

 5 Għax int it-tama tiegħi, Ġeħova s-Sid taʼ Kollox;*

Jien ilni nafda fik* minn meta kont żagħżugħ.

 6 Ilni niddependi minnek mit-twelid;

Int għentni meta ħriġt minn żaqq ommi.

 7 Ħafna jammirawni minħabba dak li ġrali,

Imma jien naf li int l-aqwa protezzjoni tiegħi.

 8 Se nitkellem il-ġurnata kollha dwar is-sbuħija tiegħek,

U se nfaħħrek.

 9 Twarrabnix fi xjuħiti;

Titlaqnix meta ma tantx ikolli saħħa.

10 L-għedewwa tiegħi jitkellmu kontrija,

U dawk li qed jipprovaw joqtluni* jiftiehmu bejniethom,

11 U jgħidu: “Alla abbandunah.

13 Jalla l-għedewwa tiegħi

Jiġu mġiegħla jistħu u jinqerdu.

Jalla dawk li jipprovaw jagħmluli l-ħsara

Jiġu ddiżonorati u umiljati ħafna.

14 Imma min-naħa tiegħi, se nistenna lilek biex taġixxi;

Se nkompli nfaħħrek iktar.

15 Jien se nitkellem dwar il-ġustizzja tiegħek,

Il-ġurnata kollha se nsemmi d-drabi li int salvajt,

Għalkemm huma ħafna biex nifhimhom.*

16 Ġeħova s-Sid taʼ Kollox,

Jien se nitkellem dwar l-affarijiet tal-għaġeb li għamilt int;

Jien se nsemmi biss il-ġustizzja tiegħek.

17 Alla tiegħi, int għallimtni minn mindu kont żagħżugħ,

U s’issa għadni nxandar dwar l-affarijiet tal-għaġeb tiegħek.

Ħallini nitkellem dwar is-saħħa tiegħek* mal-ġenerazzjoni li jmiss

U dwar is-saħħa tiegħek maʼ dawk li ġejjin warajja.

Int għamilt affarijiet tal-għaġeb;

Min hu bħalek, Alla tiegħi?

20 Għalkemm ġegħeltni ngħaddi minn tbatija u inkwiet,

Erġaʼ agħtini s-saħħa;

Tellagħni mill-ilmijiet fondi.

21 Jalla terġaʼ tagħtini d-dinjità,

U tipproteġini u tgħinni nħossni aħjar.

22 Alla tiegħi, peress li int leali,

Jien se nfaħħrek billi ndoqq strument tal-korda.

Qaddis t’Iżrael,

Jien se nfaħħrek bil-kant waqt li ndoqq l-arpa.

23 Se ngħajjat bil-ferħ waqt li nfaħħrek bil-kant,

Għax int salvajtli ħajti.*

24 Jien se nitkellem dwar* il-ġustizzja tiegħek il-ġurnata kollha,

Għax dawk li qed jipprovaw jeqirduni se jiġu umiljati u ddiżonorati.

72 Alla tiegħi, għin lir-re jiġġudika skont il-ġudizzju tiegħek,

U għallem lit-tifel tar-re dwar il-ġustizzja tiegħek.

 2 Jalla jiddefendi lin-nies tiegħek bil-ġustizzja

U lill-batuti bis-sewwa.

 3 Jalla l-muntanji jġibu l-paċi lin-nies,

U l-għoljiet iġibu l-ġustizzja.

 4 Ħa jaqbeż* għall-batuti,

Ħa jsalva t-tfal tal-foqra,

U ħa jeqred lil dawk li jisirquhom.

 5 Alla tiegħi, in-nies se jibqgħu juruk rispett kbir*

Sakemm ix-xemx u l-qamar jibqgħu jeżistu,

Minn ġenerazzjoni għal oħra.

 6 Ir-re se jkun bħal xita li tinżel fuq il-ħaxix,

Bħal ħalbiet taʼ xita li jsaqqu l-art.

 7 Matul it-tmexxija tiegħu, il-ġusti se jirnexxu,*

U l-paċi se tibqaʼ tiżdied sakemm jispiċċa l-qamar.

 8 Hu se jmexxi minn baħar sa baħar

U mix-Xmara* sa truf l-art.

 9 Dawk li joqogħdu fid-deżert se jmilu quddiemu,

U l-għedewwa tiegħu se jilagħqu t-trab.*

11 Ir-rejiet kollha se jmilu quddiemu,

U l-popli kollha se jaqduh.

12 Għax hu se jeħles lill-fqir li jgħajjatlu għall-għajnuna,

U anki lill-batut u lil min m’għandux min jgħinu.

13 Hu se jitħassar lill-batut u lill-fqir,

U l-foqra se jsalvahom.

Jalla n-nies jitolbu għalih il-ħin kollu

U jbirkuh il-ġurnata kollha.

16 Se jkun hemm abbundanza taʼ ċereali* fuq l-art;

Fuq il-qċaċet tal-muntanji se jkun hemm iżżejjed.

L-għelieqi tar-re se jagħtu ħafna prodotti bħal-Libanu,

U fil-bliet in-nies se jiżdiedu daqs il-ħaxix tal-art.

17 Jalla ismu jibqaʼ għal dejjem

Sakemm tibqaʼ teżisti x-xemx.

Jalla n-nies jitbierku permezz tiegħu,

U jalla l-popli kollha jindunaw li hu ferħan.

18 Ħa jkun imfaħħar Alla Ġeħova, l-Alla t’Iżrael,

Li hu biss jagħmel affarijiet tal-għaġeb.

19 Ħa jiġi mfaħħar għal dejjem l-isem glorjuż tiegħu,

U jalla l-glorja tiegħu timla l-art kollha.

 2 Min-naħa tiegħi, għal naqra ma ħriġtx mit-triq it-tajba;

Għal naqra ma waqajtx.

 3 Meta rajt lin-nies ħżiena u arroganti* jgħixu fil-paċi,

Bdejt ngħir għalihom.

 4 Huma jmutu mingħajr ma jbatu;

Huma f’saħħithom u jieklu tajjeb.*

 5 Huma ma jkollhomx inkwiet bħal nies oħra,

U lanqas ibatu bħal bnedmin oħra.

 6 Għalhekk, ma jiddejqux juru li huma kburin;

Huma magħrufin għall-vjolenza tagħhom.*

 7 Għajnejhom imqabbżin ’il barra bil-ġid* li għandhom;

Huma akkwistaw iktar milli setgħu jimmaġinaw.

 9 Huma jiftaħru bħallikieku qegħdin fis-sema,

U fuq l-art bi kburija jgħidu dak li jridu.

10 Għalhekk, in-nies t’Alla* jduru lejhom