ISAIJA

 2 Intom fis-sema, isimgħu,

Intom fuq l-art, agħtu kas,

Għax Ġeħova qal:

“Jien rabbejt it-tfal,

Imma huma ħaduha kontrija.

 3 Barri jafu sew lil min xtrah,

U ħmar jafu lil dak li jitimgħu;

Imma Iżrael ma jafnix,*

Il-poplu tiegħi stess m’għandux abbiltà li jifhem.”

 4 Ħażin għalik, poplu midneb,*

Nies imtaqqlin bl-iżball,

Irġiel mill-agħar, u tfal korrotti!

Intom tlaqtu lil Ġeħova;

Intom ittrattajtu lill-Qaddis t’Iżrael b’nuqqas taʼ rispett;

Tajtuh daharkom.

Raskom kollha feriti,

U qalbkom kollha mard.

 8 Il-belt taʼ Sijon tħalliet bħal post taʼ kenn* f’għalqa tad-dwieli,

Bħal kamra tal-injam f’għalqa tal-ħjar,

Bħal belt li qed tiġi assedjata.

 9 Li kieku Ġeħova tal-armati ma ħalliex ftit minna ħajjin,

Konna nsiru bħal Sodoma u Gomorra.

Xbajt mill-offerti tal-ħruq tal-imtaten u mix-xaħam tal-annimali mitmugħin sew,

U ma niħux pjaċir bid-demm tal-barrin żgħar, tal-ħrief, u tal-mogħoż.

12 Intom tiġu quddiemi,

Imma min qabbadkom tiġu

U tgħaffġu fil-btieħi tiegħi?

Dawn saru taʼ toqol għalija;

Għejejt inġorrhom.

15 Meta tiftħu jdejkom biex titolbu,

Jien naħbi għajnejja minnkom.

Għalkemm titolbu ħafna,

Ma nismagħkomx;

Għax idejkom mimlijin demm.

16 Inħaslu; indafu;

Neħħu l-affarijiet ħżiena li tagħmlu minn quddiemi;

Tibqgħux tagħmlu l-ħażin.

17 Tgħallmu agħmlu dak li hu tajjeb, fittxu l-ġustizzja,

Ikkoreġu lil min jaħqar,

Iddefendu d-drittijiet tal-orfni,*

U aqbżu għall-armla.”

Għalkemm id-dnubiet tagħkom huma bħal kulur aħmar jgħajjat,

Dawn se jsiru bojod bħas-silġ;

Għalkemm huma ħomor bħal drapp aħmar skur,

Dawn se jsiru bojod bħas-suf.

19 Jekk turu li intom lesti li tobdu,

Se tieklu mill-affarijiet tajbin tal-pajjiż.

20 Imma jekk tirrifjutaw li tobdu u tirribellaw,

Se tiġu maqtulin bix-xabla,

Għax jien, Ġeħova, għedt dan.”

Kienet mimlija ġustizzja;

Fiha kienet toqgħod is-sewwa,

Imma issa hemm biss qattilin.

22 Il-fidda tiegħek saret ħmieġ,

U l-birra* tiegħek imħallta bl-ilma.

Huma ma jagħmlux ġustizzja mal-orfni,*

U l-kawża legali tal-armla qatt ma tasal għandhom.

24 Għalhekk, il-Mulej il-veru, Ġeħova tal-armati,

L-Alla b’Saħħtu t’Iżrael, jgħid:

“Daqshekk! Jien se neħles minn dawk taʼ kontrija,

U se nivvendika ruħi mill-għedewwa tiegħi.

25 Jien se nikkastigak,

Se nneħħi l-ħmieġ minnek, bħalma jitneħħa l-ħmieġ* mill-metall li jiġi mdewweb,

U se nnaddfek għalkollox.

26 Jien se nagħtik imħallfin bħalma kellek qabel

U nies li jagħtu l-pariri bħalma kien hemm fil-bidu.

27 Sijon se tinxtara lura bil-ġustizzja,

U n-nies tagħha li jiġu lura se jinxtraw bis-sewwa.

28 Dawk li jirribellaw u jagħmlu dnub se jinqerdu flimkien,

U dawk li jitilqu lil Ġeħova se jispiċċaw.

29 Għax huma se jistħu minħabba li xtaqtu s-siġar b’saħħithom,

U intom se tkunu umiljati minħabba l-ġonna* li għażiltu.

30 Għax se ssiru bħal siġra kbira b’weraq li qed jinxef

U bħal ġnien mingħajr ilma.

31 Ir-raġel b’saħħtu se jsir bħal stoppa,*

U x-xogħol tiegħu se jkun bħal xrara nar;

It-tnejn li huma se jinħarqu flimkien,

U ħadd mhu se jitfihom.”

 2 Fl-aħħar parti tal-jiem,*

Il-muntanja li fiha hemm id-dar taʼ Ġeħova

Se tkun stabbilita fis-sod u iktar għolja mill-muntanji l-oħrajn.

Din se titgħolla ’l fuq mill-għoljiet

U se jmorru jiġru lejha l-popli kollha.

“Ejja nitilgħu fuq il-muntanja taʼ Ġeħova,

Lejn id-dar tal-Alla taʼ Ġakobb.

Hu se jgħallimna dwar it-triqat tiegħu,

U aħna se ngħixu skont kif irid hu.”

Għax il-liġi* se toħroġ minn Sijon

U l-kelma taʼ Ġeħova minn Ġerusalemm.

 4 Alla se jagħmel ġudizzju fost il-popli

U se jirranġa l-affarijiet għall-benefiċċju taʼ ħafna nies.

Huma se jbiddlu x-xwabel tagħhom f’sikek tal-moħriet

U l-lanez tagħhom fi mqassijiet taż-żabra.

Poplu mhux se jiġġieled bix-xabla kontra poplu ieħor

U lanqas se jitgħallem iktar jiggwerra.

 5 Dar taʼ Ġakobb,

Ejja ħa nimxu fid-dawl taʼ Ġeħova.

 6 Għax int tlaqt lill-poplu tiegħek, jiġifieri d-dar taʼ Ġakobb,

Għax huma mtlew bl-affarijiet li ġejjin mil-Lvant;

Huma jipprattikaw il-maġija bħall-Filistin

U fosthom qed joqogħdu ħafna barranin.

 7 Il-pajjiż tagħhom hu mimli bil-fidda u d-deheb

U t-teżori tagħhom ma jingħaddux.

Il-pajjiż tagħhom hu mimli biż-żwiemel

U l-karrijiet tagħhom ma jingħaddux.

Huma jmilu quddiem dak li għamlu huma,

Quddiem dak li għamlu b’idejhom stess.

 9 Għalhekk, il-bnedmin jitbaxxew, jiġu umiljati,

U int ma tistax taħfrilhom.

10 Idħlu fil-blat u nħbew fit-trab

Minħabba r-rabja tal-biżaʼ taʼ Ġeħova

U l-kobor u l-glorja tiegħu.

11 Il-kburin se jkollhom ibaxxu rashom,

U l-arroganti se jiġu umiljati.

Għax dakinhar se jikkastiga lil kull min hu kburi u supperv,

Lil kulħadd, kemm jekk huma importanti u kemm jekk mhumiex,

13 U se jikkastiga lis-siġar kollha taċ-ċedri tal-Libanu li huma għoljin u kbar

U lis-siġar kollha tal-balluta tal-Basan,

14 Lill-muntanji għoljin kollha

U l-għoljiet kollha li huma fl-għoli,

15 Lil kull torri għoli u sur iffortifikat,

16 U lill-vapuri kollha taʼ Tarsis

U lid-dgħajjes sbieħ kollha.

17 Il-kburin se jkollhom ibaxxu rashom,

U l-arroganti se jiġu umiljati.

19 Meta Ġeħova jriegħed l-art u jġiegħel lin-nies jitwerwru,

In-nies se jidħlu fl-għerien tal-blat

U fil-ħofor fl-art,

Minħabba r-rabja tal-biżaʼ tiegħu

U l-kobor u l-glorja tiegħu.

20 Dakinhar, in-nies se jaqbdu l-allat tagħhom tad-deheb u l-fidda li ma jiswew għal xejn,

Li kienu għamlu għalihom infushom biex imilu quddiemhom,

U jitfgħuhom lill-ġrieden u lill-friefet il-lejl,

21 Sabiex in-nies jidħlu fil-ħofor tal-blat

U fix-xquq tal-irdum.

Huma se jagħmlu hekk meta Ġeħova jriegħed l-art u jġegħelhom jitwerwru

Minħabba r-rabja tal-biżaʼ tiegħu

U l-kobor u l-glorja tiegħu.

22 Għall-ġid tagħkom stess, tibqgħux tafdaw f’sempliċi bniedem,

Li jrid jieħu n-nifs biex jibqaʼ ħaj.*

3 Għax il-Mulej il-veru, Ġeħova tal-armati,

Qed ineħħi minn Ġerusalemm u Ġuda kull tip t’għajnuna u provvista,

Jiġifieri l-ħobż u l-ilma,

 2 Ir-raġel b’saħħtu u l-gwerrier,

L-imħallef u l-profeta, dak li jbassar il-futur u l-anzjan,*

 3 Il-kap taʼ 50, ir-raġel importanti, u dak li jagħti l-pariri,

L-espert fil-maġija, u s-saħħar tas-sengħa.

 4 Jien se nagħmel subien bħala l-mexxejja tagħhom,

U se jmexxuhom dawk li l-ħin kollu jbiddlu fehmithom.

 5 In-nies se jaħqru lil xulxin,

Kull wieħed lil sieħbu.

It-tifel se jattakka lir-raġel kbir fl-età,

U n-nies komuni se jiħduha kontra min hu rrispettat.

“M’iniex se ninfaxxa l-feriti tagħkom;

M’għandix ikel u ħwejjeġ fid-dar tiegħi.

 8 Ġerusalemm tfixklet u Ġuda waqaʼ,

Għax b’dak li jgħidu u jagħmlu qed imorru kontra Ġeħova;

Huma jaġixxu b’nuqqas taʼ rispett f’għajnejn il-wieħed glorjuż.

 9 L-espressjoni taʼ wiċċhom tixhed kontrihom,

Bħal Sodoma, huma jitkellmu dwar id-dnub tagħhom;

Ma jipprovawx jaħbuh.

10 Għidu lill-ġusti li se jiġu mberkin;

Huma se jiġu ppremjati għal dak li jagħmlu.

Hu se jaħbatlu ħażin,

Għax bħalma jagħmel se jagħmlulu!

12 Il-poplu tiegħi qed jiġi ttrattat ħażin minn dawk li jagħtuh ix-xogħol,

U n-nisa jmexxu fuqu.

Poplu tiegħi, il-mexxejja tiegħek qed jiżvijawk,

U qed ifixklulek it-triq li trid tgħaddi minnha.

13 Ġeħova qed jipprepara biex jakkuża lin-nies;

Hu qed iqum biex jaqtaʼ s-sentenza fuq il-popli.

Hu se jgħidilhom: “Intom ħraqtu l-għalqa tad-dwieli,

U dak li sraqtu mingħand il-foqra qiegħed id-dar tagħkom.”

“Kif tażżardaw tittrattaw ħażin lill-poplu tiegħi

U tgħaffġu wiċċ il-foqra fil-ħmieġ?”

16 Ġeħova jgħid: “Peress li n-nisa taʼ Sijon huma kburin,

Qed jimxu b’rashom mgħollija,

Jifflertjaw b’għajnejhom, iżegilgu,

U jagħmlu l-ħsejjes biċ-ċpiepet taʼ maʼ saqajhom,

17 Jien, Ġeħova, se nimla ras in-nisa taʼ Sijon bil-qoxra,

U jien, Ġeħova, se nwaqqgħalhom xagħarhom.

Il-brazzuletti tas-saqajn, id-drapp li jorbtu maʼ rashom, l-ornamenti forma taʼ qamar,

19 L-imsielet, iċ-ċpiepet, il-velijiet,

20 It-tiżjin li jgħatti r-ras, iċ-ċpiepet taʼ mal-għaksa, it-trieħi taʼ madwar is-sider,

Ir-reċipjenti tal-fwieħa, l-oġġetti żgħar li jużaw biex jipproteġu lilhom infushom,*

21 Iċ-ċrieket, il-ħoloq tal-imnieħer,

22 Il-ħwejjeġ ċerimonjali, it-tuniki taʼ fuq, l-imnatar, il-basktijiet,

23 Il-mirja tal-idejn, il-ħwejjeġ tal-għażel,*

It-traban, u l-velijiet.

24 Minflok ma jkollhom riħa tfuħ taʼ żejt tal-balzmu, ikollhom riħa taʼ xi ħaġa mħassra;

Minflok ma jilbsu ċinturin, jilbsu ħabel;

Minflok ma jkollhom xagħarhom issettjat, se jkunu bil-qargħa;

Minflok ħwejjeġ li jiswew il-flus, se jilbsu ħwejjeġ tal-ixkora;

U minflok is-sbuħija, se jkollhom marka b’ħadida taħraq.*

25 Sijon, l-irġiel tiegħek se jinqatlu bix-xabla,

U l-irġiel b’saħħithom tiegħek se jmutu fil-battalja.

“Aħna se nieklu l-ħobż tagħna

U se nilbsu l-ħwejjeġ tagħna,

Imma ħallina nissejħu b’ismek

Biex ma nibqgħux niġu ddiżonorati.”*

5 Jekk jogħġobkom, ħalluni ħa nkanta lill-maħbub tiegħi

Għanja dwar l-għażiż tiegħi u l-għalqa tad-dwieli tiegħu.

Ħawwel fiha dwieli tal-aqwa għeneb aħmar,

Bena torri f’nofsha,

U ħaffer post fejn jagħsar l-għeneb.

Imbagħad baqaʼ jittama li tagħmel għeneb tajjeb,

Imma għamlet biss għeneb salvaġġ.

 3 “Issa intom nies taʼ Ġerusalemm u rġiel taʼ Ġuda,

Jekk jogħġobkom, iġġudikaw bejni u bejn l-għalqa tad-dwieli tiegħi.

 4 Xi stajt nagħmel iktar għall-għalqa tad-dwieli tiegħi

Li għadni m’għamiltux?

Għala għamlet biss għeneb salvaġġ,

Meta jien ittamajt għal għeneb tajjeb?

 5 Jekk jogħġobkom, ħa ngħidilkom

X’se nagħmlilha l-għalqa tad-dwieli tiegħi:

Se nneħħilha l-ilqugħ,

U tiġi maħruqa.

Se nkisser il-ħajt tal-ġebel

U se jgħaffġu fuqha.

Se jikber fiha ħafna għollieq u ħaxix ħażin,

U se nikkmanda lis-sħab biex ma jagħmilx xita fuqha.

 7 Għax l-għalqa tad-dwieli taʼ Ġeħova tal-armati hi n-nies t’Iżrael;

L-irġiel taʼ Ġuda huma s-siġar li ħawwel li tant kien jgħożż.

Hu baqaʼ jittama għall-ġustizzja

Imma kien hemm l-inġustizzja;

Baqaʼ jittama li n-nies ikunu ġusti,

Imma minflok semaʼ biss il-biki taʼ dawk li ġew ittrattati ħażin.”

 8 Ħażin għal dawk li jieħdu ħafna djar

U ħafna għelieqi

Sakemm ma jkun fadal xejn għal ħaddieħor

U huma jgħixu waħedhom fil-pajjiż!

 9 Jien smajt lil Ġeħova tal-armati jaħlef

Li ħafna djar, għalkemm huma kbar u sbieħ,

Se jsiru tal-biżaʼ

U ma joqgħod fihom ħadd.

10 Għax 36 tomna* bid-dwieli se jipproduċu biss bat* inbid,

U ħomer* żerriegħa se jipproduċi biss efa.*

11 Ħażin għal dawk li jqumu kmieni biex jixorbu l-alkoħol,

U li jibqgħu jixorbu sa tard billejl sakemm isiru bla kontroll minħabba l-inbid!

12 Fil-festi tagħhom, huma jkollhom l-arpa u l-istrument tal-korda,

It-tanburlin, il-flawt, u l-inbid;

Imma ma jagħtux kas x’jagħmel Ġeħova

U ma jarawx ix-xogħol taʼ jdejh.

13 Għalhekk, il-poplu tiegħi se jmur fl-eżilju

Għax ma jafnix;

Il-kbarat tagħhom se jbatu l-ġuħ,

U n-nies kollha tagħhom se jkollhom nixfa bl-għatx li għandhom.

14 Għalhekk, il-Qabar* wessaʼ lilu nnifsu

U fetaħ ħalqu bla limitu;

U l-mexxejja taʼ Ġerusalemm, il-folol storbjużi tagħha, u dawk li jixxalaw

Żgur li se jinżlu fih.

15 Il-bniedem se jbaxxi rasu,

Il-bniedem se jiġi umiljat,

U l-kburin se jiġu umiljati.

16 Ġeħova tal-armati se jiġi mfaħħar bil-ġudizzju* li jagħmel;

L-Alla l-veru, il-Qaddis, se juri li hu qaddis permezz tas-sewwa.

17 Il-ħrief se jirgħaw f’art mimlija ħaxix;

Ir-residenti barranin se jieklu fil-postijiet imħarbtin fejn qabel kien hemm l-annimali mitmugħin sew.

Bil-gideb tagħhom huma jġorru l-iżball u d-dnub

Bħal annimal li jiġbed karru bil-ħbula.

19 Ħażin għal dawk li jgħidu: “Ħa jgħaġġel Alla biex ilesti x-xogħol tiegħu;

Ħa jħaffef, ħalli nkunu nistgħu narawh.

Ħa jseħħ l-iskop* tal-Qaddis t’Iżrael,

Ħalli nkunu nafu x’inhu!”

20 Ħażin għal dawk li jgħidu li t-tajjeb hu ħażin u l-ħażin hu tajjeb,

Għal dawk li jibdlu d-dlam mad-dawl u d-dawl mad-dlam,

U għal dawk li jibdlu l-morr mal-ħelu u l-ħelu mal-morr!

21 Ħażin għal dawk li huma għorrief f’għajnejhom stess

U li jaħsbu li huma għaqlin!

22 Ħażin għal dawk li huma magħrufin li jixorbu ħafna nbid,

U għall-irġiel li huma tas-sengħa f’li jħalltu x-xorb alkoħoliku.

23 Ħażin għal dawk li jaċċettaw it-tixħim biex jeħilsu lill-ħażin,

U li ma jagħmlux ġustizzja maʼ min hu sewwa!

24 Għalhekk, bħalma n-nar jaħraq it-tiben

U l-fjammi jġibu fix-xejn il-ħaxix ħażin,

L-għeruq tagħhom se jitħassru

U l-fjuri tagħhom se jinfirxu bħat-trab,

Għax huma rrifjutaw il-liġi* taʼ Ġeħova tal-armati,

U wrew nuqqas taʼ rispett għal dak li qal il-Qaddis t’Iżrael.

25 Hu għalhekk li Ġeħova se jirrabja ħafna mal-poplu tiegħu,

U se juża l-qawwa tiegħu kontrihom u jikkastigahom.

Il-muntanji se jitheżżu,

U l-iġsma mejtin tagħhom se jkunu bħaż-żibel fit-toroq.

Minħabba li huma ribellużi, hu għadu rrabjat magħhom

U qed juża l-qawwa tiegħu biex jikkastigahom.

26 Hu għolla arblu bħala sinjal għal poplu li hu ’l bogħod;

Hu saffrilhom biex jiġu mit-truf tal-art;

U huma ġejjin malajr.

Iċ-ċinturin maʼ qaddhom hu marbut sew,

U l-qfieli tas-sandlijiet tagħhom mhumiex imqattgħin.

28 Il-vleġeġ tagħhom jaqtgħu ħafna

U l-qaws tagħhom hu milwi.*

Id-dwiefer taż-żwiemel tagħhom huma bħal żnied

U r-roti tagħhom bħal riefnu.

29 L-għajta tagħhom hi bħal dik taʼ ljun;

Huma jgħajtu bħal iljuni b’saħħithom.

Jagħmlu ħoss tal-biżaʼ u jaħtfu l-priża,

Iġorruha u ħadd ma jkun jistaʼ jsalvaha.

30 Dakinhar, huma se jgħajtu wara li jaqbduha

Bħal ħoss qawwi tal-baħar.

Kull min iħares lejn l-art se jara dlam tal-biżaʼ;

Anki s-sema tiddallam minħabba s-sħab.

Jien daqslikieku mejjet,*

Għax jien midneb u dak li ngħid mhux nadif,

U qed ngħix fost nies li dak li jgħidu mhux nadif;

Għax rajt lir-Re, Ġeħova tal-armati nnifsu!”

M’għadekx iktar ħati,

U d-dnub tiegħek inħafer.”

‘Se tisimgħu l-messaġġ għal darba wara l-oħra,

Imma mhux se tifhmuh;

Se tarawh għal darba wara l-oħra,

Imma mhux se tieħdu għarfien.’

10 Meta tkellem lil dan il-poplu, se jwebbsu rashom,

Ma jagħtux kas dak li jisimgħu,

U jagħlqu għajnejhom

Ħalli la jaraw u lanqas jisimgħu.

B’hekk ma jifhmux x’għandhom bżonn jagħmlu

U ma jdurux lura għandi biex inkun nistaʼ nfejjaqhom.”

“Sakemm il-bliet jitfarrku u ma jifdal ħadd,

Id-djar ikunu vojta,

U l-art tiġi ħerba u tkun abbandunata;

12 Sakemm Ġeħova jkeċċi l-bnedmin ’il bogħod,

U l-pajjiż ikun fi stat gravi ħafna.

“Dan mhux se jirnexxi,

U lanqas se jiġri.

 8 Għax il-belt kapitali tas-Sirja hi Damasku,

U r-re taʼ Damasku hu Resin.

Fi żmien 65 sena,

Efrajm se jiġi mfarrak għalkollox u ma jibqax poplu.

 9 Il-belt kapitali t’Efrajm hi s-Samarija,

U r-re tas-Samarija hu t-tifel ta’ Remalija.

Jekk ma jkollkomx fidi soda,

Mhux se tkunu fis-sigurtà.”’”

 6 “Minħabba li dawn in-nies irrifjutaw l-ilma taʼ Silogħa* li kien ġej ħelu ħelu

U ferħu b’Resin u bit-tifel taʼ Remalija,

 7 Jien, Ġeħova, se nibgħat lir-re tal-Assirja

Bil-glorja kollha tiegħu biex jiġġildilhom.

Hu se jiġi malajr bl-armata kbira tiegħu,

Bħal meta jiġu ħafna ilmijiet f’daqqa mix-Xmara,* tfur,

 8 U tkaxkar lil Ġuda.

Hu se jimla l-art tiegħek minn tarf sa tarf,

Emmanuwel!”*

Għidu li tridu, imma mhux se jiġri hekk,

Għax Alla hu magħna!*

Tibżgħux minn dak li jibżgħu minnu huma;

Titregħdux bil-biżaʼ.

13 Lil Ġeħova tal-armati għandkom tqisu qaddis,

Minnu għandkom tibżgħu,

U quddiemu għandkom titriegħdu bil-biżaʼ.”

14 Hu se jsir bħal santwarju,

Imma għaż-żewġ saltniet t’Iżrael se jsir ukoll

Bħal ġebla li jaħbtu magħha

U bħal blata li jitfixklu fiha.

Hu se jsir bħal nassa u nasba

Għan-nies taʼ Ġerusalemm.

15 Ħafna minnhom se jitfixklu, jaqgħu, u jitkissru;

Huma se jidħlu f’nassa u jinqabdu.

16 Agħlaq l-iskroll li fih hemm il-konferma bil-miktub;*

Issiġilla l-liġi* u agħtiha lid-dixxipli tiegħi!

 2 In-nies li kienu mexjin fid-dlam

Raw dawl kbir.

U dawk li kienu qed jgħixu f’art li kienet fi dlam ċappa,

Idda fuqhom id-dawl.

 3 Int kabbart il-poplu;

Int ferraħthom ħafna.

Huma jifirħu quddiemek

Bħal meta n-nies jifirħu fi żmien il-ħsad,

Bħal dawk li jifirħu meta jaqsmu dak li jkunu ħadu mill-gwerra.

 4 Għax int farrakt il-madmad tat-tagħbija tagħhom,

Il-bastun taʼ fuq spallejhom, u l-ħatar taʼ dak li jġegħelhom jaħdmu,

Bħal dakinhar li ntrebħet Midjan.

 5 Is-sandlijiet tas-suldati li jriegħdu l-art waqt li jimmarċjaw

U l-ħwejjeġ tagħhom imxarrbin bid-demm

Se jintużaw biex ikompli jaqbad in-nar.

 6 Għax twildilna tifel,

U ngħatalna iben;

Hu se jkollu l-awtorità li jmexxi.*

 7 It-tmexxija tiegħu se tkompli tikber

U l-paċi tiegħu mhu se tispiċċa qatt

Fuq it-tron taʼ David u fis-saltna tiegħu.

B’hekk ikun jistaʼ jistabbiliha fis-sod u jsaħħaħha

Permezz tal-ġustizzja u s-sewwa,

Minn issa u għal dejjem.

 8 Ġeħova bagħat messaġġ taʼ ġudizzju kontra Ġakobb,

U dan intqal f’Iżrael.

Iva, dawk kollha f’Efrajm, inkluż dawk fis-Samarija,

Li bi kburija u b’nuqqas taʼ rispett jgħidu:

10 “Waqaʼ l-briks,

Imma aħna se nibnu b’ġebel maqtugħ bl-għodda.

Tqaċċtu s-siġar tal-ġummajż,*

Imma minflokhom se nħawlu s-siġar taċ-ċedri.”

11 Ġeħova se jħalli l-għedewwa taʼ Resin jiħduha kontra Iżrael,

U se jġiegħel lil dawk taʼ kontra Iżrael jattakkaw.

Minħabba li huma ribellużi, hu għadu rrabjat magħhom

U qed juża l-qawwa tiegħu biex jikkastigahom.

13 Għax in-nies ma marrux lura lejn Dak li kkastigahom;

Huma ma fittxewx lil Ġeħova tal-armati.

14 F’ġurnata waħda, Ġeħova se jaqtaʼ minn Iżrael

Ir-ras u d-denb, ir-rimja u l-ħaxix twil.*

15 L-anzjan* li hu rrispettat ħafna huwa r-ras,

U l-profeta li jgħallem dak li mhux veru huwa d-denb.

16 Dawk li qegħdin imexxu dan il-poplu ġegħluh jiżvija,

U dawk li huma mmexxijin, huma mħawdin.

17 Hu għalhekk li Ġeħova mhux se jifraħ biż-żgħażagħ tagħhom

U mhux se juri ħniena mal-orfni* u r-romol nisa tagħhom,

Għax huma kollha apostati u jagħmlu dak li hu ħażin,

U kulħadd qed jitkellem bla sens.

Minħabba li huma ribellużi, hu għadu rrabjat magħhom

U qed juża l-qawwa tiegħu biex jikkastigahom.

Se jaħraq is-siġar żgħar tal-foresta,

U d-duħħan tagħhom jitlaʼ qisu sħab.

19 Minħabba r-rabja kbira taʼ Ġeħova tal-armati,

Il-pajjiż se jieħu n-nar,

U n-nies se jintużaw biex ikompli jaqbad in-nar.

20 Wieħed se jaqtaʼ xi ħaġa x’jiekol mil-lemin,

Imma jibqaʼ bil-ġuħ;

U xi ħadd se jiekol mix-xellug,

Imma ma jinfaqax.

Kull wieħed se jiblaʼ l-laħam t’idu stess,

21 Manasse se jiblaʼ lil Efrajm,

U Efrajm lil Manasse.

Minħabba li huma ribellużi, Alla għadu rrabjat magħhom

U qed juża l-qawwa tiegħu biex jikkastigahom.

10 Ħażin għal dawk li jagħmlu regoli li jagħmlu l-ħsara,

Li l-ħin kollu jiktbu liġijiet li jġibu t-tbatija,

 2 Li ma jħallux lill-foqra jiftħu kawża legali,

Li jċaħħdu l-ġustizzja lill-batuti fost in-nies tiegħi,

Li jieħdu l-affarijiet tan-nisa romol,

U li jisirqu lill-orfni!*

 3 X’se tagħmlu f’jum il-ġudizzju,*

Meta tiġi l-qerda mill-bogħod?

Għand min se taħarbu biex jgħinkom,

U fejn se tħalluh il-ġid* tagħkom?

 4 Mhu se jifdal xejn ħlief li tinżlu għarkopptejkom qalb il-priġunieri

Jew li tkunu fost dawk maqtula.

Minħabba li intom ribellużi, hu għadu rrabjat magħkom

U qed juża l-qawwa tiegħu biex jikkastigakom.

 5 “Ħarsu lejn l-Assirjan!*

Hu l-bastun biex nuri r-rabja tiegħi,

U qed nuża l-ħatar li għandu f’idu biex nuri l-ġudizzju tiegħi!

 6 Se nibagħtu kontra poplu apostat,

Kontra nies li rrabjawni;

Se nikkmandah biex jisraq u jieħu kemm jiflaħ

U biex jgħaffeġ fuqhom bħat-tajn tat-toroq.

 7 Imma din mhux se tkun l-intenzjoni tiegħu

U f’qalbu se jkollu ħsieb ieħor;

Għax hu jrid iġib fix-xejn

U jeqred ħafna popli u mhux ftit.

 8 Għax hu jgħid,

‘Il-mexxejja tiegħi mhux kollha rejiet?

10 Jien ħtaft saltniet li kienu jqimu allat li ma jiswew għal xejn,

Li għandhom ħafna iżjed statwi minquxin minn Ġerusalemm u s-Samarija.

11 Bħalma għamilt lis-Samarija u l-allat tagħha li ma jiswew għal xejn,

Hekk se nagħmel lil Ġerusalemm u l-idoli tagħha.’

12 “Meta jien, Ġeħova, inlesti x-xogħol tiegħi fuq il-Muntanja Sijon u f’Ġerusalemm, se nikkastiga lir-re tal-Assirja, għax hu kburi, supperv, u arroganti. 13 Għax hu qal,

‘Se nagħmel dan bis-saħħa tiegħi

U bl-għerf tiegħi, għax jien għaref.

Se nneħħi l-fruntieri tan-nies,

Nisraq it-teżori tagħhom,

U nirbaħ lin-nies bħal wieħed b’saħħtu.

14 Bħalma bniedem idaħħal idu f’bejta,

Jien se naħtaf il-ġid tal-popli b’idi;

U bħalma xi ħadd jiġbor il-bajd li jkun tħalla,

Jien se niġbor kulma hemm fuq l-art!

16 Għalhekk, il-Mulej il-veru, Ġeħova tal-armati,

Se jġib lill-ħoxnin tiegħu* għadma u ġilda,

U se jneħħilu l-glorja.

17 Id-Dawl t’Iżrael se jsir nar,

U l-Qaddis tiegħu fjamma;

In-nar se jaħraq u jiblaʼ l-ħaxix ħażin u l-għollieq tal-Assirjan f’jum wieħed.

18 Hu se jneħħi għalkollox is-sbuħija tal-foresta u tal-ġnien tas-siġar tal-frott tiegħu;

Dan se jkun bħal meta xi ħadd ikun marid u saħħtu tmur lura.

19 Tant se jifdal ftit siġar fil-foresta tiegħu

Li anki tifel se jkun jistaʼ jgħoddhom.

20 Dakinhar, dawk li jifdal minn Iżrael

U dawk li jibqgħu ħajjin mid-dar taʼ Ġakobb

Mhux se jibqgħu jiddependu minn dak li jattakkahom;

Imma huma se jiddependu b’qalbhom kollha

Minn Ġeħova, il-Qaddis t’Iżrael.

21 Ftit biss, il-fdal taʼ Ġakobb,

Se jmorru lura lejn l-Alla b’Saħħtu.

22 Iżrael, għalkemm int poplu

Daqs ir-ramel tal-baħar,

Ftit biss se tiġu lura.

Ġie deċiż li se tinqerdu,

U l-ġustizzja* se tiġi fuqkom bħal dulluvju.

23 Iva, il-qerda li ddeċieda jagħmel is-Sid taʼ Kollox,* Ġeħova tal-armati,

Se ssir fuq il-pajjiż kollu.

27 Dakinhar mhux se jibqaʼ jkollkom it-tagħbija tagħhom fuq spallitkom,

U l-madmad tagħhom mhux se jibqaʼ fuq għonqkom,

U l-madmad tagħhom se jitkisser minħabba ż-żejt.”*

28 Huma waslu f’Għajjat;

Għaddew minn Migron;

Huma ħallew l-affarijiet tagħhom f’Mikmax;

29 Huma għaddew mill-ilma baxx;

Qattgħu l-lejl f’Geba;

In-nies taʼ Rama qed jirtogħdu, u dawk f’Gibegħa taʼ Sawl ħarbu.

Se jxejru l-ponn tagħhom lejn il-muntanja tal-belt taʼ Sijon,

L-għolja taʼ Ġerusalemm.

33 U l-Mulej il-veru, Ġeħova tal-armati,

Qed iqaċċat il-friegħi tas-siġar, li meta jaqgħu jagħmlu ħoss kbir u tal-biżaʼ;

L-iktar siġar twal qed jiġu mqaċċtin,

U dawk għoljin se jitbaxxew.

34 Hu se jqaċċat is-siġar żgħar tal-foresta bil-mannara,

U wieħed b’saħħtu se jeqred il-Libanu.

11 Se toħroġ fergħa żgħira miz-zokk taʼ Ġesse,

U mill-għeruq tiegħu rimja li se tagħti l-frott.

Hu għalhekk li se jkun għaqli, se jkun kapaċi jifhem,

Se jagħti pariri tajbin, se jkun b’saħħtu,

Se jkollu ħafna għarfien, u se jkollu rispett kbir għal* Ġeħova.

Hu mhux se jiġġudika fuq dak li jara

U lanqas jikkoreġi sempliċement fuq dak li jismaʼ.

 4 Hu se jiġġudika b’mod ġust lill-batuti,

U jieħu deċiżjonijiet tajbin biex jipproteġi lill-umli tad-dinja.

Il-kliem tiegħu se jkun bħal bastun li se juża biex isawwat id-dinja

U biex joqtol il-ħżiena.

 6 Il-lupu se joqgħod għal xi żmien mal-ħaruf,

Il-leopard se jimtedd mal-gidi,

U l-barri żgħir,* l-iljun, u l-annimal imsemmen se jkunu flimkien;*

U tifel żgħir se jmexxihom.

 7 Il-baqra u l-ors se jieklu flimkien,

U l-frieħ tagħhom se jimteddu flimkien.

 8 It-tarbija li għadha tieħu l-ħalib se tilgħab fuq il-ħofra tal-kobra,

U t-tifel li qataʼ l-ħalib se jqiegħed idu fejn jgħix serp velenuż.

 9 Dawn la se jagħmlu ħsara

U lanqas se jeqirdu xi ħaġa fuq il-muntanja qaddisa kollha tiegħu,

Għax l-art se tkun mimlija bl-għarfien dwar Ġeħova

Bħalma l-baħar hu mimli bl-ilma.*

Lejh se jduru l-popli għall-gwida,*

U l-post taʼ mistrieħ tiegħu se jsir glorjuż.

13 Efrajm mhux se jibqaʼ jgħir,

U dawk li jobogħdu lil Ġuda se jispiċċaw fix-xejn.

Efrajm mhux se jgħir għal Ġuda,

U Ġuda mhux se jobgħod lil Efrajm.

14 Huma se jinżlu malajr mill-għoljiet* tal-Filistin lejn il-Punent;

Flimkien jisirqu lin-nies tal-Lvant.

Huma se jieħdu taħt idejhom lil Edom u Mowab,

U l-Għammonin se jkunu taħt it-tmexxija tagħhom.

15 Ġeħova se jaqsam* il-golf* tal-baħar Eġizzjan

U jxejjer il-ponn fuq ix-Xmara.*

Bin-nifs* jaħraq tiegħu, hu se jnixxef is-sebaʼ fergħat tax-xmara,*

U se jħalli lin-nies jaqsmuha bil-mixi.

16 Se jkun hemm triq prinċipali mill-Assirja għall-poplu tiegħu li jifdal,

Bħalma kien hemm għal Iżrael dakinhar li ħarġu mill-art tal-Eġittu.

“Nirringrazzjak Ġeħova,

Għax għalkemm kont irrabjat miegħi,

Issa m’għadekx, u farraġtni.

Jien se nafda fih u mhux se nibżaʼ;

Għax Jah* Ġeħova hu s-saħħa u l-qawwa tiegħi,

U hu sar dak li jsalvani.”

 3 Intom se ttellgħu l-ilma bil-ferħ

Mill-għejun tal-ilma li jġibu s-salvazzjoni.

“Irringrazzjaw lil Ġeħova, użaw ismu meta titolbu,

Għidu lill-popli b’dak li għamel!

 6 “Għajtu u werżqu bil-ferħ, nies taʼ Sijon,

Għax il-Qaddis t’Iżrael li qiegħed fostkom hu kbir.”

Għajtulhom, xejrulhom,

Biex jidħlu mill-bibien tan-nies importanti.

Ġbart lill-gwerriera tiegħi, li jifirħu u huma kburin,

Biex jikkastigaw lil dawk li jirrabjawni.

Qegħdin tisimgħuh l-istorbju sħiħ li qed jagħmlu s-saltniet,

L-istorbju tal-popli miġburin flimkien?

 5 Jien Ġeħova u l-armata tiegħi ġejjin minn pajjiż ’il bogħod,

Min-naħa l-oħra tad-dinja,*

Biex neqirdu l-art kollha.

 7 Huwa għalhekk li kulħadd se jibżaʼ

U jdejhom se jiddgħajfu.

Qed jiġihom uġigħ f’daqqa u jaqbadhom uġigħ tal-ħlas,

Bħal mara li qed twelled.

Huma jħarsu lejn xulxin bil-biżaʼ,

U wiċċhom juri kemm qed ibatu.

 9 Il-jum li jien Ġeħova għażilt ġej

B’korla u rabja kbira.

Din il-ġurnata mhu se turi ħniena maʼ ħadd,

Biex tagħmel l-art ħerba u biex teqred lill-midinbin* li hemm fiha.

10 Għax l-istilel u l-gruppi tal-istilel*

Mhux se jitfgħu dawl;

Meta titlaʼ x-xemx se jkun hemm id-dlam,

U l-qamar mhux se jitfaʼ d-dawl tiegħu.

11 Jien se nitlob kont min-nies tal-art għall-ħażen li għamlu

U kont minn dawk mill-agħar għad-dnubiet li għamlu.

Se nġib fix-xejn il-kburija tal-prużuntużi,

U se numilja lill-mexxejja kattivi li huma kburin.

12 Jien se nagħmel lil sempliċi bniedem rari iktar mid-deheb irfinut,

U l-bnedmin rari iktar mid-deheb t’Ofir.

13 Jien, Ġeħova tal-armati, se nriegħed is-sema,

U dakinhar li nkun irrabjat ħafna,

Nheżżeż l-art minn postha.

14 Bħalma ċerva taħrab tiġri mill-kaċċatur u bħal merħla mingħajr ragħaj,

Kull wieħed se jmur lura għand in-nies tiegħu;

Kull wieħed se jaħrab lejn il-pajjiż tiegħu.

15 Kull min jinstab se jiġi minfud b’arma,

U kull min jinqabad se jiġi maqtul b’xabla.

16 It-tfal tagħhom se jqattgħuhom biċċiet quddiem għajnejhom,

Se jisirqulhom djarhom,

U se jistupraw lin-nisa tagħhom.

17 Kontrihom se nibgħat il-Medin,

Li l-fidda mhi xejn għalihom

U bid-deheb ma jifirħux.

18 Il-qaws tagħhom se jfarrak lill-irġiel żgħażagħ;

Huma la se jitħassru t-trabi

U lanqas it-tfal.

19 U Babilonja, l-iktar glorjuża mis-saltniet,

Il-belt sabiħa li tagħmel lill-Kaldin kburin,

Se jiġrilha bħal meta Alla qered lil Sodoma u Gomorra.

20 Mhux se jkun hemm iktar nies jgħixu fiha,

Il-ġenerazzjoni tal-futur mhux se jgħixu hemm.

L-ebda Għarbi mhu se jarma t-tinda tiegħu hemm,

U l-ebda ragħaj mhu se jħalli l-imrieħel tiegħu jistrieħu hemm.

21 L-annimali tad-deżert se jistrieħu hemm;

Id-djar tagħhom se jkunu mimlijin bil-kokk imperjali.

Hemmhekk se jgħixu n-ngħam,*

U l-mogħoż slavaġ* se jaqbżu ’l hemm u ’l hawn.

22 Annimali slavaġ se jgħajtu fit-torrijiet tagħha

U l-klieb slavaġ se jgħajtu fil-palazzi lussużi tagħha.

 5 Ġeħova kisser il-ħatar tal-ħżiena,

Il-bastun tal-mexxejja,

 6 Il-bastun taʼ dak li b’rabja ma jiqafx isawwat il-popli,

Taʼ dak li jrażżan il-popli bir-rabja u b’persekuzzjoni li ma tiqafx.

 8 Anki s-siġar tal-ġnibru u ċ-ċedri tal-Libanu

Jifirħu minħabba fik.

Huma jgħidu, ‘Minn mindu waqajt,

Ħadd ma ġie biex jaqtagħna għall-injam.’

 9 Anki l-Qabar* qed iħares ’il quddiem

Għal meta tinżel hemm.

Minħabba fik, qajjem lil dawk li huma bla saħħa fil-mewt,

Lill-mexxejja ħorox* kollha tal-art.

10 Kollha kemm huma jgħidulek,

‘Anki int sirt dgħajjef bħalna.

11 Il-kburija tiegħek u l-mużika li daqqewlek

Niżlu fil-Qabar.*

Id-dud qiegħed mifrux taħtek bħal sodda,

U l-ħniex qed jgħattik.’

12 Int li qisek stilla tiddi taʼ meta jisbaħ,

Waqajt mis-sema.

Int li rbaħt lill-popli,

Ġejt imwaddab mal-art.

Se ngħolli t-tron tiegħi ’l fuq mill-istilel t’Alla,

U se noqgħod bilqiegħda fuq il-muntanja fejn jagħtu qima,

Fl-iktar postijiet ’il bogħod fit-Tramuntana.

14 Jien se nitlaʼ ’l fuq mis-sħab;

Se nsir bħall-Iktar Għoli.’

15 “Minflok, int se titniżżel fil-Qabar,*

Fl-iktar parti fonda tal-ħofra.

16 Dawk li jarawk se jiċċassaw lejk;

Huma jifluk u jistaqsu,

‘Dan ir-raġel li kien iriegħed l-art,

Li ġiegħel is-saltniet jirtogħdu,

17 Li ġab id-dinja bħal deżert

U rebaħ il-bliet tagħha?

18 Ir-rejiet l-oħrajn kollha tal-popli,

Iva, ilkoll kemm huma, ġew midfunin b’mod onorabbli,

Kull wieħed fil-qabar tiegħu.

19 Imma int intremejt mingħajr ma ġejt midfun,

Bħal fergħa* mibgħuda;

Int mgħotti b’iġsma li nqatlu bix-xabla

Li ġew mitfugħin f’ħofra mimlija ġebel,

Bħal ġisem mejjet li jgħaddu minn fuqu.

20 Int mhux se tiġi midfun mar-rejiet,

Għax qridt lill-pajjiż tiegħek stess

U qtilt lill-poplu tiegħek stess.

21 Ippreparaw post fejn jinqatlu t-tfal tiegħu

Minħabba l-ħtija taʼ missirijiethom,

Ħalli ma jsirux b’saħħithom, jieħdu l-art f’idejhom,

U jimlewha bil-bliet tagħhom.”

“Bħalma kelli f’moħħi se jiġri,

U bħalma ddeċidejt se jseħħ.

25 Se nfarrak lill-Assirjan* fil-pajjiż tiegħi,

U se ngħaffġu fuq il-muntanji tiegħi.

Il-madmad tiegħu mhux se jibqaʼ fuq il-poplu tiegħi,

U t-tagħbija tiegħu se titneħħa minn fuq spallithom.”

26 Dan hu li ġie deċiż kontra l-art kollha,

U din hi l-qawwa t’Alla li hu lest li juża biex jikkastiga lill-popli kollha.

27 Għax Ġeħova tal-armati ddeċieda dan,

U min jistaʼ jfixklu?

Hu lest li juża l-qawwa tiegħu biex jikkastiga,

U min jistaʼ jżommu lura?

29 “Nies tal-Filistja, ħadd minnkom m’għandu jifraħ,

Sempliċement għax tkisser il-bastun taʼ dak li kien isawwatkom.

Għax mis-serp* se joħroġ serp velenuż,

U n-nisel tiegħu se jkun serp ħafif b’velenu jaħraq bħan-nar.

30 It-tfal tal-batuti se jieklu sa ma jixbgħu,

U l-foqra se jorqdu b’moħħhom mistrieħ.

Imma jien se noqtol lill-poplu* tiegħek bil-ġuħ,

U dawk li jifdal minnek se jmutu.

Għax ġej ammont kbir taʼ suldati mit-Tramuntana,

Huma bħal sħaba taʼ duħħan, u ħadd minnhom ma jinqataʼ għalih.”

Għandhom iwiġbuhom li Ġeħova qiegħed il-pedament taʼ Sijon,

U li l-batuti tal-poplu tiegħu se jsibu protezzjoni fiha.

Ar taʼ Mowab ġiet imsikkta

Minħabba li tħarbtet f’lejl.

Kir taʼ Mowab ġiet imsikkta

Minħabba li tħarbtet f’lejl.

 2 In-nies taʼ Mowab telgħu lejn it-Tempju* u Dibon,

Lejn il-postijiet għall-qima biex jibku.

Fuq il-bjut u fil-pjazez jibku fuq li jibku;

Huma jinżlu jibku.

 4 In-nies taʼ Ħesbon u Elegħale jgħajtu;

Leħinhom jinstemaʼ sa Ġaħas.

Huma jibku waqt li telgħin it-telgħa taʼ Luħit;

Fi triqithom lejn Ħoronajm, huma jgħajtu minħabba d-diżastru.

 6 Għax l-ilmijiet taʼ Nimrim nixfu;

Il-ħxejjex nixfu,

Il-ħaxix spiċċa u m’għad fadal xejn aħdar.

 7 Hu għalhekk li qed iġorru dak li fadlilhom fl-imħażen u mill-ġid;

Huma qed jaqsmu l-wied fejn jikbru s-siġar tal-luq.

Il-biki wasal s’Eglajm;

Il-biki wasal sa Bir-elim.

 9 Għax l-ilmijiet taʼ Dimon imtlew bid-demm,

U Alla għandu iktar affarijiet lesti kontra Dimon.

Hu se jibgħat iljuni għal dawk li jaħarbu minn Mowab

U għal dawk li jkun fadal fil-pajjiż.

16 Ibagħtu muntun lill-mexxej tal-pajjiż,

Minn Sela jgħaddi mid-deżert

Lejn il-muntanja tal-belt taʼ Sijon.

 2 Bħalma għasfur jiġi mkeċċi mill-bejta tiegħu,

Hekk se jiġrilhom in-nies taʼ Mowab ħdejn l-ilmijiet baxxi tal-Arnon.

Min jaħqar lil oħrajn se jiġi fi tmiemu,

Il-qerda se tispiċċa,

U dawk li jgħaffġu fuq oħrajn mhux se jibqgħu jeżistu fuq l-art.

Hu se jkun leali u t-tmexxija tiegħu se tkun soda u bbażata fuq l-imħabba u lealtà;*

Hu se jiġġudika b’mod ġust u jagħmel ġustizzja malajr.

Smajna li huma suppervi, kburin, u rrabjati ħafna;

Imma l-paroli fil-vojt tagħhom se jiġi fix-xejn.

 7 Għalhekk, dawk kollha f’Mowab se jibku għal Mowab;

Ilkoll se jibku fuq li jibku.

 8 Għax l-għelieqi taʼ Ħesbon nixfu,

U anki d-dielja taʼ Sibma.

Il-mexxejja tal-poplu għaffġu fuq il-friegħi tagħha mimlijin għeneb

Li kienu jaslu sa Ġagħżer,

U xterdu fid-deżert.

Bid-dmugħ tiegħi se nxarrabkom għasra, Ħesbon u Elegħale,

Għax m’għadux jinstemaʼ l-għajjat minħabba l-frott tas-sajf tagħkom u l-ħsad tagħkom.*

10 Il-ferħ ittieħed mill-ġnien tas-siġar tal-frott,

U m’hemmx għanjiet taʼ ferħ jew għajjat fl-għelieqi tad-dwieli.

11 Bħal kordi t’arpa qed nitriegħed minn ġewwa

Minħabba li jien imdejjaq għal Mowab,

U jien imdejjaq ħafna minħabba Kir-ħareset.

“Damasku mhux se tibqaʼ belt,

U se ssir ħerba.

 2 Il-bliet t’Għarogħer se jkunu abbandunati;

Dawn se jsiru biss postijiet fejn l-imrieħel jimteddu

U ma jbeżżagħhom ħadd.

 3 Il-bliet iffortifikati se jisparixxu minn Efrajm,

U s-saltna se tisparixxi minn Damasku;

Il-glorja taʼ dawk li jifdal mis-Sirja

Se tkun bħal dik tal-Iżraelin,”* jgħid Ġeħova tal-armati.

 4 “Dakinhar, il-glorja taʼ Ġakobb se tonqos,

U l-ġisem b’saħħtu tiegħu se jirqaq.

 5 Dan se jkun bħal meta xi ħadd jaħsad l-għelieqi taċ-ċereali*

U jiġbor is-sbul,

Bħal meta xi ħadd ilaqqat iċ-ċereali fil-Wied* taʼ Refajm.

U jifdal żewġ jew tliet żebbuġiet misjurin fil-fergħa l-iktar għolja tagħha,

U erbgħa jew ħamsa fil-friegħi li jagħmlu l-iktar frott,” jgħid Ġeħova l-Alla t’Iżrael.

 9 Dakinhar il-bliet iffortifikati tiegħu se jsiru bħal post abbandunat fil-bosk,

Bħal fergħa li ġiet abbandunata quddiem l-Iżraelin;

Se jkun hemm ħerba.

10 Għax int insejt l-Alla li jsalvak;

Int ma ftakartx fil-Blata tal-fortizza tiegħek.

Hu għalhekk li ħawwilt xtieli sbieħ,

U għamilthom maʼ fergħa taʼ stranġier.*

11 Matul il-ġurnata, int tagħmel ilqugħ madwar ix-xtieli tiegħek b’attenzjoni,

Filgħodu tara li ż-żrieragħ ikunu diġà qed jinbtu,

Imma mhux se jkun hemm ħsad meta tkun ma tiflaħx ħafna u jkollok uġigħ li ma jitfejjaqx.

Isimgħu l-istorbju tal-ġnus,

Li qed jagħmlu ħoss bħal taʼ ilmijiet b’saħħithom!

Alla se jikkoreġihom u huma jaħarbu ’l bogħod,

Huma se jaħarbu bħalma r-riħ iġorr il-qoxra taż-żerriegħa fuq il-muntanji,

Huma se jaħarbu bħalma riħ b’saħħtu jġorr ħaxix niexef.

Hekk se jiġrilhom dawk li qed iħarbtuna,

U dawk li qed jisirquna.

18 Ħażin għall-pajjiż tal-insetti li jvenvnu ġwinħajhom

Fir-reġjun tax-xmajjar tal-Etjopja!

 2 Il-pajjiż qed jibgħat lil xi wħud bil-baħar

Biex jaqsmu l-ilmijiet bid-dgħajjes tal-papiru billi jgħid:

“Morru, messaġġiera ħfief,

Għand ġens b’nies twal u b’ġilda lixxa,

Għand poplu li jbeżżaʼ n-nies kullimkien,

Għand ġens b’saħħtu u rebbieħ,

Li l-pajjiż tiegħu qed jittiekel mix-xmajjar.”

 3 Nies li toqogħdu mal-art kollha,

Dak li se taraw se jkun qisu arblu bħala sinjal fuq il-muntanji,

U se tisimgħu bħal ħoss taʼ qarn jindaqq.

“Se nibqaʼ għall-kwiet u nħares lejn il-post* stabbilit tiegħi,

Se nħares b’mod kalm bħad-dawl tax-xemx li jsaħħan l-għelieqi,

U se nkun kwiet bħan-nida li toqgħod fis-sħana tal-ħsad.

 5 Għax qabel il-ħsad,

Meta d-dwieli jarmu u l-għeneb isir,

Il-friegħi żgħar se jinqatgħu bil-minġel,

U r-rimjiet irqaq se jinqalgħu u jitneħħew.

 6 Il-ġisem tagħhom se jitħalla għall-għasafar tal-priża tal-muntanji

U għall-bhejjem.

L-għasafar tal-priża se jqattgħu s-sajf jieklu minnhom,

U l-bhejjem kollha se jqattgħu żmien il-ħsad jieklu minnhom.

 7 Dak iż-żmien se jingħata rigal lil Ġeħova tal-armati,

Mingħand ġens b’nies twal u b’ġilda lixxa,

Mingħand poplu li jbeżżaʼ n-nies kullimkien,

Mingħand ġens b’saħħtu u rebbieħ,

Li l-pajjiż tiegħu qed jittiekel mix-xmajjar.

L-allat li ma jiswew għal xejn tal-Eġittu se jirtogħdu quddiemu,

U l-Eġizzjani se jibżgħu ħafna.*

 2 “Jien se nġiegħel l-Eġizzjani jiħduha kontra l-Eġizzjani,

U huma se jiġġieldu kontra xulxin,

Kull wieħed kontra ħuh u l-ġar tiegħu,

Belt kontra belt, u saltna kontra saltna.

 3 Dawk fl-Eġittu se jitħawdu,

U jien se nfixkel il-pjanijiet tagħhom.

Huma se jduru lejn allat li ma jiswew għal xejn,

U lejn is-sħaħar, il-medji tal-ispirti, u n-nies li jbassru l-futur.

 4 Lill-Eġizzjani se nagħtihom f’idejn sid kiefer,

U re aħrax se jmexxi fuqhom,” jgħid il-Mulej il-veru, Ġeħova tal-armati.

 5 L-ilma tal-baħar se jisparixxi,

U x-xmara se tinxef u ssir qoxqox.

 6 Ix-xmajjar se jintnu;

Il-kanali tan-Nil tal-Eġittu se jitbaxxew u jinxfu.

 7 Il-pjanti tul ix-Xmara Nil, mal-bokka tan-Nil,

U l-art kollha li hi miżrugħa tul in-Nil se jinxfu.

 8 U s-sajjieda se jagħmlu d-dwejjaq,

Dawk li jitfgħu s-snanar fin-Nil se jibku,

U dawk li jifirxu x-xbieki tagħhom fl-ilma se jonqsu.

 9 Dawk li jagħmlu d-drapp mill-kittien

U dawk li jagħmlu d-drapp abjad bil-magna tal-insiġ se jkollhom jistħu.

10 L-Eġizzjani li jinsġu se jħossuhom imkissrin,

U l-ħaddiema kollha li huma mikrija se jsewdu qalbhom.

“Jien niġi min-nies għorrief

U mir-rejiet tal-qedem”?

13 Il-mexxejja taʼ Sogħan aġixxew bi bluha;

Il-mexxejja taʼ Nof* ġew imqarrqin;

Il-kapijiet tat-tribujiet tal-Eġittu żvijaw lin-nies.

14 Ġeħova se jitfaʼ lill-Eġizzjani f’konfużjoni;

Dawk li jmexxu fl-Eġittu jiżvijaw lin-nies għalkollox,

Bħal xi ħadd fis-sakra li jiżloq fir-remettar tiegħu.

15 U l-Eġizzjani mhux se jkollhom iktar xogħol x’jagħmlu,

Kemm il-kbar u ż-żgħar,* u kemm l-importanti u mhumiex.*

Ġej diżastru bħal riħ taʼ tempesta li se jkaxkar min-Nofsinhar,

Minn deżert, minn pajjiż tal-biżaʼ.

Dak li jqarraq, qed iqarraq,

U dak li jeqred, qed jeqred.

Għandi wġigħ f’daqqa,

Bħal taʼ mara li qed twelled.

Jien inkwetat wisq biex nismaʼ;

U mħawwad wisq biex nara.

 7 Hu ra karru tal-gwerra b’żewġt iżwiemel,

Karru tal-gwerra bil-ħmir,

U karru tal-gwerra bl-iġmla.

“Ġeħova, jien qiegħed fuq it-torri tal-għassa l-ġurnata kollha,

U kull lejl inkun fil-post tal-għassa.

10 Poplu tiegħi li ġejt midrus bħaċ-ċereali,*

Il-prodott* tal-post tiegħi fejn jiġu sseparati ċ-ċereali,*

Jien għedtlek dak li smajt mingħand Ġeħova tal-armati, l-Alla t’Iżrael.

Grupp taʼ nies minn Dedan li qed tivvjaġġaw,

Intom se tqattgħu l-lejl fil-foresta li hemm fid-deżert.

14 Nies li toqogħdu fil-pajjiż taʼ Tema,

Ġibu l-ilma għal min hu bil-għatx

U ħobż għal dawk li qed ifittxu post taʼ protezzjoni.

15 Għax huma ħarbu mix-xwabel, mix-xabla li taqtaʼ,

Mill-qaws milwi,* u mill-krudeltà tal-gwerra.

 2 Il-belt tiegħek kienet mimlija konfużjoni,

Storbju, u kburija.

Dawk li nqatlu ma nqatlux bix-xabla,

Lanqas ma mietu fil-battalja.

Dawk kollha li nstabu ttieħdu bħala priġunieri,

Avolja kienu ħarbu ’l bogħod ħafna.

Tinsistux biex tfarrġuni

Minħabba l-qerda tal-poplu tiegħi,*

 5 Għax hija ġurnata taʼ konfużjoni, telfa, u paniku

Fil-Wied tal-viżjoni.

Is-sur qed jitwaqqaʼ,

U l-biki tan-nies għall-għajnuna qed jinstemaʼ mill-muntanja.

 6 In-nies t’Għelam ġabru l-barżakka tal-vleġeġ

U saqu l-karrijiet u ż-żwiemel tal-gwerra,

U n-nies taʼ Kir ippreparaw* it-tarka.

 7 L-aqwa widien* tagħkom

Se jkunu mimlijin bil-karrijiet tal-gwerra,

Iż-żwiemel se jieħdu posthom f’bieb il-belt,

 8 U se titneħħa l-protezzjoni taʼ Ġuda.

12 Dakinhar, is-Sid taʼ Kollox, Ġeħova tal-armati,

Se jgħidilkom biex tibku u tkunu mdejqin,

Biex tqaxxru xagħarkom u tilbsu l-ixkora.

13 Imma minflok, qed tiċċelebraw u tifirħu,

Qed toqtlu l-baqar u n-nagħaġ,

Qed tieklu l-laħam u tixorbu l-inbid.

 3 Iċ-ċereali* taʼ Siħor* u l-ħsad tan-Nil

Ittieħdu fuq ħafna ilmijiet.

 4 Missek tistħi Sidon, fortizza ħdejn il-baħar,

Għax il-baħar qal:

“Ma kellix uġigħ tal-ħlas, u ma wellidtx,

Jien lanqas ma rabbejt ġuvintur jew tfajliet.”

 5 Bħalma n-nies kellhom uġigħ kbir meta semgħu dwar l-Eġittu,

Hekk se jħossuhom meta jisimgħu dwar Tir.

 8 Min iddeċieda dan kontra Tir,

Li kienet tinkariga l-mexxejja,

Li l-merkanti tagħha kienu prinċpijiet,

U li n-negozjanti tagħha kienu stmati mal-art kollha?

 9 Ġeħova tal-armati stess iddeċieda dan,

Biex ma jħallihiex tkompli titkabbar minħabba s-sbuħija tagħha,

U biex jumilja lil dawk kollha li ġew onorati fid-dinja.

11 Alla uża l-qawwa tiegħu fuq il-baħar;

Hu riegħed is-saltniet.

12 Hu jgħid: “Intom mhux se tifirħu iktar,

Nies taʼ Sidon* li ġejtu maħqurin.

Kienu l-Kaldin u mhux l-Assirjani

Li għamluha post fejn jgħixu l-annimali slavaġ tad-deżert.

Huma ramaw it-torrijiet tagħhom biex jattakkaw;

Huma waqqgħu għalkollox it-torrijiet b’saħħithom tagħha

U ġabuha fix-xejn.

14 Ibku rġiel li taħdmu fuq il-vapuri taʼ Tarsis,

Għax il-fortizza tagħkom inqerdet.

Doqqha bis-sengħa;

Kanta ħafna għanjiet

Ħalli jiftakruk.”

In-nies bħall-qassis,

Il-qaddej bħal sidu,

Il-qaddejja bħas-sinjura tagħha,

Il-bejjiegħ bħal min jixtri,

Min isellef bħal min jissellef,

U min għandu jagħti bħal min għandu jieħu.

Se jinħataf kulma hemm fiha,

Għax Ġeħova qalu dan.

 5 L-art tniġġset min-nies tagħha,

Għax huma injoraw il-liġijiet,

Bidlu r-regoli,

U kisru l-patt li kellu jibqaʼ għal dejjem.*

 6 Hu għalhekk li s-saħta qed teqred l-art,

U dawk li jgħixu fiha huma ħatjin.

Hu għalhekk li n-nies tal-art naqsu,

U baqaʼ biss ftit.

 7 L-inbid ġdid u d-dielja nixfu,

U dawk ferħanin f’qalbhom qed jibku.

 8 Waqaf il-ħoss ferrieħi tat-tanburlin,

Anki l-istorbju taʼ dawk li jixxalaw,

U l-ħoss ferrieħi tal-arpa.

 9 Huma jixorbu l-inbid imma ma jkantawx,

U l-alkoħol itegħmuh morr.

Il-ferħ kollu sparixxa;

M’għadx hemm ferħ fil-pajjiż.

12 Il-belt tħalliet ħerba;

U bieb il-belt ġie mkisser għalkollox.

Bħal dak li jifdal f’siġra taż-żebbuġ wara li tiġi mfarfra,

U bħal ftit għeneb li jifdal wara li jinqataʼ.

14 Dawk li jifdal se jgħollu leħinhom,

Se jgħajtu bil-ferħ.

Jaħasra għalija! In-nies jittradixxu u jqarrqu b’oħrajn;

Iva, huma jkomplu jittradixxu u jqarrqu bihom.”

18 Kull min jipprova jaħrab mill-ħoss tal-biżaʼ se jaqaʼ fil-ħofra,

U min jitlaʼ mill-ħofra se jinqabad fin-nassa.

Għax il-bibien tas-sema se jinfetħu,

U l-art se titheżżeż.

19 L-art inqasmet;

L-art theżżet;

L-art iċċaqalqet ħafna.

20 L-art tixxengel bħal raġel fis-sakra,

U tiċċaqlaq ’l hemm u ’l hawn bħal tinda fir-riħ.

Id-dnubiet tan-nies tagħha tant huma tqal,

Li se jwaqqgħuha u ma terġax tqum.

21 Dakinhar Ġeħova se jiġġudika l-armata tas-sema

U r-rejiet tal-art.

22 Huma se jiġu miġburin

Bħal ħabsin f’ħofra,

U se jinqaflu f’ħabs taħt l-art.

Hu tant se jmexxi bi glorja quddiem l-anzjani tan-nies tiegħu*

Li l-qamar kwinta se jidher imdallam

U x-xemx se tidher imċajpra meta mqabblin miegħu.

Jien infaħħrek u nsebbaħ lil ismek,

Għax int għamilt affarijiet tal-għaġeb,

Iddeċidejt dawn l-affarijiet żmien twil ilu,

U għamilt dak li għedt u wrejt li int taʼ min jafdak.

 2 Għax int ġibt il-belt balla ġebel,

Il-belt iffortifikata farraktha,

Il-fortizza tal-barranin m’għadhiex iktar belt,

U qatt mhu se terġaʼ tinbena.

 3 Hu għalhekk li poplu b’saħħtu se jigglorifikak;

In-nies kattivi tal-belt se jibżgħu minnek.

 4 Int sirt bħal fortizza għall-batut,

Bħal fortizza għall-fqir li hu inkwetat,

Post taʼ kenn mill-maltempata,

U dell meta jkun hemm is-sħana.

Meta r-rabja taʼ dawk kattivi tkun bħal xita qawwija li tfaqqaʼ mal-ħajt

 5 U bħas-sħana f’art niexfa,

Int issikket l-istorbju tal-għedewwa.

Il-kant taʼ dawk kattivi se jiġi msikket

Bħalma s-sħana tonqos bid-dell tas-sħab.

 6 Fuq din il-muntanja, Ġeħova tal-armati

Se jagħmel ikla kbira għan-nies kollha.

Fiha se jkun hemm l-aqwa ikel u l-itjeb laħam,

U nbid mill-ifjen u tal-aqwa kwalità.

 7 Fuq din il-muntanja, hu se jneħħi l-velu li qed jgħatti lill-popli kollha

U d-drapp li qiegħed imgeżwer mal-ġnus kollha.

 8 Hu se jeqred* il-mewt għal dejjem,

U Ġeħova s-Sid ta’ Kollox* se jimsaħ id-dmugħ taʼ kulħadd.

Il-poplu tiegħu ġie mwaqqaʼ għaċ-ċajt mal-art kollha,

Imma hu se jneħħi dan it-tmaqdir minn fuqhom,

Għax Ġeħova hekk qal.

Aħna ttamajna fih,

U hu salvana.

10 Ġeħova se jipproteġi din il-muntanja bil-qawwa tiegħu,

U Mowab se jitgħaffeġ fil-pajjiż tiegħu stess

Bħalma t-tiben jitgħaffeġ mad-demel.

11 Hu se jniżżel idu bis-saħħa fuq Mowab

Bħalma għawwiem iniżżel idu bis-saħħa meta jgħum.

12 Hu se jwaqqaʼ l-belt iffortifikata bis-swar għoljin tagħha

U jitfagħha mal-art fit-trab.

 2 Iftħu l-bibien ħalli jkun jistaʼ jidħol il-poplu ġust,

Poplu li jobdi lil Alla.

 3 Int se tipproteġi lil dawk li jistrieħu kompletament fuqek;

Int tgħinhom jibqaʼ jkollhom il-paċi,

Għax huma fik jafdaw.

 4 Afdaw f’Ġeħova għal dejjem,

Għax Jah* Ġeħova hu l-Blata taʼ dejjem.

Iniżżilha ’l isfel lejn l-art;

Hu jwaddabha fit-trab.

 6 Din se titgħaffeġ taħt saqajn l-imsejknin,

Taħt sieq il-batuti.”

Għax int* ġust,

Int se twitti t-triq tal-ġust.

 8 Ġeħova, hekk kif nagħmlu skont il-ġudizzji tiegħek,

Aħna nittamaw fik.

 9 Billejl nixxennaq għall-gwida tiegħek b’qalbi* kollha,

Iva, nibqaʼ nfittxek bil-ħeġġa kollha;

Għax meta int tiġġudika l-art,

In-nies tagħha jitgħallmu dwar il-ġustizzja.

10 Anki jekk turi ħniena mal-ħażin,

Hu mhux se jitgħallem il-ġustizzja.

Anki jekk jgħix fl-art tal-ġusti, hu xorta se jagħmel il-ħażin,

U hu mhux se jara l-kobor tiegħek, Ġeħova.

12 Ġeħova, int se tagħtina l-paċi,

Għax kulma għamilna,

Għamilnieh bis-saħħa tiegħek.

13 Ġeħova l-Alla tagħna, apparti int, kien hemm sidien oħrajn li mexxew fuqna,

Imma aħna nfaħħru lil ismek biss.

Għax int ikkastigajthom u qridthom

Ħalli n-nies ma jibqgħux jiftakruhom.

15 Ġeħova, int kabbart il-poplu tiegħek,

Iva, kabbart il-poplu;

Int igglorifikajt lilek innifsek.

16 Ġeħova, meta kienu qed ibatu, daru lejk għall-għajnuna;

Huma talbu lilek minn taħt l-ilsien meta ddixxiplinajthom.

17 Ġeħova, int ġegħeltna nħossuna

Bħal mara tqila li waslet biex twelled,

Li jkollha l-uġigħ tal-ħlas u tgħajjat bl-uġigħ.

18 Konna qisna nisa tqal u kellna l-uġigħ tal-ħlas,

Imma bħallikieku wellidna r-riħ.

Ma salvajniex il-pajjiż,

U ma twieled ħadd biex jgħix hemm.

Intom li qegħdin fit-trab,

Qumu u għajtu bil-ferħ!

Għax in-nida li tiġi fuqkom hi bħan-nida taʼ filgħodu,*

U l-art se tħalli lil dawk li qegħdin bla qawwa fil-mewt jieħdu l-ħajja.*

20 “Poplu tiegħi, mur, idħol fil-kmamar taʼ ġewwa tiegħek,

U agħlaq il-bibien warajk.

21 Għax jien, Ġeħova, se niġi mill-post fejn ngħix

Biex nitlob kont min-nies tal-art għall-iżball tagħhom,

U l-art se tikxef id-demm li ġie mxerred fuqha

U mhux se tkompli taħbi lin-nies tagħha li nqatlu.”

27 Dakinhar Ġeħova se juża x-xabla kbira tiegħu li taqtaʼ u tal-biżaʼ

Biex jikkastiga lil-Levjatan,*

Is-serp li jiċċaqlaq b’ħeffa u jitgħawweġ.

Jien nipproteġiha lejl u nhar

Biex ħadd ma jagħmlilha l-ħsara.

Ħa jagħmel paċi miegħi;

Ħa jagħmel paċi miegħi.”

 6 Fil-jiem li ġejjin, Ġakobb se jrabbi l-għeruq

U jsir b’saħħtu bħal siġra kbira.

 9 Għalhekk, dan hu l-mod taʼ kif l-iżball taʼ Ġakobb se jitpatta,

U meta jinħafirlu d-dnub, dan se jkun ir-riżultat:

Hu se jġib il-ġebel kollu tal-artal

Bħal ġebel tal-ġir li ġie mitħun,

U mhux se jifdal arbli sagri* u artali tal-inċens.

10 Għax mhu se jifdal ħadd fil-belt iffortifikata;

Il-postijiet fejn jirgħaw l-annimali se jkunu mitluqa u abbandunati bħal deżert.

Hemmhekk il-barri żgħir* se jirgħa, jimtedd,

U jiekol il-friegħi tagħha.

11 Meta l-friegħi żgħar tagħha jinxfu,

In-nisa jmorru hemm, ikissruhom,

U jużawhom għan-nar.

Hu għalhekk li Dak li Għamilhom mhux se jurih ħniena,

U Dak li Ħalqu mhux se jitħassru.

28 Is-sakranazzi t’Efrajm iqisu l-belt tagħhom

Bħala kuruna* li tagħti fl-għajn*

U fjura sabiħa fuq il-muntanja tal-wied fertili.

Hu se jsabbatha mal-art bis-saħħa

Bħal maltempata bir-ragħad u s-silġ, riefnu li jeqred,

U bħal maltempata b’dulluvju kbir t’ilma.

 3 Il-kuruni li jagħtu fl-għajn* li jilbsu s-sakranazzi t’Efrajm

Se jintrifsu taħt is-saqajn.

 4 U l-fjura sabiħa t’Efrajm li qed tispiċċa

U li qiegħda fuq il-muntanja tal-wied fertili,

Se ssir bħat-tina tal-bidu taʼ qabel is-sajf.

 7 Il-qassisin u l-profeti jiżvijaw minħabba l-inbid;

Ix-xorb alkoħoliku tagħhom iġegħelhom jixxenglu.

Huma jiżvijaw minħabba l-alkoħol;

L-inbid ifixkilhom,

U huma jixxenglu bl-alkoħol tagħhom;

Huma jaraw viżjonijiet li jġegħluhom jiżvijaw,

U jitfixklu meta jagħmlu ġudizzju.

 9 Huma jgħidu: “Lil min se jgħallem,

U lil min se jispjega l-messaġġ?

Lil dawk li għadhom kif qatgħu l-ħalib,

U li għadhom kif tneħħew minn maʼ sider ommhom?

10 Għax dejjem kmand wara kmand, kmand wara kmand,

Regola wara regola, regola wara regola,*

Ftit hawn u ftit hemm.”*

“Kmand wara kmand, kmand wara kmand,

Regola wara regola, regola wara regola,*

Ftit hawn u ftit hemm,”

Ħalli meta jimxu jitfixklu, jaqgħu lura,

Jitfarrku, jidħlu f’nassa, u jinqabdu.

14 Għalhekk isimgħu l-kelma taʼ Ġeħova, intom li tiftaħru,

Intom il-mexxejja taʼ dan il-poplu f’Ġerusalemm,

15 Għax tgħidu: “Għamilna patt mal-Mewt,

Meta jgħaddi dulluvju qawwi f’daqqa,

Ma jilħaqniex,

Għax il-gidba li nafdaw fiha se tipproteġina,

U l-qerq se jaħbina.”

“Jien qed inqiegħed f’Sijon bħala pedament ġebla li wriet li hi taʼ kwalità,

L-iktar ġebla importanti* u prezzjuża taʼ pedament sod.

17 Jien se nuża l-ġustizzja bħala l-ħabel tal-kejl

U s-sewwa bħala l-invell.*

Is-silġ se jiknes il-protezzjoni li hi gidba,

U l-ilmijiet se jgħarrqu l-post fejn tistaħbew.

18 Il-patt tagħkom mal-Mewt se jitħassar

U l-arranġament tagħkom mal-Qabar* ma jibqax.

Meta jgħaddi dulluvju qawwi f’daqqa,

Se jfarrakkom.

19 Kull darba li jgħaddi,

Se jkaxkarkom miegħu,

Għax se jgħaddi kull filgħodu,

Matul il-ġurnata u matul il-lejl.

20 Għax is-sodda hi qasira wisq biex wieħed jimtedd fuqha,

U l-liżar dejjaq wisq biex jitgeżwer fih.

21 Għax Ġeħova se jaġixxi bħalma għamel fuq il-Muntanja Perasim;

Hu se jieħu azzjoni bħalma għamel fil-wied* taʼ ħdejn Gibegħon,

Biex jagħmel ix-xogħol tiegħu, ix-xogħol stramb tiegħu,

U jagħmel dak li għandu jagħmel, ix-xogħol mhux tas-soltu tiegħu.

22 Twaqqgħux kollox għaċ-ċajt,

Ħalli l-ktajjen tagħkom ma jiġux iktar issikkati,

Għax jien smajt mis-Sid taʼ Kollox Ġeħova tal-armati

Li hu ddeċieda li jeqred il-pajjiż kollu.*

23 Agħtu kas u isimgħu leħni;

Oqogħdu attenti u isimgħu dak li ngħid.

25 Meta jwitti l-wiċċ tagħha,

Hu jxerred il-kemmun* iswed u jiżraʼ l-kemmun normali.

Hu jiżraʼ wkoll il-qamħ, il-millieġ,* u x-xgħir* fil-post tagħhom,

U l-ispelta mat-tarf.

27 Għax il-kemmun iswed ma jiġix imfarrak bis-slitta tad-dris,

U r-rota tal-karru ma tgħaddix fuq il-kemmun normali.

Minflok, il-kemmun iswed jingħata daqqiet bil-bastun,

U l-kemmun normali bil-ħatar.

29 Dan il-kliem ukoll ġej minn Ġeħova tal-armati,

Li l-pariri tiegħu huma* tal-għaġeb,

U li dejjem jirnexxi f’dak li jagħmel.*

Komplu ċċelebraw il-festi tagħkom

Sena wara sena.

 2 Imma jien se nġib inkwiet fuq Arjel,

U se jkun hemm dwejjaq u biki,

U għalija hi se ssir bħal artal.

 3 Jien se nikkampja minn kull naħa biex niġġieled kontrik,

U se nassedjak b’ħajt taʼ zkuk ippontati

U se ntellaʼ kontrik strutturi tal-assedju.

 4 Int se tkun umiljat u mitfugħ fl-art;

U minn hemm se titkellem,

U minħabba t-trab, kliemek mhux se jkun ċar.

Leħnek se jiġi mill-art,

Bħal-leħen tal-medjum tal-ispirti,

U kliemek ikun bħal tpespis mit-trab.

 5 Il-folla tal-għedewwa* tiegħek se jkunu bħal trab fin,

Il-folla tat-tiranni se tkun bħal qoxra taʼ żerriegħa li tittajjar.

 6 Jien, Ġeħova tal-armati se nipproteġik

Bir-ragħad, b’terremot, b’ħoss kbir,

B’riefnu, b’tempesta, u bil-fjammi tan-nar li jeqirdu.”

 7 Imbagħad il-folla tal-ġnus kollha li qed jiggwerraw kontra Arjel,

Se jsiru bħal ħolma, viżjoni billejl.

Din il-folla hi dawk kollha li qed jiggwerraw kontriha,

It-torrijiet tal-assedju kontra tagħha,

U dawk li qed iġibulha l-inkwiet.

 8 Iva, se jiġri eżatt bħal meta xi ħadd bil-ġuħ joħlom li qed jiekol,

Imma jqum bil-ġuħ,

U bħal meta xi ħadd bil-għatx joħlom li qed jixrob,

Imma jqum għajjien u bil-għatx.

Hekk se jiġrilha l-folla tal-ġnus kollha

Li qed tiġġieled kontra l-Muntanja Sijon.

 9 Għandkom tistagħġbu u tibliehu;

Agħmu lilkom infuskom ħalli ma tarawx.

Il-mexxejja tagħkom fis-sakra, imma mhux bl-inbid;

Huma qed jixxenglu, imma mhux bl-alkoħol.

10 Għax Ġeħova ġegħelkom torqdu fil-fond;

Hu għalaq għajnejn il-profeti,

U għatta ras il-viżjonarji.*

13 Ġeħova jgħid: “Dawn in-nies iqimuni b’dak li jgħidu

U jfaħħruni bi kliemhom,

Imma ma jħobbunix,

U r-rispett* li għandhom lejja hu bbażat fuq dak li jgħidu n-nies.

14 Għalhekk, jien se nerġaʼ nagħmel affarijiet tal-għaġeb lil dawn in-nies,

Xi ħaġa tal-għaġeb waħda wara oħra;

U l-għerf taʼ dawn l-irġiel għorrief se jiġi fix-xejn,

U l-abbiltà li jifhmu tal-irġiel għaqlin se tisparixxi.”

15 Ħażin għal dawk li jagħmlu minn kollox

Biex jaħbu l-pjanijiet* tagħhom minn Ġeħova.

Dak li għamlu jsir f’post mudlam,

Waqt li jgħidu: “Min se jarana, min jaf bina?”

17 Fi ftit żmien ieħor il-Libanu se jsir ġnien tas-siġar tal-frott,

U dan il-ġnien se jitqies bħala foresta.

18 Dakinhar dawk li ma jisimgħux se jisimgħu l-kliem tal-ktieb,

U dawk li ma jarawx se jaraw, għax se jkunu ħielsa mid-dlam u s-swidija.

19 Dawk umli se jifirħu ħafna b’Ġeħova,

U l-foqra se jifirħu bil-Qaddis t’Iżrael.

20 Għax mhux se jkun hemm iktar tiranni,

Mhux se jibqgħu jeżistu dawk li jiftaħru,

U se jinqerdu dawk kollha li moħħhom biex jagħmlu l-ħsara:

21 Dawk li jakkużaw falz lil oħrajn,

Dawk li jagħmlu n-nases lil min jiddefendi ruħu* f’bieb il-belt,

U dawk li bl-argumenti bla sens tagħhom ma jagħmlux ġustizzja mal-ġusti.

“Ġakobb mhux se jistħi iktar,

U wiċċu mhux se jibqaʼ jidher iddiżappuntat.*

23 Għax meta jara lit-tfal tiegħu madwaru,

Li huma xogħol idejja,

Huma se jqaddsu lil ismi;

Iva, huma se jqaddsu lill-Qaddis taʼ Ġakobb,

U huma se juru rispett kbir lill-Alla t’Iżrael.

24 Dawk li jiżvijaw se jifhmu,

U dawk li jgergru se jkunu lesti li jitgħallmu.”

30 Ġeħova jgħid: “Ħażin għan-nies rashom iebsa,

Li jagħmlu l-pjanijiet tagħhom u mhux tiegħi,

Li jintrabtu bi ftehim,* imma mhux bl-ispirtu tiegħi,

Sabiex ikomplu jżidu d-dnubiet tagħhom.

 2 Huma jmorru l-Eġittu mingħajr ma jistaqsuni,*

Biex ikollhom il-protezzjoni tal-Fargħun*

U jistkennu fid-dell tal-Eġittu.

 3 Imma intom se tistħu għax fdajtu fil-protezzjoni tal-Fargħun,

Intom se tkunu umiljati għax fittixtu lill-Eġittu għall-għajnuna.*

 4 Għax il-mexxejja huma f’Sogħan,

U l-messaġġiera waslu Ħanes.

 5 Kulħadd se jkollu jistħi

Għax l-Eġizzjani huma poplu li ma jistgħu jgħinu lil ħadd.

Huma la joffru għajnuna u lanqas benefiċċju,

Imma jġibu biss mistħija u tmaqdir.”

Mill-art fejn hemm l-inkwiet u t-tbatija,

Fejn hemm l-iljun jgħajjat,

Il-lifgħa, u s-serp ħafif b’velenu jaħraq bħan-nar,

Il-messaġġiera se jġorru l-ġid tagħhom fuq il-ħmir,

U l-provvisti tagħhom fuq l-iġmla.

 8 “Issa mur u ikteb dan fuq tavla quddiemhom,

U naqqxu fi ktieb,

Ħalli dan iservi bħala xhieda permanenti għall-futur.

 9 Għax huma poplu ribelluż, tfal qarrieqa,

Tfal li mhumiex lesti jisimgħu l-liġi* li tajthom jien, Ġeħova.

“Peress li rrifjutajtu l-kelma tiegħi,

U qed tafdaw fil-frodi

U tistrieħu fuq il-qerq,

13 L-iżball tagħkom se jkun bħal ħajt imkisser,

Bħal ħajt għoli u mmejjel li daqt jaqaʼ.

Tant se jitfarrak li ma jifdalx biċċa kbira biżżejjed

Biex jinġabar il-faħam jaqbad min-nar

Jew biex jittellaʼ ftit ilma minn għadira.”*

“Jekk tridu ssalvaw, għandkom tiġu lura għandi u tistennewni naġixxi;

Jekk tibqgħu kalmi u tafdaw fija, se tkunu b’saħħitkom.”

17 Minħabba t-theddida taʼ wieħed se jitriegħdu 1,000;

Minħabba t-theddida taʼ ħamsa, intom se taħarbu

Sakemm dawk li jifdal minnkom ikunu bħal arblu fuq il-quċċata taʼ muntanja,

Bħal sinjal fuq għolja.

18 Imma Ġeħova qed jistenna bil-paċenzja biex jurikom qalb tajba,

U hu se jaġixxi biex iħenn għalikom.

27 Ġeħova* ġej mill-bogħod

B’rabja kbira u mdawwar bi sħab oħxon.

Xofftejh mimlijin rabja,

U lsienu hu bħal nar li jeqred.

28 L-ispirtu* tiegħu hu bħal ħafna xita qawwija li tasal sal-għonq,

Biex jgħaddi lill-ġnus mill-għarbiel tal-qerda;

U l-popli se jkollhom ħadida max-xedaq li se tiżvijahom.

29 Imma l-għanja tagħkom se tkun bħal dik li titkanta billejl

Meta tippreparaw* għal festa,

U qalbkom se tifraħ bħal xi ħadd li jimxi mal-ħoss taʼ flawt

Fi triqtu lejn il-muntanja taʼ Ġeħova, għand il-Blata t’Iżrael.

30 Ġeħova se jsemmaʼ l-leħen glorjuż tiegħu

U juri l-qawwa tiegħu hekk kif jikkastiga l-għedewwa fir-rabja tiegħu,

Bi fjamma taʼ nar li jeqred,

B’xita qawwija, ragħad, u silġ.

31 Għax minħabba l-leħen taʼ Ġeħova, l-Assirja se titwerwer;

Hu se jsawwatha b’bastun.

32 Kull darba li Ġeħova jagħti daqqa

Lill-Assirjani bil-bastun biex jikkastigahom

Se jindaqqu t-tanburlini u l-arpi,

Hekk kif hu jxejjer idu kontrihom fil-battalja.

Ġeħova se jqabbdu bin-nifs tiegħu

Li hu bħal xmara taʼ kubrit.*

31 Ħażin għal dawk li jinżlu l-Eġittu għall-għajnuna,

Li jistrieħu fuq iż-żwiemel,

Li jafdaw fil-karrijiet tal-gwerra għax huma ħafna,

U fiż-żwiemel tal-gwerra* għax huma b’saħħithom.

Huma ma jafdawx fil-Qaddis t’Iżrael

U ma jfittxux lil Ġeħova.

 2 Imma hu għaref u se jġib diżastru fuqhom,

Hu mhux se jmur lura minn kelmtu.

Hu se jaġixxi kontra l-grupp taʼ nies ħżiena

U kontra dawk li jgħinu lil min jagħmel il-ħażin.

 3 Imma l-Eġizzjani huma sempliċi bnedmin, u ma jistgħux jitqabblu m’Alla;

Iż-żwiemel tagħhom huma sempliċi annimali, u mhux spirti.

Meta Ġeħova juża l-qawwa tiegħu,

Dawk li joffru l-għajnuna se jitfixklu;

Kull min jingħata l-għajnuna se jaqaʼ;

Huma se jinqerdu kollha fl-istess ħin.

Hu ma jibżax mill-għajjat taʼ grupp taʼ ragħajja li nġabru kontrih

U lanqas ma jiddejjaq mill-istorbju tagħhom.

Bl-istess mod, Ġeħova tal-armati se jinżel biex jiggwerra

Għall-Muntanja Sijon u l-għolja tagħha.

 8 L-Assirjani se jmutu bix-xabla li mhix taʼ raġel;

U xabla li mhix taʼ bniedem se toqtolhom.

Huma se jaħarbu minħabba x-xabla,

U l-irġiel żgħażagħ tagħhom se jiġu mġiegħla jagħmlu xogħol taʼ bilfors.

 9 Dak li jittamaw fih* se jaħrab bil-biżaʼ,

U l-mexxejja tagħhom se jitwerwru minħabba l-arblu bħala sinjal,” jgħid Ġeħova,

Li d-dawl* tiegħu hu f’Sijon u l-forn tiegħu f’Ġerusalemm.

32 Re se jmexxi bis-sewwa,

U hemm mexxejja li se jmexxu bil-ġustizzja.

 2 Kull wieħed minnhom se jkun bħal post taʼ kenn mir-riħ,

Ilqugħ* mill-maltempata,

Bħal widien bl-ilma f’art mingħajr ilma,

U bħad-dell taʼ blata kbira f’art niexfa.

 3 Imbagħad, għajnejn dawk li jistgħu jaraw mhux se jibqgħu magħluqin,

U dawk li jistgħu jisimgħu se joqogħdu attenti.

 4 Dawk li ma jaħsbuhiex se jimmeditaw fuq l-għarfien,

U dawk li jtemtmu se jitkellmu sew u ċar.

 5 Il-wieħed ħażin mhux se jibqaʼ jissejjaħ ġeneruż,

U l-bniedem bla prinċipji mhux se jissejjaħ importanti;

 6 Għax il-wieħed ħażin se jitkellem bla sens.

Hu se jippjana affarijiet taʼ ħsara f’qalbu

Biex iħajjar lil oħrajn għall-apostasija,*

Biex jgħid dak li mhux veru kontra Ġeħova,

Biex iġiegħel lil min hu* bil-ġuħ jibqaʼ mingħajr ikel,

Hu jħajjar lil oħrajn jagħmlu affarijiet tal-mistħija

Biex jeqred lill-batut bil-gideb,

Anki meta l-fqir jgħid dak li hu sew.

 8 Imma l-ġeneruż iħobb jagħti,

U hu se jibqaʼ jkun ġeneruż.

10 Fi ftit iktar minn sena, intom li ma tinkwetaw fuq xejn se titkexkxu,

Għax mhux se jinġabar prodott meta jispiċċa l-ħsad tal-għeneb.

Neħħu l-ħwejjeġ

U ilbsu ħwejjeġ tal-ixkora maʼ ġenbejkom.

12 Ħabbtu fuq sidirkom biex turu l-uġigħ li għandkom

Minħabba dak li ġara lill-għelieqi u d-dwieli li jagħtu l-frott.

13 Għax l-art tal-poplu tiegħi se tkun mimlija bl-għollieq u x-xewk;

Dawn se jgħattu d-djar kollha li darba kienu mimlijin ferħ,

Iva, se jgħattu l-belt ferriħija.

14 Għax it-torri ffortifikat ġie mitluq;

Il-belt storbjuża ġiet abbandunata.

Għofel u t-torri tal-għassa saru post mitluq għal dejjem,

Post li jifirħu bih il-ħmir slavaġ,

U jirgħaw fih l-imrieħel.

15 Dawn se jibqgħu hekk sakemm Alla jagħtina l-ispirtu tiegħu,

Id-deżert isir ġnien tas-siġar tal-frott,

U dan il-ġnien isir foresta.

16 Imbagħad żgur li se jkun hemm il-ġustizzja

Fid-deżert u fil-ġnien tas-siġar tal-frott.

17 Ir-riżultat tal-ġustizzja vera se jkun il-paċi,

Il-ġustizzja vera se ġġib trankwillità u sigurtà għal dejjem.

18 Il-poplu tiegħi se jgħix f’post fil-paċi,

Fis-sigurtà, u b’mod trankwill.

19 Imma s-silġ se jiċċattja l-foresta,

U l-belt se tinqered għalkollox.

20 Ferħanin intom li tiżirgħu ħdejn l-ilmijiet kollha,

U li l-barri u l-ħmar tagħkom qegħdin fl-għalqa.*

33 Ħażin għalik, int li teqred lil oħrajn u li għadek ma nqridtx;

Int li tqarraq u li ma ġejtx imqarraq!

Saħħaħna kull filgħodu,

U salvana fi żmien taʼ tbatija.

 5 Ġeħova se jiġi mfaħħar,

Għax hu jgħix fis-sema.

Dak li hu taʼ valur kbir

Hu l-mod tal-għaġeb kif qed isalvakom, l-għerf u l-għarfien li qed jagħtikom, u r-rispett kbir* li għandkom għal Ġeħova.

 7 L-irġiel kuraġġużi tagħhom qed jgħajtu fit-triq;

Il-messaġġiera tal-paċi jibku fuq li jibku.

 8 It-toroq prinċipali vojta;

Ħadd ma jgħaddi mit-toroq.

L-għadu kiser il-patt;

Hu ma jinteressahx mill-bliet,

U ma jagħti kas taʼ ħadd.

Is-Saron saret bħad-deżert,

U l-Basan u l-Karmel qed iwaqqgħu l-weraq tagħhom.

10 Ġeħova jgħid: “Issa se nieħu azzjoni,

Issa se nuri s-saħħa tiegħi

U se nigglorifika lili nnifsi.

14 Il-midinbin* f’Sijon imwerwrin;

L-apostati qed jitriegħdu u jgħidu:

15 Il-wieħed li l-ħin kollu jagħmel dak li hu tajjeb,

Li jgħid il-verità,

Li jirrifjuta qligħ diżonest u bil-qerq,

Li ma jaċċettax tixħim,*

Li ma jismax il-pjanijiet għal qtil,

U li jagħlaq għajnejh biex ma jarax il-ħażen

16 Se jgħix fl-għoli;

U l-post taʼ protezzjoni* tiegħu se jkun fi blat li diffiċli biex jintlaħaq.

Hu dejjem se jkollu l-ħobż,

U l-ilma qatt mhu se jispiċċalu.”

17 Intom se taraw re fl-aqwa tiegħu;

Se taraw art ’il bogħod.

19 Mhux se taraw iżjed nies arroganti,

Nies li l-lingwa tagħhom ma tifhimhiex,

Li meta jitkellmu jinstemgħu qed itemtmu u ma tifhimhomx.

Se taraw li Ġerusalemm hi post li fih tgħix fil-paċi,

Tinda li qatt mhu se tiċċaqlaq.

L-imsiemer tagħha qatt mhu se jinqalgħu,

U l-ħbula tagħha mhux se jinqatgħu.

21 Hemmhekk, il-Maestuż Ġeħova,

Se jipproteġina bħalma x-xmajjar u l-kanali wesgħin jipproteġu belt.

Fejn l-ebda vapur tal-gwerra ma jmur,

U l-ebda vapur tal-għaġeb ma jgħaddi minn hemm.

22 Għax Ġeħova hu l-Imħallef tagħna,

Ġeħova hu l-Wieħed li Jagħtina l-Liġi,

Ġeħova hu r-Re tagħna;

Hu l-Wieħed li se jsalvana.

23 Il-ħbula tal-vapuri tal-għadu se jiddendlu;

Ma jistgħux iżommu l-arblu wieqaf u lanqas jiftħu l-qlugħ.

Dak iż-żmien, se tinqasam priża kbira;

Anki min izappap se jieħu ħafna ġid.

34 Ġnus, ejjew viċin ħalli tisimgħu,

U intom il-popli, oqogħdu attenti.

Ħa tismaʼ l-art u kulma fiha,

Id-dinja u kull ħaġa li tgħix fiha.

 2 Għax Ġeħova hu rrabjat għall-ġnus kollha,

U hu inkorlat għall-armati kollha tagħhom.

Hu se jeqridhom għalkollox;

Se joqtolhom.

 3 Il-maqtulin tagħhom se jintremew,

U l-intiena tal-iġsma mejtin tagħhom se tkun kullimkien;

Il-muntanji se jinħallu minħabba d-demm* tagħhom.

 4 L-armata kollha tas-sema se titħassar,

U s-sema se tiġi mgerba bħal skroll.

L-armata kollha tagħhom se tinxef u taqaʼ,

Bħalma werqa niexfa taqaʼ mid-dielja

U tina niexfa mis-siġra tat-tin.

Biha se nagħmel ġudizzju fuq Edom,

Fuq il-poplu li jien irrid neqred għalkollox.

Se tkun miksija bix-xaħam,

Bid-demm tal-imtaten żgħar u l-bdabad,

Bix-xaħam tal-kliewi tal-imtaten.

Għax jien, Ġeħova, se nagħmel sagrifiċċju f’Bosra

U qatla kbira fl-art t’Edom.

 7 Il-barrin slavaġ se jinżlu magħhom,

Il-barrin żgħar mal-barrin kbar u b’saħħithom.

L-art t’Edom se tkun imxarrba għasra bid-demm,

U t-trab tagħha se jkun mgħarraq bix-xaħam.”

 8 Għax Ġeħova għażel jum biex jagħmel vendetta mill-għedewwa tiegħu,

Għażel sena biex jikkastiga lin-nies li għamlu l-ħsara lil Sijon.

 9 Ix-xmajjar tagħha* se jinbidlu f’żift,

It-trab tagħha f’kubrit,*

U l-art tagħha se ssir bħal żift jaqbad.

10 Din mhux se tintefa, la billejl u lanqas binhar;

Id-duħħan tagħha se jibqaʼ tielaʼ għal dejjem.

Se tibqaʼ mħarbta minn ġenerazzjoni għal oħra;

Ħadd mhu se jgħaddi minnha għal dejjem taʼ dejjem.

11 Se tkun post għall-pellikan u l-porkuspin,*

U l-kokka tal-qrun u ċ-ċawlun se jgħixu fiha.

Alla se jkejjilha b’ħabel tal-kejl u b’lenza biċ-ċomb

Biex juri li se ssir vojta u ma tiswa xejn.

12 M’hemm ħadd min-nies importanti tagħha li se jsir re,

U l-mexxejja kollha tagħha se jiġu fix-xejn.

13 Fit-torrijiet iffortifikati tagħha se jitlaʼ x-xewk,

U fil-fortizzi tagħha l-ħurrieq u l-għollieq.

Se ssir post fejn jinħbew il-klieb slavaġ

U post fejn jgħix in-ngħam.*

14 L-annimali tad-deżert se jiltaqgħu mal-annimali li jgħajtu,

U l-mogħoż slavaġ* se jgħajtu lil xulxin.

15 Hemmhekk is-serp se jagħmel il-bejta tiegħu, ibid,

Ifaqqas il-bajd, u jipproteġi liż-żgħar.

L-ebda wieħed minnhom mhu se jonqos;

Ħadd minnhom mhu se jkun mingħajr is-sieħba,

Għax hu Ġeħova li ta l-kmand,

U l-ispirtu tiegħu li ġabarhom flimkien.

17 Hu l-Wieħed li tefaʼ x-xorti għalihom,

U idu stess kejlet il-post li tahom.*

Dan se jkun tagħhom għal dejjem;

Se jibqgħu jgħixu fih, jgħaddi kemm jgħaddi żmien.

35 Ix-xagħri u l-art niexfa se jifirħu,

U l-pjanura tad-deżert se tifraħ u twarrad bħaż-żagħfran.

 2 Żgur li se twarrad;

Din se tifraħ u tgħajjat bil-ferħ.

Lilha se tingħata l-glorja tal-Libanu,

U s-sbuħija tal-Karmel u tas-Saron.

 3 Saħħu l-idejn dgħajfin

U ssodaw l-irkopptejn li qed jitriegħdu.

L-Alla tagħkom stess se jiġi biex jagħmel vendetta,

Alla se jiġi biex jikkastiga.

 5 Dak iż-żmien, dawk li ma jarawx se jaraw

U dawk li ma jisimgħux se jibdew jisimgħu.

 6 Dak iż-żmien, dawk li jzappu se jaqbżu bħaċ-ċriev

U dawk li ma jitkellmux se jgħajtu bil-ferħ.

Mix-xagħri se joħorġu l-ilmijiet,

U mill-pjanura tad-deżert ix-xmajjar.

 7 L-art qoxqox se ssir għadira bil-qasab,

U l-art bil-għatx se ssir għejun tal-ilma.

Fil-post fejn jistrieħu l-klieb slavaġ,

Se jkun hemm ħaxix aħdar u papiru.

 8 U se jkun hemm triq prinċipali,

Iva, triq li tissejjaħ it-Triq tal-Qdusija.

Min mhux nadif, ma jgħaddix minnha,

L-ebda iblah mhu se jimxi fiha.

 9 Ebda ljun mhu se jkun hemm,

U ebda bhima feroċi mhu se tmur fiha.

Se jkunu kuntenti u ferħanin

U mhux se jibku u jkunu mdejqin.

Kontra min għollejt leħnek

U għollejt għajnejk b’arroganza?

24 Bil-qaddejja tiegħek waqqajt għaċ-ċajt lil Ġeħova u għedt,

‘Bil-ħafna karrijiet tal-gwerra li għandi

Jien se nitlaʼ fl-għoli tal-muntanji,

L-iktar partijiet ’il bogħod tal-Libanu.

25 Inħaffer bjar u nixrob ilmijiet;

U b’qiegħ saqajja nnixxef ix-xmajjar* tal-Eġittu.’

27 In-nies li joqogħdu fihom ma jkunu jistgħu jagħmlu xejn;

Se jibżgħu u jistħu.

Se jiddgħajfu u jsiru bħall-ħaxix tal-għelieqi u bħall-ħaxix aħdar,

Bħall-ħaxix taʼ fuq il-bjut li jinħaraq bir-riħ mil-Lvant.

28 Imma jien naf tajjeb meta int toqgħod bilqiegħda, meta toħroġ, meta tidħol,

U meta tkun irrabjat ħafna għalija,

29 Għax ir-rabja kbira li għandek għalija u l-għajjat tiegħek waslu f’widnejja.

Għalhekk se nqiegħed il-ganċ tiegħi fi mnieħrek u ħadida* bejn xofftejk,

U nieħdok lura minn fejn ġejt.”

“Ma jidħolx f’din il-belt,

Jew jispara vleġġa fiha,

Jew jersaq lejha b’tarka,

Jew itellaʼ kontriha rampa għall-assedju.”’

34 ‘Mit-triq li ġie minnha se jerġaʼ lura;

Ma jidħolx f’din il-belt,ʼ jgħid Ġeħova.

35 ‘Jien niddefendi din il-belt u nsalvaha minħabba fija stess

U minħabba l-qaddej tiegħi David.’”

10 Jien għedt: “F’nofs ħajti

Se jkolli mmur fil-Qabar.*

Mhux se nħares iktar lejn il-bnedmin

Meta nkun maʼ dawk li qegħdin fil-post fejn m’hemmx ħajja.

12 Il-post fejn noqgħod hu bħat-tinda tar-ragħajja

Li żżarmat u nġarret.

Kebbibt ħajti bħalma xi ħadd li jinseġ bin-newl ikebbeb biċċa drapp li tkun lesta;

Hu jaqtagħni bħalma biċċa drapp titneħħa minn man-newl.

Bħal iljun, hu jibqaʼ jkisser l-għadam tiegħi kollu;

Minn filgħodu sa filgħaxija tibqaʼ ġġibni fix-xejn.

14 Bħar-rundun u l-għasfur tal-għana,* jien se nibqaʼ npespes;

Jien se nibqaʼ ngorr bħall-ħamiema.

Jien se nkun umli sakemm indum ħaj

Minħabba l-inkwiet kbir li kelli.*

16 ‘Ġeħova, permezz taʼ dawn l-affarijiet* jgħix kull bniedem,

U bihom nieħu n-nifs.

17 Minflok ma kelli l-paċi, kelli inkwiet kbir;

Imma għax tħobbni,*

Int salvajtni mill-mewt.*

18 Għax il-Qabar* ma jistax jigglorifikak,

Il-mewt ma tistax tfaħħrek.

19 Il-ħajjin biss jistgħu jfaħħruk,

Bħalma jien nistaʼ nagħmel dan illum.

20 Ġeħova, salvani,

U l-jiem kollha taʼ ħajjitna ndoqqulek l-għanjiet

Bl-istrumenti tal-korda fid-dar tiegħek, Ġeħova.’”

 2 Kellmu lil Ġerusalemm biex tilħqulha qalbha,

U għidulha li x-xogħol taʼ bilfors tagħha tlesta,

Li hi pattiet għall-ħtija tagħha.

 4 Ħa jimtela kull wied,

U jitbaxxew kull muntanja u għolja.

L-art imħarbta għandha tiġi nvellata,

U l-art mimlija ġebel illixxata.

 5 Imbagħad se tintwera l-glorja taʼ Ġeħova,

U n-nies kollha se jarawha,

Għax dan qalu Ġeħova.”

 7 Il-ħaxix jinxef

U l-fjuri jidbielu,

Għax Ġeħova* jonfoħ fuqhom.

 8 Il-ħaxix jinxef

U l-fjuri jidbielu,

Imma l-kelma t’Alla tagħna tibqaʼ għal dejjem.”

 9 Itlaʼ fuq muntanja għolja,

Mara li qed iġġib aħbar tajba għal Sijon.

Għolli leħnek sew,

Mara li qed iġġib aħbar tajba għal Ġerusalemm.

Il-premju li se jagħti qiegħed għandu,

U l-paga li se jagħti qiegħda quddiemu.

Jiġbor il-ħrief b’idu,

U jġorrhom viċin qalbu.*

12 Min jistaʼ jżomm l-ilmijiet kollha fil-pala t’idu,

U jkejjel is-sema b’xiber?*

Min jistaʼ jiġbor it-trab tal-art kollha f’kejla,*

Jew jiżen il-muntanji u l-għoljiet f’miżien?

13 Min jistaʼ jkejjel* l-ispirtu taʼ Ġeħova,

U min jistaʼ jgħallmu u jagħtih il-pariri?

14 Mingħand min ħa parir biex ikun jistaʼ jifhem,

Jew min għallmu jagħmel dak li hu ġust,

Jew tah l-għarfien,

Jew urieh kif għandu jifhem verament?

15 Il-popli huma bħal qatra f’barmil,

U jitqiesu bħal kisja trab f’miżien.

16 Lanqas is-siġar tal-Libanu mhuma biżżejjed biex iżommu n-nar tal-artal jaqbad,

U l-annimali slavaġ tiegħu mhumiex biżżejjed għall-offerta tal-ħruq.

17 Il-popli kollha huma bħal xi ħaġa li ma teżistix quddiemu,

Hu jqishom li mhuma xejn, li mhumiex vera.

19 Il-ħaddiem tas-sengħa jagħmel idolu,*

Il-ħaddied jiksih bid-deheb

U jaħdem ktajjen tal-fidda.

20 Raġel jagħżel siġra li ma titmermirx

Biex jagħmel idolu.

Hu jfittex ħaddiem tas-sengħa

Biex jipprepara statwa skolpita li ma tinqelibx.

22 Hemm Wieħed li jgħix ’il fuq miċ-ċirku* tal-art,

U dawk li joqogħdu fiha huma bħall-ġurati.

Hu qed iġebbed is-sema bħal drapp fin,

U jifrixha bħal tinda li toqgħod fiha.

23 Hu jġib fix-xejn l-awtorità tal-uffiċjali taʼ pożizzjoni għolja,

U jagħmel lill-imħallfin* tal-art ma jiswew għal xejn.

24 Huma bħal pjanti li għadhom kemm ġew imħawlin,

Bħal żerriegħa li għadha kemm ġiet miżrugħa,

U z-zokk tagħhom bilkemm jilħaq jagħmel l-għeruq,

Li ma jonfoħx ir-riħ fuqhom, inixxifhom, u jtajjarhom bħat-tiben.

Il-Wieħed li joħroġhom bħal armata u li jgħoddhom waħda waħda;

Hu jgħajtilhom kollha b’isimhom.

Peress li għandu ammont kbir t’enerġija* u saħħa tal-għaġeb,

Kollha qegħdin posthom.

27 Ġakobb, Iżrael, għala tgħid,

‘Ħajti hi moħbija minn Ġeħova,

Alla jinjora l-inġustizzji li għaddej minnhom’?

29 Hu jagħti s-saħħa lil min hu għajjien

U qawwa kbira lil min m’għandux saħħa.

30 It-tfal se jegħjew u jkunu bla saħħa,

U l-ġuvintur se jitfixklu u jaqgħu,

31 Imma dawk li jittamaw f’Ġeħova se jerġaʼ jkollhom is-saħħa.

Se jiġru u ma jkunux bla saħħa;

Jimxu u ma jegħjewx.”

41 “Intom li toqogħdu fil-gżejjer, oqogħdu kwieti u isimgħuni;*

Intom il-popli, erġgħu iksbu s-saħħa tagħkom.

Min għajjatlu biex jaqdih* ħalli jagħmel ġustizzja,

Biex jagħtih f’idejh il-popli,

U jgħinu jirbaħ lir-rejiet?

Min qed iġibhom trab bix-xabla tiegħu,

U jferrixhom bil-qaws tiegħu bħal tiben li jtir mar-riħ?

 3 Hu jiġri warajhom u jgħaddi mingħajr tfixkil

F’toroq li qatt m’għadda minnhom.

 4 Min għamel dan

U għajjat lill-ġenerazzjonijiet mill-bidu?

Jien, Ġeħova, jien l-Ewwel Wieħed;

In-nies imorru u jiġu imma jien nibqaʼ l-istess.”

 6 Kull wieħed jgħin lil sieħbu,

U jgħid lil ħuh: “Kun kuraġġuż.”

 7 Għalhekk, il-ħaddiem tas-sengħa jsaħħaħ lill-ħaddied;

Dak li jillixxa bil-martell isaħħaħ lil dak li juża l-mazza fuq l-inkwina.

 8 “Imma Iżrael, int il-qaddej tiegħi,

Ġakobb, int il-wieħed li jien għażilt,

Id-dixxendent tal-ħabib* tiegħi Abraham.

 9 Lilek ħadtek minn truf l-art,

U għajjattlek mill-iktar partijiet ’il bogħod.

Jien għedtlek, ‘Int il-qaddej tiegħi;

Jien għażiltek; ma warrabtekx.

13 Għax jien, Ġeħova l-Alla tiegħek, qed naqbdek minn idek il-leminija

U ngħidlek, ‘Tibżax. Jien se ngħinek.’

14 Tibżax Ġakobb, daqsxejn taʼ dudu,*

Nies t’Iżrael, jien se ngħinkom,” jgħid Ġeħova, Dak li Jixtrikom Lura, il-Qaddis t’Iżrael.

15 “Jien għamiltek bħal slitta tad-dris,

Bħal għodda tad-dris li taqtaʼ ħafna.

Int se tkisser il-muntanji u tfarrakhom,

U l-għoljiet se ġġibhom bħal qoxra taʼ żerriegħa.

16 Int se tgħollihom fl-arja,

U r-riħ iġorrhom;

Riefnu se jxerridhom.

Int se tifraħ minħabba dak li għamel Ġeħova,

U se tiftaħar minħabba dak li għamel il-Qaddis t’Iżrael.”

18 Se nagħmel xmajjar fuq l-għoljiet li ma jitlaʼ xejn fuqhom

U għejun tal-ilma fil-pjanuri fil-widien.

Se nbiddel ix-xagħri f’għadajjar bil-qasab

U l-art niexfa f’għejun tal-ilma.

19 Fid-deżert se nħawwel siġar taċ-ċedri,

Tal-akaċja, tar-riħan, u tal-arżnu.

Fil-pjanura tad-deżert se nħawwel siġar tal-ġnibru,

Tal-fraxxnu, u taċ-ċipress,

20 Ħalli n-nies kollha jkunu jistgħu jaraw, ikunu jafu,

Joqogħdu attenti, u jifhmu

Li Ġeħova għamel dan,

U l-Qaddis t’Iżrael ħalqu.”

Għidulna dwar l-affarijiet li ġraw,*

Ħalli nkunu nistgħu nirriflettu fuqhom* u nkunu nafu r-riżultat tagħhom.

23 Għidulna x’se jiġri fil-futur,

Ħalli nkunu nafu li intom allat.

Iva, agħmlu xi ħaġa, tajjeb jew ħażin,

Ħalli nibqgħu mistagħġbin meta narawha.

24 Intom xi ħaġa li ma teżistix,

U dak li tagħmlu ma jiswa xejn.

Se jgħaffeġ fuq il-mexxejja* bħallikieku kienu tafal,

Bħalma xi ħadd li jaħdem il-fuħħar jgħaffeġ tafal frisk.

26 “Min qal dan mill-bidu biex stajna nkunu nafu,

Jew min qal dan mill-passat biex stajna ngħidu, ‘Għandu raġun’?

28 Imma bqajt infittex, u ma kien hemm ħadd;

Ma kien hemm ħadd fosthom li jagħti parir.

 3 Qasba mkissra ma jaqsamhiex,

U lampa tnemnem ma jitfihiex.

Hu se jagħmel il-ġustizzja fuq l-art;

U n-nies tal-gżejjer se jibqgħu jistennew il-liġi* tiegħu.

 5 L-Alla l-veru Ġeħova,

Dak li Ħalaq is-sema u l-Alla l-Grandjuż li firixha,

Il-Wieħed li għamel l-art u dak li tipproduċi,

Il-Wieħed li jagħti n-nifs lin-nies fiha,

U l-ħajja* lil dawk li jimxu fuqha, jgħid:

 6 “Jien, Ġeħova, għajjattlek biex tagħmel il-ġustizzja;

Żammejtlek idek.

Se nipproteġik u se tkun bħal patt bejni u n-nies,

U bħal dawl għall-popli,

 7 Biex tiftaħ għajnejn dawk li ma jarawx,

U biex toħroġ lill-ħabsi mill-ħabs taħt l-art

U lil dawk li huma bilqiegħda fid-dlam mill-ħabs.

Il-glorja tiegħi mhu se nagħtiha lil ħadd,*

Lanqas it-tifħir tiegħi lill-istatwi minquxin.

 9 L-affarijiet li għedtilkom dwarhom żmien ilu ġraw;

Issa qed ngħidilkom affarijiet ġodda,

10 Kantaw għanja ġdida lil Ġeħova,

Faħħruh sat-trufijiet tal-art,

Intom li tkunu fuq il-baħar u kulma fih,

Intom il-gżejjer u n-nies li joqogħdu fihom.

11 Ħa jgħollu leħinhom id-deżert u l-bliet taʼ ġo fih,

L-irħula fejn jgħix Kedar.

12 Ħa jagħtu glorja lil Ġeħova,

U jfaħħruh fil-gżejjer.

Hu se jgħajjat, iva, se jgħajjat għajta taʼ gwerra;

Hu se juri li hu iktar b’saħħtu mill-għedewwa tiegħu.

Bħal mara li qed twelled,

Jien se nokrob, nonfoħ, u nieħu nifsijiet fil-fond.

15 Se nkisser il-muntanji u l-għoljiet,

U nnixxef il-ħaxix kollu tagħhom.

Ix-xmajjar se nbiddilhom f’art niexfa*

U l-għadajjar bil-qasab innixxifhom.

16 Se mmexxi lil dawk li ma jarawx fi triq li ma jafux

U nġegħelhom jgħaddu minn toroq li mhumiex familjari magħhom.

Se nbiddel quddiemhom id-dlam f’dawl,

U l-art imħarbta f’art lixxa.

17 Dawk li jafdaw fl-istatwi minquxin,

Dawk li jgħidu lill-istatwi tal-metall:* “Intom l-allat tagħna,”

Se jkollhom imorru lura jistħu ħafna.

18 Isimgħu, intom li ma tisimgħux;

Ħarsu u agħtu kas, intom li ma tarawx.

21 Minħabba li hu ġust,

Ġeħova jrid juri kemm il-liġi* hi tajba u glorjuża.

22 Imma dan hu poplu li serquh u ħadulu kollox;

Kollha huma maqbudin fl-għerien u moħbijin fil-ħabsijiet.

Huma ġew misruqin, imma m’hemm ħadd biex isalvahom,

Ħadulhom kollox u m’hemm ħadd biex jgħid: “Ġibuhom lura!”

24 Min ta lil Ġakobb biex jiħdulu kollox

U lil Iżrael biex jisirquh?

Huma jirrifjutaw li jgħixu bil-mod kif irid hu,

U ma jobdux il-liġi* tiegħu.

25 Hu kien irrabjat ħafna magħhom

U kkastigahom bi gwerra.

43 Ġakobb, Ġeħova hu l-Ħallieq tiegħek,

Iżrael, hu l-Wieħed li għamlek.

 2 Meta tgħaddi mill-ilmijiet, jien se nkun miegħek,

Meta tgħaddi mix-xmajjar, dawn mhux se jgħerrquk.

Meta tgħaddi min-nar, mhux se tinħaraq,

U l-fjamma mhux se xxawtek.

 3 Għax jien Ġeħova l-Alla tiegħek,

Il-Qaddis t’Iżrael, Dak li Jsalvak.

Jien tajt l-Eġittu, l-Etjopja, u lil Seba

Bħala fidwa* għalik.

 4 Għax int prezzjuż għalija,

Ġejt onorat, u jien inħobbok.

Allura se nagħti popli minflokok

U ġnus biex insalva lil ħajtek.

Jien se nġib lit-tfal tiegħek mil-Lvant

U niġborkom flimkien mill-Punent.

Ġib lit-tfal subien tiegħi mill-bogħod, u lit-tfal bniet tiegħi minn truf l-art,

 7 Lil kull min jissejjaħ b’ismi

U lil kull min ħlaqt għall-glorja tiegħi stess,

Li lilu għamilt.’

 8 Oħroġ il-poplu li għalkemm għandu għajnejn, ma jarax,

U għalkemm għandu widnejn, ma jismax.

 9 Ħa jinġabru f’post wieħed il-ġnus kollha,

U l-popli flimkien.

Ħa jagħtu x-xhieda tagħhom biex juru li għandhom raġun,

Jew ħa jisimgħu u jgħidu, ‘Dan hu veru!’”

10 Ġeħova jgħid: “Intom ix-xhieda tiegħi,

Iva, il-qaddej tiegħi li jien għażilt,

Sabiex tkunu tafuni u tafdawni,*

U tifhmu li jien l-istess Wieħed.

Qabli ma kien hemm ebda Alla ieħor,

U warajja mhu se jkun hemm ħadd.

12 Ġeħova jgħid: “Jien il-Wieħed li għedt dak li se jiġri, li salvajtkom, u li għamilt dan magħruf

Meta ma kien hemm ebda alla barrani fostkom.

13 Ukoll, jien dejjem l-istess Wieħed;

Ħadd ma jistaʼ jiħodli xejn minn idi.

“Minħabba fikom se nibgħat armata f’Babilonja u nwaqqaʼ l-istaneg kollha tal-bibien,

U l-Kaldin, li jkunu fuq il-vapuri tagħhom, se jgħajtu minħabba d-dwejjaq li jkollhom.

16 Ġeħova hu l-Wieħed li għamel triq fil-baħar

U passaġġ minkejja li kien hemm ilmijiet qawwijin.

17 Hu l-Wieħed li ġiegħel joħroġ il-karru tal-gwerra u ż-żiemel,

U l-armata mal-gwerriera b’saħħithom.

18 “Tiftakrux l-affarijiet taʼ qabel,

U toqogħdux thewdnu fuq il-passat.

19 Jien qed nagħmel xi ħaġa ġdida;

Anki issa qed tidher.

Se nagħmel triq fix-xagħri

U xmajjar fid-deżert.

20 L-annimali slavaġ, il-klieb slavaġ,

U n-ngħam* se jonorawni,

Għax jien nipprovdi ilma fix-xagħri

U xmajjar fid-deżert.

Dan għamiltu biex jixrob minnhom il-poplu li jien għażilt,

21 Il-poplu li għamilt għalija nnifsi

Ħalli jkun jistaʼ jfaħħarni.

22 Imma int ma tlabtx lili biex ngħinek, Ġakobb,

Għax xbajt minni, Iżrael.

23 Int ma ġibtlix nagħaġ għall-offerti sħaħ tal-ħruq,

U lanqas ma gglorifikajtni bis-sagrifiċċji tiegħek.

Jien ma ġegħeltekx iġġibli rigal,

U lanqas dejjaqtek billi tlabtek inċens abjad.

24 Ma xtrajtlix qasba aromatika,

U ma ssodisfajtnix bix-xaħam tas-sagrifiċċji tiegħek.

Minflok, int taqqaltni bid-dnubiet tiegħek

U għejjejtni bl-iżbalji tiegħek.

25 Jien il-Wieħed li qed inħassar għalkollox in-nuqqasijiet* tiegħek minħabba ismi stess,

U mhux se niftakar id-dnubiet tiegħek.

26 Ejja nġibu l-każ tagħna kontra xulxin; jekk insejt xi ħaġa, fakkarni;

Għidli l-verżjoni tiegħek biex turi li għandek raġun.

27 L-ewwel missier tiegħek* dineb,

U l-kelliema* tiegħek stess irribellaw kontrija.

Jien se nagħti lil Ġakobb biex jinqered

U nġiegħel lil Iżrael jiġi mgħajjar.

44 “Ismaʼ, Ġakobb il-qaddej tiegħi,

U Iżrael li jien għażilt.

 2 Ġeħova, il-Ħallieq tiegħek u Dak li għamlek,

Li għenek minn mindu kont f’żaqq ommok,* jgħid:

‘Tibżax, Ġakobb il-qaddej tiegħi,

Ġesurun* li jien għażilt.

 3 Għax jien se nitfaʼ l-ilma fuq l-art bil-għatx,

U n-nixxigħat tal-ilma fuq art niexfa.

Jien se nagħti l-ispirtu tiegħi lit-tfal tiegħek,

U l-barka tiegħi lid-dixxendenti tiegħek.

 4 Huma se jinbtu bħall-ħaxix,

Bħas-siġar tal-luq ħdejn nixxigħat tal-ilma.

Ieħor se jsejjaħ lilu nnifsu Ġakobb,

U jerġaʼ ieħor se jikteb fuq idu: “Jien taʼ Ġeħova.”

 6 Ġeħova, ir-Re t’Iżrael

U Dak li Jixtrih Lura, Ġeħova tal-armati jgħid:

Hemm xi ħadd minn dakinhar li jien għażilt il-poplu taʼ żmien twil ilu,

Li jistaʼ jgħid l-affarijiet li se jiġru daqt

U li għad iridu jiġru?

 8 Titwerwrux

U tħallux il-biżaʼ twaqqafkom milli taġixxu.

 9 Dawk kollha li jagħmlu l-istatwi minquxin mhuma xejn,

U l-affarijiet li tant jgħożżu mhux se jkunu taʼ benefiċċju.

10 Min se jifforma alla jew jagħmel statwa tal-metall*

Li mhix taʼ benefiċċju?

Hu jifformah bl-imrietel,

U jaħdmu bis-saħħa t’idu.

Imbagħad jaqbdu l-ġuħ u jiġi bla saħħa;

Hu ma jixrobx ilma, u għalhekk jegħja.

Jagħmilha fil-forma sabiħa taʼ bniedem

Biex ipoġġiha f’dar.*

Hu jagħżel ċertu tip taʼ siġra, is-siġra tal-ballut,

U jieħu ħsiebha biex tikber b’saħħitha fost is-siġar tal-foresta.

Ftit minnha jużah biex isaħħan lilu nnifsu;

Jagħmel nar u jaħmi l-ħobż.

16 Nofsha jaħraqha fin-nar;

B’dan in-nofs hu jixwi l-laħam li jiekol, u jkun sodisfatt.

18 Dawn in-nies ma jafu xejn u ma jifhmux,

Għax għajnejhom magħluqin u ma jistgħux jaraw,

U l-kundizzjoni taʼ qalbhom ma tħallihomx jifhmu.

19 Ħadd ma joqgħod jaħseb

Jew għandu l-għarfien jew l-abbiltà li jifhem biex jgħid:

“Nofs iz-zokk ħraqtu fin-nar,

U fuq il-ġamar tiegħu ħmejt il-ħobż u xwejt il-laħam biex niekol.

21 “Ġakobb, Iżrael, ftakar f’dawn l-affarijiet,

Għax int il-qaddej tiegħi.

22 Se nħassar in-nuqqasijiet tiegħek

U ngħatti d-dnubiet tiegħek bi sħaba.

23 Sema, għajjat bil-ferħ,

Għax Ġeħova għamel dan!

Muntanji, foresta,

U s-siġar kollha tagħkom, għajtu bil-ferħ!

Għax Ġeħova reġaʼ xtara lil Ġakobb,

U wera s-sbuħija tiegħu permezz t’Iżrael.”

24 Ġeħova, Dak li Jixtrik Lura,

Li fformak minn meta kont f’żaqq ommok, jgħid:

Jien frixt is-sema waħdi,

U għamilt l-art.

25 Jien qed infixkel is-sinjali taʼ dawk li jparlaw fil-vojt,*

U jien il-Wieħed li qed inġiegħel l-isħaħar jaġixxu bħal boloh;

Il-Wieħed li qed infixkel lin-nies għorrief

U nbiddel l-għarfien tagħhom fi bluha.

26 Jien il-Wieħed li qed inwettaq dak li jgħid il-qaddej tiegħi

U nagħmel kulma jbassru l-messaġġiera tiegħi.

U dwar il-bliet taʼ Ġuda, ‘Se jerġgħu jinbnew,

U se nerġaʼ nibni dak li sar ħerba’.

27 Jien il-Wieħed li ngħid lill-ilmijiet fondi, ‘Evaporaw,

U jien se nnixxef ix-xmajjar kollha tagħkom’.

45 Ġeħova qallu hekk lil Ċiru, il-wieħed li għażel,*

Li qabdu minn idu l-leminija

Biex ikun jistaʼ jirbaħ il-popli quddiemu,

Ineħħi l-armi tar-rejiet,*

U jiftaħlu l-bibien li jintlewew fi tnejn

Ħalli lanqas il-bibien tal-belt ma jingħalqu:

 2 “Jien immur qablek,

U nwitti l-għoljiet.

Il-bibien tar-ram inkissirhom,

U l-istaneg tal-ħadid naqtagħhom.

 3 Jien se nagħtik it-teżori li qegħdin fid-dlam

U t-teżori moħbijin fil-postijiet sigrieti,

Biex tkun taf li jien Ġeħova,

L-Alla t’Iżrael, li qed ngħajjatlek b’ismek.

 4 Jien qed ngħajjatlek b’ismek

Minħabba l-qaddej tiegħi Ġakobb u l-magħżul tiegħi Iżrael.

Għalkemm ma kontx tafni, jien se nsaħħek*

 6 Ħalli n-nies mil-Lvant sal-Punent*

Ikunu jafu li m’hemmx ħliefi.

 7 Jien nagħmel id-dawl u d-dlam,

Inġib il-paċi u l-inkwiet;

Jien, Ġeħova, qed nagħmel dawn l-affarijiet kollha.

 8 Ħa tinżel il-ġustizzja mis-sema bħax-xita,

U ħa tqattar mis-sħab.

Bħalma l-art tipproduċi ħafna meta tagħmel ix-xita,

Il-poplu tiegħi se jiġi salvat u jgawdi kundizzjonijiet ġusti.

 9 Ħażin għal min jargumenta* maʼ Dak li Għamlu,*

Għax hu sempliċi biċċa fuħħar

Fost biċċiet tal-fuħħar oħra li hemm mal-art!

Frixt is-sema b’idejja stess,

U tajt kmandi lil kulma hemm fiha.”

“Peress li jien ġust, għażilt lil xi ħadd

U se niddrittalu t-triqat tiegħu.

Hu l-wieħed li se jibnili l-belt

U se jeħles lill-eżiljati tiegħi b’xejn u mingħajr tixħim.”

“Il-qligħ tal-Eġittu,* kulma jbigħ l-Etjopja,* u n-nies twal taʼ Seba

Se jiġu għandek u jsiru tiegħek.

U b’rispett jgħidulek, ‘Alla żgur li qiegħed miegħek,

U m’hemm ħadd iktar; m’hemmx Alla ieħor.’”

15 Alla t’Iżrael, Dak li Jsalva,

Int Alla li mhux dejjem turi dak li qed tagħmel.

16 Huma se jiġu mġiegħla jistħu u jkunu umiljati;

Dawk kollha li jagħmlu l-idoli se jitilqu ddiżonorati.

18 Għax Ġeħova,

Il-Ħallieq tas-sema, l-Alla l-veru,

Il-Wieħed li fforma l-art, Dak li Għamilha u stabbilieha fis-sod,

Li ma ħalaqhiex għalxejn,* imma biex ikun hemm il-ħajja fiha, jgħid:

19 Jien ma tkellimtx f’post moħbi, f’art mudlama;

M’għedtx lid-dixxendenti taʼ* Ġakobb,

‘Fittxuni imma l-isforzi tagħkom se jkunu għalxejn.’

Dawk li jġorru magħhom l-istatwi minquxin

U jitolbu lil alla li ma jistax isalvahom, ma jafu xejn.

Min qal dan minn ħafna qabel

U semmieh minn żmien twil ilu?

M’hemmx Alla ieħor;

Alla ġust u Dak li Jsalva, m’hemmx ieħor ħliefi.

22 Nies kollha tal-art, duru lejja u tiġu salvati,

Għax jien Alla, u m’hemmx ieħor.

23 Jien ħlift bija nnifsi;

Dak li ngħid hu veru

U se jirnexxi:

Kulħadd se jmil quddiemi,

Jaħlef li hu leali lejja,

24 U jgħid, ‘Ġeħova dejjem jagħmel dak li hu ġust u hu b’saħħtu.

25 Permezz taʼ Ġeħova, id-dixxendenti t’Iżrael

Se juru li huma ġusti u se jiftaħru bih.’”

L-idoli tagħhom tgħabbew fuq il-bhejjem tat-tagħbija

Bħal bagalji li jtaqqlu l-annimali għajjenin.

 2 Huma jitgħawġu ’l isfel flimkien;

Ma jistgħux isalvaw it-tagħbija,*

U huma stess imorru fil-jasar.

 3 “Isimgħu minni, dar taʼ Ġakobb, u intom kollha li għad fadal mill-Iżraelin,

Li kont hemm għalikom minn meta twilidtu, u ġarrejtkom minn mindu kontu f’żaqq ommkom.

 4 Jien se nibqaʼ l-istess anki meta tixjieħu;

Jien se nibqaʼ nappoġġakom anki meta xagħarkom isir griż.

 6 Hemm dawk li joħorġu ammont kbir taʼ deheb mill-borża tal-flus tagħhom;

Huma jiżnu l-fidda,

 7 Huma jerfgħuh fuq spallejhom;

Iġorruh u jpoġġuh f’postu.

Huma jgħajtulu, imma ma jwiġibx;

Ma jistaʼ jsalva lil ħadd mill-inkwiet.

10 Mill-bidu, jien ngħid x’se jiġri,

U minn żmien twil ilu, ngħid l-affarijiet li għadhom ma sarux.

Jien ngħid, ‘Dak li niddeċiedi* se jsir żgur,

U se nagħmel dak li jogħġobni.’

11 Qed ngħajjat lil għasfur tal-priża minn fejn titlaʼ x-xemx,*

U r-raġel minn art ’il bogħod biex jagħmel dak li ddeċidejt.*

12 Isimgħu minni, intom taʼ raskom iebsa,

Intom li qegħdin ’il bogħod milli tagħmlu dak li hu sew.

13 Iż-żmien li fih se nuri l-ġustizzja hu qrib;

Mhux ’il bogħod.

47 Inżel u poġġi fit-trab,

Tifla verġni taʼ Babilonja.

Poġġi mal-art fejn m’hemmx iktar tron,

Tifla tal-Kaldin,

Għax in-nies qatt iktar mhu se jgħidu li int delikata u mfissda.

 4 “Dak li jixtrina lura,

Li jismu Ġeħova tal-armati,

Hu l-Qaddis t’Iżrael.”

 5 Oqgħod bilqiegħda kwieta u mur fid-dlam,

Tifla tal-Kaldin;

Mhux se jibqgħu jgħajtulek Reġina tas-Saltniet.

Ħallejthom jiġu mniġġsin,

U tajthom f’idejk.

Dawn l-affarijiet ma ħadthomx bis-serjetà;

Ma tajtx kas kif se jispiċċaw.

 8 Issa ismaʼ dan, int li tħobb tixxala,

Li tpoġġi bilqiegħda fis-sigurtà, u li f’qalbek tgħid:

Dawn żgur se tgħaddi minnhom

Minħabba* l-ħafna maġija tiegħek u l-qawwa tal-magħmul kollu li tagħmel.

L-għerf u l-għarfien tiegħek żvijawk,

U f’qalbek tgħid: “M’hemm ħadd bħali. Apparti jien m’hemm ħadd iktar.”

11 Imma fuqek ġej il-gwaj,

U l-ebda maġija mhu se twaqqfu.

12 Mela kompli agħmel il-magħmul u l-ħafna maġija tiegħek

Li ħdimt iebes għalihom mindu kont żgħira.

B’hekk, forsi tkun tistaʼ tibbenefika;

Forsi n-nies jibżgħu minnek.

Ħa jiġu u jsalvawk

Dawk li jqimu s-sema* u li jħarsu lejn l-istilel,

Dawk li meta jkun hemm qamar ġdid jgħidulek x’se jiġrilek.

Dawn il-fjammi mhumiex bħal faħam biex iżommu s-sħana,

U dan in-nar mhux biex xi ħadd joqgħod quddiemu.

15 Hekk se jiġrilhom dawk li jagħmlu l-maġija,

Dawk li ħdimt iebes magħhom mindu kont żgħira.

48 Isimgħu dan, dar taʼ Ġakobb,

Intom li ssejħu lilkom infuskom bl-isem t’Iżrael,

Li ġejtu minn* Ġuda,

Li taħilfu bl-isem taʼ Ġeħova,

U li titolbu lill-Alla t’Iżrael,

Għalkemm ma tagħmlux dan b’mod sinċier u ma tagħmlux dak li hu tajjeb.

 2 Għax intom tgħidu li intom mill-belt qaddisa

U li tiddependu mill-Alla t’Iżrael,

Li ismu hu Ġeħova tal-armati.

Dan għedtu jien stess

U għamiltu magħruf.

 4 Peress li kont naf li intom raskom iebsa,

Li għonqkom tal-ħadid u moħħkom tar-ram,

 5 Jien għedtilkom minn żmien twil ilu.

Jien semmajtilkom dan qabel ma ġara,

Ħalli ma tgħidux, ‘L-idolu tiegħi għamel dan;

L-istatwa minquxa tiegħi u l-istatwa tal-metall* tiegħi kkmandaw dan.’

Mil-lum ’il quddiem, qed inħabbrilkom affarijiet ġodda,

Sigrieti moħbijin sew li ma kontux tafu bihom.

 7 Issa qed jinħolqu, u m’ilhomx ħafna żmien,

Dawn huma affarijiet li qatt ma smajtu bihom,

B’hekk ma tistgħux tgħidu, ‘Diġà nafu bihom.’

 8 Le, intom ma ridtux tisimgħu u ma fhimtux,

Fil-passat ma tajtux kas.

Għax jien naf li intom tqarrqu ħafna,

U ġejtu msejħin midinbin minn mindu twilidtu.

 9 Imma minħabba ismi, jien mhux se nirrabja;

Minħabba l-glorja tiegħi, jien mhux se naġixxi kontrikom

U mhux se neqridkom.

11 Fil-fatt, jien se naġixxi minħabba fija stess,

Għax ma nistax niġi mniġġes.

13 B’idi poġġejt il-pedament tal-art,

U b’idi l-leminija frixt is-sema.

Se jagħmel dak li nixtieq kontra Babilonja,

U se juża l-qawwa tiegħu kontra l-Kaldin.

“Jien Ġeħova l-Alla tagħkom,

Il-Wieħed li ngħallimkom għall-ġid tagħkom,

Il-Wieħed li nurikom kif għandkom tgħixu.*

Kieku l-paċi li jkollkom tkun bħal xmara

U t-tajjeb li tagħmlu jkun bħall-mewġ tal-baħar.

19 Dawk li jiġu minnkom u d-dixxendenti tagħkom

Se jkunu daqs ir-ramel.

Hu ħarġilhom l-ilma mill-blata;

Qasam blata u ħarġilhom ħafna ilma.”

49 Intom li toqogħdu fil-gżejjer, isimgħuni,

Intom popli li toqogħdu ’l bogħod, agħtu kas.

 2 Hu għamilli lsieni bħal xabla taqtaʼ;

Ħbieni fid-dell t’idu.

Hu għamilni bħal vleġġa misnuna;

Ħbieni fil-barżakka tiegħu.

Imma Ġeħova żgur se jagħmel ġustizzja miegħi,

U l-Alla tiegħi se jagħtini l-premju.”*

 5 U issa Ġeħova, il-Wieħed li għamilni f’żaqq ommi bħala l-qaddej tiegħu,

Qalli biex nerġaʼ nġib lil Ġakobb quddiemu,

Biex l-Iżraelin ikunu miġburin għandu.

Jien se niġi gglorifikat f’għajnejn Ġeħova,

U l-Alla tiegħi se jkun sar is-saħħa tiegħi.

 6 Hu qalli: “Int m’intix biss il-qaddej tiegħi

Biex tqajjem it-tribujiet taʼ Ġakobb

U biex terġaʼ ġġib in-nies t’Iżrael li baqgħu ħajjin,

Imma bgħattek ukoll bħala d-dawl tal-popli,

Biex tkun il-mezz kif insalva n-nies tal-art kollha.”

“Minħabba dak li se jaraw, ir-rejiet se jqumu

U l-mexxejja se jinżlu għarkopptejhom,

Għax Ġeħova, li hu leali,

Il-Qaddis t’Iżrael, għażlek.”

“Jien wiġibtek meta kien iż-żmien biex nurik ħniena,

U għentek meta kien iż-żmien biex tiġi salvat;

Bqajt nipproteġik biex tkun bħal patt bejni u bejn in-nies,

U terġaʼ tirranġa l-art kif kienet

Ħalli jerġgħu jieħdu l-wirt tagħhom li kien abbandunat,

 9 Biex tgħid ukoll lill-ħabsin, ‘Oħorġu!’