X’taf Dwar Ġesù?

Mara taʼ 84 sena li tgħix fl-​Istati Uniti qalet rigward L-​Aqwa Bniedem Li Qatt Għex, ktieb mimli stampi li fih 448 paġna dwar il-​ħajja taʼ Ġesù Kristu: “Qrajt il-​Bibbja kollha f’diversi żminijiet, u l-​Aqwa Bniedem għenni biex nifhem aħjar il-​qari tiegħi tal-​Bibbja.” Għaliha, il-​ktieb jagħmel ir-​rakkonti tal-​ħajja taʼ Ġesù fil-​Bibbja iżjed vivaċi.

“Qatt ma nixbaʼ naqra l-​ktieb,” kitbet. “Qrajtu sebaʼ darbiet u erġajt bdejt naqrah. Qalbi titqanqal permezz tal-​kwalitajiet meraviljużi taʼ Ġesù. Meta naqra l-​kapitli dwar l-​aħħar ġimgħa taʼ ħajjet Ġesù fuq l-​art, inħossni mweġġaʼ bit-​trattament ħażin li rċieva, speċjalment matul is-​sigħat finali tiegħu u bil-​mewt tiegħu fuq iz-​zokk tat-​tortura. Madankollu, hu gglorifika lil Missierna tas-​sema, Jehovah.”

Fil-ktieb L-​Aqwa Bniedem Li Qatt Għex, sar sforz biex jiġi ppreżentat kull avveniment fil-​ħajja taʼ Ġesù fuq l-​art li hemm rrakkontat fl-​erbaʼ Evanġelji. Dan jistaʼ jgħinek titgħallem iżjed dwar Ġesù. Jekk tixtieq tirċievi kopja jew tixtieq li jkollok studju tal-​Bibbja bla ħlas fid-​dar, jekk jogħġbok ikteb lil Watch Tower, The Ridgeway, London NW7 1RN, jew fl-​indirizz li japplika għalik f’paġna 5.