Kif Tistaʼ Tgawdi Ħajja Ferħana fil-Familja
“ISSA ili 40 sena naqra r-rivisti tat-Torri taʼ l-Għassa u taʼ Stenbaħ!,” tikteb Graciela mill-Arġentina, fl-Amerka t’Isfel. “Illum, wara daqstant snin, nistaʼ verament ngħid li dawn għenuni f’kulma kelli bżonn. Għenuni matul tfuliti u żgħożiti, matul l-għerusija u ż-żwieġ, u fit-trobbija tas-sitt itfal li għandi.
“Ir-rivisti jgħinu lili u lil żewġi biex inrabbu lill-erbat itfal tagħna li għadhom jgħixu d-dar magħna. Ir-rivisti nużahom biex nitkellem maʼ wliedi u maʼ l-għalliema tagħhom fl-iskola. Lit-tobba qrajtilhom direttament minn Stenbaħ! meta ddiskutejt magħhom dwar xi problemi taʼ saħħa. Bl-għajnuna tas-serje t’artikli li kienu ħarġu bit-titlu “Help for Children With Learning Disabilities” (Għajnuna għal Tfal bi Problemi taʼ Tagħlim, 22 taʼ Frar, 1997), indunajna li waħda mill-bniet tagħna għandha din it-tip taʼ problema.”
Il-pubblikazzjonijiet tal-Watch Tower Society jistgħu jgħinu lill-familji biex ikampaw mal-ħafna problemi li jinqalgħu u biex igawdu ħajja ferħana flimkien. Per eżempju, il-ktieb taʼ 192 paġna, Is-Sigriet Taʼ L-Hena Fil-Familja, jistaʼ jgħin lil irġiel u nisa miżżewġin, ġenituri, tfal, u nanniet—iva, lil kull membru tal-familja. Xi wħud mill-kapitli mimlijin tagħlim huma “Ħarreġ lit-Tfal Tiegħek mill-Infanzja,” “Għin lill-Adolexxent Tiegħek Biex Jiffjorixxi,” “Ipproteġi lill-Familja Tiegħek minn Influwenzi Distruttivi”, u “Int Tistaʼ Tegħleb Problemi li Jagħmlu Ħsara lill-Familja.”
Biex tikseb kopja tal-ktieb, jekk jogħġbok imla u ibgħat il-kupun t’hawn taħt, billi tuża l-indirizz provdut jew indirizz addattat imniżżel f’paġna 5 taʼ din ir-rivista. B’hekk tkun tistaʼ tirċievi suġġerimenti speċifiċi li jistgħu jgħinuk issolvi l-problemi u jkollok ħajja ferħana bħala familja kif il-Ħallieq xtaqha li tkun.
□ Ibagħtuli kopja tal-ktieb Is-Sigriet Taʼ L-Hena Fil-Familja.
□ Jekk jogħġobkom ikkuntattjawni rigward studju tal-Bibbja fid-dar bla ħlas.
[Stampa f’paġna 32]
Graciela u l-familja tagħha