L-​Artiklu “Ħarsa Lejn id-​Dinja” Jiġi Użat fl-​Iskola

EDELMIRA, tfajla taʼ 15-il sena fl-​Istati Uniti taʼ l-​Amerika, użat ir-​rivista Stenbaħ! b’mod effettiv. Hi kitbet dan f’ittra lill-​pubblikaturi:

“Kull nhar taʼ Ġimgħa jkollna l-​inkarigu biex nirrapportaw fuq ġrajja kurrenti. Qrajt ir-​rivista Stenbaħ! tat-​8 taʼ Mejju, 2000, u ddeċidejt li nibbaża r-​rapport tiegħi fuq is-​suġġett ‘Kumpanija tat-​Tabakk Tammetti li t-​Tipjip Jikkaġuna l-​Kanċer’ fl-​artiklu “Ħarsa Lejn id-​Dinja.” Ġbart dan fil-​qosor u qrajtu lill-​klassi. L-​għalliema u l-​istudenti qagħdu attenti ħafna. Meta spiċċajt, waħda minn sħabi tal-​klassi staqsietni—quddiem il-​klassi kollha—jekk ħadtx ħafna ħin biex insib din l-​informazzjoni. Jien tajtha r-​rivista Stenbaħ! Hi bdiet taqraha bil-​ħerqa, u tifel fil-​kongregazzjoni tagħna li jkun magħha fil-​lezzjoni taʼ wara qal li meta raha, hi kienet għadha qed taqraha. Issa trid li tibqaʼ tirċievi kull ħarġa tar-​rivista Stenbaħ! kif ukoll ir-​rivista li tmur id f’id magħha It-​Torri taʼ l-​Għassa.

“Din l-​esperjenza ġagħlitni nħossni kburija li jien waħda mix-​Xhieda taʼ Jehovah. Għallmitni li għandna ħafna opportunitajiet biex nitkellmu dwar Jehovah.” Edelmira tikkonkludi l-​ittra tagħha: “Nixtieq nirringrazzjakom għax-​xogħol iebes tagħkom f’li tagħmlu dawn ir-​rivisti. Jekk jogħġobkom ibqgħu stampaw l-​artikli ‘Ħarsa Lejn id-​Dinja’!”